<p>"ქართულ კალათბურთის" ხელმძვანელი დაარსებული საზოგადოების სამომავლო გეგმებზე საუბრობს <br> გასული წლის შემოდგომაზე დაარსდა საზოგადოება "ქართული კალათბურთი", რომლიც პირველივე დღიდან საქართველოს კალათბურთის ფედერაციას დაუპირისპირდა.</p><p>მას მერე ამ საზოგადოებაში განხორციელდა სერიოზული ცვლილებები, მოვიდა სხვა ხელმძღვანელი.</p><p>ამ თემასთან და "ქართულ კალათბურთის" სამომავლო გეგმებთან დაკავშირებით ახალ თავკაცს გიორგი მარკოიშვილს გავესაუბრეთ.</p><p>- საზოგადოების დაარსებისას ჩვენი ხელმძღვანელი იყო მიხეილ ახვლედიანი, თუმცა მისი და ჩვენი ხედვა კალათბურთთან მიმართებაში ერთმანეთს არ დაემთხვა.</p><p>შეხედულებები თავიდან იდენტური იყო, უნდა დანიშნულიყო რიგგარეშე არჩევნები და შეგვეტანა ცვლილება წესდებაში.</p><p>თუმცა მოგვიანებით მეორე მხრიდან თავი იჩინა ყოყმანმა ამ კონკრეტულ საკითხებთან დაკავშირებით, გვთავაზობდნენ ფედერაციასთან თანაცხოვრებას, ჩვენ კი გვქონდა პრინციპული მოსაზრებები და გადავწყვიტეთ ცალკე გაგვეგრძელებინა გზა.</p><p><strong>- სადღეისოდ რამდენად რეალურია რიგგარეშე არჩევნების დანიშვნა?</p><p></strong>- რეალურად უამრავი საკითხია, რის გამოც შეიძლება დაინიშოს რიგგარეშე არჩევნები. მიუხედავად იმისა, რომ ჩვენი საჯაროდ გამოსვლის შემდეგ ბევრი ცვლილება შეიტანეს, წესდება დღესაც არადემოკრატიულია.</p><p>იგი პერსონიფიცირებულია, რასაც არ ვეთანხმებით. არსებობს ბევრი გაუმჭვირვალე საარჩევნო მუხლი და უამრავი კითხვა ჩნდება დელეგატებთან დაკავშირებით.</p><p><strong>- საზოგადოებაში რამდენი წევრია გაერთიანებული?</p><p></strong>- ბევრმა გამოთქვა სურვილი და ამჟამად სამოცამდე წევრი გვყავს. ყველა ერთ აზრზე ვართ, ერთ იდეას ვემსახურებით.</p><p>კარგად ვიცით, რომ ქართული კალათბურთი სავალალო მდგომარეობაშია და არსებობს გზა სიტუაციის გამოსწორებისა.</p><p>ამ ორგანიზაციის მიზანია ქართულ კალათბურთში დემოკრატიული ფასეულობები დაამკვიდროს.</p><p>ქვეყანაში მთავარი საკალათბურთო ორგანო არის კალათბურთის ფედერაცია. მისი მთავარი დოკუმენტი წესდებაა, რომელიც უნდა შეიცვალოს, რომ კალათბურთი სამართლებრივად მოწესრიგდეს.</p><p><strong>- იქნებ უფრო დააკონკრეტოთ...</p><p></strong>- დღევანდელი წესდების მიხედვით ნებისმიერ ფიზიკურ თუ იურიდიულ პირს, შეუძლია გახდეს კალათბურთის ფედერაციის წევრი.</p><p>ფიბას კანონებითაც და საერთაშორისო გამოცდილებითაც ფიზიკურ პირს არ შეიძლება ჰქონდეს დელეგატის სტატუსი (ხმის მიცემის უფლება).</p><p>დელეგატი აუცილებლად იურიდიული პირი უნდა იყოს. არის ასევე ინტერესთა თანხვედრა.</p><p>არსებობს ვეტერან კალათბურთელთა დახმარების ფონდი, რომლის დამფუძნებელი და პრეზიდენტი კალათბურთის ფედერაციის ხელმძღვანელია. ასეთ პირობებში მომავალ არჩევნებში მოქმედი პრეზიდენტის გადარჩევა წარმოუდგენელია.</p><p><strong>- ფიბა თუ ჩააყენეთ საქმის კურსში?</p><p></strong>- ამ საკითხზე ჩვენი ბელგიელი იურისტი სებასტიან ლედური მუშაობს, რომელმაც უკვე გაუგზავნა ჩვენს მიერ მიწოდებული საბუთები ფიბას შესაბამის სტრუქტურას.</p><p>იმედი მაქვს, მალე იქნება ოფიციალური დასკვნა ფედერაციის წესდებასთან დაკავშირებით. ამის აღსრულება უშუალოდ საქართველოს სპორტის სამინისტროსა და პარლემენტის სპორტის კომიტეტის საქმეა.</p><p>ისინი ჩვენგან ოფიციალურ წერილს მომავალ კვირაში მიიღებენ.</p><p><strong>- თქვენი საზოგადოების შეხედულებით, კონკრეტულად რა უნდა შეიცვალოს ქართულ კალათბურთში და სამოქმედო პროგრამაზე რისი თქმა შეგიძლიათ?</strong></p><p>- პროექტებზე ბევრი გვაქვს ნამუშევარი. კალათბურთის განვითარება ბავშვებიდან უნდა დაიწყოს, რაც შეიძლება მეტი პატარა უნდა დავაინტერესოთ.</p><p>მისახედია ინფრასტრუქტურა... მოკლედ, მეტად საინტერესო პროექტები გვაქვს და მათ საზოგადოებას ჯერ ვერ გავაცნობთ, რადგან ფაქტია, რომ ჩვენგან ოპონენტები ბევრს სწავლობენ.</p><p>როგორც კი წესდება მოწესრიგდება და რიგგარეშე არჩევნები დაინიშნება, მეორე დღესვე გამოვაქვეყნებთ ჩვენს პროგრამასა და ხედვას.</p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალი 26 სექტემბერს, ოლიმპიურ სასახლეში დაიწყება
"ქუთაისი" დანიის ჩემპიონთან ბოლო წამებზე დამარცხდა და ფიბა ევროპის თასზე იასპარეზებს
"ქუთაისი" ჩემპიონთა ლიგაზე, თვაური – ფიბა ევროპის თასზე
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა