<p>საქართველოს თასი. მერვედფინალი. პირველი მატჩები <br> თასის შეხვედრებს თავისებური სპეციფიკა აქვს და აქ სიურპრიზებს ნებისმიერი გუნდისგან უნდა ველოდოთ.</p><p>მართალია, "ტორპედო" პირველლიგელ "გაგრაზე" უფრო გამოცდილი და ძლიერი ფეხბურთელებითაა დაკომპლექტებული, მაგრამ <strong>ზვიად ჯელაძის</strong> ახალგაზრდულ გუნდს უმაღლესი ლიგის ერთ-ერთ ლიდერთან თავის გამოჩენის შესაძლებლობა მიეცა და "გაგრამაც" "ტორპედოსთან" უდიდესი მოტივაციით ითამაშა...</p><p>ქუთაისელთა ერთგული გულშემატკივრები უხვგოლიანი მატჩის მოლოდინში იყვნენ. ბევრი ფიქრობდა, რომ <strong>გია გეგუჩაძის</strong> შეგირდები პირველივე მატჩში შეძლებდნენ სასურველი ჰანდიკაპის შექმნას, მაგრამ გაგრელებმა ბოლომდე იბრძოლეს, მეტოქეს არ შეუშინდნენ და ბოლო წამებზე უაღრესად ხელსაყრელი მომენტი რომ გამოეყენებინათ, ფრე კი არა, ქუთაისიდან მოგებულნი გაემგზავრებოდნენ...</p><p>თუმცა, ფრეც არ არის ურიგო შედეგი, თანაც, როცა ამას მეტოქის მოედანზე მიაღწევ.</p><p><img src="pictures/artimages/image16/f0febdd43f305e69e9e106c856e34dd4.jpg" border="0" alt="Sportall.Ge" title="ტორპედო-გაგრა 1:1 - გაგრული სიურპრიზი და სენსაციის სუნი [VIDEO]" width="200" style="border: 0px none; float: left; margin: 5px;" />შეხვედრა ორივე გუნდმა მძიმედ დაიწყო. ტემპი დაბალი იყო და ბურთი ძირითადად მოედნის ცენტრში ტრიალებდა. ტაიმის შუაწელიდან მასპინძლები გააქტიურდნენ; განსაკუთრებით, ეს <strong>გიორგი ბერიაშვილზე</strong> ითქმის, რომელიც ბევრს მოძრაობდა და სტუმართა მცველებს დაძაბულობაში ამყოფებდა.</p><p>მისი აქტიურობის შედეგად ქუთაისელებმა რეალური საგოლე მომენტი შექმნეს. სახიფათო ეპიზოდს <strong>ბექა ტუღუში</strong> ვარდნაში აგვირგვინებდა, მაგრამ კარს მცირედით ააცილა.</p><p>შემდეგ თავად ბერიაშვილს მიეცა შანსი. იგი მეკარესთან პირისპირ აღმოჩნდა, მაგრამ <strong>გიორგი ბეგაშვილმა</strong> გამოსვლაზე კარგად ითამაშა და ტორპედოელთა ფორვარდს კარში დარტყმის საშუალება არ მისცა.</p><p>მომდევნო ეპიზოდისას <strong>გიორგი დათუნაიშვილის</strong> გადაცემის შემდეგ კვლავ ბერიაშვილი ურტყამდა ძლიერად, მაგრამ სიზუსტე დააკლდა.</p><p><strong>გიორგი დოლიძის</strong> უხერხული დარტყმის შემდეგ კი ბეგაშვილმა ბურთი ხელებში ძლივს შეიმაგრა.</p><p>შეხვედრის მეორე ნახევარი გაცილებით უკეთესი სანახავი გამოდგა. "გაგრაც" უფრო გააქტიურდა და თუ პირველ ტაიმში ძირითადად "სტანდარტულების" და <strong>დავით ვოლკოვის</strong> აქტიურობის იმედად იყო, შესვენების შემდეგ უფრო თამამად ათამაშდა.</p><p>ჯერ <strong>ბენჯამინ ტეიდმა</strong> დაარტყა სახიფათოდ, შემდეგ კი <strong>ზარნაძის</strong> ჩაწოდებულ ბურთზე ვოლკოვს თავი რომ არ აეცილებინა, ანგარიშიც გაიხსნებოდა.</p><p>ჯელაძეს ცვლილებებმაც გაუმართლა, ძალიან კარგად ჩაერთვნენ თამაშში <strong>ჯონ ჯერემია</strong> და <strong>ალექსანდრე ივანიშვილი</strong>, რომლებმაც 68-ე წუთზე სახიფათო შეტევა განახორციელეს. ჯერემიას პასის შემდეგ <strong>ივანიშვილმა</strong> საჯარიმოს მისადგომებიდან კარში ძლიერად დაარტყა, თუმცა მეკარე <strong>ომარ მიგინეიშვილიც</strong> შესანიშნავად გაისარჯა.</p><p>ტერიტორიულ უპირატესობას კვლავ ქუთათურები ფლობდნენ, მაგრამ გოლამდე ტუღუშისა და შეცვლაზე შესული <strong>ნიკა საბანაძის</strong> სახიფათო დარტყმების მეტი გამოსარჩევი არაფერი შეუქმნიათ.</p><p>გოლი კი მართლაც შესანიშნავი იყო: <strong>გიორგი ონიანმა</strong> დაახლოებით 30 მეტრიდან ჯარიმა ბრწყინვალედ შეასრულა და ბეგაშვილს შანსი არ დაუტოვა.</p><p>მასპინძელთა სიხარული დიდხანს არ გაგრძელებულა, სტუმრებმა ანგარიში სამ წუთში გაათანაბრეს: თანაგუნდელებმა ჯერემია გაიყვანეს მეკარესთან პირისპირ და აფრიკელმა ლეგიონერმა მიგინეიშვილს ახლო დაბალ კუთხეში გაუტანა.</p><p>დარჩენილ დროში ორივე გუნდს შეეძლო ანგარიშის შეცვლა. ქუთაისელთაგან მიზანთან ახლოს ტუღუში იყო, "გაგრელთაგან" კი ჯერემიას შეეძლო თავის გამოჩენა, რომელსაც მსაჯის მიერ კომპენსირებულ დროში მიგინეიშვილმა ურთულესი ბურთი აუღო.</p><p>მატჩი მართლაც მოულოდნელი ანგარიშით დასრულდა და ამ წყვილის გამარჯვებულის ვინაობა განმეორებით შეხვედრაში გაირკვევა, რომელიც 2 მარტს გაიმართება.</p><p><p><div id="2079" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/02-27/torpedo-gagra-1-1qtp.jpg" border="0" alt="Sportall.Ge" title="ტორპედო-გაგრა 1:1 - გაგრული სიურპრიზი და სენსაციის სუნი [VIDEO]" /></p><p><span style="padding: 2px; display: block;">ტორპედო - გაგრა 1:1</span></div></p></p><p><strong>ყოველდღიური სპორტული გაზეთი "ლელო"</strong></p>
torpedo@chempion
თბილიში მოვიგებთ
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა