<p>ზოგჯერ ESPN-ის წარმომადგენლებსაც ეშლებათ: საქართველოს ამერიკის დროშა მოარგეს <br> პარასკევისა და შაბათის მიჯნაზე, თბილისის დროით 00:00 საათზე, საქართველოს ნაკრები "სტად დე ფრანსზე" საფრანგეთს დაუპირისპირდება.</p><p>ამ შეხვედრის წინ ზედმეტ ყურადღებას იჩენს ფრანგული მხარე, რომელმაც არა მხოლოდ ჩვენს გუნდს, ფეხბურთის ფედერაციის საიტსაც ვრცელი სტატია მიუძღვნა, რომელშიც ირონიული ტონი იგრძნობა: ქართულ ვებგვერდზე გამოქვეყნებულ საფრანგეთის ნაკრების განაცხადში ბევრი შეცდომაა, მაგალითად, ისეთი ფეხბურთელებია შეყვანილი, რომლებიც 22 მარტს არ ითამაშებენო.</p><p>ყურადღებაა გამახვილებული გვარების დამახინჯებით დაწერაზე: Yohan Cabaye გამხდარა "Johan Kabale", Olivier Giroud - "Olivier Zhuri", Loic Remy - Lyoko Rem. (<a href="/fexburti/qarthuli-fekhburthi/erovnuli-nakrebi/47207-frangebma-saqarthvelos-fekhburthis-federaciis-shecdomebze-icines.html" target="_blank"><span style="color: #ff0000;"><strong>იხილეთ ვრცლად</strong></span></a>)</p><p>ფრანგებს მართლაც სპეციფიკური გვარ-სახელები აქვთ და თუ მათი ენა არ იცი, უშეცდომოდ ვერ გამოთქვამ.</p><p>მაგალითად, რატომ უნდა იკითხებოდეს Micoud როგორც მიკუ?! თუმცა, უმჯობესია, ლათინური ასოებით ისევე დაიწეროს, როგორც ფრანგები აკეთებენ (ჩვენი ფედერაციის საიტზე უკვე გასწორდა).</p><p>თუ ასე მტკივნეულად განიცდიან საკუთარი გვარების დამახინჯებას, ვფიქრობ, სამფეროვანი ჟურნალისტები ლიტვასთან თამაშის წინ ვრცელ ლინგვისტურ გამოკვლევას ჩაატარებდნენ.</p><p>ბალტიისპირელები ხომ ყოველ სიტყვას თავისებურად ცვლიან. ახლაც კედელზე მიკიდია ვილნიუსიდან ჩამოტანილი პლაკატი საფრანგეთის საკალათბურთო ნაკრების ლიდერის გამოსახულებით. ზედ დიდი ასოებით წერია: პარკერის.</p><p>მეტსაც გეტყვით, ლიტველები შემადგენლობების გამოცხადებისას იმდენ ს-ებს უმატებენ, სახეზე რომ არ იცნო, ვერ მიხვდები, ვისზეა ლაპარაკი. თუ არ გჯერათ, ორ გვარს დაგისახელებთ. პირველი შეიძლება გამოიცნოთ, მეორე - გაგიჭირდებათ: <strong>დირკას ნოვიცკის, კრისას კეიმანის</strong>. პირველი გერმანელი დირკ ნოვიცკია, მეორე ლიტველი არ გეგონოთ - ისიც გერმანელია, კრის კამანი.</p><p>ერთმა ჟურნალისტმა საუბრისას საქართველოს ნაკრების კაპიტანიც გაალიტველა: <strong>პაჩიულისი</strong> მართლაც დიდი ძალააო.</p><p><span style="color: #ff0000;"><strong>გიყვარს ტოლმა?</strong></span></p><p>საჯარო რეესტრის გარეშე გვარების შეცვლაზე უარესიც ხდება. აი, თუ არ გჯერათ:</p><p><img src="pictures/artimages/image17/fea37a748581dd0c7d289ca5e70c878a.jpg" border="0" alt="Sportall.Ge" title="TimeLine: ვინ არის პაჩულისი? კეიმანისი?" /></p><p>...ერთი კითხვა მაინც პასუხგაუცემელი რჩება: ვაზის ფოთლის თუ კომბოსტოს ტოლმა?</p><p><span style="color: #ff0000;"><strong>რეალის ფანებს აღარ ვეკამათები</strong></span></p><p>ესოდენ საინტერესო წერილობითი დოკუმენტების წაკითხვისას გამახსენდა, რომ სადღაც ბათუმელი სკოლის მოსწავლის განცხადება მქონდა შენახული.</p><p>თაროებსა და წიგნებში ქექვა არ დამჭირდა, კომპიუტერში "ძიება" დავაწკაპუნე, ჩავწერე საჭირო დოკუმენტის სახელწოდება და საპოვნელად წამები დასჭირდა.</p><p>ორიგინალის ასლს აქაც გამოვაქვეყნებთ, მაგრამ მეტი სიცხადისთვის გაზეთში გადმოვბეჭდოთ (სტილი დაცულია):</p><p><em>"ბათუმის საერო, ელიტარული სკოლის დირექტორს, ქალბატონ ნინო მურვანიძეს ამავე სკოლის XI კლასის მოსწავლის თათია სილაგავას</p><p>განცხადება</p><p>ბოდიშს ვიხდი, რომ დავარღვიე სკოლის დრესკოდი და ფორმის მაგივრად გამოვცხადდი მიუნხენის ბაიერნის მაისურით, იმის გამო, რომ ავღნიშნავდი გუშინდელ 7:0-ს ბაზელთან. ვეცდები აწი ასე მკვეთრად აღარ გამოვხატო ემოციები.</p><p>ასევე ბოდიშს ვუხდი მათემატიკის მასწავლებელს გაკვეთილის ჩაშლისთვის და ვპირდები, რომ რეალის ფანებს აღარ ვეკამათები.</p><p>გთხოვთ მაპატიოთ".</p><p></em></p><p><img src="pictures/artimages/image17/af07f0683bddbe193efb36fe780dc2e9.jpg" border="0" alt="Sportall.Ge" title="TimeLine: ვინ არის პაჩულისი? კეიმანისი?" /></p><p><span style="color: #ff0000;"><strong>კვერცხი თუ ქათამი?</strong></span></p><p>ბათუმელი თათიას განცხადება კიდევ ერთხელ ადასტურებს, რომ ფეხბურთი ჩვენს ცხოვრებაში მეტისმეტად შემოიჭრა.</p><p>ქათმისა და კვერცხის შესახებ მარადიული კითხვაც ასე შეიცვალა: <strong>მესი</strong> თუ <strong>რონალდო</strong>?</p><p>ესპანეთში ჩასულმა სლოვენიურმა თილისმებმა ამ კითხვაზე პასუხის გაცემა სცადეს: ევრობასკეტი 2013-ის სიმბოლო "ლიპკო" რონალდოს ანიჭებს უპირატესობას, ხოლო ქალაქ ლუბლიანისა და "ოლიმპიას" თილისმა მწვანე დრაკონი - მესის.</p><p><img src="pictures/artimages/image17/fbb735a132548bfe8c6a38eebc49f9c6.jpg" border="0" alt="Sportall.Ge" title="TimeLine: ვინ არის პაჩულისი? კეიმანისი?" /></p><p><span style="color: #ff0000;"><strong>ცხვარი</strong></span></p><p>როცა საქმე ჭიდაობას ეხება, იქ არც კვერცხია საკმარისი და არც ქათამი. ძველთაგანვე მოჭიდავეების მთავარი ჯილდო ცხვარი იყო. კარგად ორგანიზებული შეჯიბრებისას ჭედილას ოცლიტრიანი ღვინოც მოსდევდა და მოსდევს კიდეც.</p><p>ეს ქართული ტრადიცია დღესაც შემორჩენილა და თამამად შეიძლება ითქვას, რომ ყველაზე მეტი წარმატება ჭიდაობასა და ძიუდოში იმიტომ გვაქვს, რომ დღესაც ბუნებრივი, ქართული ფესვებიდან საზრდოობს.</p><p>ასე რომ, სულაც არ გამკვირვებია ქართლის სოფელ ახალქალაქში გამოკრული "პლაკატის" ხილვა. ფოტო სამოყვარულო აპარატით გადავუღე:</p><p><img src="pictures/artimages/image17/17d9edd9d7a82fa9d6e838e05ec21f7f.jpg" border="0" alt="Sportall.Ge" title="TimeLine: ვინ არის პაჩულისი? კეიმანისი?" /></p><p><span style="color: #ff0000;"><strong>ჩოხატაური VS ირანი</strong></span></p><p>ასევე "ჩვეულებრივი" ამბავია ოზურგეთის დარბაზში ჰოკეისტების ხილვა, თანაც ჩოხატაურისა და ირანის ნაკრებებისა.</p><p>სწორედ ამ მატჩზე გვეპატიჟება პატარა აფიშა, რომელიც შემოდგომით ვნახე "ფეისბუქზე".</p><p><img src="pictures/artimages/image17/86b40ad391d916a128027810abe6da24.jpg" border="0" alt="Sportall.Ge" title="TimeLine: ვინ არის პაჩულისი? კეიმანისი?" /></p><p><strong>ყოველდღიური სპორტული გაზეთი "ლელო"</strong></p>
mamu27
ბრავო ვაჟა! მაგარი სტატიაა... :D:D
მძიმე ტრავმის შემდეგ ჯამალ მუსიალამ ვარჯიში დაიწყო
ყველა დროის რეკორდი ბუნდესლიგაში - ნოიერი პირველ ადგილზე გადავიდა
"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა