<p>ალექსანდრე ამისულაშვილი თავის ახალ გუნდში - სამარის "კრილია სოვეტოვში" თამაშს სასტარტოში იწყებს <br> ჰოლანდიის მიმდინარე ჩემპიონატში "ვიტესმა" "აიაქსი" ორჯერ დაამარცხა და არნემული კლუბის გულშემატკივრებს იმის იმედი ჰქონდათ, რომ ეს შედეგი თასის გათამაშებაშიც განმეორდებოდა. თუმცა, ამჯერად გამარჯვება ამსტერდამელებს დარჩათ.</p><p>ეს გუნდები ერთმანეთს თასის მეოთხედფინალში გადაეყარნენ და "აიაქსმა" არნემში გამანადგურებელი სხვაობით, 4:0 მოიგო.</p><p>"ვიტესის" შემადგენლობაში ორივე ქართველმა ითამაშა - გუნდის კაპიტანმა <strong>გურამ კაშიამ</strong> შეუცვლელად, ხოლო <strong>ვაკო ყაზაიშვილი </strong>მოედანზე მე-80 წუთზე შევიდა.</p><p>ამგვარად, "ვიტესი" ევროსაგზურისთვის ბრძოლას მხოლოდ ჩემპიონატში გააგრძელებს, სადაც დღეისთვის მეოთხე ადგილზეა, თუმცა არა მხოლოდ ჩემპიონთა ლიგის საგზურის, არამედ ჩემპიონობის შანსსაც ინარჩუნებს.</p><p><span style="color: #ff0000;"><strong>* * *</strong></span></p><p>1 თებერვალს სამი მატჩით გერმანიის მეორე ბუნდესლიგა განახლდა და ითამაშა "ბოხუმმაც", რომლის ღირსებასაც ორი ქართველი იცავს.</p><p>"ბოხუმი" სტუმრად "ალენს" დაუზავდა - 2:2. ქართველთა გუნდი შეხვედრის მსვლელობისას ორჯერ დაწინაურდა, მაგრამ უპირატესობის შენარჩუნება ვერ მოახერხა.</p><p><strong>ალექსანდრე იაშვილი</strong> თამაშში 23-ე წუთზე ჩაერთო, იმ დროისთვის ანგარიში გახსნილი არ იყო, ზუსტად 2 წუთში კი ქართველის პასით ანგარიში <strong>ჟატკოვსკიმ</strong> გახსნა.</p><p><strong>ნიკოლოზ გელაშვილმა</strong> მატჩს სათადარიგოთა სკამიდან მიადევნა თვალი.</p><p><span style="color: #ff0000;"><strong>* * *</strong></span></p><p>სამარის "კრილია სოვეტოვი", რომელთანაც რამდენიმე დღის წინ კონტრაქტი <strong>ალექსანდრე ამისულაშვილმა</strong> გააფორმა, თურქულ შეკრებაზე პოლონურ "ზაგლებეს" შეხვდა და ფრედ, 1:1 ითამაშა.</p><p>ამისულაშვილი სასტარტო შემადგენლობაში იყო და ძირითადში გამწესებული ფეხბურთელების უმრავლესობის მსგავსად, შესვენებაზე შეცვალეს. ორივე გოლი მატჩის მეორე ტაიმში გავიდა.</p><p><span style="color: #ff0000;"><strong>* * *</strong></span></p><p>უკრაინული "დნიპრო" ასევე შეკრებაზე გაეჯიბრა რუმინულ "კლუჟს" და 2:1 სძლია. <strong>ჯაბა კანკავა</strong> და <strong>ალექსანდრე კობახიძე</strong> ძირითად შემადგენლობაში იყვნენ.</p><p>პირველი მათგანი 69-ე წუთზე შეცვალეს, მეორე კი - 62-ეზე. კობახიძის ანგარიშზე საგოლე გადაცემაა.</p><p><span style="color: #ff0000;"><strong>* * *</strong></span></p><p>ყაზანის "რუბინში" დაბრუნებულმა <strong>საბა კვირკველიამ</strong> ბუქარესტის "რაპიდთან" გამართულ საკონტროლო მატჩში მიიღო მონაწილეობა.</p><p>საბა თამაშში მე-60 წუთზე ჩაერთო, "რაპიდმა" კი შეხვედრა 76-ე წუთზე გატანილი გოლით მოიგო.</p><p><span style="color: #ff0000;"><strong>* * *</strong></span></p><p>რუსეთის პრემიერლიგის ბინადარ "მორდოვიაში" სინჯებს განაგრძობს <strong>აკაკი ხუბუტია</strong>.</p><p>საქართველოს ეროვნული ნაკრების მცველმა 1 თებერვალს პოლონურ "კორონასთან" ტესტ-მატჩში მეორე ტაიმი ჩაატარა. "კორონამ" მე-40 წუთზე გატანილი გოლით 1:0 გაიმარჯვა.</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></p><p></strong><a href="/fexburti/qarthuli-fekhburthi/legionerebi/45099-sandro-kobakhidze-qdniproshiq-19-nomriani-maisurith-ithamashebs.html" target="_blank">სანდრო კობახიძე "დნიპროში" 19-ნომრიანი მაისურით ითამაშებს</a></p><p><a href="/fexburti/qarthuli-fekhburthi/legionerebi/44474-aleqsandre-iashvili-sackhovreblad-thbilisshi-unda-davbrunde.html" target="_blank"> ალექსანდრე იაშვილი: საცხოვრებლად თბილისში უნდა დავბრუნდე</a></p><p><a href="/fexburti/qarthuli-fekhburthi/legionerebi/44926-aleqsandre-amisulashvilma-qkrilia-sovetovthanq-2-tsliani-kontraqti-gaaforma.html" target="_blank">ალექსანდრე ამისულაშვილმა "კრილია სოვეტოვთან" 2-წლიანი კონტრაქტი გააფორმა </a></p><p><strong></strong></p>
"კვარა" ისევ როტაციაში და ორი მნიშვნელოვანი მატჩი პარალელურად
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს