- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსებზე "ბორჯღალოსნების" ოცწლიანი ჰეგემონია უნდა გაგრძელდეს!
<p>საქართველოს ნაკრები ერთა თასის მესამე ტურის შეხვედრას 23 თებერვალს სოჭში, რუსეთის ეროვნულ გუნდთან გამართავს</p><p><br> საქართველოს ნაკრები ერთა თასის მესამე ტურის შეხვედრას 23 თებერვალს სოჭში, რუსეთის ეროვნულ გუნდთან გამართავს.</p><p>"ბორჯღალოსნები", ტრადიციულად, "შევარდენის სანაკრებო ბაზაზე" შეიკრიბნენ და 20 თებერვალს, 10 საათზე ღია ვარჯიშს გამართავენ.</p><p><span style="color: #ff0000;"><strong>ბორჯღალოსნები</p><p></strong></span>ჩვენი ეროვნული გუნდის ახალზელანდიელმა მთავარმა მწვრთნელმა <strong>მილტონ ჰეიგმა</strong> თავდაპირველად 25 მორაგბეს უხმო.</p><p>თუმცა მოგვიანებით გუნდს მესამეხაზელი <strong>ვიქტორ კოლელიშვილი</strong> დაემატა, რომელმაც წინა ტურის მატჩი პორტუგალიის ნაკრებთან ტრავმის გამო გამოტოვა. მას ყვრიმალი ჰქონდა გატეხილი და წესით, სამი კვირის განმავლობაში უნდა ემკურნალა. საბოლოოდ 21 თებერვალს გაირკვევა, შეძლებს თუ არა "ვიტო" თამაშს.</p><p>ამასთან ერთად, წინასწარ გაცხადებულ გაფართოებულ შემადგენლობაში ერთი ცვლილებაა: ჰეიგმა პირველხაზელი <strong>დავით ხინჩაგიშვილის</strong> ("ბრივი") ნაცვლად, ახალგაზრდა <strong>ზურაბ ჟვანია</strong> მიიწვია.</p><p>გაფართოებულ შემადგენლობაში ვერ მოხვდნენ: შერკინების კვაჭი <strong>რეზო ბელქანია</strong> ("ლელო"), ბურჯი <strong>ირაკლი მირცხულავა</strong> ("ტარბი"), მეორეხაზელი <strong>ვახტანგ მაისურაძე</strong> ("ალბი") და გარემარბი <strong>ალექსანდრე თოდუა</strong> ("ალბი").</p><p>"ბორჯღალოსანთა" რიგებში ისევ არ არიან მეორეხაზელები: <strong>ლევან დათუნაშვილი</strong> ("ორიაკი") და <strong>გიორგი ნემსაძე</strong> ("ტარბი"), მგეზავი <strong>ლაშა მალაღურაძე</strong> ("ბაგნერე"). ყოველივე ეს გვაფიქრებინებს, რომ ჰეიგს საქართველოს ნაკრების გაახალგაზრდავებისკენ აქვს გეზი აღებული.</p><p>გაფართოებულ შემადგენლობაში გამოძახებული შვიდი პირველხაზელიდან ოთხი ახალგაზრდა, თუმცა უკვე საკმაოდ გამოცდილი მოთამაშეა.</p><p>ამათგან <strong>ვასილ კაკოვინს</strong> მსოფლიოს თასზე თამაშის გამოცდილებაც აქვს. ეროვნულ გუნდში არასდროს უთამაშია და, შესაბამისად, შედარებით ნაკლები პრაქტიკა აქვს <strong>ზურაბ ჟვანიას</strong>.</p><p>სრულიად ახალგაზრდულია მეორე ხაზი. აქ გამოცდილი <strong>გიორგი ჩხაიძის</strong> გვერდით ყველაზე მაღალი ქართველი მორაგბე, 22 წლის <strong>კონსტანტინე მიქაუტაძე</strong> ითამაშებს, რომლის სიმაღლეც ზუსტად ორი მეტრია.</p><p>სათადარიგოთა შორის კი დებიუტანტი <strong>ლაშა ლომიძე</strong> იქნება, რომელმაც შარშან, "მსოფლიოს ახალგაზრდულ ალაფზე" საქართველოს ახალგაზრდულ ნაკრებში ითამაშა. ის 20 წლისაა, მისი სიმაღლე კი 197 სანტიმეტრია.</p><p>ყველაზე სტაბილური მდგომარეობა მესამე ხაზშია. აქ ყველა მრავალნაცადი მოთამაშეა, თუ არ ჩავთვლით 21 წლის <strong>ბექა ბიწაძეს</strong>, რომელსაც უკვე მოუწია ეროვნული ნაკრების კვართის რამდენჯერმე მორგება.</p><p>ბოლო წლებში ცხრა ნომრის პოზიციაზე, ძირითადად, <strong>ირაკლი აბუსერიძე</strong> და <strong>ბიძინა სამხარაძე</strong> ირჯებოდნენ. შარშანდელი სეზონიდან სამხარაძე <strong>გიორგი ბეგაძემ</strong> ჩაანაცვლა.</p><p>რუსთავის "ხარებისა" და საქართველოს ახალგაზრდული ნაკრების ცხრა ნომერი <strong>ვაჟა ხუციშვილი</strong> ეროვნულ გუნდში წლეულს გამოჩნდა, თუმცა ჯერ არ უთამაშია.</p><p>ჰეიგმა საქართველოს ნაკრებში დააწინაურა 19 წლის შუამარბი <strong>თამაზ მჭედლიძე</strong>, თუმცა ახალზელანდიელი სპეციალისტი მას გარემარბად მოიაზრებს და სწორედ ამ პოზიციაზე ათამაშებს.</p><p>ასევე 19 წლისაა შუამარბი <strong>მერაბ შარიქაძე</strong>, რომელსაც ახალგაზრდებიდან ჰეიგი ყველაზე მეტად ენდობა და წელიწადზე მეტია, ნაკრების ძირითადი შემადგენლობის წევრია.</p><p>პრობლემური რჩება ფულბეკის პოზიცია. აქ ჰეიგს ორი კანდიდატი ჰყავს შერჩეული: 28 წლის <strong>ირაკლი ყიასაშვილი</strong> და მასზე ოთხი წლით უმცროსი <strong>ბექა წიკლაური</strong>. თუმცა, ისიც აღსანიშნავია, რომ პორტუგალიის ნაკრებთან თამაში არც ერთს არ მოუწია.</p><p>ლუზიტანელებთან ფულბეკი იყო მგეზავი <strong>მერაბ კვირიკაშვილი</strong>, რომელსაც ზურგს მსოფლიოს თასის სამ გათამაშებაში ასპარეზობის გამოცდილება უმაგრებს.</p><p><span style="color: #ff0000;"><strong></p><p>რუსი დათვები</strong></span></p><p>სოჭში საქართველოს ნაკრებს ტრადიციულ მეტოქესთან - რუსეთთან საკმაოდ მძიმე დაპირისპირება ელის.</p><p>აქამდე "ბორჯღალოსნები" რუსთა გუნდს თექვსმეტჯერ ეთამაშნენ. აქედან 14 მატჩი მოიგეს, ერთიც წააგეს და ამდენივე ფრედ დასრულდა. რუსებს ჩვენი გუნდისთვის 1993 წლის შემდეგ არ მოუგიათ და, ცხადია, ამ 20-წლიანი კოშმარის დასრულების დიდი სურვილი აქვთ.</p><p>თანაც, ჩვენს ჩრდილოელ მეზობლებს შარშანდელი წყენაც კარგად ახსოვთ, როცა თბილისში "ბორჯღალოსნებთან" გამანადგურებელი ანგარიშით დამარცხდნენ - 0:46.</p><p>ყოველივე ამისთვის და სატურნირო ვითარებიდან გამომდინარე, რუსეთის ნაკრები ყველაფერს იღონებს სოჭში წარმატების მისაღწევად.</p><p>შეგახსენებთ, რომ ერთა თასის წლევანდელ გათამაშებაში, რომელიც 2015 წლის მსოფლიოს თასის შესარჩევი ტურნირიცაა, რუსეთის ეროვნულმა გუნდმა ორი მატჩი გამართა.</p><p>აქედან პირველში შინ სძლია ესპანეთის ნაკრებს - 13:9, მერე კი სტუმრად დამარცხდა რუმინეთთან - 14:29. ჩვენს ნაკრებთან მარცხის შემთხვევაში, რუსების მდგომარეობა უკიდურესად გართულდება.</p><p>მით უფრო, რომ მომდევნო ტურში სტუმრად მოუწევთ თამაში პორტუგალიის ნაკრებთან და, სავარაუდოდ, მათ არც ბოლო ტურში ექნებათ იოლი გასეირნება შინ ერთა თასის დებიუტანტ ბელგიის ეროვნულ გუნდთან.</p><p>ჩვენი მეტოქის მდგომარეობას ისიც ართულებს, რომ შერკინების პირველხაზელებმა - ძმებმა გრიგორი და ვალერი ცნობილაძეებმა საქართველოს ნაკრების წინააღმდეგ თამაშზე უარი თქვეს. ისინი კი თავიანთ პოზიციებზე რუსეთში საუკეთესოები არიან.</p><p>საქართველოს ნაკრებთან მატჩისთვის რუსები 17 თებერვლიდან ემზადებიან. მათ რიგებში ორი ლეგიონერია - გარემარბი ვასილი არტემევი და მეორეხაზელი კირილ კულემინი.</p><p>ტრავმა მოიშუშა და გუნდს დაუბრუნდა მგეზავი კირილ კუშნარიოვი. ტრავმის გამო წინა ორი შეხვედრა გამოტოვა და ვერც "ბორჯღალოსნების" წინააღმდეგ ითამაშებს უკანახაზელი დენის სიმპლიკევიჩი.</p><p>შეგახსენებთ, რომ საქართველოსა და რუსეთის ნაკრებების დაპირისპირება 23 თებერვალს სოჭში, თბილისის დროით 15 საათზე დაიწყება.</p><p><strong>საქართველო</p><p></strong>პირველი ხაზი: დავით ზირაქაშვილი (კლერმონი), დავით ქუბრიაშვილი (ტულონი), ირაკლი ნატრიაშვილი (ბრივი), ვასილ კაკოვინი (ტულუზი), მიხეილ ნარიაშვილი (მონპელიე), შალვა მამუკაშვილი (არმია), ზურაბ ჟვანია (სტად ფრანსე)</p><p>მეორე ხაზი: გიორგი ჩხაიძე (ტარბი), კონსტანტინე მიქაუტაძე (ტულონი), ლაშა ლომიძე (მონპელიე).</p><p>მესამე ხაზი: მამუკა გორგოძე (მონპელიე), შალვა სუთიაშვილი (მასი), ბექა ბიწაძე (არმია), დიმიტრი ბასილაია (ედინბურგი), ვიქტორ კოლელიშვილი (კლერმონი).</p><p>#9: გიორგი ბეგაძე (ბათუმი), ვაჟა ხუციშვილი (ხარები).</p><p>#10: ლაშა ხმალაძე (ლელო), მერაბ კვირიკაშვილი (სენ ჟუნიენი).</p><p>#12-13: მერაბ შარიქაძე (ჰართპური), დავით კაჭარავა (როდეზი), თედო ზიბზიბაძე (პერიგო).</p><p>#11-14: ირაკლი მაჩხანელი (არმაზი), თამაზ მჭედლიძე (მონ დე მარსანი).</p><p>#15: ირაკლი ყიასაშვილი (ლელო), ბექა წიკლაური (ლოკომოტივი).</p><p><strong>რუსეთი</p><p></strong>ვასილი არტემევი (ნორსჰემპთონი), მიხაილ ბაბაევი, ალექსანდრ ვოიტოვი, ალექსეი ვოლკოვი, იგორ კლუჩნიკოვი, სერგეი ტრიშინი, ალექსანდრ იანუშკინი (ყველა - ვვა), პაველ ბუტენკო, დიმიტრი გერასიმოვი, ინოკენტი ზიკოვი, იგორ კურაშოვი, ევგენი პრონენკო, ანდრეი ტემნოვი, ალექსეი შერბანი (ყველა - ენისეი), ანდრეი გარბუზოვი, ვიქტორ გრესევი, მაქსიმ კისილიოვი, ალექსეი მაკოვეცკი, ანდრეი ოტროკოვი, ანტონ რიაბოვი, მაქსიმ სტურზა, მაქსიმ ტიმოშუკი (ყველა - კრასნი იარი), ანდრეი იგრეცოვი (ფილი), პაველ კვერნაძე (სპარტაკი), კირილ კულემინი (ლონდონ ველში), იური კუშნარიოვი (ყუბანი), ანდრეი პოლოვალოვი, არტიომ ფატახოვი, სერგეი იანუშკინი (სამივე - აგროუნივერსიტეტი), სერგეი სუგრობოვი (სლავა).</p><p><strong></p><p>სატურნირო მდგომარეობა</strong></p><p><em>ა გ თ მ ფ წ ბ ქ</p><p></em>1. რუმინეთი 2 2 0 0 +21 8</p><p>2. საქართველო 2 2 0 0 +17 8</p><p>3. რუსეთი 2 1 0 1 -11 4</p><p>4. ბელგია 2 0 1 1 -4 3</p><p>5. ესპანეთი 2 0 1 1 -4 3</p><p>6. პორტუგალია 2 0 0 2 -19 1</p><p><span style="text-decoration: underline;">III ტური. 23 თებერვალი</p><p></span>რუსეთი-საქართველო</p><p>ესპანეთი-რუმინეთი</p><p>პორტუგალია-ბელგია</p><p><strong>ყოველდღიური სპორტული გაზეთი "ლელო"</strong></p>
-
gogol
ამათ საიტზე არის პირდაპირი (ანუ საიტზე შევძლებთ ყურებას) ტელევიზორშ აჯობებდა თან გეგენავა დიდებული კომენტატორია.
-
gogol
ეხლა წავიკითხე რუსეთის რაგბის ოფიციალურ წებ საიტზე რო არის პირდაპირი ტრანსლაცია!! უნდა Aჩვნენონ ალბათ ჩვენთანაც რugby.ru ნახეთ
-
gogol
არის თუ არა პირდაპირი?
-
Zurazz
პირდაპირი ეთერი იქნება? თუ ისევ რადიოთი მოგვიწევს მოსმენა?
-
BATUMELI
23 tebervali rusebistvis ra dgecaa kvelam vicit, samshoblos damcvelis jariskacis dge! xoda magative samshobloshi davdobt bichebo mxrebze!
-
koba
ყველაზე ცუდი ის არის, რომ რეალურად ჰეიგს არც არავინ აცლის რომ მართოს გუნდი თავის ჭკუაზე !!!
-
ჯ.ჩ.
ცოტა რისკიანი შემადგენლობაა.
-
გოჩა
ეს ჰეიგი დაანგრევს იმ გუნდს რომელიც სორელის დროიდან ნაბიჯ–ნაბიჯ შენდებოდა
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
[VIDEO] ზივზივაძე "დორტმუნდთან" მატჩში გააძევეს
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] ყაზაიშვილი ბწყინვალე ფორმაშია - ამჯერად სლუცკის გუნდთან ჰეთ-თრიკი შეასრულა
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
"კვარას" გაყიდვის შემდეგ, კონტეს "ნაპოლიდან" წასვლა სურდა, მაგრამ ამიტომ გადაიფიქრა" - ადანიმ იტალიელ სპეციალისტზე ისაუბრა
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა