<p>2 თებერვალს თბილისის სპორტის სასახლეში ძიუდოისტთა ევროპის ღია თასი იწყება <br> 2 თებერვალს თბილისის სპორტის სასახლეში ძიუდოისტთა ევროპის ღია თასი იწყება, რომელშიც 25 ქვეყანა მონაწილეობს, თუმცა აქედან 5 - ავსტრალია, ახალი ზელანდია, ჰოლანდია, თურქეთი და სლოვენია მხოლოდ მსაჯთა დონეზეა წარმოდგენილი.</p><p>ამდენად, მოჭიდავე 20 ქვეყანა დაგვრჩა: საქართველო, იაპონია, საფრანგეთი, დიდი ბრიტანეთი, რუსეთი, ბელარუსი, ბულგარეთი, კანადა, ირანი, სომხეთი, აზერბაიჯანი, ლიტვა, ლატვია, უკრაინა, საბერძნეთი, უნგრეთი, ყაზახეთი, რუმინეთი ისრაელი და სერბეთი.</p><p>ევროპის ძიუდოს კავშირის ოფიციალური წარმომადგენელი ამ გაერთიანების პირველი ვიცე-პრეზიდენტი, ჩეხი მიხალ ვახუნია.</p><p>მონაწილეთა რაოდენობა 187 ფალავანია. ყველაზე მეტი ათლეტი 66-ში იასპარეზებს - 38, ყველაზე ცოტა - მძიმეში, 17.</p><p>ეს ახალი სეზონის პირველი დიდი შეჯიბრებაა, რომლითაც ახალი ოლიმპიური ციკლიც იწყება.</p><p>ამასთან, ის სადებიუტოა ჩვენი ნაკრების ახალი მთავარი მწვრთნელის - <strong>ირაკლი უზნაძისთვისაც</strong>.</p><p>ასევე სადებიუტო იქნება ძალიან ბევრი სპორტსმენისთვისაც როგორც საქართველოში, ასევე - უცხოეთში.</p><p>3 თებერვალს კიდევ ერთი მნიშვნელოვანი ღონისძიება გაიმართება - სპორტიდან საზეიმოდ გააცილებენ უტიტულოვანეს ქართველ ძიუდოისტს, მსოფლიოსა და ოლიმპიურ ჩემპიონ <strong>ირაკლი ცირეკიძეს</strong>, რომელიც დღესდღეობით ჭაბუკთა ნაკრების მთავარ მწვრთნელად მუშაობს.</p><p>შეხვედრები სპორტის სასახლეში ორივე დღეს 11 საათზე დაიწყება, ფინალები - 17-ზე. 2 თებერვალს 60, 66 და 73-ის ფალავნები იჭიდავებენ.</p><p>როგორც 1 თებერვალს გაცნობეთ, უზნაძემ საქართველოს ჩემპიონთაგან მხოლოდ ორი დაასვენა - <strong>ავთანდილ ჭრიკიშვილი</strong> (81) და <strong>ვალერი ლიპარტელიანი</strong> (90).</p><p>მათ, როგორც ოლიმპიურ ჩემპიონ <strong>ლაშა შავდათუაშვილს</strong> (66), მწვრთნელი 9-10 თებერვალს გასამართ პარიზის "დიდ მუზარადზე" გამოიყვანს.</p><p>1 თებერვალს წილისყრა გაიმართა და ჩვენებურთა მეტოქეებიც გამოვლინდნენ. 60-კილოგრამში საქართველოს წლევანდელ ჩემპიონ <strong>ვაჟა მარგველაშვილს</strong> მეოთხედფინალში გასასვლელად სომეხ არტურ ვარდანიანის და ბრიტანელ გრეჰემ ტრინდერის დამარცხება მართებს, რაც არ უნდა გაუჭირდეს, მერე კი სავარაუდო მეტოქეთაგან ყველაზე ცნობილი ყაზახი იელდოშ სმეტოვია, თუმცა არც ისაა ძალიან ძლიერი ფალავანი.</p><p>მარგველაშვილი სამივე ბარიერს თუ წარმატებით გაივლის, დიდი შანსია, ნახევარფინალში <strong>ამირან პაპინაშვილს</strong> შეხვდეს - იმას იქამდე კიდევ უფრო უცნობი მეტოქეები ჰყავს.</p><p>ამ წონაში ქართველთაგან ყველაზე მეტად ვიცე-ჩემპიონი <strong>გიორგი ბროლაშვილი</strong> დაიჩაგრა - მეოთხედფინალამდე თუ მივიდა, იქ სომეხი ევროპისა და მსოფლიოს პრიზიორი ჰოვანეს დავთიანი ან იაპონელი შინჯი კიდო ელოდებიან - ისინი წინა წრეში ერთმანეთს ხვდებიან და აზიელი თუ უცნობია, სომეხი ამ წონაში ყველაზე ტიტულოვანია.</p><p>66-ში ჩვენებს თავიდანვე ძლიერები ერგოთ - <strong>მინდია ლილუაშვილი</strong> პირველივე შეხვედრას ებრაელ გოლან პოლაცკისთან გამართავს, რომელმაც შარშან შავდათუაშვილს მედგარი ბრძოლა გაუმართა ლიცენზიისთვის, <strong>თორნიკე თათარაშვილი</strong> კი ასევე პირველ ბრძოლას გამოცდილ უნგრელ ლასლო ბურიანთან გამართავს.</p><p>ტრისტან ფეიქრიშვილსაც საკმაოდ გამოცდილ ფალავანთან მოუწევს პირველი პაექრობა - ბელარუს დმიტრი შერშანთან (ყოველ შემთხვევაში, წონაში ამაზე ბევრად სუსტებიც გამოდიან), <strong>ვანო თოთლაძეს</strong> კი ასევე ებრაელი იან ვინოგრადოვი ერგო.</p><p>73-ში <strong>ნუგზარ ტატალაშვილი</strong> პირველ წრეში ისვენებს, მეოთხედფინალამდე სავარაუდო მეტოქეთა შორის კი ყველაზე ანგარიშგასაწევი ბელარუსი ალექსანდრ კოკშა მიგვაჩნია.</p><p><strong>გიორგი პაპუნაშვილი</strong> აზერბაიჯანელ ნადირ ბაბაევს ხვდება, <strong>არსენ მაჭარაშვილი</strong> - უნგრელ ნორბერტ კისს.</p><p>თავიდან <strong>ზებედა რეხვიაშვილიც</strong> თავისუფალია, მერე კი, სავარაუდოდ, ბელარუს ალექსეი რამანჩუკთან მოუწევს დაჭიდება - ამასაც შეიძლებოდა, უფრო სუსტიც შეხვედროდა.</p><p>3 თებერვალს მოასპარეზე წონებში ჩვენებურთაგან ყველაზე მეტად საქართველოს ჩემპიონ <strong>ლევან მატიაშვილს</strong> (+100) არ გაუმართლა - ბადეში ახლოს ჰყავს ახალგაზრდებში იაპონელი მსოფლიოს ჩემპიონი ტაკეში ოჯიტანი.</p><p>იგივე ითქმის <strong>ლევან წიკლაურზე</strong>, რომელსაც მეოთხედფინალში გამოცმკოვსი ელოდება. არც 90 კილოგრამში ამონაცვლებულ <strong>ბექა ღვინიაშვილს</strong> გაუმართლა - უნგრელ გაბორ ვერს, ალბათ, კი მოუგებს, მაგრამ მერე იაპონელ იუია იოშიდასთან მოუწევს პაექრობა.</p><p>დაახლოებით ამავე დღეშია <strong>დავით ლორიაშვილიც</strong> 100-ში - პირველ წრეში აზერბაიჯანელი საინ მამადოვი არაა ძლიერი, მაგრამ ამათ შორის მოგებულს უკრაინელი არტემ ბლოშენკო ელოდება. ასევე ანგარიშგასაწევი უკრაინელი - ვიაჩესლავ დენისოვი ელოდება ლაშა გურულს.</p><p><strong>ყოველდღიური სპორტული გაზეთი "ლელო"</strong></p>
[VIDEO] დაბრუნებაც ასეთი უნდა - ზაალიშვილმა ოთხივე მეტოქეს იპონით მოუგო და ევროპის თასის გამარჯვებული გახდა
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
კანტე ევროპაში ბრუნდება? - ფრანგს სერიოზული მსურველი ჰყავს