<p><span style="line-height: 1.3em;" />ამბობენ, მარიოს ლევანდოვსკიში გაცვლიანო; "ატლეტიკოც" დაინტერესებულია <br> </span>თუ "ბაიერნი" <strong>რობერტ ლევანდოვსკის</strong> მართლაც გადაიბირებს (ამაში კი ეჭვი თითქმის აღარავის ეპარება), საინტერესოა, რა ელის <strong>მარიო გომესს</strong>, რომელიც სათადარიგოთა სკამზე ჯდომის პერსპექტივას, დარწმუნებულები ვართ, არ შეეგუება. ლევერკუზენის "ბაიერის" გენერალური მენეჯერის, <strong>ვოლფგანგ ჰოლცჰოიზერის</strong> თქმით, ბავარიელები სერიოზულად ფიქრობენ იმაზე, რომ გომესი "დორტმუნდს" შესთავაზონ.</p><p>"<em>ჩემი ინფორმაციით, "ბაიერნი" "ბორუსიას" ლევანდოვსკის გომესში გაცვლას შესთავაზებს. რაკი გავრცელდა ცნობები იმის შესახებ, რომ მიუნხენელები რობერტს უკვე ყველაფერზე შეუთანხმდნენ, "დორტმუნდი" შებოჭილია და გარიგებაზე უარის თქმა გაუჭირდება. ახლა საინტერესო ისაა, რამდენად მოსწონს "ბორუსიას" იურგენ კლოპს გომესი</em>," - უთხრა ჰოლცჰოიზერმა ჩვენს გერმანელ კოლეგებს.</p><p>ამრიგად, გამორიცხული არაა, რომ 27 წლის მარიო სწორედ "დორტმუნდში" აღმოჩნდეს, თუმცა მას სხვა ვარიანტებიც ექნება. უახლესი ინფორმაციით, გომესის გადაბირებით მადრიდის "ატლეტიკოც" დაინტერესებულია. ეს ცნობა ესპანურმა გაზეთმა AS-მა გაავრცელა. მადრიდელებს გერმანიის ნაკრების გოლეადორი <strong>რადამელ ფალკაოს</strong> შემცვლელად ესახებათ. როგორც იცით, ფალკაოს მთხოვნელთა უდიდესი რიგი უდგას - მის გადაბირებას "რეალი", "ჩელსი" და "მანჩესტერ სიტი" ცდილობენ და ფაქტია, რომ თანამედროვეობის ერთ-ერთ საუკეთესო ცენტრფორვარდს "ატლეტიკოში" დიდხანს აღარავინ გააჩერებს.</p><p><strong><span style="color: #ff0000;">დორტმუნდში გომესს გომისი ურჩევნიათ?</p><p></span></strong>ამასობაში გერმანული პრესა იმასაც იუწყება, რომ დორტმუნდელთა თავკაც <strong>იურგენ კლოპს</strong> ლევანდოვსკის შემცვლელად არა მარიო გომესი, არამედ საფრანგეთის ნაკრებისა და "ლიონის" თავდამსხმელი <strong>ბაფეტიმბი გომისი</strong> ესახება. 27 წლის გომისი იურგენის ტაქტიკურ სქემაში იდეალურად ჯდება, რადგან რობუსტულია, კარგი დარტყმა აქვს, პასის გაკეთებაც შეუძლია და შესანიშნავად თამაშობს თავით. ამასთან, მას თავისი შესაძლებლობები მრავალგზის დამტკიცებული აქვს - ზედიზედ მეშვიდე წელია, სეზონში ათზე მეტ გოლს იტანს.</p><p>გომისს "ლიონთან" კონტრაქტი 2014 წლამდე აკავშირებს და დაახლოებით 12 მილიონ ევროდაა შეფასებული. ჩვენი გერმანელი კოლეგების ცნობით, დორტმუნდელები გომისის გარდა, <strong>ედინ ჯეკოზე</strong> (მანჩესტერ სიტი), <strong>შტეფან კისლინგსა</strong> (ლევერკუზენი) და <strong>მამე დიუფზეც</strong> (ჰანოვერი) ფიქრობენ.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/germania/45883-mosalodneli-transferi-klopma-kislingi-moithkhova.html" target="_blank">მოსალოდნელი ტრანსფერი: კლოპმა კისლინგი მოითხოვა</a></p>
მძიმე ტრავმის შემდეგ ჯამალ მუსიალამ ვარჯიში დაიწყო
ყველა დროის რეკორდი ბუნდესლიგაში - ნოიერი პირველ ადგილზე გადავიდა
"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა