<p>ამჟამად ექვსი ერის მონაწილე ნაკრებების ძირითადი ბირთვი ჩამოყალიბებულია და თამამად შეიძლება იმსჯელო, ვინ ფავორიტია და ვინ აუტსაიდერი <br> ექვსი ერის წლევანდელ გათამაშებას რაგბის ქომაგი განსაკუთრებით ელის.</p><p>შარშანდელი სეზონი მსოფლიოს თასის გათამაშების შემდგომი ეტაპი იყო, რომლის დროსაც გუნდებში თაობათა ცვლის პროცესი მიმდინარეობდა და მწვრთნელები ექსპერიმენტებს არ ერიდებოდნენ.</p><p>ამჟამად ექვსი ერის მონაწილე ნაკრებების ძირითადი ბირთვი ჩამოყალიბებულია და თამამად შეიძლება იმსჯელო, ვინ ფავორიტია და ვინ აუტსაიდერი. წინასწარი გათვლებით, პირველობისთვის საფრანგეთისა და ინგლისის ნაკრებებმა უნდა იბრძოლონ.</p><p>გულხელდაკრეფილი, ცხადია, არც ირალანდიის ეროვნული გუნდი იქნება. უელსელთა ნაკრებს კი, რომელიც შარშანდელი ტურნირის გამარჯვებულია, პრეტენდენტად მორაგბეთა მომრავლებული ტრავმიანობის გამო არ განიხილავენ.</p><p>პირველ ტურში "წითელი ურჩხულები" შინ ეთამაშებიან ირლანდიის ეროვნულ გუნდს. უელსელებმა ზემოთნახსენები პრობლემების გამო ზედიზედ შვიდი თამაში წააგეს და თავგამოდებით შეეცდებიან წარუმატებლობათა ეს სერია შეწყვიტონ.</p><p>შარშან, დუბლინში, უელსის ნაკრებმა მატჩის დასრულებამდე ერთი წუთით ადრე ლეიგ ჰალპფენის საჯარიმოს წყალობით მოიგეს და "დიდი სლემი" შეასრულეს.</p><p>გუნდს, ამჯერად, შარშანდელი ტრიუმფის ავტორთაგან წამყვანი მოთამაშეები აკლია. ესენია: ბრედლი დევისი, ლუკ ჩარტერისი, რაიან ჯოუნზი, ალან-ვინ ჯოუნზი და დენ ლიდიატი, რომელიც ტურნირის საუკეთესო მოთამაშედ აღიარეს. ასეთი დანაკლისის გამო ჯანმრთელად დარჩენილ "წითელ ურჩხულებს" გაორმაგებული ძალით გარჯა მართებთ.</p><p>უელსის ნაკრების ქომაგები მაინც იმედიანად არიან, რადგან სრულ მზადყოფნაში იმყოფებიან ახალგაზრდა უკანახაზელები, მსოფლიოს რაგბის ამომავალი ვარსკვლავები ჯორჯ ნორსი, ალექს კატბერტი და ჯონათან დევისი.</p><p>თუმცა "სამყურებთან" დაპირისპირების შემდეგ, მათ სათაყვანებელ გუნდს ზედიზედ სამი გასვლითი მატჩი აქვს სათამაშო. ბოლო ტურში კი, შინ ინგლისის ნაკრებს მიიღებს. რაც იმის მანიშნებელია, რომ 2009 წლის შემდეგ, "წითელ ურჩხულებს" პირველად არ აქვთ შანსი "დიდი სლემი" შეასრულონ.</p><p>ირლანდიის ნაკრების მდგომარეობა რადიკალურად განსხვავდება მეტოქისაგან. გუნდს ხანგრძლივი მკურნალობის შემდეგ გამოჯანმრთელებული ლიდერი, შუამარბი ბრაიან ოდრისკოლი დაუბრუნდა, თუმცა ის გუნდის კაპიტანი აღარ იქნება. ეს მისია ჯიმი ჰისლიპს დაეკისრა.</p><p>ტურნირის ფავორიტი, ინგლისის ნაკრები ლონდონში, "თვიქნემზე" "ხის კოვზის" ამჟამინდელ მფლობელს, შოტლანდიის ეროვნულ გუნდს უმასპინძლებს.</p><p>"პომებმა" შარშანდელი ტურნირის შემდეგ თამაშის დალაგება, წინ წასვლა შეძლეს, რაც ივნისისა და ნოემბრის ტესტებში მიღწეულ შედეგებში აისახა. მასპინძლები მატჩს თითქმის ოპტიმალური შემადგენლობით ხვდებიან.</p><p>ერთადერთი სერიოზული დანაკლისი, საწვრთნელი შეკრების დროს დაშავებული შუამარბი მანუ ტუილაგია.</p><p>მის ნაცვლად ინგლისელთა თავკაცმა სტიუარტ ლანკასტერმა ძირითადში ადგილი ბილი თველვეტრისს ანდო. მისივე გადაწყვეტილებით, გამოცდილი მგეზავი ტობი ფლუდი სათადარიგოთა სკამზე იქნება, გუნდს კი ახალგაზრდა ოუენ ფარელი დაგეზავს.</p><p>"ნარშავებს" 2011 წლის მსოფლიოს თასის შემდეგ, საქმე სულ უკან-უკან მისდით. ნოემბრის ტესტებზე განცდილი კრახის გამო გუნდის ინგლისელი თავკაცი ენდი რობინსონი გადადგა და ახლა "სკოტებს" დროებით დანიშნული მწვრთნელები ჰყავთ ავსტრალიელი სკოტ ჯონსონის მეთაურობით.</p><p>სავარაუდოდ, გამარჯვებით დაიწყებს ასპარეზობას სტუმრად იტალიის ეროვნულ გუნდთან საფრანგეთის ნაკრები, რომელიც ბოლო წელიწადია ერთ-ერთ ყველაზე ორგანიზებულ, ეფექტურად მოთამაშე გუნდად ჩამოყალიბდა.</p><p>ფილიპ სენტ-ანდრემ ისიც კი მოახერხა, რომ თუ დასჭირდება, ორ ერთნაირი ძალის გუნდს გამოიყვანს. თავად განსაჯეთ, იტალიასთან მატჩისთვის სათადარიგოთა შორის დასვა ისეთი ვარსკვლავები მორგან პარა, ფრანსუა ტრინ-დუკი, - ბენიამინ კაიზერი და მატიო ბასტარო რომ არიან.</p><p>იტალიელები ფრანგი თავკაცის ჟაკ ბრუნელის მეცადინეობით შეეცდებიან "ლე ბლოს" მედგარი წინააღმდეგობა გაუწიონ. რამდენად გამოუვათ ეს, რომის "სტადიო ოლიმპიკოზე" კვირას გამოჩნდება.</p><p><span style="color: #ff0000;"><strong>ექვსი ერი</p><p></strong></span><strong>I ტური</p><p></strong>უელსი-ირლანდია</p><p>ინგლისი-შოტლანდია</p><p>იტალია-საფრანგეთი</p><p><strong>ყოველდღიური სპორტული გაზეთი "ლელო"</strong></p>
დრამატული ფინალი მსოფლიოს თასზე - სამხრეთ აფრიკამ ახალი ზელანდია მძიმე ბრძოლაში დაამარცხა და ტიტული შეინარჩუნა [VIDEO]
ნიკა ამაშუკელი მესამე ადგილისთვის შეხვედრაში კიდის მსაჯი იქნება
ახალმა ზელანდიამ არგენტინა დაამარცხა და მსოფლიო თასის ფინალში გავიდა
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს