<p><span style="line-height: 1.3em;" /> ჩემპიონთა ლიგა. 1/8-ფინალი. საპასუხო მატჩის წინ</p><p><br> </span>"მესტალიაზე" წაგების (1:2) შემდეგ "ვალენსიას" შანსები მინიმუმამდე შემცირდა, მაგრამ ფაქტია, რომ ესპანელები პარიზში თავისას ეცდებიან.</p><p>"ვალენსია" საფრანგეთში საბრძოლო განწყობით ჩავიდა, მაგრამ მთავარ მწვრთნელ <strong>ერნესტო ვალვერდეს</strong> ოპტიმისტურად განწყობის საფუძველი ნაკლებად აქვს, რადგან საპასუხო მატჩის წინ სერიოზულ საკადრო პრობლემებთან უწევს გამკლავება - "ვალენსიას" დაცვაში უჭირს.</p><p>"ვალენსიას" მეოთხედფინალში გასვლის თეორიული შანსი რომ შერჩა, ეს <strong>ადილ რამის </strong>დამსახურებაა, რომელმაც ორი კვირის წინ გამართულ შეხვედრაში, 90-ე წუთზე პსჟ-ს გოლი გაუტანა და ამით ესპანური კლუბის ქომაგებს ფრანგული გრანდის ბარიერის დაძლევის იმედი დაუტოვა.</p><p>რამის გოლით "მესტალიას" ტაბლოზე 1:2 დაფიქსირდა და რომ არა ეს გოლი, ვალვერდეს გუნდის შანსებზე საუბარი ზედმეტი იქნებოდა. რამი დღეს ვერ ითამაშებს, რადგან ტრავმირებულია და დაცვის ცენტრში მის ნაცვლად, სავარაუდოდ, <strong>ვიქტორ რუისს </strong>ვიხილავთ.</p><p>ტრავმირებულია და მოედანზე გასვლას ვერც რამის პარტნიორი <strong>რიკარდო კოშტა</strong> მოახერხებს. ვალენსიელებს ბოლო მომენტამდე ჰქონდათ იმის იმედი, რომ პორტუგალიელი გამოჯანმრთელებას მოასწრებდა, მაგრამ <strong>რიკარდო კოშტას</strong> რეაბილიტაციისთვის დრო არ ეყო და თანაგუნდელებს პარიზში ვერ გაჰყვა.</p><p>თუკი რამის რუისი შეცვლის, რიკარდო კოშტას ალტერნატივა <strong>ჟერემი მატიოა</strong>, თუმცა ამ უკანასკნელის თამაშიც პრობლემატურია, რადგან ტრავმა ახლახან მოიშუშა. ესპანეთის ჩემპიონატის უკანასკნელ მატჩში, რომელშიც ვალენსიელებმა "ლევანტესთან" 2:2 დააფიქსირეს, მატიომ წელს პირველად ითამაშა შეუცვლელად და საუკეთესო ფორმაში არაა.</p><p><em>"ვერ ვიტყვი, რომ საუკეთესო კონდიციაში ვარ, მაგრამ თუ მწვრთნელი მენდობა, თავს არ დავზოგავ. ფაქტია, რომ ტრავმა ბოლომდე მოვიშუშე და სათამაშოდ მზად ვარ,"</em> - განაცხადა მატჩის წინა დღეს 30 წლის მცველმა.</p><p>აქვე ისიც ვთქვათ, რომ ვალვერდეს დაცვის ცენტრში <strong>ანტონიო ბარაგანისა</strong> და <strong>ალი სისოკოს </strong>გამოყენებაც შეუძლია.</p><p><strong><span style="color: #ff0000;">პსჟ იბრას გარეშე</p><p></span></strong>გარკვეული საკადრო პრობლემები პარიზელებსაც აქვთ: <strong>ზლატან იბრაჰიმოვიჩი</strong> დისკვალიფიცირებულია, ისევე, როგორც - <strong>მარკო ვერატი</strong>.</p><p>თუმცა კარლო ანჩელოტის გუნდის დანაკლისს სერიოზულს ვერ ვუწოდებთ, რადგან პარიზელთა იტალიელ დამრიგებელს ვალენსიელ კოლეგაზე გაცილებით დიდი და ხარისხიანი არჩევანი აქვს.</p><p>შვედი თავდამსხმელი წინა მატჩში მოედნიდან გააძევეს და მართალია, პსჟ-მ ორმატჩიანი დისკვალიფიკაცია გააპროტესტა, მაგრამ შეწყალების შემთხვევაში ზლატანი მეოთხედფინალის პირველ რაუნდში ითამაშებს.</p><p>დიდი შანსია, რომ ანჩელოტიმ იბრას ნაცვლად <strong>კევინ გამეირო </strong>ათამაშოს. შესაძლოა, ფრანგული კლუბის თავდასხმაში <strong>ლავეცისა</strong> და <strong>მენეზის</strong> წყვილი ვიხილოთ.</p><p><strong>დევიდ ბექჰემი</strong> სრულ მზადყოფნაშია და შესაძლოა, 2010 წლის შემდეგ პირველად ვიხილოთ ჩემპიონთა ლიგაში.</p><p>ბექზმა ევროპის ელიტარულ საკლუბო ლიგაში ბურთი ბოლოს სწორედ სამი წლის წინ, "მილანისა" და "მანჩესტერ იუნაიტედის" მატჩში გააგორა, რომელიც მანკუნიანელებმა 4:0 მოიგეს. თუმცა ანჩელოტი ბექჰემის სასტარტო შემადგენლობაში გამწესებას ალბათ მაინც არ გარისკავს და ძირითადში ისევ <strong>კლემენ შანტომს</strong> ათამაშებს.</p><p>დაცვის ცენტრში ანჩელოტი, სავარაუდოდ, სახოსა და ალექსის წყვილს დაეყრდნობა - <strong>ტიაგო სილვას</strong> გამოჩენა საეჭვოა. მარჯვენა მცველის პოზიციაზე კი, ყველა ლოგიკის მიხედვით, <strong>კრისტოფ ჟალე</strong> უნდა ვიხილოთ, რადგან <strong>გრეგორი ვან დერ ვილი</strong> მოლოდინს ვერ ამართლებს.</p><p><span style="color: #ff0000;"><strong>ჩემპიონთა ლიგა. 1/8-ფინალი. საპასუხო მატჩი</strong></span></p><p><strong><span style="line-height: 1.3em;">პსჟ-ვალენსია 23:45</span></p><p></strong>პირველი მატჩი: 2:1</p><p><span style="text-decoration: underline;">სავარაუდო შემადგენლობები</p><p></span>პსჟ (4-4-2): სირიგუ - ჟალე, ალექსი, სახო, მაქსველი - ლუკას მოურა, მატუიდი, შანტომი, პასტორე - ლავეცი, მენეზი.</p><p>ვალენსია (4-2-3-1): გუაიტა - ჟოაო პერეირა, ვიქტორ რუისი, მატიო, გუარდადო - პარეხო, ტინო კოსტა - ფეგული, ბანეგა, ჟონასი - სოლდადო.</p><p>არბიტრი: მილორად მაჟიჩი (სერბეთი)</p><p><strong><span style="color: #ff0000;">ურთიერთშეხვედრები</p><p></span></strong>12.02.2013</p><p><em><strong>ვალენსია-პსჟ 1:2</strong></em></p><p>გოლები: 0:1 ლავეცი (10), 0:2 პასტორე (43), 1:2 რამი (90)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/46558-ali-sisoko-qvalensiasq-sheudzlia-pszhs-parizshi-damarckheba.html" target="_blank">ალი სისოკო: "ვალენსიას" შეუძლია პსჟ–ს პარიზში დამარცხება</a></p><p><a href="/fexburti/evroturnirebi/chempiontha-liga/45672-klasith-da-individualizmith-sapasukho-matchshi-pszh-s-ibrasthan-erthad-veratic-daakldeba-video.html" target="_blank">კლასით და ინდივიდუალიზმით: საპასუხო მატჩში პსჟ-ს, იბრასთან ერთად, ვერატიც დააკლდება [VIDEO]</a></p><p><a href="/fexburti/evroturnirebi/chempiontha-liga/45612-valensia-pszh-12-parizul-matchs-intriga-zlatanma-dautova-video.html" target="_blank">ვალენსია-პსჟ 1:2 - პარიზულ მატჩს ინტრიგა... ზლატანმა დაუტოვა [VIDEO]</a></p>
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
ლოჩოშვილის "ნიურნბერგმა" დიუსელდორფში გაიმარჯვა
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს