ინდიან უელსი: გაჭირვებული, მაგრამ მოგებული ფავორიტები

მამაკაცებმა მეორე წრეში დაასრულეს ურთიერთობის გარკვევა, ქალებმა კი სანახევროდ გაიარეს მესამე რაუნდი ინდიან უელსის უმაღლესი კატეგორიის ტურნირზე მამაკაცებმა მეორე წრეში დაასრულეს ურთიერთობის გარკვევა, ქალებმა კი სანახევროდ გაიარეს მესამე რაუნდი.ნოვაკ ჯოკოვიჩმა 19 მატჩამდე აიყვანა ამ სეზონში თავისი წაუგებელი სერია. იტალიელ ფაბიო ფონინსთან შეხვედრის დასაწყისი სწრაფ ფინალს მოასწავებდა - სერბმა პირველი 11 გეიმიდან ცხრა თავის სასარგებლოდ დაასრულა, მაგრამ შემდეგ უნებლიე შეცდომებს უმატა, რასაც მეორე სეტის წაგება მოჰყვა. ასე რომ, მატჩი, მოულოდნელად, მესამე სეტში გადავიდა, თუმცა იქ მსოფლიოს პირველი ნომერი გონს მოვიდა და ისევ დომინირებდა კორტზე. ნოვაკმა ორი უპასუხო ბრეიკით ლოგიკური შედეგი დააფიქსირა სეტშიც და მატჩშიც.ვერც ენდი მარეი ჩაეტია ორ სეტში რუსი ევგენი დონსკოის წინააღმდეგ. შოტლანდიელმა პირველ პარტიაში ვერაფრით იპოვა თავისი თამაში, მაგრამ საწყის სეტში ამ გაუგებრობის შემდეგ ყველაფერი თავის ადგილას დადგა. ენდიმ ინიციატივა მოიპოვა და მომდევნო გეიმებში საკუთარი მოწოდება აღარ დაუთმია, თავად კი მეორე და მესამე სეტებში ორ-ორი ბრეიკი მიითვალა. ასე რომ, მარეიმ თავიდან აიცილა ინდიან უელსში ზედიზედ მესამედ საწყის რაუნდებში გამოვარდნა.* * *რთული მატჩები ჰქონდათ ფავორიტებს ქალებს შორის. ასე მაგალითად, აგნიეშკა რადვანსკას ორსაათნახევარი დასჭირდა სორანა კირსტეას დასამარცხებლად. პოლონელი პირველ სეტს 5:4-ს იგებდა და ორი სეტბოლი ჰქონდა, მაგრამ პარტია ტაი-ბრეიკზე დათმო. ამის შემდეგ აგნიეშკამ დიდი ხნით მოიპოვა ინიციატივა და მომდევნო 15 გეიმიდან 11 თავის სასარგებლოდ დაასრულა, მაგრამ 1:5-ზე კირსტეამ გაბრძოლება გადაწყვიტა და მინიმუმამდე შეამცირა სხვაობა, თუმცა რადვანსკამ მაინც მოახერხა რუმინელის წინსვლის შეჩერება.მძიმე ბრძოლის გადატანა მოუწია ერთ-ერთ მთავარ ფავორიტს მარია შარაპოვას. ესპანელი კარლა სუარეს ნავარო ჯიუტად ეწინააღმდეგებოდა რუსს და მხოლოდ 5:5-ზე მოდუნდა. მეორე სეტში შარაპოვას ნაკლები გართულება ჰქონდა და ორი ბრეიკით იოლად დაამარცხა მეტოქე.როგორც ჩანს, წარსულს ჩაბარდა პეტრა კვიტოვას პრობლემები. ჩეხმა ზედიზედ მეშვიდე მატჩი მოიგო და მეოთხე წრეში გააღწია. კვიტოვას მეშვიდე მსხვერპლი აღმოჩნდა უკრაინელი ლესია ცურენკო. პირველი სეტი ცურენკომ უშანსოდ წააგო; სამაგიეროდ, მეორე პარტიაში ღირსეული ბრძოლა გაუმართა კვიტოვას.უკრაინელი ბოლო მომენტამდე ინარჩუნებდა თანაფარდობას - ორი ბრეიკი გააკეთა და კვიტოვას ცხრა ბრეიკ-პოინტიდან რვა მოიგერია, მაგრამ უკრაინელმა თამაშის მესამე სეტში გადაყვანა ვერ შეძლო, რადგან პეტრამ უკეთესად ითამაშა ტაი-ბრეიკი.კაცებიII წრემერდი ფიში (აშშ, 32)-ბობი რეინოლდსი (აშშ) 6:3, 3:6, 6:4; მარინკო მატოშევიჩი (ავსტრა)-ხუან მონაკო (არგ, 14) 7:5, 6:0; კარლოს ბერლოკი (არგ)-ალექსანდრ დოლგოპოლოვი (უკრ, 22) 6-3, 6:7(5), 6:3; გრიგორ დიმიტროვი (ბულ, 31)-მეტიუ ებდენი (ავსტრა) 6:4, 6:4; იენ-ჰსუნ ლუ (ტაივ)-მარტინ კლიჟანი (სლოვენ, 26) 7:6(5), 7:6(5); ნიკოლას ალმაგრო (ესპ, 11)-დანიელ ხიმენო ტრავერო (ესპ) 7:5, 6:1; კეი ნიშიკორი (იაპ, 16)-ფილიპ პეტცშნერი (გერ) 6:3, 6:2; ტომი ჰაასი (გერ, 19)-პაბლო ანდუხარი (ესპ) 6:3, 7:6; ბიორნ ფაუ (გერ)-ჟერემი შარდი (საფ, 25) 6:2, 2:6, 6:4; სემ კუერი (აშშ, 23)-ივო კარლოვიჩი (ხორ) 6:3, 6:4; ხუან მარტინ დელ პოტრო (არგ, 7)-ნიკოლაი დავიდენკო (რუს) 6:3, 6:4; მარინ ჩილიჩი (ხორ, 12)-ალბერტ რამოსი (ესპ) 7:6(7), 6:2; ჟო-ვილფრიდ ცონგა (საფ, 8)-ჯეიმს ბლეიკი (აშშ) 7:6(6), 6:4 ; ენდი მარეი (ბრიტ, 3)-ევგენი დონსკოი (რუს) 5:7, 6:2, 6:2; ნოვაკ ჯოკოვიჩი (სერ, 1)-ფაბიო ფონინი (იტა) 6:0, 5:7, 6:2.ქალებიIII წრემარია კირილენკო (რუს, 13)-მელორი ბურდეტი (აშშ) 6:3, 4:6, 6:2; ლარა არუაბარენა-ვესინო (ესპ)-რობერტა ვინჩი (იტა, 14) 2:6, 6:4, 6:4; მარიონ ბარტოლი (საფ, 9)-სვეტლანა კუზნეცოვა (რუს) 6:4, 6:3; სარა ერანი (იტა, 6)-იოჰანა ლარსონი (შვედ) 6:3, 6:1; პეტრა კვიტოვა (ჩეხ, 5)-ლესია ცურენკო (უკრ) 6:2, 7:6(5); მარია შარაპოვა (რუს, 2)-კარლა სუარეს ნავარო (ესპ, 25) 7:5, 6:3; აგნიეშკა რადვანსკა (პოლ, 3)-სორანა კირსტეა (რუმ, 27) 6:7(3), 6:3, 6:4; კლარა ზაკოპალოვა (ჩეხ, 19)-დომინიკა ციბულკოვა (სლოვაკ, 12) 6:4, 7:5.ყოველდღიური სპორტული გაზეთი "ლელო"ასევე იხილეთ:<a href="/sport/individualuri-sakheobebi/chogburthi/46795-indian-uelsi-chempionma-mogebith-daitsyo.html" target="_blank">ინდიან უელსი: ჩემპიონმა მოგებით დაიწყო</a>

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია