- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მილანი VS ბარსელონა - ფავორიტი ცხადია, მაგრამ ბურთი ხომ მრგვალია?!
<p>ჩემპიონთა ლიგა. 1/8-ფინალი. I მატჩი. ოთხშაბათის შეხვედრის წინ <br> წესით, ამ წყვილში ფავორიტის დასახელება მინიმუმ რთული და მაქსიმუმ შეუძლებელი უნდა იყოს, მაგრამ ამჯერად სხვა შემთხვევასთან გვაქვს საქმე.</p><p>დღეს "ბარსელონა" მსოფლიოში ერთ-ერთი საუკეთესო (თუ საუკეთესო არა) გუნდია, "მილანს" კი მხოლოდ სახელი აქვს ასეთი. შესაბამისად, საყოველთაო აზრით, "ბარსა" "მილანთან" უპირობო ფავორიტია - საფეხბურთო მსოფლიო კატალონიურ გრანდს "სან სიროზეც" კი იოლ გამარჯვებას უწინასწარმეტყველებს.</p><p>მაგრამ, მოგეხსენებათ, ბურთი მრგვალია და თანაც, "მილანი", თუნდაც სუსტი შემადგენლობით, მაინც "მილანია" და შეუძლია თუ არა ამ "მილანს" საკუთარი პუბლიკის სასიამოვნოდ გაოცება, ამ კითხვაზე პასუხს 20 თებერვალს შევიტყობთ.</p><p>ამბობენ, თუ "ბარსელონამ" მოინდომა, დღევანდელ "მილანს" მისსავე სტადიონზე შავ დღეს დააყრისო, მაგრამ, უმჯობესია, ამ "თუებისა" და "თუმცების" წაღმა-უკუღმა ხსენებას შევეშვათ და უშუალოდ თამაშს დაველოდოთ, რადგან, შემადგენლობებს თავი რომ დავანებოთ, ეს ისეთი თამაშია, რომელზეც წინასწარ, ვარაუდებით არ უნდა იმსჯელო.</p><p>ვთქვათ მხოლოდ ის, რომ ნეიტრალური ქომაგებისთვის უმჯობესი იქნება, "ბარსამ" მეოთხედფინალში თამაში მილანშივე არ გაინაღდოს, რათა საპასუხო მატჩითაც სრულყოფილად ვისიამოვნოთ.</p><p><span style="color: #ff0000;"><strong>ბარსა საუკეთესო შემადგენლობით, მილანს პრობლემები აქვს </strong></span></p><p>"ბარსელონას" სერიოზული საკადრო პრობლემები არ აქვს. კატალონიელებს მხოლოდ <strong>ადრიანო, ერიკ აბიდალი</strong> და<strong> დავიდ ვილია</strong> აკლიათ.</p><p>ცხადია, დანაკლისია მთავარი მწვრთნელის, <strong>ტიტო ვილანოვას</strong> არყოფნაც - კატალონიურ გრანდს ოთხშაბათს მისი ასისტენტი <strong>ჟორდი როურა </strong>უხელმძღვანელებს. <strong>ჩავიმ</strong> ტრავმა ბოლომდე მოიშუშა და მას ძირითად შემადგენლობაში უნდა ველოდოთ, რაც იმას ნიშნავს, რომ "ბარსა" "სან სიროზე", ფაქტობრივად, საუკეთესო შემადგენლობით ითამაშებს.</p><p>კატალონიელთა 4-3-3 ტაქტიკურ სქემაში, ჩავისთან ერთად, ნახევარდაცვაში <strong>სესკ ფაბრეგასი</strong> იმოქმედებს და წინა ხაზზე <strong>პედროს, ლეო მესისა</strong> და <strong>ანდრეს ინიესტას</strong> პასებით მომარაგება სწორედ მათ დაევალებათ. ბუსკეტსი კი ორივეს დააზღვევს.</p><p>"მილანს" საუკეთესო შემადგენლობითაც რომ შეეძლოს თამაში, ასეთ შემთხვევაშიც აუტსაიდერად შევრაცხავდით. ახლა კი, ისედაც პრობლემატურ "როსონერის" საკადრო პრობლემებიც აქვს. "მილანში" ახლა პირზე ყველას <strong>მარიო ბალოტელი</strong> აკერია, რომელიც "როსონერიმ" "მანჩესტერ სიტიდან" იანვარში გადაიბირა და რომელმაც თავისი მილანური კარიერა იდეალურად დაიწყო (4 გოლი 3 თამაშში), მაგრამ ბალოს ჩემპიონთა ლიგაში თამაშის უფლება არ აქვს, რადგან ჯგუფურ ეტაპზე "სიტის" ეხმარებოდა.</p><p>ბალოტელის არყოფნაში "მილანისთვის" ორმაგად მტკივნეული იქნება, თუ <strong>მასიმილიანო ალეგრი</strong> ვერც<strong> სტეფან ელ შაარავის</strong> გამოიყენებს. ამ უკანასკნელს ტრავმა აწუხებს და მისი თამაში გვიან ღამემდე საეჭვო იყო, მაგრამ გამორიცხული არაა, რომ 20 წლის ელ შაარავიმ (15 გოლი მიმდინარე სეზონის 24 მატჩში) მატჩის დღეს, საღამომდე მწყობრში ჩადგომა მოასწროს და "ბარსასთან" იასპარეზოს.</p><p>მილანელები იმედს არ კარგავენ, რომ ელ შაარავი ითამაშებს, ბალოტელი კი <strong>ჯამპაოლო პაცინიმ</strong> უნდა შეცვალოს.</p><p>აქვე ვთქვათ, რომ კითხვის ნიშნის ქვეშაა <strong>დანიელე ბონერასა</strong> და <strong>რობინიოს</strong> თამაშიც. <strong>ნაიჯელ დე იონგის </strong>ასპარეზობა კი გამორიცხულია.</p><p>ამრიგად, "მილანის" დაცვის ცენტრში კოლუმბიელი <strong>კრისტიან საპატას </strong>და ფრანგი <strong>ფილიპ მექსეს</strong> ტანდემს ვიხილავთ.</p><p><strong><span style="color: #ff0000;">მიეცემა ბოიანს შანსი?</p><p></span></strong>"მილანი" იტალიის ჩემპიონატში ბოლო დროს დასტაბილურდა და შვიდმატჩიანი წაუგებელი სერია აქვს, რაც იმას ნიშნავს, რომ ალეგრის ბიჭები "ბარსელონასთან" დუელს კარგი განწყობით ხვდებიან. ამავდროულად, "როსონერის" "სან სიროზე" ბოლო 6 მატჩი მოგებული აქვს.</p><p>"მილანმა" ესპანურ კლუბებს სულ 23-ჯერ უმასპინძლა, რომელთაგან 11 მოიგო და 6 წააგო. აქვე ისიც უნდა შეგახსენოთ, რომ "მილანში" ირიცხება 22 წლის <strong>ბოიან კრკიჩი</strong>, რომელიც 2007-იდან 2011 წლამდე "ბარსელონას" ღირსებას იცავდა, კატალონიელთა ფორმით 41 გოლი გაიტანა და მაშინ უდიდეს, მსოფლიო ფეხბურთის ამომავალ ვარსკვლავად მიიჩნეოდა.</p><p>მიეცემა თუ არა კრკიჩს ყოფილი თანაგუნდელების წინააღმდეგ თამაშის შანსი, ამ კითხვაზე კონკრეტული პასუხის გაცემა ალეგრიმ მატჩის წინა დღეს არ ისურვა. სამაგიეროდ, მან სიამოვნებით ისაუბრა იმაზე, რომ ფავორიტი შეიძლება "ბარსელონაა", მაგრამ "მილანი" იოლად არ დანებდება და ბოლომდე იბრძოლებს.</p><p><span style="color: #ff0000;"><strong>ალეგრი: მთავარი რწმენაა!</strong></span></p><p><em>"არ მსიამოვნებს, ყველა მსხვერპლად რომ მიგვიჩნევს იმის გამო, რომ ბედმა მეტოქედ "ბარსელონა" გვარგუნა. თუ ოთხშაბათამდე რეგლამენტს არ შეცვლიან და არა მგონია, რომ შეცვალონ, თამაში 0:0-ი</em><em>დან დაიწყება.</p><p>ცხადია, "ბარსელონა" მსოფლიოში საუკეთესო გუნდია, მაგრამ ჩვენ უნდა გვჯეროდეს ჩვენი შესაძლებლობების და იმის, რომ ამ თამაშის მოგება შეგვიძლია. წინააღმდეგ შემთხვევაში, მოედანზე გასვლას აზრი არ აქვს! - </em>განაცხადა 19 თებერვალს პრესკონფერენციაზე "მილანის" თავკაცმა,<em> - მშვიდები უნდა ვიყოთ და ერთი წამითაც არ უნდა დაგვავიწყდეს, ვის ვეთამაშებით.</p><p>თუ "ბარსა" ყველაზე ძლიერია, "მილანი" ყველაზე ტიტულოვანია.</p><p>შარშან "ბარსელონასთან" ორივე შეხვედრაში კარგად ვიბრძოლეთ. როცა ისეთ გუნდს ეთამაშები, რომლის ბურთის ფლობა ყველა მატჩში მინიმუმ 65 პროცენტია, ყველანაირად უნდა ეცადო, რომ ეს მაჩვენებელი შეამცირო.</p><p>ეს ისეთი თამაშია, რომელიც უდიდეს ფიზიკურ და მორალურ დანახარჯს მოითხოვს. თუ მაქსიმალურად კონცენტრირებულები ვიქნებით და ცოტათი გაგვიმართლებს კიდეც, ყველაფერი კარგად იქნება".</em></p><p>ამასთან, ალეგრიმ ისიც თქვა, რომ დაცვის ცენტრში <strong>საპატასა</strong> და <strong>მექსეს</strong> გაამწესებს, დაცვის მარჯვენა ფლანგზე <strong>აბატეს </strong>ათამაშებს, ხოლო მარცხნივ - <strong>კევინ კონსტანტს</strong>.</p><p><em>"როცა ამ "ბარსელონასთან" თამაში ორ სეზონში ექვსჯერ მოგიწევს, ბედს, დიახაც, უნდა ეწუწუნო, მაგრამ "მილანი" თავდახრილი არასდროს ყოფილა და არც ახლა იქნება.</p><p>იმედი გვაქვს, რომ ელ შაარავი გამოჯანმრთელებას მოასწრებს",</em> - ეს კი "როსონერის" ვიცე-პრეზიდენტ <strong>ადრიანო გალიანის</strong> სიტყვებია.</p><p>ბოლო ხუთი წელია, "ბარსა" ჩემპიონთა ლიგაში მინიმუმ მეოთხედფინალში გადის. უშუალოდ "მილანთან" კი შვიდმატჩიანი წაუგებელი სერია აქვს და საერთოდ, კატალონიელებმა იტალიაში სულ 18-ჯერ იასპარეზეს და მხოლოდ ხუთჯერ დამარცხდნენ.</p><p>მესი კი მორიგ რეკორდს უმიზნებს - არგენტინელს ჩემპიონთა ლიგაში 56 გოლი აქვს გატანილი, რითაც <strong>რუუდ ვან ნისტელროის</strong> გაუთანაბრდა და ახლა მხოლოდ რაულს (71 გოლი) ჩამორჩება.</p><p><span style="color: #ff0000;"><strong>ჩემპიონთა ლიგა. 1/8-ფინალი. I მატჩი</strong></span></p><p><strong><span style="color: #ff0000;"><span style="color: #000000;">მილანი-ბარსელონა 23:45</span></p><p></span></strong><span style="text-decoration: underline;">სავარაუდო შემადგენლობები</p><p></span>მილანი (4-3-1-2): აბიატი - აბატე, საპატა, მექსე, კონსტანტი - ნოჩერინო, მონტოლივო, ამბროზინი - კ.-პ. ბოატენგი - პაცინი, ელ შაარავი.</p><p>ბარსელონა (4-3-3): ვალდესი - დანი ალვეში, პიკე, პუიოლი, ხორდი ალბა - ფაბრეგასი, ბუსკეტსი, ჩავი - პედრო, მესი, ინიესტა.</p><p>არბიტრი: კრეიგ ტომსონი (შოტლანდია)</p><p><strong><span style="color: #ff0000;">ურთიერთშეხვედრები</p><p></span></strong>03.04.2012</p><p><em><strong>ბარსელონა-მილანი 3:1</strong></em></p><p>გოლები: 1:0 მესი (11-პენ), 1:1 ნოჩერინო (32), 2:1 მესი (41-პენ), 3:1 ინიესტა (53)</p><p>28.03.2012</p><p><em><strong>მილანი-ბარსელონა 0:0</strong></em></p><p>23.11.2011</p><p><em><strong>მილანი-ბარსელონა 2:3</strong></em></p><p>გოლები: 0:1 ვან ბომელი (14-საკ. კარში), 1:1 იბრაჰიმოვიჩი (20), 1:2 მესი (31-პენ), 2:2 კ. პ. ბოატენგი (54), 2:3 ჩავი (63)</p><p>13.09.2011</p><p><em><strong>ბარსელონა-მილანი 2:2</strong></em></p><p>გოლები: 0:1 პატო (1), 1:1 პედრო (36), 2:1 ვილია (50), 2:2 ტიაგო სილვა (92)</p><p>26.04.2006</p><p><em><strong>ბარსელონა-მილანი 0:0</strong></em></p><p>18.04.2006</p><p><em><strong>მილანი-ბარსელონა 0:1</strong></em></p><p>გოლი: 0:1 ჟიული (57)</p><p>02.11.2004</p><p><em><strong>ბარსელონა-მილანი 2:1</strong></em></p><p>გოლები: 0:1 შევჩენკო (17), 1:1 ეტო’ო (37), 2:1 რონალდინიო (88)</p><p>20.10.2004</p><p><em><strong>მილანი-ბარსელონა 1:0</strong></em></p><p>გოლი: 1:0 შევჩენკო (31)</p><p>18.10.2000</p><p><em><strong>მილანი-ბარსელონა 3:3</strong></em></p><p>გოლები: 0:1 რივალდო (18), 1:1 ალბერტინი (25), 2:1 ალბერტინი (39), 2:2 რივალდო (42), 3:2 ხოსე მარი (45), 3:3 რივალდო (69)</p><p>26.09.2000</p><p><em><strong>ბარსელონა-მილანი 0:2</strong></em></p><p>გოლები: 0:1 კოკო (45), 0:2 ბირჰოფი (71)</p><p>18.05.1994</p><p><em><strong>მილანი-ბარსელონა 4:0</strong></em></p><p>გოლები: 1:0 მასარო (22), 2:0 მასარო (45), 3:0 სავიჩევიჩი (47), 4:0 დესაი (58)</p><p>1959/60</p><p><em><strong>ბარსელონა-მილანი 5:1</strong></em></p><p>1959/60</p><p><em><strong>მილანი-ბარსელონა 0:2</strong></em></p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/45913-chavi-qmilaniq-qbarselonasthvisq-yovelthvis-rthuli-metoqe-iyo.html" target="_blank">ჩავი: "მილანი" "ბარსელონასთვის" ყოველთვის რთული მეტოქე იყო</a></p>
[VIDEO] "იბერია 1999" "მალმიოსთან" ისევ დამარცხდა და კონფერენს ლიგაზე გადაერთვება
[VIDEO] ორი არდანიშნული პენალტი - "იბერია 1999" სახლში "მალმიოსთან" 1:3 დამარცხდა
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა