- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ანდრეს კარასკო: საქართველოში თითოეულ ნიჭიერს გაფრთხილება სჭირდება
<p>სავადაუდოდ, ესპანელი სპეციალისტი "საბურთალოსთან" სამწლიან კონტრაქტს გააფორმებს და აკადემიის დირექტორად იმუშავებს <br> <strong>ანდრეს კარასკო</strong> "დინამოში" 2011 წელს <strong>ალექს გარსიასთან</strong> ერთად გამოჩნდა და საფეხბურთო აკადემიის დირექტორად დანიშნეს.</p><p>მას ბავშვებთან მუშაობის დიდი გამოცდილება ჰქონდა, ავარჯიშებდა "ბარსას" მომავალ თაობებს და "დინამოში" კატალონიურ მოდელს ნერგავდა.</p><p>მას უკავშირდება მასობრივი შერჩევები, რომელშიც 300-მდე ბავშვი მონაწილეობდა, შემოიკრიბა ახალგაზრდა, პერსპექტიული და წესიერი მწვრთნელები; ჩამოაყალიბა საქართველოში საუკეთესო ასაკობრივი გუნდები, რომლებიც სხვებისგან განსხვავებული სტილით თამაშობენ.</p><p>თუმცა, ალექს გარსიას გაშვების შემდეგ მალე სამშობლოში დაბრუნება თავად გადაწყვიტა და "მალაგას" საფეხბურთო სკოლის კოორდინატორი და 16-წლამდელების მთავარი მწვრთნელი გახდა.</p><p>მერე უკვე "საბურთალოს" პრეზიდენტი <strong>ტარიელ ხეჩიკაშვილი</strong> და გენერალური დირექტორი <strong>კახა ჭუმბურიძე</strong> დაუკავშირდნენ და თანამშრომლობაზე დაითანხმეს, დეკემბერში კი კარასკომ გუნდი "სალერის თასის" გათამაშებაში ჩამოიყვანა.</p><p>ახლა ესპანელი სპეციალისტი ისევ თბილისშია და "საბურთალოს" მწვრთნელებს სემინარებს უტარებს.</p><p>რა გეგმები აქვს საქართველოსთან დაკავშირებით? ჩვენი ინტერვიუ ამას შეეხება.</p><p><strong>- თქვენი ჩამოსვლა რამ განაპირობა?</strong></p><p>- მსურს, "საბურთალოს" მუშაობას და კოლეგებს ახლოს გავეცნო, გადავცე ჩემი ცოდნა და გამოცდილება.</p><p><strong>- ეს იმას ნიშნავს, რომ საქართველოში დაბრუნდით?</strong></p><p>- "საბურთალოს" ხელმძღვანელობასთან შევთანხმდი, მაგრამ ჯერ კონტრაქტი არ გაგვიფორმებია. შემომთავაზეს ხანგრძლივი თანამშრომლობა. ალბათ, ივლისში სამწლიან კონტრაქტს გავაფორმებთ და სავარაუდოდ, აკადემიის დირექტორად ვიმუშავებ.</p><p><strong>- ესპანელ სპეციალისტებზე მთელს მსოფლიოში დიდი მოთხოვნაა. საქართველო ძლიერი არც ფინანსურადაა და არც ინფრასტრუქტურით - "საბურთალომ" ასე რითი მიგიზიდათ?</strong></p><p>- ჯერ ერთი, საქართველოდან დაინტერესებამ გამახარა და მეორე - კარგი სამუშაო პირობები შემომთავაზეს. მე არ დავმალავ, "დინამოში" კარგი პირობების გამო წამოვედი, მაგრამ ეს ჩვეულებრივი ამბავია - პროფესიონალმა იცის, რა უნდა გააკეთოს და ამ სამსახურში რამდენს მიიღებს.</p><p>მაგრამ ესეც არ არის მთავარი, მოტივაცია მხოლოდ საინტერესო წინადადება არ იყო, საქართველოში ბევრი ნიჭიერი და პერსპექტიული ფეხბურთელი გავიცანი. ამას გარდა, ქართველები ხასიათით ესპანელებს ჰგვანან და ესეც დამატებითი სტიმულია. ასეთი გარემო ნებისმიერი მწვრთნელს დააინტერესებს.</p><p>დარწმუნებული ვარ, "საბურთალოში" ნაყოფიერად მუშაობა შესაძლებელია. მე ყოველთვის ვცდილობ, ბავშვებს ავუხსნა, რომ მოგება მხოლოდ ღირსეული თამაშით ფასდება. კარგიც არის, როდესაც შენი გუნდი მაყურებელს ლამაზი ფეხბურთით ჭრის თვალს.</p><p><img src="pictures/artimages/image17/00b1cec5cff6e730d71d1ccf37b947ae.jpg" border="0" alt="Sportall.Ge" title="ანდრეს კარასკო: საქართველოში თითოეულ ნიჭიერს გაფრთხილება სჭირდება" /></p><p><strong>- მოთამაშე რომ იზრდება, მერე უკეთეს ფეხბურთს აჩვენებს. საქართველო ამითაც უცნაური ქვეყანაა. მაგალითად, "ბენდელას თასის" ბავშვების ფინალს მეტი მაყურებელი ჰყავდა, ვიდრე დიდებისას, რადგან უფრო ლამაზად, სანახაობრივად და ალალად თამაშობენ. საქართველოში მუშაობდით და გაანალიზებდით, რატომ ვერ იზრდებიან ქართველი ახალგაზრდები?</strong></p><p>- ძირითადი მაინც ეკონომიკაა. საქართველოში მოთამაშეებისთვის ფეხბურთი ერთ-ერთი შანსია, მდგომარეობა რომ გაიუმჯობესონ. მაგრამ ბევრი ოდნავ უკეთესი კონტრაქტითაც კმაყოფილდება, შემდგომ წინსვლაზე აღარ ზრუნავს და ჩერდება.</p><p>ეს მხოლოდ საქართველოში არ ხდება, ესპანეთშიც ბევრი უმოტივაციო მინახავს, მაგრამ ჩემი ქვეყანა 46-მილიონიანია და ასეთებს გადაიტანს, საქართველოში კი სულ 4 მილიონი მოსახლეა და თითოეულ ნიჭიერს გაფრთხილება ესაჭიროება.</p><p><strong>- "სალერის თასზე" შევხვდით "ლოკომოტივს" და "საბურთალოს". ქართულმა გუნდებმა როგორი შთაბეჭდილება დატოვეს?</strong></p><p>- ჩემი მოთამაშეებისთვის დიდი სიურპრიზი იყო, ასეთი წინააღმდეგობა რომ გაგვიწიეს და ფინალში მოგვიგეს. არ ელოდნენ, ქართველები ასეთ ფეხბურთს თუ აჩვენებდნენ. მართალია, კაცი გაგვიგდეს, მაგრამ "საბურთალოს" თამაშმა გამაოცა. ღირსეულად ითამაშეს და გუნდურადაც კარგად გამოიყურებოდნენ.</p><p><strong>- როგორც ვიცი, "ბარსელონას" საფეხბურთო აკადემიაში გიმუშავიათ. ცნობილი მოთამაშეები გაგიწვრთნიათ?</strong></p><p>- უშუალოდ ჩემთან ვარჯიშობდნენ ბოირ კრჩიჩი, ჟერარ პიკე, სერხიო ბუსკეტსი და ჟორდი ალბა.</p><p><strong>- მათ შორის, ვინ იყო ყველაზე რთული მოსათვინიერებელი?</strong></p><p>- ორი აზრი არ არის - ალბა! ის თავიდანვე გუნდში ყველაზე დაბალი იყო, მაგრამ დიდი ავტორიტეტით სარგებლობდა. თავისებური ბავშვი გახლდათ, მაგრამ ამავე დროს, გულიანი და მებრძოლიც და მოედანზე მწვრთნელის თანაშემწის როლს ასრულებდა. პიკე კი მხიარული ბიჭი იყო, ბავშვებს სულ ართობდა და აცინებდა.</p><p><strong>- საქართველოში მუდამ იყვნენ "ათიანები", მაგრამ ბოლო 20 წელია, ასეთები თითქმის აღარ იზრდებიან. ბევრი ამტკიცებს, რომ მიზეზი ბავშვობიდან ნასწავლი ერთი შეხებით თამაშია და რომ ინდივიდუალურ მოქმედებებს უკრძალავენ. ამ საკითხზე როგორია თქვენი დამოკიდებულება?</p><p></strong>- სიმართლე გითხრათ, არ მომწონდა, როდესაც ბავშვებს ერთი შეხებით ათამაშებენ. ჩემი აზრით, ფეხბურთელმა ჯერ აზროვნება უნდა დახვეწოს და მოედანზე გადაწყვეტილების დამოუკიდებლად მიღება და გუნდურ თამაშთან შერწყმა ისწავლოს. ეს არის ყველაზე მთავარი. ერთი შეხებით თამაში დღეს მიღებულია, მაგრამ ამ გადაწყვეტილებამდე ბავშვი თავად უნდა მივიდეს. მერწმუნეთ, ასე ნიჭსაც გამოავლენს და გუნდსაც უკეთ შეეწყობა.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
-
tengo
ეს კაცი რო გაუშვეს და აფერისტი მინაშვილი მიიყვანეს, რა შეემატება ამით დინამოს აკადემიას, ნეტა? საბურთალოს მაინც გამოადგება. კაია.
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა