- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ბორჯღალოსნებს" გიორგი ჩხაიძე უკაპიტნებს
<p>ეროვნული გუნდის შემადგენლობაში რამდენიმე ცვლილებაა <br> საქართველოს ნაკრები 31 იანვარს საფრანგეთის საკურორტო ქალაქ კანიდან, სადაც საწვრთნელ შეკრებაზე იმყოფებოდა, ბრიუსელში გაემგზავრა.</p><p>"ბორჯღალოსნები" ერთა თასის წლევანდელი გათამაშების პირველ ტურში, "ეიზელზე" ბელგიის ეროვნულ გუნდს დაუპირისპირდებიან, რომლებიც ტურნირის დებიუტანტები არიან.</p><p>ჩვენი გუნდის ახალზელანდიელმა თავკაცმა მილტონ ჰეიგმა გამგზავრების წინ საბრძოლო რაზმი დაასახელა.</p><p>ძირითად შემადგენლობაში ორი სიახლეა: გარემარბის პოზიციაზე ტრავმირებული <strong>ირაკლი მაჩხანელის</strong> (არმაზი) ნაცვლად ითამაშებს საფრანგეთის ელიტურ, პირველ დივიზიონში მოასპარეზე "მონ დე მარსანის" შუამარბი <strong>თამაზ მჭედლიძე</strong>, რომელიც ეროვნული ნაკრების კვართს პირველად მოირგებს.</p><p>მართალია, დებიუტანტი არ არის, მაგრამ ჰეიგმა პირველად ანდო ადგილი ძირითად შემადგენლობაში "ლოკომოტივის" ფულბეკ <strong>ბექა წიკლაურს</strong>.</p><p>ცხრა ნომრის პოზიციაზე, რომელზეც აქამდე <strong>ირაკლი აბუსერიძე</strong> თამაშობდა, <strong>გიორგი ბეგაძე</strong> (ბათუმი) იასპარეზებს.</p><p>მისი დუბლიორი კი ახალგაზრდული ნაკრების წევრი, რუსთავის "ხარების" ცხრა ნომერი <strong>ვაჟა ხუციშვილი</strong> იქნება, რომელიც ბელგიელებთან დაპირისპირებაში პირველ კეპს მოიხვეჭს.</p><p>კიდევ ერთი დებიუტანტია ქუთაისის "აიას" და ახალგაზრდული ნაკრების გარემარბი <strong>გიორგი ფრუიძე</strong>, რომელიც ჩვენი გუნდის სათადარიგოთა შორის იქნება.</p><p>ჩვენი ეროვნული გუნდი აბუსერიძის ნაკრებიდან წასვლის გამო უკაპიტნოდ იყო დარჩენილი.</p><p>მწვრთნელების გადაწყვეტილებით, ბელგიელებთან მატჩში გუნდს მეორეხაზელი <strong>გიორგი ჩხაიძე</strong> (ტარბი) წარუძღვება.</p><p>მას მეორე ხაზში ტულონელი <strong>კონსტანტინე მიქაუტაძე</strong> შეუწყვილდება.</p><p>ყველაზე სოლიდურად მაინც მესამე ხაზი გამოიყურება. <strong>ვიქტორ კოლელიშვილი</strong> (კლერმონი), <strong>მამუკა გორგოძე</strong> (მონპელიე) და <strong>დიმიტრი ბასილაია</strong> (ედინბურგი) - ამ შემადგენლობით საქართველოს ნაკრების მესამე ხაზს 2011 წლის მსოფლიოს თასის შემდეგ აღარ უთამაშია.</p><p>საფრანგეთის ჩემპიონატის ბოლო ტურებში "მონპელიეს" შემადგენლობაში რეგულარულად უწევს თამაში პირველხაზელ <strong>მიხეილ ნარიაშვილს</strong>. სწორედ ამიტომ მან ჰეიგის ნდობაც დაიმსახურა და ძირითად შემადგენლობაში მოხვდა.</p><p>გამოცდილი და მრავლისმნახველი <strong>დავით ხინჩაგიშვილი</strong> (ბრივი) კი სათადარიგოთა შორის იქნება.</p><p>პირველ ხაზში ნარიაშვილს პარტნიორობას <strong>შალვა მამუკაშვილი</strong> (არმია) და <strong>დავით ქუბრიაშვილი</strong> (ტულონი) გაუწევენ.</p><p>საბრძოლო რაზმში ტრავმის გამო ვერ მოხვდა მეორეხაზელი <strong>ვახტანგ მაისურაძე</strong> (ალბი); ასევე - გამოცდილი მოთამაშეები <strong>თედო ზიბზიბაძე</strong> (პერიგო) და <strong>ირაკლი ყიასაშვილი</strong> (ლელო).</p><p>ამათ გარდა, საწვრთნელ შეკრებაზე იმყოფებოდნენ ახალგაზრდა მორაგბეები <strong>ზურაბ ჟვანია</strong> (სტად ფრანსე) და <strong>თორნიკე ლომიძე</strong> (მონპელიე).</p><p>ამასობაში საქართველოს ნაკრებთან საბრძოლველად ემზადება ბელგიის ნაკრებიც, რომელსაც 2015 წლის მსოფლიოს თასის ვებგვერდმა www.rugbyworldcup.com-მა სპეციალური წერილი მიუძღვნა, სათაურით "ბელგიას ცეცხლში გამოწრთობა ელოდება".</p><p>პუბლიკაციაში ერთი უცნაური დეტალია: ბელგიელთა შოტლანდიური წარმოშობის ფრანგი თავკაცი რიჩარდ მაკლინტოკი ამბობს, რომ 2002 წელს საქართველოს 19-წლამდელთა ნაკრებს წვრთნიდა.</p><p>იმ პერიოდში ჩვენს ეროვნულ გუნდს ფრანგი მწვრთნელი კლოდ სორელი ჰყავდა, რომელიც, ცხადია, ფრანგ ასისტენტებთან ერთად მუშაობდა, მაგრამ რიჩარდ მაკლინტოკის შესახებ აქამდე არავის სმენია.</p><p>გთავაზობთ ამონარიდს ამ სტატიიდან:</p><p>"შავი ეშმაკები" ევროპის ერთა თასზე წლეულს პირველად იასპარეზებენ. ცხადია, ბელგიელებისთვის ეს უდიდესი გამოცდილება იქნება, თუმცა ნოემბრის ტესტებზე ჰონკონგისა და არაბთა გაერთიანებული საემიროების ნაკრებების წინააღმდეგ მატჩებში გამარჯვების შემდეგ, მათი მთავარი მწვრთნელი რიჩარდ მაკლინტოკი ოპტიმისტურადაა განწყობილი, თუმცა კარგად ესმის, რომ პირველივე შეხვედრაში სულ სხვა, გაცილებით მაღალი დონის გუნდთან, საქართველოს ნაკრებთან უწევს თამაში.</p><p><em></p><p>"უწინარესად, ჩემმა მოთამაშეებმა იმაზე უნდა იზრუნონ, რომ კარგი გამოცდილება მიიღონ და სათამაშო დონე აიმაღლონ. ჩვენი მეტოქე გუნდების მორაგბეთა უმრავლესობა ხომ პროფესიონალია.</p><p>საქართველოს ნაკრები ტურნირზე უძლიერესია. მათ დიდი გამოცდილება აქვთ. 2002 წელს ამ ქვეყნის 19-წლამდელთა ნაკრებს ვწვრთნიდი. ისინი ღირსეული კაცები არიან, უსაზღვროდ უყვართ სამშობლო და ყველა მატჩში თავდადებით, ბოლომდე იბრძვიან.</p><p>იმისთვის, რომ მათ კონკურენცია გაუწიო, ასეთივე თვისებებით უნდა იყო შემკული. ვეცდებით, მათ მივბაძოთ.</p><p>მოგებაზე არ ვფიქრობთ, ამაზე, უბრალოდ, არც ვოცნებობთ. სამწუხაროდ, ჩვენი პრობლემა ის არის, რომ უშეღავათო ბრძოლა გვიწევს ადგილობრივ სპორტულ მედიასთან და სპონსორებთან.</p><p>ძალიან მოკლე დროში მოვახერხეთ და მსოფლიოს რეიტინგში 58-ე ადგილიდან 21-ეზე გადავბარგდით.</p><p>მიუხედავად ამისა, პრესა არ ჩქარობს, მხარდაჭერა გამოგვიცხადოს და ჩვენს თავგადასავლებს მწირი მასშტაბებით აშუქებს. შესაბამისად, გვიჭირს სპონსორებთან ურთიერთობაც".</em></p><p>საგულისხმოა, რომ საერთაშორისო ოლიმპიური კომიტეტის პრეზიდენტი ჟაკ როგი ყოფილი მორაგბეა. "ბრიტანელი ლომების" ლეგენდარული შუამარბი ჯონ რაფაელი კი ბრიუსელში დაიბადა.</p><p>შეგახსენებთ, რომ თამაში ბრიუსელში 2 თებერვალს, თბილისის დროით 18 საათზე დაიწყება.</p><p>სამწუხაროდ, ბელგიის ტელევიზია მატჩის რეპორტაჟს არ გადასცემს, რის გამოც ტრანსლაციას ვერც "საზოგადოებრივი მაუწყებელი" ახერხებს.</p><p>საქართველო: 15. ბექა წიკლაური, 14. ალექსანდრე თოდუა, 13. დავით კაჭარავა, 12. მერაბ შარიქაძე, 11. თამაზ მჭედლიძე, 10. მერაბ კვირიკაშვილი, 9. გიორგი ბეგაძე. 1. მიხეილ ნარიაშვილი, 2. შალვა მამუკაშვილი, 3. დავით ქუბრიაშვილი, 4. გიორგი ჩხაიძე, 5. კონსტანტინე მიქაუტაძე, 6. ვიქტორ კოლელიშვილი, 7. მამუკა გორგოძე, 8. დიმიტრი ბასილაია.</p><p>16. რევაზ ბელქანია, 17. დავით ხინჩაგიშვილი, 18. ლევან ჩილაჩავა, 19. შალვა სუთიაშვილი, 20. ბექა ბიწაძე, 21. ვაჟა ხუციშვილი, 22. ლაშა ხმალაძე, 23. გიორგი ფრუიძე.</p><p><span style="color: #ff0000;"><strong>ერთა თასი</p><p></strong></span><strong>I ტური</p><p></strong>ბელგია-საქართველო</p><p>რუსეთი-ესპანეთი</p><p>პორტუგალია-რუმინეთი</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:<a href="//regbi/qarthuli-ragbi/erovnuli-nakrebi/44982-irakli-abuseridze-karieras-asrulebs-vin-ukapitnebs-qborjghalosnebsq.html" target="_blank"></p><p></a></strong></span><a href="//regbi/qarthuli-ragbi/erovnuli-nakrebi/44982-irakli-abuseridze-karieras-asrulebs-vin-ukapitnebs-qborjghalosnebsq.html" target="_blank"> ირაკლი აბუსერიძე კარიერას ასრულებს - ვინ უკაპიტნებს "ბორჯღალოსნებს"?</a></p>
"ბორჯღალოსნები" | 5 ცვლილება და 6 მორკინალი მარქაფაში
"ბორჯღალოსნები" | ნამატით კანადასთან
"რათა შეცდომები არ განმეორდეს" - რა ითქვა აშშ-სთან მატჩის შემდეგ
U21. საბერძნეთთან საქართველოს ნაკრების შემადგენლობა ცნობილია
"მხოლოდ დიდებული მოთამაშე არ გახლავთ" - დეშამმა მბაპეზე ისაუბრა
"კამპ ნოუსთან" მესის ქანდაკება უნდა დაიდგას" - ჟოან ლაპორტა
თორნიკე შენგელია არქის გრანდ ავენიუს პროექტის ინვესტორი გახდა
"ჩემი საყვარელი ფეხბურთელი ვინისიუს ჟუნიორია" - ლუის ჰამილტონი
[VIDEO] მამუკელაშვილი დაბრუნდა - "ტორონტო რაპტორსმა" "კლივლენდ კავალიერსი" დაამარცხა
საფრანგეთმა უკრაინა გაანადგურა და მსოფლიოს ჩემპიონატზე გავიდა
კონტე ტურინშია - ანგისა დე ბრუინს ლაზარეთში შეუერთდა
U21 | საბერძნეთი V საქართველო - მატჩისწინა ვარჯიში ათენში
15-ქალა რაგბი ევროპის კონფერენც დივიზიონში ერთვება
ხვიჩა კვარაცხელია: ახლა უკეთეს ფორმაში ვარ - დიდ პასუხისმგებლობას ვგრძნობთ
ნაკრებს ორი ფეხბურთელი ვერ დაეხმარება. საქართველო - ესპანეთი | 14 ნოემბრის განრიგი
"საფონოვი ჩასვრილ შევალიეზე უკეთესია - ვის სჭირდება ბუზების დამჭერი ჩიტი მატვეი" - რუსებს პსჟ-ში თანამემამულის მდგომარეობაზე განსხვავებული მოსაზრება გააჩნიათ
ოფიციალურად - მანჩინი "ალ-სადს" ჩაუდგა სათავეში
18 წ. | ვიწყებთ პოლონეთით
"მიუხედავად ფინანსური სირთულეებისა, გარიგება სწრაფად შედგა" - შენგელიას "ბარსელონას" ახალი მწვრთნელი ჰყავს
"გული მტკივა, როცა საფრანგეთში ამდენ უცხოელ მწვრთნელს ვხედავ" - დიდიე დეშამი
"მუდრიკი 100%-ით უდანაშაულოა, ვერ ვხვდები, ეს როგორ მოხდა" - დარიო სრნამ მიხაილო დაიცვა
სტერლინგის გმირობა - ინგლისელი მძარცველებს დანით დაუპირისპირდა
"დაბრუნდება თუ არა მესი "ბარსელონაში"? - "ბლაუგრანას" პრეზიდენტმა არგენტინელის ირგვლივ კითხვებს წერტილი დაუსვა