<p>ბერძნულ გამოცემა "გაზეტაში" საქართველოს ნაკრებისა და "ოლიმპიაკოსის" ცენტრთან ინტერვიუ გამოქვეყნდა</p><p><br> ბერძნულ გამოცემა "გაზეტაში" გამოქვეყნდა ინტერვიუ საქართველოს ნაკრებისა და "ოლიმპიაკოსის" ცენტრ <strong>გიორგი შერმადინთან</strong>.</p><p>იგი ლაპარაკობს როგორც "პანათინაიკოსთან" დაპირისპირებებზე, ასევე, <strong>მანძარისის</strong> ტრავმასა და "ოლიმპიაკოსში" თავის სამომავლო მიზნებზე.</p><p><em></p><p>"საბერძნეთში გუნდის დასახმარებლად ჩამოვედი. ვეცდები, "ოლიმპიაკოსისთვის" მაქსიმუმი გავიღო, შესაძლებლობები სრულად გამოვავლინო მხოლოდ იმისთვის, რომ გუნდმა მოიგოს.</p><p>თვეზე მეტია, რაც პირეოსში ვარ და მიხარია, რომ ადაპტაციის პროცესმა წარმატებით ჩაიარა. არანაირი პრობლემა არ მქონია, ყველა მხარში მიდგას.</p><p>ბოლო დროს "ოლიმპიაკოსის" ირგვლივ მოვლენები ელვის სისწრაფით ვითარდება, მოგებას მოგება ენაცვლება. ამასთან, გუნდს ტრავმები არ სცილდება...</p><p>განსაკუთრებული ფასი ჰქონდა ევროლიგაზე "ფენერბაჰჩესთან" საშინაო გამარჯვებას.</p><p>თურქული გუნდის დამარცხებისთვის რამე საიდუმლო იარაღი არ გამოგვიყენებია. მარტივია: როცა გუნდურად შრომობ, თავს არ ზოგავ, თამაშზეც დადებითად ისახება.</p><p>ევროლიგისა თუ საბერძნეთის ჩემპიონატის მატჩებში თითოეული ოლიმპიაკოსელი მეორის გვერდში დგას და ამიტომაც გვაქვს შედეგი.</p><p>რაც შეეხება "ფენერბაჰჩესთან" შეხვედრას, დამატებითი სტიმული გვქონდა - თამაში მანძარისს მივუძღვენით, რომელიც ტრა</em><em>ვმის გამო ვერ გვეხმარება. მისი არყოფნა გუნდისთვის დიდი დანაკლისია.</p><p>მანძარისის ტრავმის შესახებ რომ გავიგე, ძალიან მეწყინა, მაგრამ როცა შევიტყვეთ, რომ საქმე მეტად სერიოზულადაა, მთელი გუნდი შოკირებული იყო".</em></p><p>ამ სეზონში "ოლიმპიაკოსის" მაისურით გიორგი ორ ისეთ გუნდს დაუპირისპირდა, რომლებშიც მანამდე თამაშობდა - ისრაელის "მაქაბისა" (ევროლიგაზე) და ათენის "პანათინაიკოსს". ბერძენი ჟურნალისტი დაინტერესდა, რას გრძნობდა შერმადინი, როცა მოედანზე გადიოდა.</p><p><em>"ვერ ვიტყვი, განსაკუთრებული გრძნობა დამეუფლა-მეთქი</em><em>. ისეთივე განწყობით გავედი სათამაშოდ, როგორც სხვა შეხვედრებში. ვცდილობდი, გუნდის წარმატებაში საკუთარი წვლილი შემეტანა. თელ-ავივში მართლაც ოქროს ორი ქულა მოვიპოვეთ".</em></p><p>ბოლო კვირაში "ოლიმპიაკოსმა" "პანათინაიკოსის" წინააღმდეგ ორჯერ ითამაშა. ჯერ საბერძნეთის ჩემპიონატში (პირეოსელებმა მოიგეს), შემდეგ საბერძნეთის თასის ფინალში (გამარჯვება ათენელებს დარჩათ).</p><p>აი, რას ამბობს ბერძნულ "კლასიკოზე" გიორგი შერმადინი:</p><p><em>"როცა ერთმანეთს ასეთი დონის გუნდები ხვდებიან, ყველაფერს დაცვა წყვეტს. ამას ჩვენი მწვრთნელი ყოველთვის გვეუბნება.</p><p>განსაკუთრებით, "პანათინაიკოსთან" შეხვედრებში გვჭირდება ენერგიის ბოლომდე დახარჯვა, რათა მეტოქეს საკუთარი თამაშის ჩვენების შესაძლებლობა არ მიეცეს და სათამაშო რიტმიდან ამოვარდეს.</p><p>დავალებებს როდის როგორ ვასრულებთ, შედეგებიდანაც ჩანს".</p><p></em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/kalatburti/qarthuli-kalathburthi/legionerebi/45419-giorgi-shermadinis-qolimpiakosiq-saberdznethshi-pirvelobas-aravis-uthmobs.html" target="_blank">გიორგი შერმადინის "ოლიმპიაკოსი" საბერძნეთში პირველობას არავის უთმობს </a></p><p><a href="/kalatburti/qarthuli-kalathburthi/legionerebi/45085-giorgi-shermadinma-qfenerbahchesq-sdzlia-viqtor-sanikidze-qbarselonasthanq-veras-gakhda.html" target="_blank">გიორგი შერმადინმა "ფენერბაჰჩეს" სძლია, ვიქტორ სანიკიძე "ბარსელონასთან" ვერას გახდა</a></p>
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] ბოლდუინის პირველი სასტარტო "ბაიერნში" - გერმანულმა გუნდმა "მილანი" დაამარცხა
შენგელია საუკეთესო იყო - "ბარსელონა" სახლში დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო