<p>გურამ კაშიას და ვაკო ყაზაიშვილის "ვიტესი" ლიდერ "აიაქსს" მხოლოდ სამი ქულითღა ჩამორჩება</p><p><br> გასულ უქმეებს ნამდვილად არ ეთქმოდა უფერული და წარუმატებელი - რამდენიმე ქართველმა ლეგიონერმა თავი ნამდვილად გამოიჩინა. ფეხბურთელთა მონაგართან ერთად, აღსანიშნავია <strong>შოთა არველაძის</strong> წარმატებაც, რომლის შესახებაც ქვემოთ წაიკითხავთ.</p><p>ჰოლანდიის ერედივიზიეში ზედიზედ მეხუთე გამარჯვება მოიპოვა "ვიტესმა" და მართალია, სატურნირო ცხრილში დღეისთვის მეოთხე ადგილზეა, მაგრამ ლიდერ "აიაქსს" მხოლოდ სამი ქულით ჩამორჩება.</p><p>არნემელებმა სტუმრად "დენ ჰააგი" 4:0 გაანადგურეს. "ვიტესის" კაპიტანი <strong>გურამ კაშია</strong> 88-ე წუთზე შეცვალეს, <strong>ვაკო ყაზაიშვილი</strong> კი კვლავ თადარიგში დარჩა.</p><p><span style="color: #ff0000;"><strong>* * *</strong></span></p><p><strong>ჯანო ანანიძე</strong> მოსკოვის "სპარტაკის" რეზერვში დარჩა. დედაქალაქურ დერბიში მისმა გუნდმა "ლოკომოტივს" უმასპინძლა და 0:0 ეთამაშა.</p><p>ვლადიკავკაზის "ალანიას" სათადარიგოებში იყო <strong>გიორგი ჭანტურია</strong>, ხოლო გუნდის კიდვე ერთი ახალწვეული <strong>მამუკა კობახიძე</strong> გუნდის 18-კაციან განაცხადში კვლავ არ ყოფილა.</p><p>"ალანია" გასვლით შეხვედრაში "ამკართან" 1:5 განადგურდა.</p><p><strong>ნუკრი რევიშვილი</strong> "კრასნოდარის" განაცხადში კვლავ არ გამოჩენილა. მისი გუნდი სტუმრად მოსკოვის ცსკა-სთან 0:1 დამარცხდა.</p><p>"კრილია სოვეტოვმა" სტუმრად მახაჩყალის "ანჟისთან" 1:1 ითამაშა და ამით დაღესტნელებს რუსეთის ჩემპიონობის შანსები შეუმცირა.</p><p>36-ე წუთიდან მოყოლებული, სამარელები კაცნაკლულნი თამაშობდნენ: ქართველმა მცველმა <strong>ალექსანდრე ამისულაშვილმა</strong> მატჩის მე-18 წუთზე პირველი გაფრთხილება მიიღო, 36-ეზე კი მეორე ყვითელი ბარათიც უჩვენეს და მოედანი დაატოვებინეს.</p><p><strong>აკაკი ხუბუტიას</strong> "მორდოვია" სანკტ-პეტერბურგში "ზენიტს" მედგრად ებრძოლა, მაგრამ მაინც დამარცხდა - 0:1. სარანსკელთა ქართველმა უკანახაზელმა სრულად ითამაშა.</p><p><span style="color: #ff0000;"><strong>* * *</strong></span></p><p>რუსეთისგან განსხვავებით, ჩვენი რამდენიმე თანამემამულისთვის კარგად წარიმართა ამბები უკრაინის პრემიერლიგაში.</p><p>უპირველესად, მარიუპოლის "ილიჩევეცის" ნახევარმცველი <strong>თორნიკე ოქრიაშვილი</strong> უნდა გამოვარჩიოთ, რომელსაც თამამად შეგვიძლია ვუწოდოთ გასული უქმეების საუკეთესო ქართველი ლეგიონერი.</p><p>მან კიევის "არსენალთან" საშინაო მატჩში (2:1) დუბლი შეასრულა - თავისი გუნდი ჯერ 62-ე წუთზე თერთმეტმეტრიანით დააწინაურა, 79-ეზე კი გამარჯვების გოლი გაიტანა.</p><p><p><div id="2189" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/03-17/tokoqtp1qtp.jpg" border="0" alt="Sportall.Ge" title="ლეგიონის უქმეები: ოქრიაშვილის დუბლი, კანკავას გოლი, არველაძის სენსაცია [VIDEO]" /></p><p><span style="padding: 2px; display: block;">თორნიკე ოქრიაშვილის დუბლი არსენალთან მატჩში</span></div></p></p><p>თორნიკე შეხვედრის მიწურულს შეცვალეს, მისი თანაგუნდელი <strong>დავით თარგამაძე</strong> კი სათადარიგოთა სკამზე იჯდა და თამაშის საშუალება არ მისცემია.</p><p>ლვოვის "კარპატი" სტუმრად ზაპოროჟიეს "მეტალურგს" 1:1 დაუზავდა. ლვოველთა შემადგენლობაში <strong>მურთაზ დაუშვილმა</strong> და <strong>ლევან ყენიამ</strong> შეუცვლელად ითამაშეს.</p><p>"ზარიამ" "ვოლინს" უმასპინძლა და 3:1 მოუგო. <strong>ჯაბა ლიპარტია</strong> მასპინძელთა ძირითად შემადგენლობაში იყო და 62-ე წუთზე შეცვალეს.</p><p>"დნიპრო", მოულოდნელად, საკუთარ მოედანზე 1:2 დამარცხდა "კრივბასთან".</p><p>მასპინძლები შეხვედრის 33-ე წუთზე <strong>ჯაბა კანკავამ </strong>დააწინაურა, თუმცა კრივოიროგელებმა მეორე ტაიმში ორი გოლის გატანა და ფავორიტისთვის სამი ქულის ართმევა შეძლეს.</p><p><p><div id="2190" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/03-18/jabaqtp.jpg" border="0" alt="Sportall.Ge" title="ლეგიონის უქმეები: ოქრიაშვილის დუბლი, კანკავას გოლი, არველაძის სენსაცია [VIDEO]" /></p><p><span style="padding: 2px; display: block;">ჯაბა კანკავას გოლი დნიპროს მაისურით</span></div></p></p><p>კანკავამ მოედანზე 90 წუთი გაატარა, მისი თანაგუნდელი <strong>ალექსანდრე კობახიძე</strong> სათადარიგო იყო, კრივბასელი <strong>უჩა ლობჟანიძე</strong> კი შესვენებისას შეცვალეს.</p><p>ამ მარცხით "დნიპრომ" ჩემპიონთა ლიგაზე გამსვლელი მეორე ადგილი კიევის "დინამოს" გადაულოცა, თუმცა პრემიერლიგის დასრულებამდე მთელი ათი ტურია დარჩენილი.</p><p><span style="color: #ff0000;"><strong>* * *</strong></span></p><p><strong><img src="pictures/artimages/image16/812daf6a908e5cfca6d6059d95793f0e.jpg" border="0" alt="Sportall.Ge" title="ლეგიონის უქმეები: ოქრიაშვილის დუბლი, კანკავას გოლი, არველაძის სენსაცია [VIDEO]" style="border: 0px none; float: left; margin: 5px;" />შოთა არველაძის</strong> მიერ გაწვრთნილმა "ქასიმფაშამ" სტამბულურ დერბიში ხმაურიანი სენსაცია მოახდინა - გასვლაზე "ბეშიქთაშს" 3:1 სძლია და სუპერლიგაში მეხუთე პოზიციაზეა.</p><p><strong>ზურაბ ხიზანიშვილის</strong> "ქაისერისფორმა" "გალათასარაის" უმასპინძლა და 1:3 დამარცხდა.</p><p>ქაისერელმა ქართველმა ჩემპიონთა ლიგის მეოთხედფინალისტის წინააღმდეგ შეუცვლელად იასპარეზა. მატჩს მადრიდის "რეალის" თავკაცი <strong>ჟოზე მოურინიო</strong> დაესწრო, რომელმაც მომავალი მეტოქე ცოცხლად დაზვერა.</p><p><span style="color: #ff0000;"><strong>* * *</strong></span></p><p>სასიამოვნოა, რომ <strong>ლევან კობიაშვილი</strong> მყარად დაბრუნდა "ჰერტას" სასტარტო შემადგენლობაში. ბერლინელთა მაისურით ვეტერანმა ქართველმა მორიგი სრული მატჩი ჩაატარა - კვლავ მარცხენა მცველის პოზიციაზე.</p><p>"ჰერტამ" სტუმრად "მიუნხენ 1860"-თან 0:0 ითამაშა და პირველ ბუნდესლიგაში დაბრუნების შესანიშნავ შანსს ინარჩუნებს.</p><p>აი, "ბოხუმსა" და მის ქართველებს კი საქმეები არცთუ სახარბიელოდ მისდით. მათი გუნდი საკუთარ კედლებში "ბრაუნშვაიგთან" 0:1 დამარცხდა და სახიფათო ზონამდე ორიოდე ქულა აშორებს.</p><p><strong>ალექსანდრე იაშვილი</strong> მოედანზე 84-ე წუთზე შევიდა, ხოლო <strong>ნიკოლოზ გელაშვილი</strong> ბოლომდე თადარიგში დარჩა.</p><p><span style="color: #ff0000;"><strong>* * *</strong></span></p><p><strong>ლადო დვალიშვილმა</strong> "ლეგიას" გამარჯვებაში წვლილი საკუთარი გოლით შეიტანა. მისმა გუნდმა შინ "გურნიკი" 3:0 გაანადგურა.</p><p>ქართველმა ფორვარდმა, რომელიც მოედანზე 86-ე წუთზე შევიდა, თავი მსაჯის მიერ კომპენსირებულ მესამე წუთზე გამოიჩინა.</p><p><p><div id="2179" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/03-16/ladoqtp.jpg" border="0" alt="Sportall.Ge" title="ლეგიონის უქმეები: ოქრიაშვილის დუბლი, კანკავას გოლი, არველაძის სენსაცია [VIDEO]" /></p><p><span style="padding: 2px; display: block;">ლადო დვალიშვილის მორიგი გოლი ლეგიას მაისურით</span></div></p></p><p>"ლეგია" პოლონურ ექსტრაკლასას ლიდერობს და უახლოეს მდევარ "ლეხს" 4 ქულით უსწრებს.</p><p><span style="color: #ff0000;"><strong>* * *</strong></span></p><p>დანიის სუპერლიგაში "ორჰუსმა" საკუთარ მოედანზე "ოდენსეს" 2:1 აჯობა. მასპინძელთა რიგებში <strong>მათე ვაწაძემ</strong> შეუცვლელად ითამაშა, ხოლო სასტარტოში გამწესებული <strong>დავით დევდარიანი</strong> 68-ე წუთზე <strong>დავით სხირტლაძემ</strong> შეცვალა.</p><p><span style="color: #ff0000;"><strong>* * *</strong></span></p><p>საფრანგეთის ლიგა 2-ში <strong>გიორგი მაკარიძის</strong> "ლე მანი" საკუთარ მოედანზე 0:3 განადგურდა "ნიმთან". ქართველი მეკარე სათადარიგოთა სკამზე იჯდა.</p><p><span style="color: #ff0000;"><strong>* * *</strong></span></p><p>იტალიის სერია B-ში "ემპოლიმ" საკუთარ მოედანზე "ლანჩანოსთან" 2:2 ითამაშა. მასპინძელთა შემადგენლობაში <strong>ირაკლი შეყილაძე</strong> 89-ე წუთიდან გამოჩნდა, მისი თანაგუნდელი <strong>ლევან მჭედლიძე</strong> კი კვლავ ტრავმირებულია.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ika_karala
დვალომ რაები ქნა.. ნახევარი საათი იტეხნარა : D
აბურჯანია კარიერას საუდის არაბეთში გააგრძელებს
ხარატიშვილი ჩეხურ კლუბში გადავიდა
გადრანი "კაირატიდან" "ბეითარში" გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო