- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ირაკლი უზნაძე: ლაშა შავდათუაშვილს სპარინგები სჭირდება
<p>საქართველოს ძიუდოისტთა ნაკრების მთავარმა მწვრთნელმა განვლილი ტურნირები შეაფასა <br> ძიუდოისტთა ნაკრები დაბრუნდა ევროპიდან, სადაც ზედიზედ ორ ტურნირში იასპარეზა - დიუსელდორფში "დიდ პრიზზე" და ვარშავაში "ევროპის ღია თასზე".</p><p>საბედნიეროდ, ორივეგან წარმატებით გამოვიდნენ, თუმცა უფრო მეტად შედეგიანი გერმანული შეჯიბრება აღმოჩნდა.</p><p>ნაკრების მთავარმა მწვრთნელმა ირაკლი უზნაძემ იქ ძირითადი შემადგენლობა გამოსცადა, პოლონეთში კი უმეტესად სათადარიგოები წაიყვანა.</p><p>მთლიანობაში, ნაკრების თითქმის ყველა კანდიდატს მისცა შანსი და სამწვრთნელო შტაბმა გუნდის საერთო სურათიც იხილა.</p><p>წარმატება წარმატებად, მაგრამ საინტერესოა, რამდენად დააკმაყოფილა თავად უზნაძე ამ შეჯიბრებაზე ნანახმა.</p><p>მით უფრო, გერმანიაშიც და გაცილებით მეტად - ვარშავაში ნაკლოვანებებიც ბლომად გამოჩნდა.</p><p>ამ ტურნირებზე ოლიმპიური ჩემპიონი <strong>ლაშა შავდათუაშვილის</strong> (66) დაბრუნებაც შედგა ოპერაციით გამოწვეული ხანგრძლივი პაუზის შემდეგ და მასზე მწვრთნელის აზრიც გვაინტერესებდა, თუმცა ნაკლებ ინტერესს არც სხვა ნიჭიერი ახალგაზრდები იწვევდნენ.</p><p>თან ევროპის ჩემპიონატიც კარს მოგვადგა და მზადების მიმდინარეობაც საინტერესოა... ერთი სიტყვით, წარმატების მიუხედავად, უზნაძესთან კითხვები ბლომად დაგვიგროვდა.</p><p>მით უფრო, წლეულს შემოღებული ახალი წესის მიხედვით, ევროპისა და მსოფლიოს პირველობებზე ერთი ქვეყნიდან მონაწილეთა რაოდენობა შეიზღუდა - შარშან თუ 14 სპორტსმენის მონაწილეობა იყო ნებადართული, ამჯერად მხოლოდ 9-ს თუ წაიყვან.</p><p>ესეც ახალი თავსატეხია მწვრთნელებისთვის.</p><p><strong>- რამდენად გაგიმართლათ მოლოდინი ამ ორმა ტურნირმა, სადაც ნაკრების თითქმის ყველა კანდიდატი გამოსცადეთ?</strong></p><p>- დიუსელდორფში თვალსაჩინოდ ჩანდა, რომ ნაკრები საკმაოდ მაღალ დონეზეა მომზადებული.</p><p>გუნდიც შეკრული იყო, ერთი მიზნისკენ მიმართული - ბიჭები გრძნობდნენ, რომ მხოლოდ საკუთარი თავისთვის არ ჭიდაობდნენ და მათ უკან იდგა ქვეყანა, ფედერაცია.</p><p>მათ გაითავისეს, რომ მოგება-წაგება მარტო სპორტსმენის საქმე აღარაა და მეტი პასუხისმგებლობით ეკიდებიან ყველა შეჯიბრებას.</p><p>სასიხარულოა, რომ გერმანიაში სწორედ იმ წონებში გავიმარჯვეთ, რომლებიც უძლიერესები იყვნენ მთელ ტურნირზე - 81-სა და 90-ში.</p><p>ჭრიკიშვილმაც, წიკლაურმაც და ლიპარტელიანმაც ძლიერად იჭიდავეს, ასევე - გოგოჭურმაც და ოქრუაშვილმაც, თუმცა ამას ფინალში ცოტა დაღლა დაეტყო და ის შეცდომაც ამან გამოიწვია.</p><p>გოგოჭურს სამსუნშიც გამოვცდით და თუ იქაც წარმატებით გამოვა, შეიძლება, საევროპო ნაკრებშიც დაიმკვიდროს ადგილი.</p><p>პაპინაშვილიც სტაბილურ სპორტსმენად ჩამოყალიბდა, მაგრამ მონღოლ განბატთან ცოტა უჭირს სტილიდან გამომდინარე - ის ახლოდან ეჭიდავება, რაც ამისთვის არასასურველია.</p><p>66-ში ქარდავამაც და შავდათუაშვილმაც ნორმალურად იასპარეზეს. ლაშაზე სულაც ვფიქრობდით, რომ მხოლოდ ორი წრე ეჭიდავა, მაგრამ თვითონ ითხოვა, კარგად ვგრძნობ თავს და გავაგრძელებ ტურნირსო.</p><p>იაპონელ ებინუმასთანაც ცუდად არ უასპარეზია, მაგრამ ცოტა რეაქცია აკლდა - ამდენი ხნის გაცდენის შემდეგ ოდნავ მოდუნებულია, შედარებით სისწრაფეც აკლია და ოდნავ გახსნაც სჭირდება.</p><p>მთლიანობაში, ცუდად არ გამოსულა, ამ ეტაპზე ამდენსაც არ ველოდით. მოულოდნელი იყო შუკვანის მარცხი, რაც ზედმეტმა თავდაჯერებამ გამოიწვია.</p><p>პოლონეთში უფრო მეტს ვგეგმავდი, რადგან ეს არ იყო დიუსელდორფის დონის შეჯიბრება და მედლისთვის მაინც უნდა ებრძოლათ, ისე ნაადრევად არ უნდა გამოვარდნილიყვნენ.</p><p>მხოლოდ ქარდავას მარცხს თუ გაამართლებს ტრავმა, რომელიც შეჯიბრებისას მიიღო. ახალგაზრდები - ლაშა ტაველური და ბექა ღვინიაშვილი გერმანიაში შეკრებაზე უფრო თავისუფლად გამოიყურებოდნენ, ვიდრე - პოლონეთში.</p><p>ვერ გეტყვით, ფსიქოლოგიურად ვერ განეწყვნენ, თუ რა მოხდა. 100 კილოგრამშიც მეტს ველოდი როგორც ლორიაშვილისგან, ისე - ჟორჟოლიანისგან, თუმცა მას ახალი განახლებული აქვს ვარჯიში და მოლოდინის შესაბამისად იჭიდავა.</p><p>აპირებს, მომავალში მთელი სერიოზულობით ივარჯიშოს. სამსუნშიც გამოვცდით "დიდ პრიზზე" და ვნახოთ, რა იქნება მომავალში.</p><p><strong>- შავდათუაშვილი მომავალში ჩვეულებრივი გრაფიკით გააგრძელებს მზადებას თუ დამატებითი ვარჯიშებიც დასჭირდება?</strong></p><p>- არა, დამატებითი არაფერი უნდა, ჩვეულებრივად გააგრძელებს ვარჯიშს, მაგრამ სჭირდება მეტი სპარინგ-პარტნიორი, მეტი ორთაბრძოლა, რასაც საქართველოსა და გერმანიაში გასავლელ შეკრებებზე შეივსებს.</p><p>სხვა მხრივ, მისი რეაბილიტაცია გეგმაზომიერად მიდის. კიდევ ვიმეორებ - ამ ეტაპზე მისგან ამდენსაც არ ველოდი.</p><p><strong>- ახალგაზრდებიდან ბექა ღვინიაშვილზეც მინდა გკითხოთ - თქვენი აზრით, რატომ დარჩა უმედლოდ და სამომავლოდ რას გეგმავთ მასთან დაკავშირებით?</strong></p><p>- ის ძალიან პერსპექტიული და ქართულ ძიუდოში მართლაც ნათელი წერტილია, მაგრამ, ეტყობა, ჯერ ადრეა უფროსთა ნაკრებში გამოსვლა, მისი კარიერა ეტაპობრივად უნდა განვითარდეს.</p><p>ვფიქრობთ, რომ მისთვის ძირითადი სადღეისოდ ახალგაზრდული ნაკრები უნდა იყოს. თან წონაც ახლახან შეიცვალა, რასაც წესების ცვლილებაც დაერთო და გადართვა უწევს. საჩქარო არაფერია და ჯობია, ეტაპები თანდათან გაიაროს.</p><p><strong>- ლიდერთა წარმატებები კარგია, მაგრამ პოლონეთში გამოჩნდა, რამდენად ჩამორჩებიან მათ სათადარიგოები, რამხელა პრობლემებია რეზერვის აღზრდის თვალსაზრისით... რით უნდა დაუახლოვდეს თაობების მომზადება ერთმანეთს და საერთოდ - რაში ხედავთ ნაკრების რეზერვს?</strong></p><p>- მხოლოდ შრომაში და მეტ ვარჯიშში, სხვა გამოსავალი არაა. საბედნიეროდ, განწყობა ბიჭებში კარგია და მაღალი პასუხისმგებლობით ეკიდებიან ვარჯიშსაც, შეჯიბრებასაც.</p><p>ცხადია, სათადარიგოებთან მეტია სამუშაო, რადგან მათ სატურნირო გამოცდილებაც აკლიათ. იმედია, ევროპის ჩემპიონატის შემდეგ ეს ხარვეზიც შეივსება.</p><p>მთლიანობაში, ახალ წესებს კარგად ავუღეთ ალღო - მეშინოდა, რომ უფრო გაუჭირდებოდათ, მაგრამ ასე არ მოხდა. თუმცა უფრო მეტი უნდა ვიმუშაოთ ჩავლებებზე.</p><p>დღევანდელი ჭიდაობით კონტრილეთები შეიზღუდა. ამიტომ ვინც პირველ ჩავლებას აიღებს, ინიციატივაც მის ხელშია.</p><p><strong>- სამაგიეროდ, ასეთი წესების გამო ილეთებმა მოიკლო...</strong></p><p>- ფეხში შესვლების აკრძალვით ილეთებმა მართლაც მოიკლო, თუმცა, სამაგიეროდ, გაიზარდა წელზემოთა ფანდების რაოდენობა. ალბათ, ამის დამსახურებაა, რომ ძიუდოს სანახაობა არ დაუკარგავს და უინტერესო არ გამხდარა...</p><p><strong>- ევროპაზე წასაყვანი შემადგენლობაც უკვე გამოიკვეთებოდა...</strong></p><p>- 80%-ით მართლაც გარკვეულია, მაგრამ ჯერ ადრეა მათი დასახელება. ერთს კი ვიტყვი, რომ ევროპის პირველობაზე ყველა წონაში გვეყოლება მონაწილე, ოღონდ რომლებში დავამატებთ კიდევ თითო მონაწილეს, ეს სამსუნში გამოსვლის შემდეგ გადაწყდება.</p><p><strong>- ევროპის პირველობისთვის მზადების რა ეტაპებს გაივლით?</strong></p><p>- დღეს ბაკურიანში მივდივართ შეკრებაზე, საიდანაც 23-ში დავბრუნდებით. ბიჭები რამდენიმე დღე დაისვენებენ და მერე გერმანიაში წავალთ ერთობლივ შეკრებაზე - ესაა საერთაშორისო ფედერაციის მიერ მოწყობილი 9-დღიანი საწვრთნელი კემპი, სადაც სპარინგებიც გვექნება, თუმცა მანამდე სამსუნის "დიდი პრიზია". იქ ნაჭიდავები გუნდის ნახევარი წავა გერმანიაში, დასკვნით შეკრებას კი საქართველოში გავივლით.</p><p><strong>- სამსუნში რა შემადგენლობით იასპარეზებთ, უკვე გარკვეულია?</strong></p><p>- ბოლომდე - არა. ბაკურიანში გადავხედავთ გუნდს და გადაწყვეტილებას იმის მიხედვით მივიღებთ. ზოგიერთ წონაში, მაგალითად - 100-ში, ჯერ არაფერია გარკვეული, ზოგან კი მეორე ნომერია გამოსავლენი.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span><a href="/sport/tcidaoba/dziudo/46541-beqa-ghviniashvilis-vazhkacurma-saqcielma-dziudos-evropis-kavshiric-aghafrthovana.html" target="_blank"></p><p>ბექა ღვინიაშვილის ვაჟკაცურმა საქციელმა ძიუდოს ევროპის კავშირიც აღაფრთოვანა</a></p><p><a href="/sport/tcidaoba/dziudo/46488-oqrothi-datsyebul-dasrulebuli-varshavis-turniri-video.html" target="_blank">ოქროთი დაწყებულ-დასრულებული ვარშავის ტურნირი [VIDEO]</a></p><p><a href="/sport/tcidaoba/dziudo/46339-valeri-liparteliani-dziudoistis-ckhovreba-tatamze-da-mis-mighma-video.html" target="_blank">ვალერი ლიპარტელიანი - ძიუდოისტის ცხოვრება ტატამზე და მის მიღმა [VIDEO]</a><a href="/sport/tcidaoba/dziudo/46162-qarthveltha-diuseldorfuli-triumfi-2-2-oqro-verckhli-da-3-brinjao-video.html" target="_blank"></p><p>ქართველთა დიუსელდორფული ტრიუმფი - 2-2 ოქრო-ვერცხლი და 3 ბრინჯაო [VIDEO]</a></p><p><a href="/sport/tcidaoba/dziudo/46229-qarthvelebi-bolomde-ibrdzvian-diuseldorfis-turniris-shuqchrdilebi.html" target="_blank">ქართველები ბოლომდე იბრძვიან! - დიუსელდორფის ტურნირის შუქჩრდილები</a></p>
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა