- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს თასი. 1/8 ფინალი. საპასუხო მატჩების წინათქმა
<p>2 მარტს საქართველოს თასის მეოთხედფინალისტები გამოვლინდებიან: 8 საუკეთესო გუნდი ამ საპატიო პრიზისათვის ბრძოლას გააგრძელებს <br> 2 მარტს საქართველოს თასის მეოთხედფინალისტები გამოვლინდებიან: 8 საუკეთესო გუნდი ამ საპატიო პრიზისათვის ბრძოლას გააგრძელებს.</p><p>სათასო შეხვედრები ყველგან და ყოველთვის განსაკუთრებულია და არაერთი შემთხვევაც ყოფილა, როცა რანგით დაბალი ლიგის გუნდს ფინალამდეც გაუღწევია.</p><p>ფინალამდე ჯერ შორია, მაგრამ ნუ გამოვრიცხავთ, რომ მერვედფინალშიც მოხდეს მეტ-ნაკლებად ხმაურიანი სენსაცია (შესაძლოა, რამდენიმეც);</p><p>საინტრიგო წყვილებზე ოდნავ ქვემოთ, მანამდე კი ის გუნდები ვახსენოთ, ფაქტობრივად, მეოთხედფინალისტებად რომ შეგვიძლია მოვიხსენიოთ.</p><p>თასის ამჟამინდელ მფლობელს "დილას" არანაირი პრობლემა რომ არ ექნებოდა პირველლიგელ "სამტრედიასთან" ყველასათვის ცხადი იყო და ასეც მოხდა: <strong>ვალდას ივანაუსკასის</strong> ხელმძღვანელობით გორელებმა პირველი ოფიციალური მატჩი ისეთი ანგარიშით მოიგეს, საპასუხო შეხვედრას აზრი დაეკარგა!</p><p>შეგახსენებთ, რომ ამ შეხვედრაში ჰეთ-თრიქი შეასრულა "დილას" ბრაზილიელმა ლეგიონერმა, 23 წლის <strong>ნათან ჟუნიორმა</strong>, შეცვლაზე შემოსულმა 19 წლის <strong>მიხაილ გორელიშვილმა</strong> ორი გოლი გაიტანა, ერთიც - 25 წლის <strong>გიორგი კახელიშვილმა</strong>.</p><p>უფრო შთამბეჭდავი სხვაობით მოიგო "ჩიხურამ": გამოცდილი სპეციალისტის, <strong>სოსო ფრუიძის</strong> დამოძღვრილმა საჩხერულმა გუნდმა პირველლიგელი "შუქურას" კარში 8 (!) უპასუხო გოლი გაიტანა. ისე როგორც ჩემპიონატის პირველ ეტაპზე, ამ მატჩშიც შეუჩერებელი იყო "ჩიხურას" შემტევი "ტრიო": 20 წლის <strong>დავით კირკიტაძემ</strong> 1 გოლი გაიტანა, 24 წლის <strong>ნიკა კვასხვაძემ</strong> - ორი, 21 წლის <strong>ბესიკ დეკანოიძემ</strong> კი სულაც "პოკერი" შეასრულა!</p><p>ქობულეთელთა კარში კიდევ ერთი გოლი "ჩიხურას" ყველაზე სტაჟიანმა წევრმა, 28 წლის <strong>ირაკლი ზაბახიძემ</strong> გაიტანა.</p><p>დიდი ანგარიში (ოღონდ, ცოტა არ იყოს, ბევრისთვის მოულოდნელადაც) დაფიქსირდა "სიონი" - "ზუგდიდის" შეხვედრაშიც: პირველ ეტაპთან შედარებით ერთიანად გადახალისებულმა ბოლნისურმა კლუბმა ზედა ექვსეულის წარმომადგენელი "ზუგდიდი" მართლაც რომ სოლიდური ანგარიშით (3:0) დაამარცხა.</p><p>აღსანიშნავია, რომ სამივე გოლი "სიონის" ახალწვეულებმა, თბილისის "დინამოს" ყოფილმა ფეხბურთელებმა გაიტანეს: 21 წლის <strong>ირაკლი ლექვთაძემ</strong> (2) და 30 წლის <strong>ლადო ახალაიამ</strong>.</p><p>ერთნაირი ანგარიშით (1:0) გაიმარჯვეს თასის ამ გათამაშების ფავორიტებმა: თბილისის "დინამოც" და "ზესტაფონიც" 2 მარტს მასპინძლის როლში იქნებიან და მათ მეტოქეთა მიმართ დიდი პატივისცემის მიუხედავად, ორივე ფავორიტს მეოთხედფინალში გასვლა არ უნდა გაუჭირდეს.</p><p>აი, დანარჩენი 3 მატჩი კი ისეთია, უდიდეს ინტერესს რომ იწვევს და სენსაციურ შედეგ(ებ)საც ნუ გამოვრიცხავთ...</p><p><span style="color: #ff0000;"><strong>იქნება რევანში?</strong></span></p><p>თავიდანვე ცხადი იყო, რომ "ვიტ ჯორჯია" - "სპარტაკის" წყვილში გამოკვეთილ ფავორიტად ვერც ერთ გუნდს ვერ მივიჩნევდით. მართალია, ვეტერინარები რაგნით მაღლა დგანან, მაგრამ <strong>მერაბ კოჭლაშვილის</strong> ახალგაზრდულ გუნდს ნამდვილად ვერავინ მოსთხოვს თასის ფინალში გასვლას.</p><p>თანაც, მერვედფინალში "ვიტ ჯორჯიას" ერთობ არასასურველი მეტოქე შეხვდა: ცხინვალის "სპარტაკი" პირველ ლიგაში თავისი ჯგუფის ლიდერია და საერთოდაც, ისეთი შემადგენლობა ჰყავს, დღესდღეობით უმაღლესში რომ ეასპარეზა, ზედა ექვსეულში მოსახვედრად იბრძოლებდა.</p><p>მწვრთნელის ფაქტორიც უნდა ვახსენოთ: <strong>ვლადიმერ ხაჩიძე</strong> კვალიფიციური სპეციალისტია და არაერთ გუნდში მუშაობითაც დაამტკიცა. ახლაც, თავისი ყოფილი კლუბის წინააღმდეგ ვლადიმერ ხაჩიძემ პირველ მატჩში თავისთვის სასურველ შედეგს (1:1) მიაღწია, თუმცა ვეჭვობთ, რომ "სპარტაკმა" საპასუხო მატჩში 0:0-ზე ითამაშოს;</p><p>მოკლედ, შაბათს "ბენდელაზე" მართლაც საინტერესო პაექრობას უნდა ველოდოთ და ნუ გამოვრიცხავთ, რომ, შესაძლოა, დამატებით დრო ან პენალტების სერიაც დაინიშნოს.</p><p>არანაკლები, ოღონდ, ცოტა არ იყოს, მოულოდნელი ინტრიგა ახლავს კიდევ ერთ დედაქალაქურ დაპირისპირებას: პირველლიგელ "გაგრას" რომ უყვარს თასზე სენსაციები, კი ვიცოდით, მაგრამ მაინც ცოტას სჯეროდა, ეს ახალგაზრდული გუნდი ქუთაისიდან ესოდენ სასურველ შედეგს (1:1) თუ "წამოიღებდა".</p><p>ეგ კი არა, როგორც ქუთაისიდან იტყობინება "ლელოს" საკუთარი კორესპონდენტი <strong>დავით კოხრეიძე</strong>, სტუმრებს მატჩის ბოლოს გამარჯვების მომტანი გოლის ჩინებული შანსიც ჰქონდათ, მაგრამ ამ წყვილში აშკარა ფავორიტად შერაცხული მასპინძლები გუნდის კაპიტანმა და უდავო ლიდერმა <strong>ომარ მიგინეიშვილმა</strong> გადაარჩინა!</p><p>არადა, <strong>გია გეგუჩაძის</strong> დამოძღვრილი "ტორპედო" იმ დღეს, ფაქტობრივად, ოპტიმალური შემადგენლობით ასპარეზობდა, მაგრამ თასზე რევანშის აღება მაინც ვერ შეძლო. სარევანშო მიზეზი კი ტორპედოელებს მართლაც ექნებოდათ: ორი წლის წინათ იყო, საქართველოს თასის ფინალში "გაგრამ" მართლაც რომ სენსაციური გამარჯვება მოიპოვა ქუთაისურ კლუბთან;</p><p>ერთი შეხედვით, ორი წელიწადი დიდი დრო არ არის, მაგრამ თასის ფინალში მონაწილეთაგან "ტორპედოში" ომარ მიგინეიშვილის გარდა <strong>გიორგი დათუნაიშვილი</strong> და <strong>გრიგოლ დოლიძე</strong> შემორჩნენ, "გაგრაში" კი მხოლოდ და მხოლოდ - <strong>ლაშა კალანდაძე</strong>.</p><p>რაც შეეხება "გაგრას" დღევანდელ თავკაცს <strong>ზვიად ჯელაძეს</strong>, ორი წლის წინათ მთავარი მწვრთნელის, უკრაინელი <strong>ანატოლი პისკოვეცის</strong> თანაშემწე გახლდათ.</p><p><span style="color: #ff0000;"><strong>შეხვედრა წარსულთან</strong></span></p><p>ახლა კი პირველი მერვედფინალური მატჩების მთავარ მოულოდნელობაზეც; ყოველ შემთხვევაში ბათუმის "დინამოს" მიერ რუსთავის "მეტალურგის" ძლევა ჩვენ მართლაც მოულოდნელობად აღვიქვით და, ალბათ, ამ აზრის სხვაც ბევრი იქნება.</p><p>ამ "მოულოდნელობის მიზეზს" კი ასეთი ახსნა აქვს: ყველას მოეხსენება, რომ ბოლო წლების ერთ-ერთი წარმატებული ქართული კლუბი "მეტალურგი" ზედა ექვსეულში ვერ მოხვდა და ევროტურნირებზე (სადაც რეგულარულად ასპარეზობდა) მოსახვედრად, მხოლოდ და მხოლოდ თასზე წარმატებული გამოსვლა აწყობდა.</p><p>თანაც, "მეტალურგმა" ნაყოფიერი უცხოური შეკრებაც გაიარა და გუნდიდან წამყვანი ფეხბურთელების (<strong>ირაკლი მაისურაძე, დიმიტრი ტატანაშვილი</strong>) წასვლის მიუხედავად, ვერავინ იტყოდა, რუსთავული კლუბი დასუსტდაო (ერთი-მეორეზე გამოცდილი ახალწვეულები ჰყავთ: <strong>ლევან კორღალიძე, მიხეილ ალავიძე, რომან ახალკაცი, გოგა ფიფია</strong>, ორიოდ დღის წინათ კი <strong>ზურაბ მენთეშაშვილიც </strong>დაემატათ).</p><p>მოკლედ, ამ წყვილში "მეტალურგს" უმრავლესობა გამოკვეთილ ფავორიტად მიიჩნევდა, მით უფრო, რომ რუსთაველებისგან განსხვავებით, ბათუმის "დინამოს" ჩემპიონატში სერიოზულზე-სერიოზული ძალისხმევა დასჭირდება უმაღლეს ლიგაში ადგილის შენარჩუნებისათვის. თუმცა, ზამთრის პაუზის დროს საგრძნობლად სახეშეცვლილმა <strong>გია გურულის</strong> გუნდმა ფავორიტ მეტოქეს აჯობა და 2 მარტს რუსთავში მართლაც საინტერესო მატჩს უნდა ველოდოთ.</p><p>თანაც სტაჟიან რუსთაველ ქომაგებს ალბათ, დღესაც ემახსოვრებათ, თუ როგორ საინტერესოდ მიმდინარეობდა ხოლმე "მეტალურგისა" და ბათუმის "დინამოს" სათასო პაექრობები 90-იანი წლების დასაწყისში. აქვე განვმარტოთ, რომ იმდროინდელ და დღევანდელ "მეტალურგს" მხოლოდ სახელწოდება აერთიანებს, თორემ აბსოლუტურად სხვადასხვა გუნდებია: 90-იანი წლების "მეტალურგი" იყო იგივე "გორდა", დღევანდელი კი - "ოლიმპის" სამართალმემკვიდრეა.</p><p>თუმცა, რაც იყო, იმას ვერ "წავშლით" და ჯერ 1993/94 წლების თასის გათამაშების ნახევარფინალები გავიხსენოთ. პირველი მატჩი ბათუმში ჩატარდა და <strong>ვალერიან ჩხარტიშვილის</strong> დამოძღვრილი "დინამოს" მინიმალური გამარჯვებით (1:0) დამთავრდა. აი, განმეორებითმა შეხვედრამ კი, 1994 წლის 23 აპრილს რომ ჩატარდა, რუსთავში უდიდესი ინტერესი გამოიწვია და თამაშიც ისეთი გამოდგა, თქვენი მოწონებული.</p><p>ბათუმელთა გუნდში ერთი-მეორეზე გამოცდილი ფეხბურთელები (<strong>ასლან ბალაძე, ამირან გოგიტიძე, ვალერი შანიძე, ალექსანდრე კანტიძე, მალხაზ მახარაძე, როსტომ თორღაშვილი, პაატა მაჭუტაძე, გელა შეყილაძე</strong>) თამაშობდნენ, <strong>რევაზ ძოძუაშვილის</strong> "მეტალურგში" კი <strong>ვარლამ</strong> და <strong>გია კილასონიების</strong> გვერდით 20 წლის <strong>გიორგი ღუდუშაური</strong>, 19 წლის <strong>გოგა გახოკიძე</strong> და 16 წლის <strong>ლევან კობიაშვილი</strong> ასპარეზობდნენ.</p><p>საპასუხო მატჩის კულმინაცია მაშინ დადგა, 0:0-ზე სტუმართა მეკარემ <strong>ასლან ბალაძემ</strong> "მეტალურგის" მცველის, <strong>ლაშა ამბიძის</strong> პენალტი რომ მოიგერია, თუმცა დამატებაზე ყველას დაასწრო 19 წლის <strong>სანდრო ბურნაძემ</strong> და მატჩი დამატებით დროში გადაიყვანა. აი, იქ კი რუსთაველებმა იმძლავრეს და <strong>კახა ალადაშვილმა</strong> თავისი ხანგრძლივი კარიერის განმავლობაში, უდავოდ საუკეთესო გოლი გაიტანა: იმ დროისათვის 18 წლის შემტევმა "მოჭრილი" დარტყმით ბურთი მეტოქის კარის "ცხრიანში" გაგზავნა!</p><p>ძნელი გადმოსაცემია, თუ რა ხდებოდა იმ დროს რუსთავის "ფოლადის" სტადიონზე...</p><p>...ერთი წლის შემდეგ ეს გუნდები კვლავაც ნახევარფინალში "გადაეყარნენ" ერთმანეთს: რუსთავში პირველი მატჩი 0:0 დამთავრდა, აი, საპასუხო შეხვედრა კი უაღრესად ნერვული და დაძაბული გამოდგა. მასპინძლები <strong>დავით უჯმაჯურიძის</strong> გოლით დაწინაურდნენ, მერე ასლან ბალაძემ 11-მეტრიანი ზუსტად შეასრულა (მაგარი მეკარე იყო: პენალტებს იღებდა კიდეც და თვითონც ზუსტად ასრულებდა) და თითქოსდა, ყველაფერი გაირკვა; მაგრამ 20 წლის <strong>ზაზა ზირაქიშვილის</strong> აქტიურმა თამაშმა და გოლმა თამაშს ინტრიგა დაუბრუნა, რუსთაველებმა ბოლო წუთებზე შტურმი მოაწყვეს მასპინძელთა კართან, მაგრამ მეორე და ფინალის საგზურის მომტანი გოლის გატანა ვერ მოახერხეს...</p><p>"მეტალურგისა" და ბათუმის "დინამოს" ძველ დაპირისპირებებს ვიხსენებთ და კონკრეტული ფეხბურთელის ხსენება კინაღამ გამოგვრჩა: ამ გუნდების 1994 წლის სათასო პაექრობების ერთ-ერთი მონაწილე, დიდი ალბათობით, დღესაც გამოვა "ფოლადის" სტადიონზე; ხვდებით, ალბათ, რომ 39 წლის <strong>ამირან მუჯირზე</strong> ვსაუბრობთ, ბათუმის "დინამოს" უბერებელ კაპიტანზე...</p><p><img src="pictures/artimages/image17/20b3e71f007b56ac5983089955150e8f.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/10a4add738c0e4ad4b9537f0c6223368.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><strong><img src="pictures/artimages/image17/1bee34fcf62cf96a35b96a7c54098274.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/2d9d4f9a02630ecc6e4b4921722d033d.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/2729dfa69c469d726b3fb10de79345e0.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/e3dace9adf64ce10f529fbf38eaef3b1.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/03790ccb7448fc7a5e8f74780ebb3e01.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p><img src="pictures/artimages/image17/0bdd2816446a84b874cb5678db224d66.jpg" border="0" alt="Sportall.Ge" title="საქართველოს თასი. 1/8 ფინალი. საპასუხო მატჩების წინათქმა" /></p><p>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა