- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გია ცეცაძე: ჩვენს წინააღმდეგ თამაში ყველას გაუჭირდება
<p>საქართველოს 19-წლამდელთა ნაკრების მთავარი მწვრთნელი სამომავლო გეგმებზე საუბრობს <br> სულ ცოტა ხნის წინ მთავარი მწვრთნელის რანგში პირველად შეკრიბა გუნდი საქართველოს 19-წლამდელთა ნაკრების ახალგაზრდა თავკაცმა - გია ცეცაძემ.</p><p>შეკრებას წინ უძღვოდა ნაკრების წევრებთან და კანდიდატებთან გაცნობითი ხასიათის შეხვედრაც.</p><p>ცეცაძე საკმაოდ საინტერესო, თანამედროვედ მოაზროვნე სპეციალისტია და ახალგაზრდებთან მუშაობის საკმაო გამოცდილებაც აქვს.</p><p>რასაკვირველია, ასაკობრივი ნაკრების სათავეში ის საკუთარი ხედვითა და კონკრეტული პროგრამით მოვიდა. წინ კი პირველი და ძალიან სერიოზული გამოცდა ელის - ელიტრაუნდი.</p><p>"უპირველესად, ვფიქრობ, რომ იმ ნიჭიდან გამომდინარე, რაც ჩვენს ახალგაზრდებს აქვთ, წარმატების მიღწევა არ უნდა გაგვიჭირდეს.</p><p>რაც შეეხება იმას, თუ როგორ უნდა მივიყვანოთ დაწყებული საქმე ბოლომდე, დიდი ალბათობით, სათამაშო სქემას და სისტემას შევცვლით და აქცენტებს გავაკეთებთ მოწინააღმდეგის ნახევარზე თამაშზე.</p><p>მოკლედ, გუნდის შეტევას უფრო დიდ ყურადღებას მივაქცევთ და გავაძლიერებთ. თამაშის ასეთი სტილი განსაკუთრებით გვხიბლავს ქართველებს და მიმაჩნია, რომ სულაც არაა რთული გასაკეთებელი.</p><p>აქვე, მოსამზადებელ პერიოდზეც ვიტყვი, რომ მშვენივრადაა დაგეგმილი და ძალიან კმაყოფილი დავრჩი" - ამბობს ცეცაძე.</p><p><strong>- ძალიან ხშირად გხედავდით სხვადასხვა ასაკობრივი ნაკრებების თამაშებზე. რამდენად კარგად იცნობთ იმ თაობას, რომელთა მთავარი მწვრთნელიც გახდით?</strong></p><p>- მე მწვრთნელობა 12 წლის წინ დავიწყე და პირველი გუნდი, რომელიც მყავდა, იყო 1996 წელს დაბადებული ბავშვებით დაკომპლექტებული.</p><p>შემდეგ, გარდა იმისა, რომ სხვაგანაც მიწევდა მუშაობა, ამ თაობასთან მუდმივად მქონდა შეხება. ასე რომ, მათთვის მე უცხო არ ვარ. ძალიან კარგად ვიცი მათი შესაძლებლობები, მათი ნიჭიერება და შესაბამისად, ალბათ, კომფორტულადაც ვიმუშავებთ.</p><p><strong>- ცხადია, რომ ამ ასაკობრივ ნაკრებში არსებობენ ფეხბურთელები, რომლებიც ძირითად ბირთვად მოიაზრებიან. რამდენად მიეცემათ გუნდში მოხვედრის შანსები ახალ სახეებს?</strong></p><p>- მე ასე ვფიქრობ და ბიჭებსაც ვუთხარი, რომ ყველაზე მეტად, ნაკრებში თამაში ეკუთვნით იმ ფეხბურთელებს, რომლებმაც გუნდი ელიტრაუნდამდე მიიყვანეს.</p><p>თუმცა, ეს იმას სულაც არ ნიშნავს, რომ ნაკრებში ვინმეს ადგილი აქვს გარანტირებული. მაისისთვის, ვინც ფორმის პიკში იქნება და უკეთესად წარმოაჩენს თავს, ელიტრაუნდში ის ითამაშებს.</p><p>ყველას ვუთხარი, რომ ამოსავალ წერტილად დაისახონ ელიტრაუნდი და მაისამდე თავიანთ კლუბებში იმუშაონ, იშრომონ, მოემზადონ...</p><p>თუმცა, კითხვას რომ დავუბრუნდეთ, რა თქმა უნდა, არიან ბიჭები, ვისაც ამ შესარჩევში რაღაც მიზეზების გამო არ უთამაშიათ, მაგრამ კობა ჟორჟიკაშვილის დროინდელ 17-წლამდელთა ნაკრებში იყვნენ და შანსი მათაც მიეცემათ და იმათაც, ვინც გაფართოებულ შემადგენლობაში მოიაზრება.</p><p>ამხანაგური თამაშები იქნება თუ პატარ-პატარა შეკრებები, ყველას დავაკვირდებით. სანამ დრო გვაქვს, ჩემს სამწვრთნელო შტაბთან ერთად, სულ ვივლი პირველი ლიგის თამაშებზეც.</p><p>მონიშნული გვყავს რამდენიმე ფეხბურთელი და კიდევ დავაკვირდებით. ერთიცაა - ვინც ამ ნაკრების განაცხადში მოხვდება, ის აუცილებლად სტაბილურად უნდა თამაშობდეს თავისი გუნდის შემადგენლობაში.</p><p>გამორიცხულია ინგლისის, ბელგიისა და შოტლანდიის წინააღმდეგ ისეთი ფეხბურთელის თამაში, ვინც საქართველოს ჩემპიონატის დუბლების პირველობაზე სკამზე ზის და თამაში არ უწევს...</p><p>რაც უნდა ნიჭიერი იყოს, ეს არანაირ საფეხბურთო წესსა და კანონში არ ჯდება. მოკლედ, ყველაფერი ფეხბურთელებზეა დამოკიდებული - ვინც თავს გამოიჩენს, ელიტრაუნდშიც ის ითამაშებს.</p><p>ბიჭებმა კარგად უნდა შეიგნონ, რომ დიდი კონკურენცია იქნება.</p><p><strong>- ძალიან საინტერესო მწვრთნელები შეიკრიბეთ ისეთ საკვანძო ასაკობრივ ნაკრებებში, როგორებიცაა 17, 18 და 19-წლამდელთა</strong><strong> გუნდები. თქვენც, ვასილ მაისურაძეც და გიორგი დევდარიანიც ხასიათდებით, როგორც საინტერესო ხედვის მქონე, თანამედროვე ახალგაზრდა სპეციალისტები. რა სახის კოორდინაცია იქნება თქვენს შორის?</strong></p><p>- კოორდინაცია დიდი ხანია, არსებობს. გარდა იმისა, რომ ჩვენ დიდი ხანია, ვმეგობრობთ, შეიძლება ვთქვათ, რომ ერთნაირი საფეხბურთო გემოვნებაც გვაქვს.</p><p>ასე რომ, ეგ თემა ყველაზე ნაკლებადაა მოსაწესრიგებელი, რადგან ეს ურთიერთობები წლებია, დალაგებულია და ამას ვერაფერი შეცვლის.</p><p>ჩვენ ნაკრებებში ვიმუშავებთ თუ არა, კოორდინაცია მაინც ყოველთვის გვექნება. თუ შევძლებთ, რომ ერთმანეთს რამეში დავეხმაროთ, ამით მე მხოლოდ ბედნიერი ვიქნები.</p><p><strong>- რაც შეეხება ელიტრაუნდისთვის დასკვნით მოსამზადებელ ეტაპს - რა გრაფიკი დაგახვედრათ ფეხბურთის ფედერაციამ და როგორ გამოიყენებთ ელიტრაუნდამდე დარჩენილ დროს?</strong></p><p>- უპირველესად, მადლობა მინდა ვუთხრა ფეხბურთის ფედერაციას, რომ ყველაფერში ანგარიში გამიწიეს და არანაირი პრობლემა არ შემქმნია.</p><p>მოგეხსენებათ, მაისამდე დაგეგმილია საზღვარგარეთ გასვლითი ამხანაგური თამაშები და ტურნირები.</p><p>იქიდან გამომდინარე, რომ 19-წლამდელთა ნაკრებში ჩვენ მხოლოდ უეფას დღეებში შეგვიძლია ფეხბურთელების გამოძახება და შეკრებების ჩატარება, ყველაფერი მაქსიმალურად გავთვალეთ და გავწერეთ.</p><p>ისედაც, პირველ შეკრებაზევე ავუხსენით ყველას ყველაფერი და ბიჭებმა კარგად იციან, რა გეგმას მივყვებით, როგორ ვთამაშობთ და ა.შ.</p><p>შემიძლია თამამად გითხრათ, რომ ფედერაციის შემუშავებული გრაფიკით 100 პროცენტით კმაყოფილი ვარ.</p><p>ეს უკვე აღვნიშნე და ახლაც ვიმეორებ, მწვრთნელად რომ დავინიშნე და ფედერაციის ტექნიკურმა განყოფილებამ გაწერილი გეგმა მაჩვენა, მეგონა, ჩემი დაწერილი იყო... ისღა დაგვრჩენია, საქმეს მივხედოთ და მეც და ბიჭებსაც ერთი სული გვაქვს, როდის დავიწყებთ სერიოზულ მზადებას.</p><p><strong>- ერთ საინტერესო თემასაც მინდა შევეხოთ. საბედნიეროდ, ასაკობრივი ნაკრებების ბოლოდროინდელმა წარმატებებმა მოიტანა ის, რომ მეტოქეების "ხმაურიანი" სახელების აღარ გვეშინია და ჩვენი ახალგაზრდები თამამად თამაშობენ ნებისმიერ მეტოქესთან. თქვენ რა მიმართულებით გექნებათ ყველაზე მეტი სამუშაო?</strong></p><p>- გეთანხმებით. უპირველესად, საკუთარი თავის რწმენა უნდა ჰქონდეთ და ფსიქოლოგიურადაც ძლიერად უნდა იყვნენ მომზადებულნი.</p><p>ჩემი აზრით, უდიდესი მნიშვნელობა აქვს განწყობას და საბრძოლო სულისკვეთება უნდა იყოს მაღალი.</p><p>ამას მოჰყვება მერე სწორი სათამაშო სქემა, ტაქტიკა და სტრატეგია და მიმართული უნდა ვიყოთ შემტევ ფეხბურთზე.</p><p>ჩემი ნათქვამი იმას არ ნიშნავს, რომ თერთმეტი ფეხბურთელიდან ათი მეტოქის ნახევარზე იყოს.</p><p>თამაშის აწყობა დაცვიდან იწყება. ამიტომაც მე ასე მინდა, გავაკეთოთ, რომ ჩვენმა გუნდმა თავი დაიცვას მოწინააღმდეგის კართან მაქსიმალურად ახლოს.</p><p>ჩემს გუნდში დაცვა ცენტრფორვარდიდან დაიწყება. მე მგონია, რომ ამ ყველაფრის განხორციელებას ჩვენ წარმატებით შევძლებთ, რაც სათანადო შედეგებსაც მოიტანს.</p><p>რაც შეეხება ე.წ. ხმაურიან სახელებს, მე ვთვლი, რომ ჩვენი საფეხბურთო ნიჭი არაფრით ჩამოუვარდება იგივე ინგლისის, ბელგიისა თუ შოტლანდიელების შესაძლებლობებს.</p><p>თუმცა ამას გამოყენება უნდა და სისტემაში მოქცევა, რასაც ჩვენ თავგამოდებით ვცდილობთ ასაკობრივ ნაკრებებში და სამუშაო ძალიან ბევრია.</p><p>დიდი იმედი მაქვს, რომ სწორედ ეს ბიჭები ჩაუყრიან ამ ყველაფერს საფუძველს.</p><p>სულაც არ ვფიქრობ, რომ ინგლისის, ბელგიისა და შოტლანდიის წინააღმდეგ თამაში გაგვიჭირდება.</p><p>პირიქით, მათ უფრო გაუჭირდებათ ჩვენნაირ გუნდთან. შიშის და მოკრძალების დრო დამთავრდა, არავისზე ნაკლები მებრძოლები ჩვენ არ ვართ...</p><p><strong></p><p>gff.ge</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს