- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემპიონთა ლიგა. 1/8-ფინალის წინ: "იუვენტუსი" გლაზგოში ჯოჯოხეთს ელოდება
<p><span style="line-height: 1.3em;" />შოტლანდიური გრანდი საჩუქარი არ არის და ეს ტურინელებმა კარგად იციან <br> </span>ხანგრძლივ მოლოდინს ბოლო მოეღო: ევროპული საკლუბო ფეხბურთის მშვენება - ჩემპიონთა ლიგა მერვედფინალის პირველი რაუნდის ორი მატჩით განახლდება.</p><p>ორივე მატჩი თანაბრად საინტერესოა და 12 თებერვლის საღამოს წინასამატჩო ამბების მიმოხილვა "სელტიკისა" და "იუვენტუსის" დაპირისპირებით დავიწყოთ, რომელიც გლაზგოში, "სელტიკ პარკზე" გაიმართება.</p><p><span style="line-height: 1.3em;">მერვედფინალის წილისყრის შემდეგ ლამის მთელი ევროპა შეთანხმდა იმაზე, რომ "იუვენტუსს" გაუმართლა, პლეი ოფში პირველ მეტოქედ გლაზგოს "სელტიკი" რომ ერგო, მაგრამ შოტლანდიური გრანდი საჩუქარი არ არის და ეს ტურინელებმაც კარგად იციან.</p><p>"სელტიკი" ის გუნდია, რომელმაც ჯგუფურ ეტაპზე "ბარსელონას" დამარცხება შეძლო (2:1 გლაზგოში) და კატალონიურ გრანდს "ნოუ კამპზეც" უშეღავათო ბრძოლა გაუმართა (1:2). შედეგად, გლაზგოელთა მერვედფინალში მოხვედრა არავის გაჰკვირვებია და ფაქტია, რომ შოტლანდიელები იტალიელებს იოლად არაფერს დაუთმობენ.</span></p><p>ამრიგად, "იუვენტუსი" არც ისე იოლი ამოცანის წინაშე დგას, როგორც ეს ქაღალდზე შეიძლება ჩანდეს. "სელტიკი" საჩუქარი რომ არ არის, ეს ტურინელებმა გლაზგოელებთან თამაშის საკუთარი გამოცდილებიდანაც იციან. "იუვე" შოტლანდიურ კლუბს ჩემპიონთა ლიგაში 2001 წელს ორჯერ შეხვდა და ორივე მატჩში უმძიმესი ბრძოლა გადაიტანა.</p><p>ტურინული დუელი მაშინ "იუვემ" <strong>ნიკოლა ამორუზოს</strong> მიერ ბოლო წუთებზე გატანილი პენალტით 3:2 მოიგო, გლაზგოში კი "სელტიკმა" უფრო უხვგოლიან მატჩში გაიმარჯვა (4:3).</p><p>მართალია, მაშინ გლაზგოელები გაცილებით შემტევ, აქტიურ და აგრესიულ ფეხბურთს თამაშობდნენ, რამას განაპირობა კიდეც "იუვენტუსთან" უხვგოლიანი თამაშები, მაგრამ "სელტიკს" ბრძოლის უნარი ოდითგანვე მოსდევს და ტურინელები იოლ გასეირნებას არც ამჯერად უნდა ელოდონ.</p><p><strong><span style="color: #ff0000;">ასამოა საეჭვოა</p><p></span></strong>იტალიის ჩემპიონატის 24-ე ტურში "იუვემ" ფლორენციის "ფიორენტინასთან" პრინციპული მატჩი დამაჯერებლად, 2:0 მოიგო და "სელტიკთან" ბრძოლის წინ კარგი განწყობა შეიქმნა.</p><p><strong>ანტონიო კონტეს </strong>გუნდისთვის ყველაზე მთავარი ისაა, რომ "ბებერი ქალბატონის" ყველაზე ძლიერი რგოლი, ნახევარდაცვა, ძველებურ ფორმას იბრუნებს.<strong> კლაუდიო მარკიზიო</strong> დაბრუნდა და უკვე კარგ ფორმაშია, <strong>არტურო ვიდალი</strong> იდეალურ სეზონს ატარებს და <strong>ანდრეა პირლოც</strong>, ტურინელთა მთავარი სტრატეგი, ჩვეულ ფორმაშია.</p><p>"იუვეს" ნახევარდაცვის სასტარტო ხუთეულიდან მხოლოდ <strong>კვადვო ასამოას</strong> თამაშია კითხვის ნიშნის ქვეშ. ეს უკანასკნელი აფრიკის თასიდან ახლახან, მცირე ტრავმით დაბრუნდა, "ფიორენტინასთან" კი კონტემ მარცხენა ფლანგზე <strong>პაოლო დე ჩელიე</strong> გაამწესა.</p><p>ასამოამ თქვა, რომ "სელტიკთან" დღევანდელ შეხვედრაში მოედანზე გასვლა შეუძლია, მაგრამ კონტე მაინც ორჭოფობს და საბოლოო გადაწყვეტილებას, გაამწესოს თუ არა განელი ძირითადში, ალბათ, უშუალოდ მატჩის დაწყების წინ მიიღებს.</p><p>"იუვეს" ყველაზე პრობლემატურ რგოლად თავდასხმა მიიჩნევა, მაგრამ ბოლო დროს ტურინელთა ფორვარდებმა გოლების გატანას მოუხშირეს. როგორც ჩანს, <strong>ნიკოლა ანელკას</strong> ტრანსფერმა განსაკუთრებით<strong> ალესანდრო მატრიზე</strong> იმოქმედა, რომელმაც "ფიორენტინას" კარიც დალაშქრა და კონტეს საფიქრალი გაუჩინა.</p><p>ვინ ითამაშებს 3-5-2 ტაქტიკური სქემის წინა ხაზზე <strong>სებასტიან ჯოვინკოსთან</strong> ერთად - <strong>მირკო ვუჩინიჩი</strong>, რომელმაც "ფიორენტინას" ზღაპრული გოლი გაუტანა, თუ მატრი? კონტე ამ კითხვასაც უშუალოდ მატჩის დაწყებამდე ცოტა ხნით ადრე უპასუხებს.</p><p>დაცვაში "იუვენტუსს" <strong>ჯორჯო კიელინი</strong> აკლია, რაც იმას ნიშნავს, რომ ტურინული გრანდის უკანა ხაზში <strong>კასერესის, ბარძალისა </strong>და <strong>ბონუჩის</strong> ტრიო უნდა ვიხილოთ.</p><p><strong><span style="color: #ff0000;">სელტიკიც კარგ ფორმაშია</p><p></span></strong>"სელტიკის" უმთავრესი იმედები კი "იუვენტუსთან" მატჩისთვის მეკარე <strong>ფრეიზერ ფორსტერი</strong> და ბერძენი თავდამსხმელი <strong>გიორგიოს სამარასი</strong> არიან. ეს განსაკუთრებით ფორსტერს ეხება, რადგან, პირველ რიგში, სწორედ მისი დამსახურებაა ჯგუფურ ეტაპზე "ბარსელონასთან" გამარჯვება და საერთოდ, "სელტიკის" მერვედფინალში გასვლაც.</p><p>ზოგადად, გლაზგოური კლუბიც საკმაოდ კარგ ფორმაშია. ამ უქმეებზე გლაზგოელებმა უახლოესი მდევარი "ინვერნესი" 3:1 დაამარცხეს და "რეინჯერსის" არყოფნაში შოტლანდიის ჩემპიონატის ცხრილს 18-ქულიანი უპირატესობით ლიდერობენ, რაც იმას ნიშნავს, რომ <strong>ნეილ ლენონის</strong> გუნდი ასი პროცენტით "იუვესთან" დუელებზეა კონცენტრირებული.</p><p>ლენონს <strong>ჯეიმს ფორესტი</strong> დროულად გამოუჯანმრთელდა და სადღეისოდ წამყვანი მოთამაშეებიდან მხოლოდ <strong>ამბროუზი </strong>(აფრიკის თასზე თამაშობდა) აკლია.</p><p><strong><span style="color: #ff0000;">ნედვედი: იუვე მოტივირებულია!</p><p></span></strong><em>"ჩვენი გუნდი საკმაოდ კარგ ფორმაშია და მიმაჩნია, რომ ჩემპიონთა ლიგის განახლებას სრულ მზადყოფნაში ვხვდებით</em>, - აცხადებს <strong>პაველ ნედვედი</strong>, - <em>ვიცი, როგორი ატმოსფეროც ელის გუნდს გლაზგოში, რადგან აქტიური სპორტული კარიერის დროს საკუთარ თავზე გამოვცადე, რას ნიშნავს "სელტიკ პარკზე" თამაში.</p><p>ბიჭებსაც ვუთხარი, გლაზგოში ჯოჯოხეთი გელით-მეთქი და ვფიქრობ, რომ მენტალურად ყველაფრისთვის მზად არიან.</p><p>ასეთი მოტივირებული "იუვენტუსი" იშვიათად მინახავს. "სელტიკის" ბარიერის გადალახვა ადვილი ნამდვილად არ იქნება, მაგრამ ეს უნდა გავაკეთოთ.</em>"</p><p><span style="color: #ff0000;"><strong>12.02. ჩემპიონთა ლიგა. 1/8-ფინალი</strong></span></p><p><strong>სელტიკი-იუვენტუსი 23:45</p><p></strong><span style="text-decoration: underline;">სავარაუდო შემადგენლობები</p><p></span>სელტიკი (4-4-2): ფორსტერი - მეთიუსი, ლუსტიგი, კ. ვილსონი, ისაგირე - ს. ბრაუნი, ვანიამა, მულგრიუ, კომონსი - სამარასი, ჰუპერი.</p><p>იუვენტუსი (3-5-2): ბუფონი - ბონუჩი, ბარძალი, კასერესი - ლიხტშტაინერი, ვიდალი, პირლო, მარკიზიო, ასამოა (ან დე ჩელიე) - ვუჩინიჩი, მატრი (ან ჯოვინკო).</p><p>არბიტრი: ალბერტო უნდიანო მალენკო (ესპანეთი)</p><p><strong>ურთიერთშეხვედრები</p><p></strong>31.10.2001</p><p><em><strong>სელტიკი-იუვენტუსი 4:3</strong></em></p><p>გოლები: 0:1 დელ პიერო (19), 1:1 ვალგაერენი (24), 2:1 სატონი (45), 2:2 ტრეზეგე (51), 3:2 ლარსონი (56-პენ), 4:2 სატონი (64), 4:3 ტრეზეგე (76)</p><p>18.09.2001</p><p><em><strong>იუვენტუსი-სელტიკი 3:2</strong></em></p><p>გოლები: 1:0 ტრეზეგე (42), 2:0 ტრეზეგე (55), 2:1 ს. პეტროვი (67), 2:2 ლარსონი (85-პენ), 3:2 ამორუზო (89-პენ)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/45552-andrea-pirlo-qseltikisq-nebismier-thamashs-vupasukhebth.html" target="_blank">ანდრეა პირლო: "სელტიკის" ნებისმიერ თამაშს ვუპასუხებთ</a></p>
მამარდაშვილის და კვარაცხელიას გუნდი მთავარ პრეტედენტებში - Optas სუპერკომპიუტერმა ჩემპიონთა ლიგის ფავორიტები დაასახელა
ნასერ ალ-ხელაიფი: "ბარსასთან" მატჩს მოუთმენლად ველოდებით
პსჟ ჩემპიონთა ლიგის მთავარი ფავორიტია
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
სტივ მანდანდამ ფეხბურთელის კარიერა დაასრულა
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
გურულმა მედალი გაინაღდა - ქართველი მოკრივე მსოფლიო ჩემპიონატის ნახევარფინალშია
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს