- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
აქტუალური საკითხი: რა ელის საქართველოში საკლუბო ფეხბურთს?
<p>საქართველოს ფეხბურთის ფედერაციას უკვე აქვს საკუთარი ვარიანტი</p><p><br> დრო ფულზე არანაკლებ ძვირფასია და როგორც ფულის ფლანგვაა უხეირო, ისე დროის დაკარგვაც მავნებლობის ტოლფასია.</p><p>საფეხბურთო სეზონის დასრულებას ბევრი აღარაფერი უკლია - ორ თვეზე ოდნავ მეტი. საქართველოს ჩემპიონატის გუნდების უმრავლესობამ კი ჯერ არ იცის, რა ელის დამდეგი სეზონიდან - მუნიციპალური ბიუჯეტიდან დაფინანსების გარანტია მხოლოდ ივნისამდე აქვთ.</p><p>ჩვენი კლუბების უმრავლესობა სახელმწიფოს აწევს კისერზე. ასეთნაირად არსებობს ფეხბურთი საქართველოში, ოღონდაც ეს სახელმწიფოსა და კლუბებს შორის ურთიერთობის ისეთი ფორმაა, დიდი დღე რომ არ უწერია. ამ ფორმას პერსპექტივა არ აქვს, ერთი ადგილის ტკეპნას ჰგავს, კლუბები არსებობენ, ჩემპიონატი ტარდება, მაგრამ პროგრესი არ ჩანს.</p><p>სასიამოვნო გამონათება იყო გორის "დილას" მოღონიერების პროექტი, მაგრამ საქართველოში ხელისუფლება შეიცვალა, საქართველო დატოვა <strong>მამუკა ჯუღელმაც</strong>, ვისაც ოფიციალურად არანაირი თანამდებობა არ ეკავა კლუბში, მაგრამ "დილას" საქმეებს სწორედ ის უძღვებოდა. თუნდაც ეს ფაქტიც მიუთითებს იმაზე, რომ მოქმედების ფორმები შესაცვლელია.</p><p>"დილა", "ზუგდიდი", ბოლნისის "სიონი", ბათუმის "დინამო" და ფოთის "კოლხეთი" - უმაღლესი ლიგის თორმეტი გუნდიდან თითქმის ნახევარი ადგილობრივი ბიუჯეტიდან იღებს ფულს.</p><p>ამ კლუბებმა ჯერ არ იციან - ექნებათ თუ არა ისევ ეს დაფინანსება, ანუ იარსებებენ თუ არა დამდეგი სეზონშიც. როცა ასე დგას საკითხი, როგორ უნდა განვითარდეს კლუბი?</p><p>პირველ ლიგას თუ გადავხედავთ, კლუბების უმეტესობა სახელმწიფო დოტაციაზეა. აქაც გაურკვევლობაა, ჯერ არ თქმულა არანაირი დაპირება ოფიციალურ დონეზე, რომ ადგილობრივი მუნიციპალიტეტები კვლავ დააფინანსებენ საფეხბურთო კლუბებს.</p><p>უმაღლეს ლიგაში გადმოსვლისთვის იბრძვიან ცხინვალის "სპარტაკი", ლანჩხუთის "გურია", "გაგრა", შესაძლოა ქობულეთის "შუქურაც" - ამათგან მხოლოდ "გაგრა" არის კერძო კლუბი. ანუ მოწინავე პირველლიგელთა შორის მხოლოდ ერთია ისეთი, რომელმაც იცის, დამდეგ სეზონში რა ელის.</p><p>კარგი გუნდია თბილისის "სასკოც", თუმცა ისეთი ღონიერი კლუბი არ ჩანს, ამ ეტაპზე უმაღლეს ლიგაში რომ მოახერხოს დამკვიდრება.</p><p>ასე გაგრძელება კი არ შეიძლება, რაღაც უნდა მოხდეს, ახალი, გაცილებით საინტერესო და ეფექტური.</p><p>ერთ-ერთი ვარიანტი საპრიზო ფონდის დაწესება გახლავთ, ანუ ქვეყნის ბიუჯეტიდან გამოიყოფა რაღაც თანხა, უმაღლესი ლიგის ყველა გუნდს შეხვდება მოჭრილი მინიმუმი, საპრიზო ფონდის დანარჩენი ნაწილი კი განაწილდება დაკავებული ადგილების მიხედვით.</p><p>ერთი შეხედვით არ არის ურიგო ვარიანტი, მაგრამ რა იქნება შემდეგ? რა პერსპექტივა აქვს ამ პროექტს? თუ სახელმწიფო ყოველწლიურად გაზრდის საპრიზო ფონდს, ურიგო როდი იქნება, მაგრამ ამით ქართული საკლუბო ფეხბურთის კომერციალიზაცია ვერ მოხდება.</p><p>ქვეყანაში ფეხბურთის გარდა სხვა ბევრი პრობლემაცაა და ქვეყნის ბიუჯეტი მხოლოდ ფეხბურთს ვერ მოერგება.</p><p>ვარიანტი მეორე - საგადასახადო შეღავათები ფეხბურთში ფულის ჩამდებ ბიზნესმენებს. დახვეწილი საკანონმდებლო ბაზის შექმნის შემთხვევაში, ეს არარეალური არ უნდა იყოს, თუმცა სახელმწიფოს მხრიდან ამ იდეის წახალისება ჯერ არ ჩანს.</p><p>ეს რთულად შესასრულებელი პროექტია, თუმცა რაღაც შეღავათი, ალბათ, მაინც უნდა ჰქონდეს კერძო საფეხბურთო კლუბის პატრონს. შეღავათი კომუნალურ გადასახადებზე, შეღავათი მიწის გადასახადზე, საშემოსავლო გადასახადის გაუქმება ხელფასებზე...</p><p>ბევრი რამის მოფიქრება შეიძლება, ნება კი ჯერ არ ჩანს...</p><p>ახლა ისიც ვიკითხოთ, ამ ყოველივესთან დაკავშირებით რას ფიქრობენ სპორტის სამინისტრო და ფეხბურთის ფედერაცია. ხელისუფლების შეცვლის შემდეგ ამ ორ ორგანიზაციას შორის პირველ საკითხად ფედერაციის პრეზიდენტის რიგგარეშე არჩევნების თემა გახდა სპორტის სამინისტროს ინიციატივით. მოვისმინეთ განცხადებები ორივე მხარისგან და საქმე ამის იქით არ წასულა.</p><p>ამასობაში დრო გავიდა, საკლუბო ფეხბურთის საკითხი კი ფაქტობრივად ჰაერშია გამოკიდებული.</p><p>შევიტყვეთ, რომ ამ ცოტა ხნის წინ, ფეხბურთის ფედერაციის ხელმძღვანელობას, პრეზიდენტ <strong>ზვიად სიჭინავას</strong> და გენერალურ მდივანი <strong>რევაზ არველაძეს</strong> გაუჩნდათ მოსაზრება საქართველოში ფეხბურთის განვითარებასთან დაკავშირებით, ანუ წარმოიშვა აზრი იმ ფორმის შესახებ, რითაც სახელმწიფოს შეუძლია დაეხმაროს სანაკრებო და საკლუბო ფეხბურთს.</p><p>სიჭინავა-არველაძის მონახაზი ასეთია: პარლამენტმა მიიღოს კანონი, რომლის მიხედვითაც სახელმწიფო ბიუჯეტიდან გამოიყოფა რამდენიმე მილიონი ლარი და ეს თანხა გადაერიცხება საზოგადოებრივ მაუწყებელს. კანონის მიხედვით, საზოგადოებრივი მაუწყებელი ვალდებული იქნება იყიდოს საქართველოს ეროვნული ნაკრების მატჩების და ეროვნული ჩემპიონატის ტურის ცენტრალური მატჩის პირდაპირი ტელეტრანსლაციის უფლება, გარდა ამისა, დაამზადოს ეროვნული ჩემპიონატის ყველა ტურის მიმოხილვა.</p><p>ამ პროექტის მიხედვით, უმაღლესი ლიგის ყველა კლუბი მიიღებს მოჭრილ თანხას. მაგალითად, თუ მაუწყებელი ეროვნული ჩემპიონატის ტრანსლაციის უფლებას იყიდის, მაგალითად, 5 მილიონ ლარად, 2 მილიონი ლარი ყველა გუნდზე თანაბრად განაწილდება, დანარჩენი 3 მილიონი ლარი კი გაიყოფა დაკავებული ადგილების მიხედვით.</p><p>ფედერაციის ხელმძღვანელობის ვარაუდით, თუ ეს პროექტი მაღალ დონეზე შესრულდება, საზოგადოებრივ არხს ეროვნული ჩემპიონატის გაშუქებით სარეკლამო შემოსავლებიც გაუჩნდება და შესაბამისად, ქართულ საკლუბო ფეხბურთში ამოქმედდება კომერციალიზაციის ელემენტებიც.</p><p>ისიც შევიტყვეთ, რომ სპორტის მინისტრი <strong>ლევან ყიფიანი</strong> მოწადინებულია ურთიერთობის დალაგებით ფეხბურთის ფედერაციასთან.</p><p>თუ ჩვენი ფეხბურთის საქმე უკეთესობისკენ წავა, ეს ხომ სპორტის მინისტრის წარმატებაც იქნება...</p><p>ვნახოთ, როგორ გამოიყენებენ იდეებს, ფულსა და დროს სახელმწიფო და ფედერაცია.</p><p><strong>ყოველდღიური სპორტული გაზეთი "ლელო"</strong></p>
-
მერაბ შანავა
კარგი ვარიანტია, და დროა ერთად იმოქმედონ მთავრობამ და ფედერაციამ, სკამებისთვის ბრძოლა კარგს ვერ მოუტანს ჩვენს ფეხბურთს. წარმატებებს უსურვებ ქართულ ფეხბურთს და ყველას ვინც მართლა ფიქრობს ქართული ფეხბურთის კეთილდღეობისთვის.
-
პაატა
ვერ გავიგე,თან იძახით ფედერაციის საქმეში არ ჩააერიოთო და თან ბიუჯეტიდან ფულს ითხოვთ.შანტაჟი და ფულის თხოვნა რაღაც ვერ გამოდის ერთად.
-
hunter
თუ დილას საქმეებს მართლა ჯუღელი უძღვებოდა მაშინ მაგ კაცს ძეგლი უნდა დაუდგათ რადგან 2თვეში შეძლო ის რაც 3 წელში ვერ შეძლეს,ფიფიამ და ფხაკაძეებმა
"დილამ" ქუთაისში მოიგო; ორი მატჩი ფრედ დასრულდა
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ფრე წყალტუბოში: "გარეჯის" თავურები
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა