<p>"ოცნება" და "ნაცმოძი" ქართულ პოლიტიკაში ისევე თამაშობენ, როგორც ესპანეთის პრიმერადივიზიონში "ბარსელონა" და "რეალი" <br> ისევე, როგორც ზღვაში ქვიშის დათვლა, საქართველოში პოლიტიკური პარტიების დათვლაც ძნელია. ლამის თითო ოჯახზე თითო პარტია მოდის. ხალხიც ზომაზე მეტად არის პოლიტიზირებული. ამის მიუხედავად, უმაღლეს ლიგაში მხოლოდ რამდენიმე პარტია ახერხებს თამაშს.</p><p>ტრადიცია არც ბოლო არჩევნებისას დარღვეულა. ამჯერად პარლამენტში მხოლოდ 2 ძალა გავიდა.</p><p>"ოცნება" და "ნაცმოძი" ქართულ პოლიტიკაში ისევე თამაშობენ, როგორც ესპანეთის პრიმერადივიზიონში "ბარსელონა" და "რეალი".</p><p>შექმნილი ვითარებიდან გამომდინარე, "ბარსელონა" აშკარად "ქართული ოცნებაა", "ნაცმოძი" კი "ბარსასგან" ჩაგრული "რეალი" გამოდის.</p><p>იქ, ესპანეთში, "რეალი" სამეფო გუნდია, აქაური "რეალი" საპრეზიდენტო გუნდი გახლავთ.</p><p>ჩვენებურ "ბარსელონას" მთავარი მეოცნებე <strong>ბიძინა ივანიშვილი</strong> უმაგრებს ზურგს. ერთი ხანობა გადავწყვიტეთ, ივანიშვილი <strong>ლიონელ მესისთვის</strong> შეგვედარებინა, მაგრამ არ გამოვა. ივანიშვილი თავის საქმეში მესიც არის და კიდევ უფრო მეტი. ამიტომ ბიძინა ბიძინად დარჩეს. გუნდის მწვრთნელობა კი საპარლამენტო უმრავლესობის ლიდერს მივანდოთ. <strong>ვილანოვას</strong> ფუნქცია <strong>დავით საგანელიძეს</strong> ეკისრება. ეგ აძლევს ხოლმე მითითებებს მოთამაშეებს.</p><p>მეკარე <strong>ვიქტორ ვალდესი ეკა ბესელია</strong> გამოდის, "ნაციონალების" დარტყმულებს კარგად იგერიებს ხოლმე. <strong>დანი ალვეში ზურა აბაშიძე</strong> უნდა იყოს. <strong>პიკე</strong> - <strong>ზაქარია ქუცნაშვილი</strong>, <strong>კარლეს პუიოლი</strong> - <strong>ზვიად ძიძიგური, ადრიანო</strong> - <strong>ოთარ ჩრდილელი, ბუსკეტსი</strong> - <strong>დათო ბერძენიშვილი, მასკერანო</strong> - <strong>მანანა კობახიძე, ჩავი</strong> - <strong>ელისო ჩაფიძე, ინიესტა</strong> კი - <strong>ბიძინა გუჯაბიძე</strong>.</p><p><strong>პედრო</strong> აუცილებლად <strong>თინა ხიდაშელია</strong>. ის მოწინააღმდეგეს ხშირად აწიოკებს ხოლმე. აი, მისი მეუღლე კი ნამდვილი პოლიტიკური <strong>ლიონელ მესია</strong>. <strong>დავით უსუფაშვილის</strong> ფანკლუბი განსაკუთრებით მას შემდეგ გახდა მრავალრიცხოვანი, რაც მან პრეზიდენტს თავისივე სასახლეში "მოაკეტინა". პარლამენტის სპიკერი შესანიშნავ პოლიტიკურ ფორმაშია.</p><p>"ნაცმოძი", როგორც უკვე ვთქვით, საპრეზიდენტო გუნდია. ივანიშვილის არ იყოს, სააკაშვილიც ერთადერთია. ამიტომ დავტოვოთ ისევ სააკაშვილად, მისი მსგავსი მაინც არავინაა დედამიწის ზურგზე.</p><p>ჩვენებური "რეალის" მწვრთნელ <strong>ჟოზე მოურინიოს</strong> აშკარად წააგავს <strong>მიშა მაჭავარიანი</strong>. არა, მაგის გაწვრთნილი გუნდი არსად გაიშვა, უბრალოდ, რაღაცით წააგავს. ცოტა ხნის წინ ცნობილი გახდა, რომ მოურინიოს მზარეულს სახლში "ბარსელონას" მაისური აცვია. მაჭავარიანის ძმა ვანოც "ქართული ოცნების" მაისურით თამაშობს. უფრო ზუსტად, ოცნებობს.</p><p>"ნაციონალთა" <strong>იკ</strong><strong>ერ კასილიასი დათო ბაქრაძე</strong> იყოს. მასავით უწყინარი ადამიანია და მოწინააღმდეგის სიმპათიებსაც იმსახურებს. პოლიტიკური ბურთების აღებაც მშვენივრად ეხერხება.</p><p><strong>ალვარო არბელოა გიორგი კანდელაკი</strong> იყოს, კარგად თამაშობს დაცვაში. <strong>სერხიო რამოსი აკაკი მინაშვილია, პეპე</strong> - <strong>გოკა გაბაშვილი</strong> (მასთან შედარებით ცოტა პუტკუნაა, მაგრამ არა უშავს), <strong>მარსელო</strong> - <strong>ჩიორა თაქთაქიშვილი</strong>, მასაც ტრავმა აქვს მიღებული.</p><p><strong>ხაბი ალონსო გია ბარამიძე</strong> იყოს - იმასავით ხან დაცვაშია, ხან თავდასხმაში. <strong>სამი ხედირა გოგა ხაჩიძეა</strong> - ორივეს ბლანჟე აქვს და იმიტომ. <strong>მესუთ იოზილი</strong> - <strong>პავლე კუბლაშვილი</strong> გახლავთ, <strong>ანხელ დი მარია</strong> - <strong>დავით დარჩიაშვილი</strong>.</p><p><strong>კრიშტიანუ რონალდუობა</strong> კონკურსგარეშე ეკუთვნის <strong>დავით საყვარელიძეს</strong>. მასავით სიმპათიურია და საკმაოდ კარგად თამაშობს - პოლიტიკურად, თორემ მაგის ნათამაშები ფეხბურთი, მგონი, არავის უნახავს. <strong>ქარიმ ბენზემა</strong> კი <strong>ნუგზარ წიკლაური</strong> იყოს. ახლა არ მკითხოთ, რატომო. წიკლაურს ძირითადის მიღმა ვერ დავტოვებდი და ვიღაცისთვის ხომ უნდა შემედარებინა?</p><p>ქართული პოლიტიკური "ელ კლასიკო" იმ "ელ კლასიკოსგან" ძალიან განსხვავდება. ამის მიუხედავად, ჩვენი საზოგადოება მაინც უყურებს ამათ ორთაბრძოლებს. სხვა გამოსავალი საქართველოს მოსახლეობას ნამდვილად არ აქვს, ქართულ პოლიტიკურ ავანგარდში მხოლოდ 2 გუნდია მოხვედრილი.</p><p>ნამდვილი "რეალისა" და "ბარსელონასგან" განსხვავებით, ესენი რაღაცას ხლართავენ. იმის მაგივრად, რომ ერთმანეთს რეალური ოპონირება გაუწიონ, კოჰაბიტაციობენ.</p><p>(<a href="http://www.ambebi.ge/sazogadoeba/71894-qarthuli-politikuri-el-klasiko.html" target="_blank"><span style="color: #ff0000;"><strong>იხილეთ სტატია სრულად</strong></span></a>)</p><p><strong>შორენა მარსაგიშვილი </strong></p><p>გაზეთი "ახალი თაობა"</p>
ნუკრი
უწვალია ავტორს ,როგორ უნდა გაგეცინოს ადამიანს?
giorgi
ეგ რა შედარებააა რა
123
გაიცინეთ, რაა?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ