<p><span style="line-height: 1.3em;" />ინდიან უელსში გრძელდება WTA-სა და ATP-ის გაერთიანებული ტურნირი, რომლის საერთო საპრიზო ფონდი 9.5 მილიონ დოლარს უტოლდება <br> </span>ქალთა ბადეში გაცილებით საინტერესოდ ვითარდება მოვლენები. სათამაშო დღის ბოლოს კინაღამ სენსაციის მოწმენი გავხდით. მსოფლიოს მეორე ნომერი <strong>ვიქტორია აზარენკა </strong>თითქოს იოლ მეტოქეს ხვდებოდა - 2012 წლის აშშ-ის ღია პირველობაზე, მან ბელგიელი <strong>კირსტენ ფლიპკენსი</strong> 6:2, 6:2 დაამარცხა.</p><p>12 მარტის შეხვედრასაც თითქოს არანაირი ინტრიგა არ უნდა ჰქონოდა, რადგან ბელორუსი 2:0 დაწინაურდა, მაგრამ ისე მოხდა, რომ სეტის ბოლომდე მხოლოდ ერთი გეიმის აღება შეძლო. ვიქტორია ძალიან ბევრს ცდებოდა, ფლიპკენსის მოქმედება კი სულ უფრო დამაჯერებელი ხდებოდა. და მაინც, აზარენკას, ძირითადად, საკუთარ თავთან ბრძოლა უწევდა. ბოლოს მან მაინც მოახერხა ნერვების მოთოკვა და მატჩის თავისთვის სასურველ კალაპოტში გადაყვანა.</p><p>მეორე პარტიის სტარტზე რამდენიმე გეიმი გადამწყვეტი აღმოჩნდა. ბელორუსმა ეს რთული მომენტი გადალახა და ბოლოს იოლად მიიყვანა საქმე გამარჯვებამდე - 3:6, 6:3, 6:0. თუმცა აზარენკასთვის მაინც საგანგაშო უნდა იყოს არც ისე ძლიერ მეტოქესთან ხუთჯერ წაგებული საკუთარი გეიმი. ბელორუსის მომდევნო ბარიერი პოლონელი <strong>ურსულა რადვანსკა</strong> იქნება.</p><p>წააგო კიდევ ერთმა ბელგიელმა <strong>- იანინა ვიკმაიერმა</strong>. მას ორ სეტში გაუსწორდა გერმანელი <strong>ანჟელიკ კერბერი </strong>- 6:1, 7:6(4). უნდა აღვნიშნოთ, რომ ვიკმაიერი უპატიებლად ბევრს ცდებოდა - 44 უნებლიე შეცდომა და მხოლოდ 16 "ვინერსი".</p><p>მერვედფინალის ყველაზე მოულოდნელი მონაწილე აღმოჩნდა ესპანელი <strong>გარბინ მუგურუსა-ბლანკო</strong>. ძირითად ბადეში მოსახვედრად მას კვალიფიკაციის გავლა დასჭირდა. ის არა მხოლოდ ამ ამოცანას გაუმკლავდა, არამედ უკვე სამი წრე გაიარა. მეორე რაუნდში მან რუსი განთესილი<strong> ეკატერინა მაკაროვა</strong> გამოთიშა ბრძოლას, 12 მარტს კი <strong>მაგდალენა რიბარიკოვას</strong> მოუგო - 6:4, 6:0.</p><p>საინტერესოა, რომ სლოვაკმა 4:0 დაწინაურება მოახერხა, მაგრამ შემდეგ ესპანელმა ზედიზედ 12 გეიმი აიღო.</p><p>სერიოზული რყევები იყო <strong>ანა ივანოვიჩისა</strong> და<strong> მონა ბარტელის</strong> მატჩში. ორივე გოგონა პირველ ნომრად თამაშს ცდილობდა, მაგრამ სტაბილურობით ვერ დაიკვეხნიდა. ივანოვიჩის მთავარი პრობლემა გადამწყვეტ ბურთებზე არაზუსტი თამაში იყო. ამის გამო სერბმა მხოლოდ ერთი ბრეიკ-პოინტი გამოიყენა ცხრა ასეთი შანსიდან.</p><p>საბოლოოდ, ბარტელმა 6:1, 3:6, 6:0 მოიგო. შემდეგ ეტაპზე გერმანელს სამანტა სტოსური ელის, რომელმაც ასევე ბრძოლაში მოუგო შუაი პენგს - 6:3, 3:6, 6:2.</p><p>ყველაზე იოლი გასეირნება <strong>კაროლინ ვოზნიაცკის</strong> გამოუვიდა, რომელმაც 6:2, 6:1 გაანადგურა რუსი <strong>ელენა ვესნინა</strong>. მართალია, ეს უკანასკნელი ძალიან აგრესიულ ჩოგბურთს აჩვენებდა და ხშირად ეფექტურ დარტყმებსაც გვიჩვენებდა, საერთო ჯამში, ძალიან არასტაბილური იყო და ასეთი ანგარიშიც სწორედ ამან განაპირობა.</p><p><strong>III წრე</p><p></strong>ანჟელიკ კერბერი (გერ, 4)-იანინა ვიკმაიერი (ბელ, 30) 6:1, 7:6(4); ნადია პეტროვა (რუს, 10)-იულია გორგესი (გერ, 21) 6:1, 6:2; გარბინ მუგურუსა-ბლანო (ესპ)-მაგდალენა რიბარიკოვა (სლოვაკ) 6:4, 6:0; სამანტა სტოსური (ავსტრა, 7)-შუაი პენგი (ჩინ, 32) 6:3, 3:6, 6:2; კაროლინ ვოზნიაცკი (დან, 8)-ელენა ვესნინა (რუს, 29) 6:2, 6:1; მონა ბარტელი (გერ, 24)-ანა ივანოვიჩი (სერ, 11) 6:1, 3:6, 6:0. ვიქტორია აზარენკა (ბლრ, 1)-კირსტენ ფლიპკენსი (ბელ, 28) 3:6, 6:3, 6:0; ურსულა რადვანსკა (პოლ)-ჯეიმი ჰემპტონი (აშშ) 6:0, 7:6(4).</p><p><strong>1/8-ფინალი</p><p></strong>აზარენკა (1)-უ. რადვანსკა; შარაპოვა (2)-არუაბარენა ვესინო; ა. რადვანსკა (3)-კირილენკო (13); კერბერი (4)-მუგურუსა ბლანო; კვიტოვა (5)-ზაკოპალოვა (19); ერანი (6)-ბარტოლი (9); სტოსური (7)-ბარტელი (24); ვოზნიაცკი (8)-პეტროვა (10).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/chogburthi/46834-indian-uelsi-gatcirvebuli-magram-mogebuli-favoritebi.html" target="_blank">ინდიან უელსი: გაჭირვებული, მაგრამ მოგებული ფავორიტები</a></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა