- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სუპერლიგა 2012-13. XV ტური: აი, კალათბურთი!
<p>რუსთავში ერთმანეთს პირველობის ფავორიტები "დაეჭიდნენ" და რაც კალათბურთს ყველაზე მეტად ალამაზებს - ოვერტაიმი ვიხილეთ <br> ჩვენი გაზეთის ფოტოგრაფი ამბობდა: კალათბურთზე რომ მგზავნიან, ძალიან მიხარია, რადგან დინამიკური სპორტია, ფოტოებიც ერთმანეთზე უკეთესი გამოდის, სანახაობრივი მხარეც უმაღლეს დონეზეა და მოვლენები ელვის სისწრაფით ვითარდებაო.</p><p>არის მოსაწყენი მატჩებიც, მაგრამ 22 თებერვალს სწორედ ისეთი შეხვედრა ვიხილეთ, როგორიც პირველ აბზაცში იყო დახასიათებული.</p><p>ბათუმში დაძაბული ბრძოლა გაიმართა საპლეიოფო ზონაში მოხვედრისთვის, რუსთავში კი ერთმანეთს პირველობის ფავორიტები "დაეჭიდნენ" და რაც კალათბურთს ყველაზე მეტად ალამაზებს - ოვერტაიმი ვიხილეთ.</p><p>შესავალში იმასაც მოგახსენებთ, რომ პირველივე პერიოდში "შსს აკადემია" 21 ქულის სხვაობით დაწინაურდა.</p><p>თამაშის დამთავრების შემდეგ ერთ-ერთმა ჟურნალისტმა მითხრა - ვგონებ, ეს მიმდინარე სუპერლიგის ყველაზე საინტერესო თამაში იყოო.</p><p>ძნელია ამის მტკიცება, რადგან იყო არაერთი სანახაობრივი შეხვედრა, თუმცა ორის თქმა თამამად შეიძლება: პირველი პერიოდი "შსს აკადემიასთვის" ამ სეზონში საუკეთესო იყო, ხოლო მესამე პერიოდი - "რუსთავისთვის".</p><p>მატჩი აკადემიელებმა ენერგიულად დაიწყეს, დაცვაში შეცდომა არ მოსვლიათ, შეტევაში კი პოზიციურ იერიშს სწრაფ გარღვევას უნაცვლებდნენ, რუსთაველები გადაწყობას ვერ ახერხებდნენ და ასე დაწინაურდნენ სტუმრები - 25:4. ფარქვეშ ჩვეული ეფექტურობით ირჯებოდა კირკ არჩიბეკი, რომელმაც საბოლოოდ 23-23 ქულა-მოხსნა მოაგროვა (23 მოხსნა ამ ჩემპიონატის რეკორდია).</p><p>უკანა ხაზში დიდი მოცულობის სამუშაოს ასრულებდა დეონტა ვონი. მას სამმაგ დუბლამდე ძალიან ცოტა დააკლდა - 28 ქულა, 7 მოხსნა, 9 პასი.</p><p>ღირებული დახმარება გაუწია გუნდს ახალწვეულმა ბენჟამინ რეიმონდმა, რომელიც ნელ-ნელა შედის ფორმაში.</p><p>ვფიქრობთ, კიდევ უფრო მნიშვნელოვანია, რომ ამერიკელებთან ერთად ქართველი კალათბურთელებიც მოწოდების სიმაღლეზე იყვნენ: ახალგაზრდა რევაზ როგავა ბურთს გადამწყვეტ მომენტშიც დამაჯერებლად ათამაშებდა, მერაბ ბოქოლიშვილმა სეზონის საუკეთესო შეხვედრა ჩაატარა (21 ქულა), ხოლო ილია ლონდარიძემ ორმაგი დუბლი შეასრულა - 11 ქულა, 10 მოხსნა.</p><p>მეორე პერიოდი თანაბარ ბრძოლაში წარიმართა, მესამეში კი რუსთაველთა ჯერი დადგა. სხვათა შორის, პირველი ტაიმის შემდეგ დარბაზში მყოფი არაერთი ქომაგი იყო სკეპტიკურად განწყობილი.</p><p>საერთოდაც, რთული წარმოსადგენი იყო ქვემოქართლელებს პირველი ტაიმის დანაკარგი აენაზღაურებინათ, მაგრამ მათ ეს შეძლეს.</p><p>მესამე პერიოდში რუსთაველთა მწვრთნელმა მიხეილ ბერუაშვილმა შეგირდებს ზონური დაცვა დაავალა, რამაც იმაზე უკეთესი შედეგი გამოიღო, ვიდრე პირველ პერიოდში "შსს აკადემიას" მონდომებამ.</p><p>თავად განსაჯეთ: საწყის 10 წუთში სტუმრებმა 15:0 გაქცევა მოაწყვეს, ხოლო მეორის ბოლოსა და მესამის დასაწყისში მასპინძლები 21:0 გაიქცნენ და 45:43 დაწინაურდნენ. "რუსთავის" კალათბურთელები მესამე ათწუთეულში ჩაჭრას ჩაჭრაზე ახორციელებდნენ.</p><p>სწორედ ამ მომენტზე თქვა ნამატჩევს შსს-ის თავკაცმა <strong>გიორგიოს კეცელიდისმა</strong> (რომელმაც თამაშის შემდეგ საბერძნეთის დროშა მოიხვია):</p><p><em>- რთული შეხვედრა იყო. მესამე პერიოდში ბევრი სულელური შეცდომა დავუშვით, მეტოქეს ბურთის ჩაჭრისა და კონტრშეტევების განხორციელების საშუალება მივეცით. როცა 20 ქულის სხვაობით იგებ, ასეთი უპირატესობა ხელიდან არ უნდა გაუშვა.</p><p></em></p><p>როგორც გითხარით, "რუსთავი" სტუმრებს დაეწია და ბოლო წუთებამდე თანაბარი თამაში გაჩაღდა.</p><p>დაძაბულობას რამდენჯერმე კალათბურთელებმა ვერ გაუძლეს, იყო შელაპარაკებებიცა და ტექნიკური შენიშვნებიც. საბედნიეროდ, ყველა კონფლიქტი ძირშივე აღმოიფხვრა და თამაშიც მშვიდად დასრულდა.</p><p>ძირითადი დროის დასრულებამდე 11 წამით ადრე რუსთაველები ორი ქულის სხვაობით იგებდნენ (76:74). ამ დროს საჯარიმოს ხაზზე შსს-ელი მერაბ ბოქოლიშვილი დადგა.</p><p>ერთი ტყორცნის აცილებაც კი, სავარაუდოდ, სტუმრებს წაგებად დაუჯდებოდათ, მაგრამ მერაბმა ნერვების სიმტკიცე გამოავლინა, ორივე საჯარიმო გამოიყენა და მატჩი ოვერტაიმში გადავიდა.</p><p>მანვე დამატებითი დროის დასაწყისში თანაგუნდელ ვონს მხარი აუბა, სამქულიანი ჩააგდო და "შსს აკადემია" 86:80 დაწინაურდა.</p><p>ამის შემდეგ რუსთაველებმა დაწევა ვეღარ მოახერხეს, მაგრამ ღირსეულად კი იბრძოლეს, ბოლო წამებზე არც სამქულიანების ტყორცნისას აჰკანკალებიათ ხელი და ეფექტური ჩატენვებიც ვიხილეთ. საბოლოოდ გამარჯვება სტუმრებს დარჩათ - 96:92.</p><p>შსს-ელთა მონაგარზე ზემოთ დავწერეთ. რუსთაველთაგან "დაბლ-დაბლი" გაიფორმა კაილ ნელსონმა (14 ქულა, 10 მოხსნა).</p><p>შსს-ელი ვონის მსგავსად სამმაგ დუბლს მიუახლოვდა ნეით ბოუი (16 ქულა, 8 მოხსნა, 7 პასი), ხოლო მატჩის ბომბარდირი ლევან ცეკვავა გახდა - 30 ქულა.</p><p>...მაგრამ იცით, ვინ იყო მთავარი შემოქმედი 21-ქულიანი ჩამორჩენის აღმოფხვრისას? - რუსთაველი ქომაგი, რომელმაც "აკადემიელთა" ბერძენ მწვრთნელს ათქმევინა - რუსთავში თამაში ძალიან მიყვარს. აქ ყოველთვის საოცარი ატმოსფეროა და მატჩები ემოციური სანახავი გამოდისო.</p><p>ადგილობრივი გუნდის თავკაცმა, <strong>მიხეილ ბერუაშვილმა</strong> თამაშის დასრულების შემდეგ თქვა:</p><p><em>- ვიბრძოლეთ და ღირსეულად დავმარცხდით. კალათბურთელებმა მოინდომეს და თამაშის შემოტრიალება მოახერხეს, მაგრამ ბოლო წუთებზე, საქმის ბოლომდე მისაყვანად ძალა აღარ ეყოთ.</em></p><p>ბოლოს ერთს დავწერ: შესაძლოა, ეს მიმოხილვა ვინმეს ემოციებით ზედმეტად დატვირთული მოეჩვენოს და იკითხოს, ნუთუ საქართველოს ჩემპიონატის მატჩი ასეთ მაღალ შეფასებებს იმსახურებსო? მაგრამ კიდევ უფრო თამამად დავწერ - ვინც შეხვედრას დაესწრო, ამას ნამდვილად არ იტყვის.</p><p>რევანში შედგა: "სოხუმმა" მეოთხე ტურში შინ "ბათუმთან" დამარცხების გამო შური იძია. პირველ წრეში ვაჟა კვარაცხელიას გუნდი აჭარლებთან 67:75 დამარცხდა, ხოლო გუშინ 81:77 იმარჯვა.</p><p>საინტერესოა, რომ ამ მოგებით "სოხუმმა" სატურნირო ცხრილში სწორედ "ბათუმს" გადაასწრო და მერვე ადგილზე დამკვიდრდა (ბათუმელები მეცხრეები არიან). პლეი ოფში სწორედ საუკეთესო რვაეული გადის.</p><p><strong>ვაჟა კვარაცხელია</strong> ("სოხუმის" მწვრთნელი):</p><p>- დაძაბული შეხვედრა გამოდგა. "ბათუმმა" დიდი მონდომებით იასპარეზა როგორც დაცვაში, ასევე თავდასხმაში, ჩვენ კი თამაში არ წაგვივიდა.</p><p>საბოლოოდ შემადგენლობისა და კლასის ხარჯზე გავიმარჯვეთ. მსურს აღვნიშნო, რომ აღფრთოვანებული ვარ ბათუმელთა გულშემატკივრობით, რომლებმაც დარბაზში ჩინებული ატმოსფერო შექმნეს.</p><p>რაც შეეხება მომდევნო შეხვედრას, რომელიც "არმიასთან" გველის, მაქსიმალურად დავიხარჯებით და ისე ვიბრძოლებთ, როგორც დღეს ბათუმელებმა.</p><p><strong>მიხეილ კობეშავიძე</strong> ("ბათუმის" მწვრთნელი):</p><p><em>- თამაშის ბედი ბოლო წუთებზე გადაწყდა. ჩვენმა გუნდმა ბოლომდე იბრძოლა, რა რესურსიც გვქონდა მაქსიმალურად გამოვიყენეთ, თუმცა, სამწუხაროდ, მეტოქემ გამოცდილებით გვაჯობა.</p><p>რომ არა სერბი გამთამაშებელი, სტიაკოვიჩი და ათუაშვილი, ვფიქრობ, "სოხუმს" აუცილებლად დავამარცხებდით. დასანანია, რომ "ბათუმმა" ასეთი კარგი შანსი გაუშვა ხელიდან.</p><p>რაც შეეხება ტრავმებს, გიორგი ნანიტაშვილის ფეხის ტრავმა სერიოზული აღმოჩნდა და 25 დღე ვერ დაგვეხმარება.</em></p><p><strong></p><p></strong><span style="text-decoration: underline;">22 თებერვალი. რუსთავი</p><p></span><em><strong>რუსთავი-შსს აკადემია დ.დ. 92:96</p><p></strong></em>რუსთავი 8 19 30 19 16</p><p>შსს აკადემია 27 16 15 18 20<strong></strong></p><p><span style="text-decoration: underline;">22 თებერვალი. ბათუმი</p><p></span><em><strong>ბათუმი-სოხუმი 77:81</p><p></strong></em>ბათუმი-რსუ 19 20 17 21</p><p>სოხუმი 23 16 18 24<strong></p><p>სატურნირო მდგომარეობა</strong></p><p><em>ა გ თ მ წ სხ ქ</em></p><p>1. შსს აკადემია 14 12 2 1176/940 26</p><p>2. რუსთავი 14 11 3 1214/1011 25</p><p>3. არმია 12 10 2 1074/788 22</p><p>4. ოლიმპი 12 10 2 1052/861 22</p><p>5. ქუთაისი 13 8 5 1041/918 21</p><p>6. დინამო 13 8 5 997/950 21</p><p>7. თსუ 13 5 8 917/1027 18</p><p>8. სოხუმი 13 4 9 985/1076 17</p><p>9. ბათუმი-რსუ 14 3 11 951/1157 17</p><p>10. სამედიცინო 13 1 12 813/1189 14</p><p>11. სტუ 13 0 13 825/1128 13</p><p><strong>ყოველდღიური სპორტული გაზეთი "ლელო"</strong></p>
ტაბლოები და სროლის დასახვეწი ტრენაჟორები ონმა და ამბროლაურმაც მიიღეს
"ქუთაისმა" თსუ-ს ფინალური სერიის ზედიზედ მესამე მატჩი მოუგო და ჩემპიონი გახდა
ფიბა-ს პროგრამის ფარგლებში საქართველოს ოთხმა ქალაქმა თანამედროვე საკალათბურთო ტაბლოები მიიღო
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს