- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. რეგულარული ჩემპიონატი: უინტრიგო დღე
<p><span style="line-height: 1.3em;" />ეროვნული საკალათბურთო ასოციაციის რეგულარულ ჩემპიონატში მხოლოდ ორი მატჩი გაიმართა <br> </span>დაახლოებით თვენახევრის წინ, "ჩიკაგომ" სტუმრად დაამარცხა "მაიამი", ამჯერად კი "ჰიტი", რომელიც ბოლო დროს ძალიან მძლავრ კალათბურთს აჩვენებს, "ბულზს" მისსავე მოედანზე გაუსწორდა. ფლორიდელებისთვის ეს იყო მეცხრე მოგება ზედიზედ, თანაც პირველი ტრიუმფი "ჩიკაგოს" არენაზე მას შემდეგ, რაც "მაიამიში" "დიდი ტრიო" ჩამოყალიბდა.</p><p>რეალურად, მატჩში ინტრიგა მეორე ტაიმიდან მოყოლებული არ ყოფილა. ამ შეხვედრაში კარგად გამოჩნდა, რომ "ბულზს" სერიოზული პრობლემები აქვს შეტევაში. გუნდს არაფერი გამოსდიოდა სამწამიანში და საშუალო და შორეული ტყორცნების სიზუსტის პროცენტიც კატასტროფულად დაბალი ჰქონდა. მთელი მატჩის განმავლობაში, "ხარებმა" სამწამიანის გარედან მხოლოდ ცხრა ბურთი ჩააგდეს, თამაშიდან სიზუსტის საერთო პროცენტმა კი 37.3 შეადგინა.</p><p>"ბულზის" შეტევა ძალიან ძლიერ დაცვას გადაეყარა. ფარქვეშ ბრძოლაში "ჰიტმა" მხოლოდ სამი მოხსნით ნაკლები დააგროვა<strong> ნოას, გიბსონისა</strong> და <strong>ბუზერის</strong> სამეულის წინააღმდეგ, გარდა ამისა, სტუმრებმა სეზონის რეკორდი დაამყარეს, როცა "ჩიკაგოს" 26 შეცდომა დააშვებინეს. ეს ყველაფერი "ხარებს" 24 გაშვებულ ქულად დაუჯდათ.</p><p>რაოდენ პარადოქსულადაც არ უნდა ჟღერდეს, "ჰიტმა" "ჩიკაგო", ძირითადად, დაცვის ხარჯზე დაამარცხა. "მაიამის" უკვე სამი წელია არ გაუშვია 67 ქულა (2010 წელს, "ჰიუსტონმა" ჩააგდო 66 ქულა). თუმცა პირველი მეოთხედის მსვლელობისას რთული იყო იმის თქმა, როგორ წარიმართებოდა შეხვედრა. მაგრამ "ჩიკაგომ", რომელმაც ბოლო შვიდ მატჩში ხუთი წააგო, მეორე მეოთხედში პრესინგს ვერ გაუძლო და თან 9 შეცდომა დააგროვა. დიდი შესვენებისთვის ტიბოდოს გუნდის აქტივში 17 შეცდომა იყო – უფრო მეტი, ვიდრე თამაშიდან რეალიზებული ტყოცნების რაოდენობა. ამის შემდეგ, "მაიამი" კარგად აკონტროლებდა შეხვედრის მსვლელობას და მასპინძლებმა ამას ვერც ერთი გაქცევით ვერ უპასუხეს. ოდნავი გამოცოცხლება შეინიშნებოდა მესამე მეოთხედის შუაში, როცა "ბულზის" ჩამორჩენა ერთნიშნა გახდა, მაგრამ იქვე საქმეში ჩაერთო<strong> ლებრონ ჯეიმსი</strong>, რომელმაც ზედიზედ ოთხი შეტევა ზუსტი ტყორცნით დაასრულა. მთელი მატჩის განმავლობაში, "მეფემ" 13-დან ცხრა ტყორცნა მოათავსა კალათში. 9-მატჩიან მოგებათა სერიაში მისი თამაშიდან სროლების სიზუსტე 67 პროცენტს უდრის (მათ შორის, სამქულიანები – 47 პროცენტი). ზედიზედ 17 შეხვედრაა, ლებრონი 20-ზე მეტ ქულასა და 10-ზე მეტ მოსხნას აგროვებს.</p><p>* * *</p><p>ინტრიგა არც დღის მეორე მატჩში ყოფილა, რადგან "სან ანტონიომ" სტუმრად მიწასთან გაასწორა "კლიპერსი" ბრწყინვალედ ორგანიზებული დაცვისა და კარგად დაყენებული შეტევის წყალობით. უკვე პირველ მეოთხედში გამოიკვეთა ფავორიტი. <strong>ტონი პარკერი</strong>, ლებრონ ჯეიმსის მსგავსად, ფანტასტიკურ ფორმაში იმყოფება. ბოლო ხუთ მატჩში მესამედ ფრანგმა მინიმუმ 30 ქულა დააგროვა, მისმა გუნდმა კი ბოლო 17 მატჩში მეთექვსმეტედ მოიგო, ამასთან ზედიზედ ხუთჯერ და შეწყვიტა "კლიპერსის" ოთხმატჩიანი მოგებათა სერია.</p><p>პარკერმა მთლიანად აჯობა "ოლ სტარტის" MVP-ს<strong> კრის პოლს</strong>, რომელმაც თამაშიდან მხოლოდ ერთი ბურთი ჩააგდო. ფაქტობრივად, მატჩში ბრძოლა არ ყოფილა. სტუმრებმა პირველ ტაიმში თამაშიდან სროლების 63 პროცენტი გამოიყენეს და მათმა უპირატესობამ 20 ქულას მიაღწია. შემდეგ სხვაობა მხოლოდ იზრდებოდა. "კლიპერსის" შემადგენლობაში არ აღმოჩნდა კალათბურთელი, რომელიც თავისიანებს აიყოლიებდა და თამაშში გარდატეხის შეტანას ეცდებოდა. როგორც ვთქვით, პოლს თამაში არ წაუვიდა, გრიფინი ფარქვეშ ბრძოლისას სერიოზულად შეავიწროვეს, კროუფორდმა და ბარნსმა კი ჩვეული სტატისტიკა დააფიქსირეს, მაგრამ გუნდის თამაში ვერ გამოაცოცხლეს.</p><p><strong><em>ჩიკაგო-მაიამი 67:86</em></strong></p><p>22:22, 13:23, 19:20, 13:21</p><p>ჩ: რობინსონი (14), ბუზერი (12+11 მოხსნა), ნოა (11+8 მოხსნა+8 პასი+3 ჩაჭრა).</p><p>მ: ჯეიმსი (26+12 მოხსნა+7 პასი), უეიდი (17+8 მოხსნა+5 პასი), ბოში (12), ალენი (11).</p><p><strong><em>კლიპერსი-სან ანტონიო 90:116</p><p></em></strong>21:34, 22:24, 21:34, 26:24</p><p>კ: ბარნსი (18+6 მოხსნა), გრიფინი (17+8 მოხსნა), კროუფორდი (15+6 პასი), ბატლერი (11).</p><p>ს-ა: პარკერი (31+7 პასი), გრინი (15+7 პასი), სპლიტერი (10), ჯინობილი (10).</p><p><strong><span style="color: #ff0000;">მოკრძალებული დედლაინი</p><p></span></strong>სატრანსფერო ბაზრის ბოლოს დღეს ყველა მოუთმენლად ელოდა. ბევრი ჭორი დადიოდა მოსალოდნელი გარიგებების შესახებ, მაგალითად, <strong>კევინ გარნეტის</strong> წასვლაზე "ბოსტონიდან". როგორც წერდნენ, ვეტერანზე პრეტენზიას აცხადებდა "კლიპერსი". თუმცა საქმეში ჩაერია NBA-ის ხელმძღვანელობა და ტრანსფერი არ შედგა.</p><p>მოსალოდნელი იყო ცენტრ <strong>დუაიტ ჰოვარდის </strong>გაცვლა, რომელიც ჯერ ვერ მოერგო "ლეიკერსს". ამასთან, "სუპერმენს" დაძაბული ურთიერთობა აქვს კალიფორნიული კლუბის ლეგენდასთან <strong>კობი ბრაიანტთან</strong>. თუმცა ჰოვარდს არ მოუწია ჩემოდნების ჩალაგება.</p><p>თითქმის დარწმუნებით ლაპარაკობდნენ <strong>ჯოშ სმიტის</strong> "ატლანტადან" წასვლის შესახებ, რადგან ის ამ სეზონის შემდეგ შეუზღუდავი უფლებების თავისუფალი აგენტი გახდება. მაგრამ "ატლანტამ" არ მოისურვა ამ კალათბურთელის სხვა გუნდში გაშვება და სმიტი სეზონის ბოლომდე დაიტოვა.</p><p>საბოლოოდ, დედლაინი საკმაოდ მოკრძალებული გამოვიდა. ასე მაგალითად, "მილუოკიმ" მცველები ბენო უდრიხი და დორონ ლემბი, აგრეთვე ფორვარდი ტობიას ჰარისი "ორლანდოს" გაუცვალა მცველებში - ჯეი ჯეი რედიკში და ისმაიო სმიტში, ასევე ცენტრ გუსტავო აიონში. ამ გარიგებეში წამყვანი ფიგურები, ბუნებრივია, უდრიხი და რედიკი არიან.</p><p>"ტორონტომ" "ფინიქსში" გაუშვა ცენტრი<strong> ჰამედ ჰადადი</strong> და სანაცვლოდ მიიღო გამთამაშებელი<strong> სებასტიან ტელფეირი</strong>. მიმდინარე სეზონში ტელფეირი 6 ქულას, 1.5 მოხსნასა და 2.5 შედეგიან გადაცემას აგროვებს.</p><p>"შარლოტმა"<strong> ჰაკიმ უორიკი</strong> გაიმეტა და მას ფორვარდი<strong> ჯოშ მაკრობერტსი</strong> ამჯობინა. უნდა აღინიშნოს, რომ ამ სეზონში უორიკის სტატისტიკა 6.9 ქულა და 3.2 მოხსნაა, მაკრობერტსისა - 3.8 ქულა და 3.3 მოხსნა.</p><p>თავის მხრივ, "ნიუ იორკმა" "ოკლაჰომას" მისცა მცველი<strong> რონი ბრიუერი</strong>, სანაცვლოდ კი მიიღო მომავალი დრაფტის მეორე რაუნდში არჩევანის უფლება. ამ გარიგებით "ნიუ იორკმა" შემადგენლობაში გაანთავისუფლა ადგილი<strong> კენიონ მარტინისთვის</strong>, რომელმაც უახლოეს დღეებში უნდა გააფორმოს კონტრაქტი "ნიქსთან". 35 წლის ფორვარდი, რომელმაც გასული სეზონი "კლიპერსში" გაატარა, თავისუფალი აგენტის სტატუსით სარგებლობს.</p><p>"ბოსტონმა" მცველი ლეანდრო ბარბოზა და ცენტრი <strong>ჯეისონ კოლინზი</strong> "ვაშინგტონს" გაუცვალა მცველ ჯორდან კროუფორდში. ბარბოზა, რომლის კონტრაქტი 2013 წლის ივლისამდეა ძალაში, სეზონის დარჩენის ნაწილს გამოტოვებს მარცხენა მუხლის ჯვარედინი მყესების გაწყვეტის გამო. რაც შეეხება 24 წლის კროუფორდს, ის ამ სეზონში 13.2 ქულას, 3.1 მოხსნასა და 3.7 შედეგიან გადაცემას აგროვებს.</p><p><strong><span style="color: #ff0000;">კლეიზასთვის კარიერა დასრულდა?</span></strong></p><p>"ტორონტო რეპტორზის"ლიტველი ფორვარდი<strong> ლინას კლეიზა</strong>, შესაძლოა, ამ სეზონში ვეღარ გავიდეს მოედანზე.</p><p>ამ ინფორმაციას ლიტვური პრესა ავრცელებს და გვახსენებს, რომ კლეიზას გასული წლის დეკემბრიდან არ მოუღია მონაწილეობა ოფიციალურ მატჩებში. როგორც ირწმუნებიან, მუხლის მორიგი ტრავმის შემდეგ, კალათბურთელი ვერ მოასწრებს აღდგენას NBA-ის მიმდინარე რეგულარული ჩემპიონატის ბოლომდე. უფრო მეტიც, ამ მომენტისთვის გაურკვეველია 28 წლის ლიტველის მომავალი კარიერის ბედი.</p><p>უფრო ადრე, კლეიზა ამტკიცებდა, რომ მიმდინარე სეზონში ჯანმრთელობასთან დაკავშირებული პრობლემები ლიტვის ნაკრების რიგებში ჯერ ოლიმპიადის საკვალიფიკაციო ტურნირზე, შემდეგ კი ოლიმპიადაზე გამოსვლამ გამოიწვია. ასეთი დაძაბული გრაფიკის გამო, ტორონტოელმა გასულ ზაფხულს სათანადოდ დასვენება ვერ შეძლო. მაგრამ სულ სხვა ინფორმაცია აქვთ ჟურნალისტებს. ისინი წერენ, რომ არც ისე წარმატებული იყო ოპერაცია, რომელიც კლეიზამ 2011 წელს ტრავმირებულ მუხლზე გადაიტანა. იქედან მოყოლებული, ლიტველი სრული დატვირთვით ვეღარ თამაშობს.</p><p>არ არის გამორიცხული, ლიტველს კიდევ ერთი ოპერაციის გადატანა მოუწიოს. შესაბამისად, თითქმის გამორიცხულია კლეიზას თამაში 2013 წლის ევრობასკეტზე.</p><p>ლინასმა წლევანდელ სეზონში მხოლოდ 20 მატჩი ჩაატარა და საშუალოდ 7.4 ქულა და 2.6 მოხსნა დააგროვა.</p><p><strong><span style="color: #ff0000;">კირილენკომ დაადასტურა: ევრობასკეტზე არ ითამაშებს</span></strong></p><p>დანამდვილებით შეიძლება იმის თქმა, რომ რუსეთის ნაკრების ლიდერი, "მინესოტას" ფორვარდი<strong> ანდერი კირილენკო</strong> არ ითამაშებს წელს ევროპის ჩემპიონატზე, რომელიც 4-22 სექტემბერს სლოვენიაში გაიმართება. ამის შესახებ კალათბურთელმა ოფიციალურად გამოაცხადა.</p><p><em>"არ მინდოდა დიდი ხნით დაძაბულობაში დამეტოვებინეთ. მნიშვნელოვანი იყო ჩემი გადაწყვეტილების შესახებ მალე შეეტყო ყველას - მწვრთნელებს, პარტნიორებს, გულშემატკივრებს... ადრე თუ გვიან, ეს მაინც მოხდებოდა. მით უმეტეს, რომ ნაკრებში ახლა სხვა ლიდერთა დრო დგება. ესენი არიან: შვედი, კარასიოვი და სხვები. თან დღევანდელ ვეტერანებს - ხრიაპას, მონიასა და ფრიძონს ჯერ არ უთქვამთ საბოლოო სიტყვა.</p><p>ფედერაციის ხელმძღვანელობას უკვე გამოვუცხადე, რომ უახლოეს ევრობასკეტზე არ ვითამაშებ და ნაკრების თემას ერთ-ორ წელიწადში დავუბრუნდები", </em>- განაცხადა კირილენკომ.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/kalatburti/uckhouri-kalathburthi/nba/46051-lebroni-minda-yvela-drois-sauketheso-viyo.html" target="_blank">ლებრონი: მინდა, ყველა დროის საუკეთესო ვიყო</a></p>
[VIDEO] გენიალური სტეფ კარის შოუ ნიკოლა იოკიჩის "დენვერ ნაგეთსთან"
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო