<p><span style="line-height: 1.3em;" />პაოლო გერერო შესანიშნავ ფორმაშია <br> </span>ლიბერტადორესის თასზე მორიგი 4 შეხვედრა გაიმართა და ოთხივეში იმ გუნდმა იმარჯვა, ვინც თავიდანვე ფავორიტად მოჩანდა.</p><p>პირველ ჯგუფში, რომელსაც ბევრი ე.წ. სიკვდილის ჯგუფად მოიხსენიებს, "ბოკა ხუნიორსი" ეკვადორში ჩავიდა და გუაიაკილის "ბარსელონას" უმნიშვნელოვანესი მატჩი მოუგო. აქამდეც არაერთხელ გვითქვამს, რომ გუაიაკილი ზღვის დონიდან მხოლოდ 4 მეტრის სიმაღლეზე მდებარეობს. შესაბამისად, ეს ქალაქი ეკვადორის იმ იშვიათ ქალაქებში გადის, სადაც სტუმარ გუნდს თამაში გაიშვიათებული ჰაერის გამო არ უჭირს.</p><p><strong>კარლოს ბიანკის</strong> გუნდს პირველი თამაში წაგებული ჰქონდა, შესაბამისად, ეკვადორში დამარცხება "ბოკასთვის" დამღუპველი იქნებოდა. სტუმართა წარმატებაში უდიდესი წვლილი მცველებმა შეიტანეს. 59-ე წუთზე გოლი "კორინთიანსიდან" გადმოსულმა <strong>ხუან მანუელ მარტინესმა</strong> გაიტანა, რომელსაც საგოლე პასი ცენტრალურმა მცველმა <strong>გილერმო ბურდისომ </strong>გაუკეთა, რამდენიმე წუთში კი თავი გუნდის მეორე ახალწვეულმა და დაცვის ცენტრში ბურდისოს პარტნიორმა, <strong>კლაუდიო პერესმა </strong>გამოიჩინა.</p><p>ამ გამარჯვებით "ბოკამ" ლიბერტადორესის თასზე 4-მატჩიანი მოუგებელი სერია შეწყვიტა, "ბარსელონა" კი აშკარად ცუდ ფორმაშია – ეკვადორელებს უკვე 7 თამაშია, არ მოუგიათ, მათ შორის გუნდმა ბოლო 5-დან 4 წააგო.</p><p>"კორინთიანსმა" "მილიონარიოსს" უმასპინძლა და კოლუმბიის 14-გზის ჩემპიონს იოლად მოუგო. ანგარიში მე-10 წუთზე <strong>ხოსე პაოლო გერერომ </strong>გახსნა, რომელმაც "კორინთიანსის" რიგებში ჩატარებულ ბოლო 18 შეხვედრაში 14 გოლი გაიტანა. საერთაშორისო ტურნირებზე (მსოფლიოს საკლუბო ჩემპიონატი და ლიბერტადორესის თასი) გერერომ 4 შეხვედრაში ითამაშა და თავი ოთხივეში გამოიჩინა (სულ 4 გოლი).</p><p>მეორე ტაიმში მასპინძელთა უპირატესობა <strong>ალეშანდრე პატომ</strong> გაზარდა და "კორინთიანსმა" 2:0 მოიგო. შეგახსენებთ, რომ შარშან ტიტეს გუნდმა ლიბერტადორესის თასზე ისე იმარჯვა, რომ ერთი თამაშიც არ წაუგია. ასე რომ, ამ ტურნირზე "ტიმაოს" წაუგებელი სერია უკვე 16 მატჩია გრძელდება.</p><p>მოიგო "ფლუმინენსემაც", ვინც გასვლაზე ჩილეს ჩემპიონი "უაჩიპატო" დაამარცხა. "კორინთიანსისგან" განსხვავებით, "ფლუს" გაუჭირდა და პირველი ტაიმი წააგო კიდევაც – 45-ე წუთზე მასპინძელთა ურუგვაელმა ფორვარდმა <strong>ბრიან როდრიგესმა</strong> ანგარიში გახსნა და სტუმრები მძიმე მდგომარეობაში ჩააგდო.</p><p>მეორე ტაიმმა "ფლუმინენსეს" უპირატესობით ჩაიარა. ფრედს ამჯერად გოლი არ გაუტანია, სამაგიეროდ, 67-ე წუთზე მან საგოლე პასი გააკეთა და <strong>ველინგტონ ნემს</strong> ანგარიში გაათანაბრებინა. გამარჯვების გოლი კი ცვლილებაზე შემოსულმა<strong> ვაგნერმა </strong>გაიტანა. აღსანიშნავია, რომ 28 წლის ნახევარმცველს მოედანზე წუთზე ნაკლები ჰქონდა გატარებული.</p><p>კიდევ ერთ შეხვედრაში ჩილეს მეორე გუნდმა, "დეპორტეს იკიკემ" ეკვადორის "ემელეკს" მოუგო და პირველი ქულები მოიპოვა. საინტერესოა, რომ "ემელეკმა" სამ ტურში მხოლოდ ერთი გოლი გაიტანა და ისიც "ველესის" საუკეთესო ბომბარდირის, <strong>ფაკუნდო ფერეირას</strong> ავტოგოლი იყო.</p><p><strong><span style="color: #ff0000;">ლიბერტადორესის თასი</p><p></span></strong></p><p><strong>I ჯგუფი. II ტური.</strong></p><p><strong><em>ბარსელონა-ბოკა 1:2</p><p></em></strong>გოლები: 0:1 ხ. მარტინესი (59), 0:2 კ. პერესი (63), 1:2 მ. აროიო (90-პენ).</p><p><pre></p><p><span style="white-space: pre;"> </span>თ მ ფ წ ბ ქ</p><p>1. ნასიონალი 2 1 1 0 5-4 4</p><p>2. ტოლუკა 2 1 0 1 4-4 3</p><p>3. ბოკა 2 1 0 1 3-3 3</p><p>4. ბარსელონა 2 0 1 1 3-4 1</pre></p><p>IV ჯგუფი. III ტური.</p><p><strong><em>დეპ. იკიკე-ემელეკი 2:0</p><p></em></strong>გოლები: 1:0 ერეროსი (15), 2:0 ვილიალობოსი (22).</p><p>გაძევება: ახილიერი (79. ემელეკი).</p><p>თ მ ფ წ ბ ქ</p><p>1. ველესი 3 2 0 1 4-1 6</p><p>2. პენიაროლი 3 2 0 1 3-2 6</p><p>3. დეპ. იკიკე 3 1 0 2 3-5 3</p><p>4. ემელეკი 3 1 0 2 1-3 3</p><p><strong>V ჯგუფი. II ტური.</strong></p><p><strong><em>კორინთიანსი-მილიონარიოსი 2:0</p><p></em></strong>გოლები: 1:0 გერერო (10), 2:0 პატო (49).</p><p>გაძევება: ხაროლ მარტინესი (77. მილიონარიოსი)</p><p>თ მ ფ წ ბ ქ</p><p>1. ტიხუანა 2 2 0 0 5-0 6</p><p>2. კორინთიანსი 2 1 1 0 3-1 4</p><p>3. სან ხოსე 2 0 1 1 1-5 1</p><p>4. მილიონარიოსი 2 0 0 2 0-3 0</p><p><strong>VIII ჯგუფი. III ტური.</strong></p><p><strong><em>უაჩიპატო-ფლუმინენსე 1:2</p><p></em></strong>გოლები: 1:0 ბ. როდრიგესი (45), 1:1 ველინგტონ ნემი (67), 1:2 ვაგნერი (76).</p><p>თ მ ფ წ ბ ქ</p><p>1. ფლუმინენსე 3 2 0 1 3-4 6</p><p>2. გრემიო 2 1 0 1 4-2 3</p><p>3. კარაკასი 2 1 0 1 3-2 3</p><p>4. უაჩიპატო 3 1 0 2 4-6 3</p><p><strong>ბომბარდირები</strong>: 3 – ბერნარდი (ატლეტიკო მინეირო); 2 – ივან ალონსო (ნასიონალი), ჟო (ატლეტიკო მინეირო), ე. ბენიტესი (ტოლუკა), ხ. ოლივერა (პენიაროლი), ა. პენია (კარაკასი), ვ. სანჩესი (ნასიონალი), უბილია (უნივერსიდად დე ჩილე), გერერო (კორინთიანსი), ბ. როდრიგესი (უაჩიპატო), ვილიალობოსი (დეპორტეს იკიკე).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/samkhreth-amerika/46310-libertadoresis-thasi-qveles-sarsfildisq-revanshi.html" target="_blank">ლიბერტადორესის თასი: "ველეს სარსფილდის" რევანში</a></p>
OPTA-ს სუპერკომპიუტერმა 2026 წლის მსოფლიო ჩემპიონატის ფავორიტები დაასახელა
რას ვნახავთ დეკემბერში - პსჟ-ს მატჩები და თბილისის "დინამო" ახალგაზრდულ ლიგაზე
"ვინისიუსის მსგავსი ფეხბურთელი არ უნდა გააბრაზო" - პერესმა ალონსო გააფრთხილა
"ტოტენჰემის" მეკარემ შესაძლოა, კარიერა "ინტერში" გააგრძელოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა