- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვიტო კოლელიშვილი: ევროპაში ცხოვრებით მენტალიტეტი არ შემცვლია...
<p>საქართველოს ნაკრების და ფრანგული "კლერმონის" მორაგბე კარიერაზე, წარმატებაზე, თავის კლუბსა და პირად ცხოვრებაზე მოგვითხრობს <br> რაგბის თამაში ნათლიის რჩევით დაიწყო და მალე, ეს საქმე მისი ცხოვრების ნაწილად იქცა. მსახიობების ოჯახში გაზრდილი, თავადაც არტისტობაზე ფიქრობდა, მაგრამ საბოლოოდ, მაინც რაგბის სიყვარულმა გადასძალა და გადასაღებ მოედანს სპორტულ მოედანზე ყოფნა ამჯობინა.</p><p>მაშ ასე, მორაგბე <strong>ვიტო (ვიქტორ) კოლელიშვილი</strong> კარიერაზე, წარმატებაზე, ფრანგულ კლუბსა და პირად ცხოვრებაზე მოგვითხრობს.</p><p><strong>- ვიტო, ბოლო 2 თამაში ესპანეთისა და რუმინეთის ნაკრებებთან გქონდათ. ესპანეთი საკმაოდ დიდი ანგარიშით დაამარცხეთ, რუმინეთი კი ძლიერი მოწინააღმდეგე აღმოჩნდა.</strong></p><p>- არ შეიძლება მოწინააღმდეგე არ დააფასო, მოედანზე ყველა მოსაგებად გადის. ესპანეთის გუნდთან სანახაობრივად, კარგი თამაში გამოგვივიდა. სტადიონზე ბევრი ხალხი მოვიდა, ამინდმაც შეგვიწყო ხელი.</p><p>ესპანეთის ნაკრები "გატყდა" და ეს შედეგზეც აისახა. შეხვედრა იმითაც იყო მნიშვნელოვანი, რომ ჩვენი კაპიტანი, ირაკლი აბუსერიძე გავაცილეთ. ახლა ჩვენი კაპიტანი ირაკლი მაჩხანელია.</p><p>რაც შეეხება რუმინეთის ნაკრებთან შეხვედრას: მართალია, თამაში ფრედ დამთავრდა, მაგრამ ეს ჩვენთვის მაინც წარმატებად შეიძლება ჩაითვალოს. ამ ნაკრებთან ჩვენი მე-17 შეხვედრა იყო. მანამდე 8 თამაში მოგებული გვქონდა, 8 - წაგებული. ანთიმოზ ივერიელის სახელობის თასიც ჩვენ დაგვრჩა და ევროპის ერთა თასიც.</p><p><strong>- ყველას გვახსოვს, რომ შარშან, რუმინეთის ნაკრებთან ჩატარებული შეხვედრის დროს მოწინააღმდეგე - მარიუს ტინკუ ნოკაუტში ჩააგდე. მოედანზე ემოციის გაკონტროლება ძნელია?</strong></p><p>- ძნელია, მაგრამ პირველ რიგში, სწორედ ეგ მოგვეთხოვება. ეს ეპიზოდი ჩემი მინუსია. მარიუსმა თამაშის წესები უხეშად დაარღვია, თმაში მწვდა და წამაქცია. ჰოდა, კონტროლი დავკარგე; ვეღარ გავაანალიზე, ჩემს ქმედებას რა შეიძლებოდა მოჰყოლოდა. მერე მოედნიდან გამაძევეს და 10-დღიანი დისკვალიფიკაცია მომცეს. თამაშის წაგების საფრთხეც დადგა. ძალიან ვინერვიულე.</p><p><p><div id="1167" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/03-11/rugby-fight-romania-vs-georgia.jpg" border="0" alt="Sportall.Ge" title="ვიტო კოლელიშვილი: ევროპაში ცხოვრებით მენტალიტეტი არ შემცვლია..." /></p><p><span style="padding: 2px; display: block;">ვიქტორ კოლელიშვილმა რუმინელი მორაგბე სამ დარტყმაში გათიშა</span></div></p></p><p><strong>- მას შემდეგ ერთმანეთს შეხვდით?</strong></p><p>- დიახ. თავად მოვიდა, ხელი ჩამომართვა და მომიბოდიშა, - ყველაფერზე წავედი, რომ თამაში მომეგო, მორაგბეები ვართ და ერთმანეთს მომავალშიც უნდა შევხვდეთო. მაშინ ის გუნდის კაპიტანი იყო, ახლა კი რუმინეთის ნაკრების მწვრთნელია.</p><p><strong>- რაგბის თამაში რა ასაკიდან დაიწყე?</strong></p><p>- 15 წლის ვიყავი. ჩემი ნათლია, დათო ხურცილავა (ჯაპანა) რაგბის თავგადაკლული ქომაგია, სპორტის ამ სახეობაზე მისი შვილი და ჩემი სხვა მეგობრები დადიოდნენ. ყველა მეუბნებოდა, - სწრაფი და ძლიერი ხარ, რაგბი ითამაშეო.</p><p>ბავშვობაში სპორტის არაერთ სახეობაზე დავდიოდი და ვარჯიში აღარ მინდოდა; თან ვამბობდი, უკვე დიდი ვარ და რაღა დროს რაგბის თამაშის დაწყებაა-მეთქი?! მერე რაგბის თამაში ჩემმა ძმამ - ბაჩომ დაიწყო. სწორედ მან შემაგულიანა, მივედი და დავრჩი.</p><p><strong>- სპორტის ამ სახეობამ რით გაგიტაცა?</strong></p><p>- ვისაც რაგბი უთამაშია, დამეთანხმება, რომ ვაჟკაცური სპორტია. გუნდის წევრების ერთმანეთთან დამოკიდებულებაც მნიშვნელოვანია. ეს სპორტი ყველაზე ახლობელი და ჩემიანია. მისდამი სიყვარული თანდათან მიღრმავდება. მიმაჩნია, რომ ბევრი რამ ჯერ კიდევ არ ვიცი და უნდა ვისწავლო.</p><p><strong><img src="pictures/artimages/image17/28eb8ad03360f7ae03056a4a5eda7f19.jpg" border="0" alt="Sportall.Ge" title="ვიტო კოლელიშვილი: ევროპაში ცხოვრებით მენტალიტეტი არ შემცვლია..." /></p><p>- იყო დრო, როცა მსახიობობაზე ფიქრობდი...</strong></p><p>- დიახ. სკოლის დამთავრების შემდეგ თეატრალურ უნივერსიტეტშიც ჩავაბარე. 2 წელი ვისწავლე, მერე კი აკადემიური ავიღე, რადგანაც რაგბი ძალიან ბევრ დროს მოითხოვდა და ინსტიტუტში სიარულს ვეღარ ვახერხებდი. თანაც, არ მინდოდა, სასწავლებელი ვინმეს დახმარებით დამემთავრებინა, დიპლომი სხვისი წყალობით ამეღო...</p><p><strong>- ახლა ფრანგულ კლუბში თამაშობ. ამ ქვეყანაში როგორ აღმოჩნდი?</strong></p><p>- ის გზა გავიარე, რომელსაც ყველა ლეგიონერი გადის, ნორმატივები ჩავაბარე. მანამდე "ლელოში" ვიყავი. უცხოეთში წავედი, რათა კარიერა უფრო მაღალ დონეზე გამეგრძელებინა. შემოწმების გავლის შემდეგ კლერმონ-ფერანის ახალგაზრდულ გუნდში დამტოვეს. ამ გუნდში 2 წელი ვიყავი, შარშან კი პროფესიულ კონტრაქტს მოვაწერე ხელი და უკვე "ტოპ 14"-ში ვთამაშობ. 3 წელია, საფრანგეთში ვარ.</p><p><strong>- უცხო ქვეყანაში კარიერის აწყობა რთულია, მით უმეტეს - შენ ფრანგული ენაც არ იცოდი.</strong></p><p>- რა თქმა უნდა, რთული იყო, მაგრამ მე ეს სირთულე იმანაც დამაძლევინა, რომ კლერმონ-ფერანში ჩემი მეგობარი - გიორგი ჯიმშელაძე დამხვდა, მალე კი მეორე მეგობარი, გიორგი ჯაშიტაშვილიც ჩამოვიდა. ახალგაზრდულ გუნდში 3 ქართველი ვთამაშობდით და ამას თითოეული ჩვენგანისთვის დიდი მნიშვნელობა ჰქონდა. მორაგბე დავით ზირაქიშვილიც კლერმონ-ფერანში იყო - ის გვპატრონობდა, ბევრი რამ გვასწავლა. ახლა იქ მე და დათო ვართ შემორჩენილები და როცა რაიმე მჭირდება, დახმარებას მას ვთხოვ ხოლმე.</p><p><img src="pictures/artimages/image17/a6cc49b63cd9f730a1a9f64b12d5d775.jpg" border="0" alt="Sportall.Ge" title="ვიტო კოლელიშვილი: ევროპაში ცხოვრებით მენტალიტეტი არ შემცვლია..." /></p><p><strong>- ოდესმე თამაშისთვის თავის დანებებაზე თუ გიფიქრია?</strong></p><p>- როცა ძალიან დაღლილი ხარ, ცუდი პერიოდი გაქვს ან ტრავმა გაწუხებს, ფიქრობ: ნუთუ, ქვეყნიდან წამოსვლა, ოჯახიდან შორს ყოფნა, ამდენი შრომა, ნერვიულობა ამ ყველაფრად ღირს? ამ ასაკში გართობა, მეგობრებთან ერთად მოლხენა უფრო მეტად გინდა, მაგრამ იძულებული ხარ, ეს ყველაფერი საყვარელ საქმეს შესწირო. მართალია, ზოგჯერ ვფიქრობ, რომ ასეთი მსხვერპლის გაღება არ ღირს, თუმცა, 2 დღის შემდეგ ამის გაფიქრებისთვის, საკუთარ თავს ვკიცხავ. მგონი, ეს ბრძოლები უფრო მეტად მაძლიერებს.</p><p><strong>- როგორია საფრანგეთში შენი ერთი დღე?</strong></p><p>- მთელი კვირის მანძილზე მხოლოდ ერთ დღეს ვისვენებ. ვარჯიშის პარალელურად, ფრანგული ენის შესასწავლად, მასწავლებელთან დავდივარ. საღამოს შინ ძალიან დაღლილი ვბრუნდები.</p><p><strong>- როგორ ერთობი?</strong></p><p>- იქ მცხოვრებ რამდენიმე ქართველს ვიცნობ, სტუდენტები არიან. როცა თავისუფალი დრო მაქვს და მათაც სცალიათ, ერთმანეთს ვხვდებით. ზოგჯერ ჩემთან მოდიან, ხოლო როცა კარგი ამინდია, ვსეირნობთ...</p><p><strong>- რუმინეთიდან საფრანგეთში გაემგზავრე და კლუბურ ცხოვრებას დაუბრუნდი, არა?</strong></p><p>- დიახ. ახლა საფრანგეთში ვარ, მაგრამ ზაფხულში რამდენიმე თამაშია ჩანიშნული და "ბორჯღალოსნები" ისევ თბილისში შევიკრიბებით. გპირდებით, თავს არ დავზოგავთ იმისთვის, რომ ქომაგები გავახაროთ.</p><p><strong>- ოჯახის წევრები შენგან შორს ყოფნას როგორ ეგუებიან?</strong></p><p>- სხვა რა გზა აქვთ? თანამედროვე ტექნოლოგიებმა თითქოს, მანძილის სიშორეც "წაშალა". მშობლებს, და-ძმებს ინტერნეტით ხშირად ველაპარაკები და ზოგჯერ, თავი სახლში მგონია.</p><p><strong>- შენი ძმა - ბაჩოც მორაგბეა და "ლელოში" თამაშობს. საინტერესოა, კარიერის საზღვარგარეთ გაგრძელებას არ გეგმავს?</strong></p><p>- ეს მის სამომავლო გეგმებშია. ვნახოთ, რა გადაწყვეტილებას მიიღებს. მე ყოველთვის მის გვერდით ვიქნები.</p><p><strong>- ამ ინტერვიუს ალბათ, ბევრი გოგონა წაიკითხავს. პირად ცხოვრებაზე რომ არაფერი გკითხო, არ მაპატიებენ...</strong></p><p>- ჩემი პირადი ცხოვრებაც რაგბია (იცინის). არ ვიცი, რა უნდა გითხრათ. ჯერ დაოჯახებას არ ვაპირებ.</p><p><strong>- შეყვარებული ხარ?</strong></p><p>- (ფიქრობს)...</p><p><strong>- ამ კითხვაზე პასუხის გაცემას ამდენი ფიქრი სჭირდება?</strong></p><p>- ნუ მიწყენ, მაგრამ ვერ გიპასუხებ.</p><p><strong>- ბევრ ქართველ ბიჭს უცხოელზე დაქორწინების სურვილი არ აქვს, ბევრისთვის კი ეს მიდგომა მიუღებელია. შენს შემთხვევაში რა ხდება?</strong></p><p>- მინდა, ქართველ, ქართული ტრადიციებით აღზრდილ გოგონაზე დავქორწინდე. რაც მთავარია, ერთმანეთის უნდა გვესმოდეს. არაფერს გამოვრიცხავ, მაგრამ ევროპაში ცხოვრებით მენტალიტეტი არ შემცვლია...</p><p><img src="pictures/artimages/image17/d0ef0abe32de4d65a9f0638143b06b47.jpg" border="0" alt="Sportall.Ge" title="ვიტო კოლელიშვილი: ევროპაში ცხოვრებით მენტალიტეტი არ შემცვლია..." /></p><p><strong>- ფრანგულ ენაზე სიყვარულის ახსნა ისწავლე?</strong></p><p>- კი, ვიცი - ჟე ტ'ემ.</p><p><strong>- წარმატებას გისურვებ!</strong></p><p>- გმადლობ შენ და მადლობა ჩვენს ქომაგებს, რომლებიც თავიანთი გულშემატკივრობით ასე გვაძლიერებენ.</p><p>თამუნა კვინიკაძე</p><p><strong>ჟურნალი "გზა</p><p><span style="color: #ff0000;">ასევე იხილეთ:</span></p><p></strong><a href="/regbi/qarthuli-ragbi/erovnuli-nakrebi/47104-ruminethi-saqarthvelo-99-ertha-thasi-isev-chvenia.html" target="_blank">რუმინეთი-საქართველო 9:9 - ერთა თასი ისევ ჩვენია! </a><strong></strong></p>
-
NIKA
შესანიშნავი მონაცემები აქვს ამ ბიჭს და გულითად შრომას თუ გააგრძელებს უმაღლესი დონის მორაგბე გახდება.ბევრი ვარჯიში და შრომაა საჭირო ამისთვის და იმედია არ დაიზარებს :)
-
glaxuna
მიდი ვიტო,ბოლომდე იბრძოლე,ნაკრებს და საქართველოს ჭირდებით!!!
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა