- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კახა კაჭარავა: ჩვენი პრიორიტეტი ახალგაზრდების დაწინაურებაა
<p>"ზესტაფონი" რამდენიმე დღეა, ანტალიური შეკრებიდან საქართველოში დაბრუნდა და სეზონის განახლებისთვის მზადებას საკუთარ ბაზაზე ასრულებს <br> "ზესტაფონი" რამდენიმე დღეა, ანტალიური შეკრებიდან საქართველოში დაბრუნდა და სეზონის განახლებისთვის მზადებას საკუთარ ბაზაზე ასრულებს.</p><p>22 თებერვალს ფეროელები საქართველოს სუპერთასისთვის გორის "დილას" შეებრძოლებიან, ამის შემდეგ თასის მერვედფინალურ მატჩებში ლანჩხუთის "გურიას" დაუპირისპირდებიან, უმაღლეს ლიგას კი 9 მარტს "დილასთან" გასვლითი შეხვედრით განაახლებენ.</p><p>ზამთრის სატრანსფერო პერიოდში "ზესტაფონში" ბევრი რამ მოხდა, უპირველესად კი, გუნდის შემადგენლობაში განხორციელებული ცვლილებებია აღსანიშნავი. თურქულ შეკრებაზე იმერელთა სამწვრთნელო შტაბს სამი ლეგიონერი მოეწონა და ვნახოთ, როგორ გამოავლენენ ისინი თავს საქართველოში.</p><p>ამ და სხვა აქტუალურ თემებზე "ზესტაფონის" მთავარ მწვრთნელ კახა კაჭარავას ვესაუბრეთ.</p><p><strong>- უპირველესად, თურქული შეკრების თქვენეული ზოგადი შეფასება გვაინტერესებს.</strong></p><p>- შეკრებაზე ყველამ თავისი მიზანი აბსოლუტურად შეასრულა. გუნდში ახალი მოსული ვარ და მინდოდა, უფრო ახლოს გამეცნო თითოეული ფეხბურთელი და მათ შესაძლებლობებს დავკვირვებოდი. კიდევ უფრო კარგად ჩავიხედე გუნდის შიდა სამზარეულოში და ნათელი წარმოდგენა შევიქმენი იმის შესახებ, თუ რა სამუშაოების ჩატარება მოუწევს სამწვრთნელო შტაბს. ანტალიაში ხუთი საკონტროლო შეხვედრა გავმართეთ და თითოეული მათგანი ჩვენთვის ძალიან სასარგებლო გამოდგა.</p><p><strong>- ყველაზე ხარისხიანი ფეხბურთი "ზესტაფონმა" რომელ მატჩში აჩვენა?</strong></p><p>- უკრაინულ "ვორსკლასთან". თუმცა უკმაყოფილო არც ერთი თამაშით ვარ. სპარინგებში თავის გამოჩენის საშუალება ყველა ფეხბურთელს მივეცი. მათ ჰქონდათ იმის შესაძლებლობა, რომ საკუთარი თავი გამოევლინათ.</p><p><strong>- ამ მატჩებმა გუნდის რა დადებითი და უარყოფითი მხარეები დაგანახვათ?</strong></p><p>- ფიზიკურად სათანადოდ არ ვართ მომზადებულნი და ამ კომპონენტზე ბევრი მუშაობა გვმართებს. გვაკლია ბრძოლისუნარიანობაც. სამაგიეროდ, ისიც დავინახეთ, რომ ტექნიკითა და ბურთის ფლობით ტოლს არავის ვუდებთ.</p><p><strong>- როგორ დაგვიხასიათებთ ახალწვეულ ლეგიონერებს?</strong></p><p>- ალჟირელი მოჰამედ რეკრუკი საკმაოდ კრეატიული ფეხბურთელია. მოგეხსენებათ, იგი ესპანური "სარაგოსას" მეორე გუნდში იყო და "ზესტაფონი" პირველი კლუბია, სადაც მას ძირითად შემადგენლობაში თამაშის შანსი მიეცემა. თავიდან შეიძლება გაუჭირდეს, მაგრამ ძალიან ახალგაზრდაა და იმედი მაქვს, რომ პროგრესირებას გააგრძელებს.</p><p>ესპანელი მცველი ორიოლ ლოსანო ფარანი შთამბეჭდავი კარიერით გამოირჩევა, იგი ხომ წლების განმავლობაში ესპანურ პრიმერადივიზიონში თამაშობდა და დარწმუნებული ვარ, მისი გამოცდილება ძალიან წაგვადგება. ორიოლმა "ზესტაფონთან" ერთად მხოლოდ ათი დღე ივარჯიშა და გუნდთან ადაპტაციისთვის გარკვეული დრო სჭირდება, მაგრამ დარწმუნებული ვარ, ეს პროცესი უმტკივნეულოდ ჩაივლის.</p><p>ბულგარელი საყრდენი დიმიტარ პეტკოვი მხოლოდ ერთ მატჩში ვნახეთ. ამიტომ ვერ გავრისკეთ და კონტრაქტი გამოსაცდელი ვადით, სეზონის ბოლომდე გავუფორმეთ. ურიგო ფეხბურთელი არ ჩანს და იმედია, ისიც გაამართლებს ჩვენს მოლოდინს.</p><p><strong>- ამ ეტაპისთვის გუნდის დაკომპლექტება უკვე დასრულებულია?</strong></p><p>- მოგეხსენებათ, "ზესტაფონში" ახლა გარდამავალი პერიოდი მიმდინარეობს და ფაქტობრივად, ახალ გუნდს ვქმნით. ამას საკმაო დრო სჭირდება და შესაბამისად, შემადგენლობაში ცვლილებები უნდა გაგრძელდეს.</p><p>უახლოესი თვეების განმავლობაში სელექციას გავაგრძელებთ და შევეცდებით, საინტერესო ქართველი და უცხოელი ფეხბურთელები მოვიძიოთ. ჩვენთვის პრიორიტეტი, რა თქმა უნდა, ქართველი ახალგაზრდების დაწინაურებაა.</p><p><strong>- ამ მომენტისთვის ყველა სათამაშო რგოლში მოაგვარეთ პრობლემები?</strong></p><p>- კვლავ პრობლემატურად რჩება მარცხენა მცველის საკითხი, თუმცა იმედი მაქვს, ამ პრობლემას მოვაგვარებთ. გაძლიერება არც სხვა ამპლუებში გვაწყენდა და დროთა განმავლობაში ყველაფერს შევძლებთ.</p><p><strong>- "ზესტაფონის" საწვრთნელი ბაზის ირგვლივ ატეხილი აჟიოტაჟი გუნდზე უარყოფითად ხომ არ მოქმედებს?</strong></p><p>- გუნდი ჩვეული რეჟიმით განაგრძობს ვარჯიშს, მაგრამ რა თქმა უნდა, არასასიამოვნოა, ბაზის მშენებლობა რომ შეჩერდა. წესითა და რიგით, იგი უკვე დასრულებული უნდა ყოფილიყო, რაც მწვრთნელებს, ფეხბურთელებსა და პერსონალს მუშაობას გაუადვილებდა.</p><p><strong>- ტრავმების გამო უახლოეს მატჩებში ვინ დაგაკლდებათ?</strong></p><p>- ლევან შარიქაძეს უკვე თვე-ნახევარი გაუცდა და იმედია, ძველ კონდიციებს მალე დაუბრუნდება. ჩვენთვის დიდი დანაკლისია თედო გრიგალაშვილის ტრავმაც, რომელიც დაახლოებით ერთი თვის განმავლობაში ვერ შეძლებს თამაშს. დაშავებულია რატი წინამძღვრიშვილიც, რაც თავდასხმაში პრობლემებს გვიქმნის.</p><p><strong>- რა ხდება გიორგი ხიდეშელთან დაკავშირებით?</strong></p><p>- მძიმე ტრავმის გამო მას წელიწად-ნახევარი გაუცდა. მისი სარეაბილიტაციო პერიოდი დასასრულს უახლოვდება, თუმცა გიორგიმ "ზესტაფონიდან" წასვლის გადაწყვეტილება მიიღო და მის პოზიციას გაგებით ვეკიდებით.</p><p><strong>- თასის მერვედფინალში პირველი ლიგის "გურიასთან" მოგიწევთ დაპირისპირება.</strong></p><p>- არც ჩემპიონატში და არც თასზე ხელწამოსაკრავი მეტოქე არ არსებობს. "გურია" სიმპათიური გუნდია და დარწმუნებული ვარ, ღირსეულ წინააღმდეგობას გაგვიწევს, მაგრამ ამ და შემდეგი სათასო ბარიერების გადასალახავად მაქსიმალურად დავიხარჯებით.</p><p><strong>- სეზონის განახლებამდე რამდენიმე დღით ადრე გუნდის ფორმა თქვენთვის დამაკმაყოფილებელია?</strong></p><p>- ამ შეკითხვაზე ყველაზე უკეთ პასუხს მოახლოებული ოფიციალური მატჩები გასცემს. პირადად მე ოპტიმისტურად ვარ განწყობილი და მჯერა, რომ ჩვენი შრომა ნაყოფს გამოიღებს. ჩვენი მიზანი უცვლელია - ყველა მატჩში გამარჯვებისთვის ვიბრძოლებთ, მიზნად ევროთასებზე გასვლას ვისახავთ. აქცენტს ახალგაზრდებზე ვაკეთებთ და მათ თამამად მივცემთ თავის გამოჩენის შანსს.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/46005-qzestafonmaq-qdavith-abashidzezeq-akhaltsveulebi-tsaradgina.html" target="_blank">"ზესტაფონმა" "დავით აბაშიძეზე" ახალწვეულები წარადგინა</a></p>
"დილამ" ქუთაისში მოიგო; ორი მატჩი ფრედ დასრულდა
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ფრე წყალტუბოში: "გარეჯის" თავურები
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა