- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს სარაგბო ჩემპიონატი: პირველ ტაიმში დაჩაგრული ლიდერი
<p>ჩემპიონატის ლიდერების - თბილისის "ლელოსა" და ქუთაისის "აიას" დაპირისპირება ცუდ ამინდში წარიმართა <br> სიცივე, წვიმა, ატალახებული მოედანი... ასეთ მეტეოროლოგიურ პირობებში წარიმართა რეგულარული ჩემპიონატის ლიდერების - თბილისის "ლელოსა" და ქუთაისის "აიას" დაპირისპირება.</p><p>მატჩი ორივე გუნდისთვის მნიშვნელოვანი იყო და თამაშის განსასჯელად რაგბის კავშირმა ზელანდიელი მსაჯი <strong>რიჩარდ კელი</strong> მოიწვია.</p><p>შეხვედრა ძალიან საინტერესო და დაძაბული გამოდგა, განსაკუთრებით, ბოლო წუთები, როცა "ლელო" მატჩის სათავისოდ შეტრიალებას ცდილობდა და ძალებისგან დაცლილ ქუთათურებს გამალებით უტევდა.</p><p>იქამდე კი ორი რადიკალურად განსხვავებული ტაიმი ვიხილეთ. პირველ ნახევარში <strong>ბესიკ ხამაშურიძისა</strong> და <strong>კობა გიორგაძის</strong> შეგირდებს კოლოსალური უპირატესობა ჰქონდათ და ეს მშვენივრადაც გამოიყენეს. შესვენების შემდეგ კი "ლელო" უკეთ თამაშობდა.</p><p>თუმცა აჯობებს მოვლენებს თანმიმდევრობით მივყვეთ.</p><p>ანგარიში თბილისელმა მორაგბეებმა გახსნეს: მასპინძლები თავიანთ 22-მეტრიან ზონასთან ახლოს დაჯარიმდნენ და <strong>გოდერძი ჭინჭარაულმა</strong> საჯარიმო უნაკლოდ დაარტყა - 0:3.</p><p>ამის შემდეგ უპირატესობა მთლიანად "აიას" მხარეს გადავიდა, ქუთათურები შერკინებაშიც სჯაბნიდნენ მეტოქეს და ხელით თამაშშიც. სტუმრებმა რამდენიმე მძლავრი შეტევა მოიგერიეს, მაგრამ ქუთაისელთა ზეწოლამ შედეგი მალევე გამოიღო. აუტის მოგების შემდეგ <strong>ლევან თხელიძემ </strong>შეუტია და ჩათვლის მოედანშიც შეაღწია. გარდასახვა <strong>გაგა სინაურიძემ</strong> გაიტანა - 7:3.</p><p>მასპინძლებმა დედაქალაქელებს გონზე მოსვლა არ აცალეს, მძლავრად მიაწვნენ და <strong>ბექა ყურაშვილის </strong>ლელოთი და სინაურიძის გარდასახვით ანგარიში გაზარდეს - 14:3.</p><p>ორიოდე წუთში ქუთათურებმა მესამე ლელოც გაიტანეს. ამჯერად თავი უკანა ხაზის მოთამაშეებმა გამოიჩინეს: <strong>ბაკურ გოშაძემ</strong> სწრაფი შეტევა წამოიწყო,.მან <strong>ზურაბ ძნელაძე</strong> ჩართო თამაშში, ამან კი სინაურიძეს უპასა, რომელმაც ლელოელებს ხაზი გაუჭრა და ჩათვლის მოედნამდე ირბინა - 19:3.</p><p>"ლელო" საერთოდ აირია. რომ არ გცოდნოდათ, ვერაფრით იფიქრებდით, რომ მინდორზე გათამაშების ლიდერი იმყოფებოდა.</p><p>ქუთაისელებმა სტუმრების არეულობით კარგად ისარგებლეს. ძნელაძემ ბურთიანად ირბინა, სისწრაფის ხარჯზე რამდენიმე მეტრი მოიგო და გოშაძეს დაუტოვა, რომელმაც ბურთი წინ ფეხით გაიგდო, ლელოელები სისწრაფეში დაჯაბნა, ბურთს ზედ ჩათვლის ხაზთან მიუსწრო და მორიგი ლელო გაიტანა. სინაურიძემ ამჯერად ვერ გარდასახა - 24:3.</p><p>სტუმრები ძალიან რთულ მდგომარეობაში აღმოჩნდნენ - 25 წუთში 4 ლელო მიიღეს, რაც ჩემპიონობისთვის მებრძოლი გუნდისთვის მეტისმეტია. "ლელოს" მწვრთნელებმა ცვლილებებს მიმართეს: მოედანზე <strong>ირაკლი ყიასაშვილი, ელგუჯა სურგულაძე</strong> და <strong>რეზო ბელქანია</strong> გამოჩნდნენ, თბილისელები გააქტიურდნენ და ტაიმის ბოლოს უპირატესობაც მოიპოვეს. მასპინძლებმა ერთი სახიფათო შეტევა კი მოიგერიეს, მაგრამ <strong>ირაკლი გეგენავამ</strong> პირველ ტაიმში თბილისელთა ბოლო შეტევა ლელოთი დააგვირგვინა და ანგარიში შეამცირა - 24:8.</p><p>მეორე ნახევრის პირველი 15 წუთი თანაბარ ბრძოლაში მიმდინარეობდა, შემდეგ კი მასპინძლებს დაღლა დაეტყოთ, მათი შერკინება სტუმართა მძლავრ შეტევებს ვეღარ უძლებდა. 58-ე წუთზე "ლელო" მოლით მიაწვა და შეცვლაზე გამოსულმა <strong>გიორგი ჭყოიძემ</strong> თბილისელთა მეორე ლელო გაიტანა. ყიასაშვილმა გარდასახვა ახლაც ვერ გამოიყენა - 13:24.</p><p>ხუთიოდე წუთში თბილისელთა მრავალფაზიანი შეტევა მარცხენა ფრთიდან ჩართულმა რეზო ბელქანიამ დააგვირგვინა. ყიასაშვილმა გარდასახვა ამჯერად ზუსტად დაარტყა - 24:20.</p><p>"აიას" უპირატესობა თვალსა და ხელს შუა გაქრა. "ლელოს" საკმარისი დრო ჰქონდა დარჩენილი იმისთვის, რომ მატჩი გადაერჩინა, თუმცა ქუთაისელებიც არ იყვნენ უქმად და სინაურიძეს საჯარიმოდან ბურთი ძელისთვის რომ არ გაერტყა, ბოლო წუთებზე ნაკლებს ინერვიულებდნენ.</p><p>"ლელომ" მატჩის მიწურულს მძლავრად შეუტია. ლელოს გატანაც შეეძლო, მაგრამ ქუთაისელებმა თავის დაცვა მოახერხეს და მნიშვნელოვანი გამარჯვება მოიპოვეს.</p><p><span style="color: #ff0000;"><strong>საქართველოს ჩემპიონატი. XIV ტური</strong></span></p><p><em><strong>აია-ლელო 24:20</strong></em></p><p>აია (15-9): ძნელაძე, გოშაძე, ფრუიძე, კუხიანიძე, კვერნაძე, სინაურიძე, როხვაძე; (1-8) ლომიძე (რატიაშვილი 49), თხელიძე, ულუმბელაშვილი (ლომიძე 62), ჩიტეიშვილი, ძაგნიძე, დგებუაძე (რევიშვილი 51), შალამბერიძე (შაშიაშვილი 19), ყურაშვილი (ლომთაძე 54)</p><p>4ლ: თხელიძე, ყურაშვილი, სინაურიძე, გოშაძე. 2გ:სინაურიძე</p><p>ლელო: (15-9): გეგენავა, ზაალიშვილი (ყიასაშვილი 28), ანდღულაძე, ცერცვაძე, ნიჟარაძე, ჭინჭარაული, კაჭარავა; (1-8) კვერნაძე (პატარაია 28), ხიდეშელი (ბელქანია 33), სანიკიძე, ჭეიშვილი, ხორბალაძე, მძინარიშვილი, კოლელიშვილი (სურგულაძე 33), ნიკოლეიშვილი (ჭყოიძე 45)</p><p>3ლ: გეგენავა, ჭყოიძე, ბელქანია. ს: ჭინჭარაული. გ: ყიასაშვილი</p><p><em><strong>აკადემია-ყოჩები 30:14</p><p>ჯიქები-ლოკომოტივი 15:13</p><p>არმია-არმაზი 31:18</p><p>ბათუმი-ხარები (გადაიდო)</p><p></strong></em></p><p><span style="color: #ff0000;"><strong>სატურნირო ცხრილი</strong></span></p><p>ა გ თ მ ფ წ ბ პ ქ</p><p>1. ლელო 14 12 0 2 +206 9 57</p><p>2. არმია 14 12 0 2 +146 8 56</p><p>3. აია 14 9 2 3 +162 6 46</p><p>4. არმაზი 14 10 0 4 +42 2 42</p><p>5. ჯიქები 14 7 0 7 +22 7 35</p><p>6. ლოკომოტივი 14 5 2 7 +20 6 30</p><p>7. ხარები 13 4 0 9 -96 4 20</p><p>8. აკადემია 14 4 0 10 -225 2 18</p><p>9. ბათუმი 13 3 0 10 -113 3 15</p><p>10. ყოჩები 14 1 0 13 -164 7 11</p><p><span style="text-decoration: underline;">XVტური</span></p><p>ლელო-ლოკომოტივი, ყოჩები-ჯიქები, არმაზი-აია, აკადემია-ბათუმი, ხარები-არმია.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა