კატარომ კორდიჩზე შური იძია

საქართველოს წყალბურთელებმა ლენ ტროფის მეორე რაუნდში თამაშით კარგი გამოცდილება მიიღეს ევროპელ წყალბურთელთა ლენ ტროფის გათამაშების მეორე რაუნდში 32-მა კლუბმა მოიყარა თავი. მათ შორის იყო ილის სახელმწიფო უნივერსიტეტისა და თბილისის მერიის გუნდი "ლიგამუსი-თბილისი", რომელიც წილისყრით E ჯგუფში მოხვდა კოტორში (ჩერნოგორია) "კატაროსთან", ათენის "პანიონიოსთან", და თურქეთის "იუზმესთან" ერთად. ჩვენებს (მთავარი მწვრთნელი ზვიად დავითიანი) სასტარო შეხვედრა მასპინძლებთან - ამ საპატიო თასის 2009-2010 წლების გამარჯვებულთან ჰქონდათ. პირველი პერიოდი კოტორელებმა 4:1 მოიგეს, მეორე სტუმრებმა - 4:2. მესამე პერიოდში ერთი ბურთის გაქვითვასაც წინ არაფერი ედგა, რადგან მასპინძლები დაჯარიმდნენ და რიცხობრივი უპირატესობის გამოყენება შეიძლებოდა, მაგრამ მსაჯებმა - გერმანელმა რეინინკ გერვინმა და ჰოლანდიელმა ფან დერ ლუუ პეტერმა თბილისელთა საუკეთესო მცველი მარკო კორდიჩი თამაშის ბოლომდე გააძევეს.შეგახსენებთ, რომ ჩვენებმა, სწორედ, "კატაროდან" გადმოიბირეს მარკო წლეულს და, ეტყობა, კოტორელებმა მასზე მსაჯების მეშვეობით ჯავრი იყარეს. ოთხი წუთის განმავლობაში კაცნაკლულმა ქართველებმა მეტოქის იერიშებს ვერ გაუძლეს და 4 "მშრალი" ბურთი მიიღეს საკუთარ კარში. გულგატეხილებმა მე-4 პერიოდი 2:3 წააგეს და საბოლოოდ 7:13 დათმეს შეხვედრა.როგორც ჩანს, მასპინძლებმა ჯგუფში ჩარჩენის შიშით პირველსავე შეხვედრაში თავი დაიზღვიეს. მეორე ტურში ჩვენები სტამბოლის არცთუ ძლიერ "იუზმეს" დაუზავდნენ (8:8), ხოლო "პანიონიოსთან" სულაც დამარცხდნენ 6:17. პირველ ტურში თურქების მძლეველმა (15:4) ბერძნებმა ასპარეზობის მეორე დღეს თბილისელებსაც მოუგეს 16:6 (5:1, 5:2, 2:2, 4:1. ამ მატჩში დისკვალიფიკაციის გამო კორდიჩს არ უთამაშია). გუშინ ბოლო ტურში "იუზმეს" წინააღმდეგ "ლიგამუსი-თბილისი" უფრო ყოჩაღად გრძნობდა თავს და გაიმარჯვა კიდეც 11:10 (4:2, 3:1, 3:3, 1:4). ბურთები გაიტანეს - რურუამ (3), კორდიჩმა (2), ჩომახიძემ (2) და თითო ხვედელიანმა, ბაღათურიამ, გეგელაშვილმა და ნიკოლეიშვილმა.თ მ ფ წ ბ ქპანიონიოსი 3 3 0 0 48:16 9კატარო 3 1 1 1 27:32 4ლიგამუსი-თბ. 3 1 0 2 24:39 3იუზმე 3 0 1 2 22:34 1მერვედფინალში "პანიონისი" და "კატარო" გავიდნენ. საქართველოს წყალბურთელებმა, მართალია, შემდეგი ეტაპის საგზური ვერ მოიპოვეს, მაგრამ ორ საკვალიფიკაციო რაუნდში თამამი თამაშით გამოცდილება მიიღეს, რაც ეროვნულ გუნდში საასპარეზოდ გამოადგებათ. შეგახსენებთ, რომ ჩვენი ნაკრები ევროპის ჩემპიონატის პირველ შესარჩევ შეხვედრას თბილისის "ოლიმპიკის" აუზში 30 ოქტომბერს დიდი ბრიტანეთის წყალბურთელებთან გამართავს.ყოველდღიური სპორტული გაზეთი"ლელო"

irakli

I LOVE THIS GAME

საქართველოს წყალბურთელთა ნაკრებმა მსოფლიო თასზე ბოლო მატჩი ჩაატარა

ისტორია დაიწერა - საქართველოს წყალბურთელთა ნაკრები მსოფლიო თასზე გავიდა!

წყალბურთი - საქართველოს ნაკრებმა უკრაინას მოუგო და ნახევარფინალში გავიდა

ქართველი მსაჯები უეფას ერთა ლიგის მატჩს მოემსახურებიან

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ჩემთვის ყველაფერი ნათელია" - ლუნინმა "ოქროს ბურთის" ფავორიტი დაასახელა

"ალბათ რამე მეც მერგება" - კუკურელიამ "ოქროს ბურთზე" ისაუბრა

"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა