- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლეგიონი: ლაშა მალაღურაძის 23 ქულა და ბაჩუკი გუჯარაიძის ლელო
<p>ევროპული სანაკრებო ბატალიების მიუხედავად, საფრანგეთის სარაგბო ჩემპიონატში მორიგი ტურის შეხვედრები გაიმართა <br> ევროპული სანაკრებო ბატალიების მიუხედავად, საფრანგეთის სარაგბო ჩემპიონატში მორიგი ტურის შეხვედრები გაიმართა.</p><p>ელიტურ, პირველ დივიზიონში პლეი ოფში თამაშისთვის მებრძოლი ქართველ მორაგბეთა ხუთი გუნდიდან სამმა მოიგო, თუმცა მოწინავეთა შორის ადგილი ოთხმა შეინარჩუნა. პირველად მიმდინარე გათამაშებაში ექვსეულს მიღმა აღმოჩნდა ჩვენებურთა გუნდი "მონპელიე".</p><p>გათამაშების ლიდერმა <strong>დავით ქუბრიაშვილის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" შინ დიდი ანგარიშით დაამარცხა ბასკური "ბიარიცი" - 50:15. ტულონელები დიდი ხანია სატურნირო ცხრილს სათავეში მოექცნენ და პირველობას არავის უთმობენ.</p><p>ჩილაჩავა სათადარიგოთა შორის იყო და თამაშში 67-ე წუთიდან ჩაერთო, ქუბრიაშვილმა და მიქაუტაძემ საქართველოს ეროვნული ნაკრების რიგებში ითამაშეს.</p><p>"ტულონს" ამ გამარჯვების შემდეგ 76 ქულა დაუგროვდა. მას ორი ქულით ჩამორჩება და მეორე ადგილზეა <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონი", რომელმაც საკუთარ მოედანზე მეოთხეადგილოსანი ანტონ ფეიქრიშვილის "კასტრს" სძლია - 37:10.</p><p>თამაში საკმაოდ დაძაბული გამოვიდა. კასტრელები მრისხანე მეტოქეს არ ეპუებოდნენ და ზოგჯერ ზედმეტადაც აქტიურობდნენ. შესაბამისად, მატჩის არბიტრმა სტუმართა გუნდის სამი მორაგბე გაასინბინა და 30 წუთის განმავლობაში უმცირესობაში მოუწიათ თამაშმა.</p><p>ფეიქრიშვილი მოედანზე 56-ე წუთიდან გამოჩნდა, ზირაქაშვილი და კოლელიშვილი ეროვნულ გუნდში გაისარჯნენ.</p><p>"კლერმონს" ათი ქულით ჩამორჩება და მესამე ადგილზეა საფრანგეთის ჩემპიონი, <strong>ვასილ კაკოვინისა</strong> და <strong>ჯაბა ბრეგვაძის</strong> "ტულუზი", რომელმაც უმძიმეს ბრძოლაში შინ მინიმალური სხვაობით დაამარცხა "ბორდო" - 33:32.</p><p>პირველ ტაიმში სტიმრები ანგარიშში მუდმივად წინ იყვნენ, თუმცა ტულუზელებმა მაინც შეძლეს შესვენებაზე სამქულიანი უპირატესობით წასვლა - 18:15. მეორე ნახევარი გარდამავალი უპირატესობით წარიმართა.</p><p>მასპინძლებმა მეტოქის შეცდომები კარგად გამოიყენეს. ბორდოელები ხშირად ჯარიმდებოდნენ და "ტულუზის" მგეზავმა ლიონელ ბოქსიმ ექვსი საჯარიმო გაიტანა. მატჩის საბოლოო ანგარიში 68-ე წუთზე დაფიქსირდა. სტუმრებს დარჩენილ 12 წუთში მაინც შეეძლოთ მატჩის გადაჩენა, თუმცა მათი გარჯა უშედეგო გამოდგა.</p><p>ბრეგვაძე თამაშში 57-ე წუთიდან ჩაერთო, კაკოვინმა საქართველოს ნაკრებში ითამაშა.</p><p><strong>მამუკა გორგოძის</strong>, <strong>მიხეილ ნარიაშვილისა</strong> და <strong>გიორგი ჟღენტის</strong> "მონპელიემ" საკუთარ მოედანზე უშუალო კონკურენტთან, პარიზულ "მეტრო რასინგთან" წააგო - 15:17.</p><p>მასპინძლებმა პირველი ტაიმი 3:17 წააგეს. შესვენების შემდეგ მონპელიელები საგრძნობლად გააქტიურდნენ, მეტოქეს მონაგარის გაზრდის საშუალება არ მისცეს, თუმცა მატჩის გადარჩენა მაინც ვერ მოახერხეს.</p><p>ნარიაშვილის არ უთამაშია, ჟღენტი ტრავმირებულია, გორგოძე "ბორჯღალოსნების" ღირსებას იცავდა.</p><p>თამაზ მჭედლიძის "მონ დე მარანი", რომელიც 15 ქულით ბოლო ადგილზეა და გასავარდნადაა განწირული, სტუმრად დამარცხდა ზურაბ ჟვანიას "სტად ფრანსესთან" - 14:42. ორივე ახალგაზრდა ქართველმა მორაგბემ საქართველოს ნაკრებში ითამაშა.</p><p><span style="color: #ff0000;"><strong>I დივიზიონი</strong></span></p><p><strong>XXI ტური</p><p></strong>მონპელიე-მეტრო რასინგი 15:17, პერპინიანი-გრენობლი 20:18, აჟენი-ბაიონი 20:30, ტულუზი-ბორდო 33:32, ტულონი-ბიარიცი 50:15, სტად ფრანსე-მონ დე მარსანი 42:14, კლერმონი-კასტრი 37:10.</p><p><em>სატურნირო მდგომარეობა</p><p></em>1. ტულონი - 76 ქულა, 2. კლერმონი - 74, 3. ტულუზი - 64, 4. კასტრი - 58, 5. მეტო რასინგი - 58, 6. პერპინიანი - 55, 7. მონპელიე - 55, 8. გრენობლი - 48, 9. სტად ფრანსე - 46, 10. ბიარიცი - 43, 11. ბაიონი - 41, 12. ბორდო - 41, 13. აჟენი - 27, 14. მონ დე მარსანი - 15.</p><p><strong>XXII ტური</p><p></strong>ბაიონი-ტულონი, მეტრო რასინგი-პერპინიანი, ბორდო-მონ დე მარსანი, კასტრი-აჟენი, გრენობლი-მონპელიე, ბიარიცი-კლერმონი, ტულუზი-სტად ფრანსე.</p><p>მეორე დივიზიონში პლეი ოფში გასვლისთვის ბრძოლას ხუთი "ქართული გუნდი" განაგრძობს. მათ შორის ყველაზე კარგი მაჩვენებელი <strong>მამუკა მაგრაქველიძის</strong> "პოს" აქვს, რომელიც 71 ქულით მესამე ადგილზეა და 23-ე ტურში შინ დაამარცხა ერთ-ერთი აუტსაიდერი <strong>ტარიელ რატიანიძის</strong> "დაქსი" - 47:23.</p><p>მაგრაქველიძე განაცხადში არ იყო, რატიანიძე თამაშში 47-ე წუთიდან ჩაერთო.</p><p>"პოს" სამი ქულით ჩამორჩება და მე-4 ადგილზეა <strong>დავით ხინჩაგიშვილის</strong>, <strong>ირაკლი ნატრიაშვილისა</strong> და <strong>გოდერძი შველიძის</strong> "ბრივი", რომელმაც საკუთარ მოედანზე <strong>გიორგი ჩახიაძის</strong>, <strong>დავით დადუნაშვილის</strong>, <strong>ირაკლი მირცხულავასა</strong> და <strong>გიორგი ნემსაძის</strong> "ტარბს" მოუგო - 30:10.</p><p>შველიძე 41-ე წუთზე შეცვალეს, ხინჩაგიშვილმა მოედანი 73-ე წუთზე დატოვა, დადუნაშვილი და მირცხულავა თამაშში ერთდროულად 47-ე წუთზე ჩაერთნენ, ნემსაძე მოედანზე 22 წუთის შემდეგ გამოჩნდა, ჩხაიძემ და ნატრიაშვილმა საქართველოს ნაკრებში ითამაშეს.</p><p>"ტარბი" ახლა 61 ქულით მე-6 ადგილზეა. ამდენივე ქულა აქვს და ერთი საფეხურით წინ არის <strong>ლევან დათუნაშვილის</strong>, <strong>გიორგი ნაცარაშვილისა</strong> და <strong>კარლენ ასეიშვილის</strong> "ორიაკი", რომელიც სტუმრად დამარცხდა მეორეადგილოსან "ლა როშელთან" - 19:49.</p><p>ნაცარაშვილი თამაშში 64-ე წუთიდან ჩაერთო და მატჩის არბიტრმა 78-ე წუთზე გაასინბინა, ასეიშვილი განაცხადში არ იყო, დათუნაშვილი "ბორჯღალოსანთა" რიგებში გაისარჯა.</p><p>საგრძნობლად გამოასწორა სატურნირო მდგომარეობა <strong>გურამ კავთიძის</strong> "ლიონმა", რომელმაც შინ დამარცხა "ოში" - 26:12.</p><p>ლიონელები "ტარბსა" და "ორიაკს" სამი ქულით ჩამორჩებიან და ახლა მერვე ადგილზე არიან. მათ კარგი შანსი აქვთ საპლეიოფო ხუთეულში შეაღწიონ. კავთიძე თადარიგში იყო და მოედანზე მე-60 წუთიდან გამოჩნდა.</p><p><strong>ალექსანდრე თოდუას</strong>, <strong>ვახტანგ მაისურაძის</strong>, <strong>გიორგი თეთრაშვილის</strong>, <strong>ვახტანგ ახობაძისა</strong> და <strong>კახაბერ კობერიძის</strong> "ალბიმ" შინ დაამარცხა ბოლოსწინა ადგილზე მყოფი <strong>ბექა შეყლაშვილის</strong> "ბეზიე" - 16:10.</p><p>შეყლაშვილი მოედანზე 41-ე წუთიდან გამოჩნდა, თეთრაშვილი თამაშში 50-ე წუთიდან ჩაერთო, მაისურაძე თერთმეტი წუთის შემდეგ შეცვალეს, თოდუა, ახობაძე და კობერიძე განაცხადში არ იყვნენ.</p><p><strong>შალვა სუთიაშვილისა</strong> და <strong>დავით აშვეთიას</strong> "მასიმ", რომელიც 26 ქულით ბოლო ადგილზეა, სტუმრად წააგო გათამაშების ლიდერ "ოიონაქსთან" - 17:41. აშვეთიას არ უთამაშია, სუთიაშვილია ეროვნულ ნაკრებში გაისარჯა.</p><p><span style="color: #ff0000;"><strong>II დივიზიონი</p><p></strong></span><strong>XXIII ტური</p><p></strong>პო-დაქსი 47:23, ექსი-კოლომიე 16:17, ბრივი-ტარბი 30:10, ლა როშელი-ორიაკი 49:19, ალბი-ბეზიე 16:10, კარკასონი-ნარბონი 20:27, ოიონაქსი-მასი 41:17, ლიონი-ოში 26:12.</p><p><em>სატურნირო მდგომარეობა</p><p></em>1. ოიონაქსი - 92 ქულა, 2. ლა როშელი - 72, 3. პო - 71, 4. ბრივი - 68, 5. ორიაკი - 61, 6. ტარბი - 61, 7. კარკასონი - 60, 8. ლიონი 58, 9. ნარბონი - 56, 10. კოლომიე - 52, 11. ალბი - 49, 12. ოში - 35, 13. ექსი - 34, 14. დაქსი - 32, 15. ბეზიე - 31, 16. მასი - 26.</p><p><strong>XXIV ტური</p><p></strong>ექსი-ნარბონი, ბეზიე-ლა როშელი, ოში-ალბი, ორიაკი-ოიონაქსი, ტარბი-მასი, დაქსი-კარკასონი, პო-ბრივი, კოლომიე-ლიონი</p><p><span style="color: #ff0000;"><strong>ფედერალ1</p><p></strong></span>ფედერალ ერთ დივიზიონში რეგულარული გათამაშების დასრულებამდე ორი ტურით ადრე პლეი ოფში თამაშის უფლება ქართველ მორაგბეთა ოთხმა გუნდმა მოიპოვა. ესენია: "მაკონი", "რომანი", "პერიგო" და "სენ ნაზერი".</p><p>A ჯგუფში შემდეგ ეტაპზე თამაშის უფლება <strong>შოთა მელიქიძისა</strong> და <strong>ავთანდილ კოპალიანის</strong> "მაკონმა" მოიპოვა. ჩვენებურთა ამ გუნდმა მე-16 ტურში მართალია სტუმრად წააგო <strong>ელიზბარ ყუფარაძისა</strong> და <strong>რეზო გიგაურის</strong> "მონლუსონთან" - 18:30, თუმცა 48 ქულით მესამე ადგილზე დამკვიდრდა და კონკურენტთაგან მიუწვდომელია.</p><p>მონლუსონელებს კი, რომლებიც 34 ქულით მე-6 ადგილზე არიან, შანსი მიეცათ პლეი ოფში</p><p>გამსვლელი, მეოთხე ადგილისთვის იბრძოლონ.</p><p>გიგაურმა თავიდან ბოლომდე ითამაშა, კოპალიანი 50-ე წუთზე შეცვალეს, ყუფარაძემ მოედანზე 15 წუთით მეტი დაჰყო, მელიქიძე განაცხადში არ იყო.</p><p><strong>გიორგი ჯაშიტაშვილის</strong> "შალონი" სტუმრად დამარცხდა მინიმალური სხვაობით "დიჟონთან" - 32:33 და ახლა 33 ქულით მე-7 ადგილზეა.</p><p>მიუხედავად ამისა, შალონელებს ოთხეულში მოხვედრის შანსი მაინც აქვთ. ჯაშიტაშვილი თამაშში 55-ე წუთიდან ჩაერთო.</p><p><strong>A ჯგუფი</p><p></strong>ბურგ ან ბრესი-სტრასბური 79:8, ბობინი-ვიენი 29:3, დიჟონი-შალონი 32:31, მონლუსონი-მაკონი 30:18, სენტ ეტიენი-ლილი 15:9.</p><p><em>სატურნირო მდგომარეობა</p><p></em>1. ლილი - 64 ქულა, 2. ბურგ ან ბრესი - 63, 3. მაკონი - 48, 4. სენტ ეტიენი 36, 5. ბობინი - 35, 6. მონლუსონი - 34, 7. შალონი - 33, 8. ვიენი - 32, 9. დიჟონი - 26, 10. სტრასბური - 2.</p><p><strong>XVII ტური</p><p></strong>ვიენი-ბურგ ან ბრესი, სტრასბური-დიჟონი, ბობინი-სენტ ეტიენი, შალონი-მონლუსონი, მაკონი-ლილი.</p><p>B ჯგუფში პლეი ოფის საგზური უკვე მოიპოვა <strong>ირაკლი ნინიძის</strong> "რომანმა", რომელმაც სტუმრად დაამარცხა "ბლანიაკი" 22:17 და ახლა 46 ქულით მეორე ადგილზეა.</p><p>ნინიძე თამაშში 64-ე წუთიდან ჩაერთო. ამავე ჯგუფში პლეი ოფში მოხვედრის შანსი აქვს კიდევ ორ "ქართულ გუნდს", "ობენას" და "როდეზს".</p><p><strong>თენგიზ გელანტიასა</strong> და <strong>ბექა ურჯუკაშვილის</strong> "ობენამ" შინ დაამარცხა "ლა სეინი" - 32:9 და 35 ქულით მეხუთე ადგილზეა.</p><p>გელანტია 65-ე წუთზე შეცვალეს, ურჯუკაშვილი განაცხადში არ იყო.</p><p>"ობენას" ორი ქულით ჩამორჩება და მე-7 ადგილზეა <strong>დავით კაჭარავას</strong> "როდეზი", რომელმაც შინ დაამარცხა "ლავორი" - 18:13. კაჭარავამ საქართველოს ნაკრებში ითამაშა.</p><p><strong>B ჯგუფი</p><p></strong>აგდი-ბურგუენი 9:25, ბლანიაკი-რომანი 17:22, ვალანსი-შატორენარი 32:14, ობენა-ლა სეინი 32:9, როდეზი-ლავორი 18:13.</p><p><em>სატურნირო მდგომარეობა</p><p></em>1. ბურგუენი - 69 ქულა, 2. რომანი - 46, 3. ვალანსი - 45, 4. ლა სეინი - 36, 5. ობენა - 35, 6. ლავორი - 35, 7. როდეზი - 33, 8. ბლანიაკი - 31, 9. აგდი - 28, 10. შატორენარი - 25.</p><p><strong>XVII ტური</p><p></strong>შატორენარი-ბლანიაკი, ვალანსი-როდეზი, რომანი-ობენა, ბუგუენი-ლავორი, ლა სეინი-აგდი.</p><p>C ჯგუფში წარმატებას ქართველ მორაგბეთა ორმა გუნდმა, "სენ ნაზერმა და "პერიგომ" მიაღწია. <strong>შოთა ცხოვრებაშვილისა</strong> და <strong>ბაჩუკი გუჯარაიძის</strong> "სენ ნაზერმა" შინ დაამარცხა "აგეტმო" 42:3 და 57 ქულით ახლა მეორე ადგილზეა.</p><p>გუჯარაიძემ 65-ე წუთზე ლელო გაიტანა და მალევე შეცვალეს, ცხოვრებაშვილი განაცხადში არ იყო.</p><p>"სენ ნაზერს" სამი ქულით ჩამორჩება და მესამე ადგილზეა <strong>თედო ზიბზიბაძის</strong> "პერიგო", რომელმაც შინ დაამარცხა "ნუარი" - 47:0. ზიბზიბაძე ეროვნულ ნაკრებში იყო გამოძახებული. "პერიგო" და "სენ ნაზერი" პლეი ოფში ითამაშებენ.</p><p><strong>C ჯგუფი</p><p></strong>პერიგო-ნუარი 47:0, ლანჟონი-ვანი 22:7, სენ ნაზერი-აგეტმო 42:3, სენ ჟან დანჟელი-მარმანდი 15:11, სენ ჟან დე ლუზი-ტიროსი 39:25.</p><p><em>სატურნირო მდგომარეობა</p><p></em>1. ტიროსი - 63 ქულა, 2. სენ ნაზერი - 57, 3. პერიგო - 54, 4. სენ ჟან დე ლუზი - 40, 5. ლანჟონი - 38, 6. ვანი - 38, 7. აგეტმო - 27, 8. სენ ჟან დანჟელი - 23, 9. ნუარი - 22, 10. მარმანდი - 20.</p><p><strong>XVII ტური</p><p></strong>პერიგო-სენ ჟან დე ლუზი, ნუარი-ლანჟონი, ვანი-სენ ნაზერი, მარმანდი-ტიროსი, აგეტმო-სენ ჟან დანჟელი.</p><p>რადიკალურად განსხვავებული მდგომარეობა აქვს D ჯგუფის ბინადარ ორ ქართულ გუნდს. <strong>მერაბ კვირიკაშვილისა</strong> და <strong>გიორგი მჭედლიშვილის</strong> "სენ ჟუნიენმა" სტუმრად წააგო "კასტანესთან" 9:34 და 22 ქულით ბოლო ადგილზეა.</p><p>მჭედლიშვილი თამაშში 54-ე წუთიდან ჩაერთო, კვირიკაშვილმა "ბორჯღალოსანთა" რიგებში ითამაშა.</p><p>"სენ ჟუნიენს" ხუთი ქულით უსწრებს და მე-8 ადგილზეა <strong>სიმონ მაისურაძისა</strong> და <strong>ლაშა მალაღურაძის</strong> "ბაგნერე", რომელიც სტუმრად დამარცხდა "სენ მედართან" - 28:30.</p><p>მალაღურაძემ, რომელმაც სრულად ითამაშა გუნდს 23 ქულა მოუტანა. (შვიდი საჯარიმო და ერთი გარდასახვა). თავიდან ბოლომდე ითამაშა მაისურაძემაც, რომელიც არბიტრმა 24-ე წუთზე გაასინბინა.</p><p><strong>D ჯგუფი</p><p></strong>ლიმოჟი-ლანამეზანი 21:17, მონტობანი-ნევერი 40:16, ლურდი-ოლორონი 32:27, კასტანე-სენ ჟუნიენი 34:9, სენ მედარი-ბაგნერე 30:28.</p><p><em>სატურნირო მდგომარეობა</p><p></em>1. მონტობანი - 64 ქულა, 2. ნევერი - 56, 3. კასტანე - 41, 4. ოლორონი - 40, 5. ლიმოჟი - 39, 6. ლანამეზანი - 34, 7. ლურდი - 32, 8. ბაგნერე - 27, 9. სენ მედარი - 24, 10. სენ ჟუნიენი - 22.</p><p><strong>XVII ტური</p><p></strong>ლანამეზანი-მონტობანი, ოლორონი-ლიმოჟი, ლურდი-სენ მედარი, ნევერი-კასტანე, სენ ჟუნიენი-ბაგნერე.</p><p><em>ფოტოზე: ლაშა მალაღურაძე</em></p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა