- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პირველი ჭიდაობაშიც და პროტესტშიც - ვალენტინ იორდანოვი არ ნანობს და მომავლის სჯერა
<p>ლეგენდარული ბულგარელი ფალავანი თბილისში ევროპის ჩემპიონატს დაესწრო, სადაც "ლელოსთან" ინტერვიუში საინტერესო საკითხებზე ისაუბრა <br> მას არასოდეს აკლდა სახელი და მთელ მსოფლიოში კარგად იცნობენ, როგორც ლეგენდარულ ფალავანს.</p><p>მსოფლიოსა და ევროპის 7-7-გზის ჩემპიონი, ატლანტის ოლიმპიადის გამარჯვებული და ბარსელონური თამაშების მესამე პრიზიორი, ბულგარეთის ჭიდაობის ფედერაციის პრეზიდენტი - სხვა მედლებს, სხვა წოდებებს რომ თავი დავანებოთ, ერთ კაცს ჩამოთვლილიც ეყოფა, მაგრამ მსოფლიოში მსგავსი მიღწევებითაც განა რამდენი დაიტრაბახებს?</p><p>თუმცა ცოცხალი ლეგენდა ბოლო თვეებში კიდევ ერთხელ მოექცა ყურადღების ცენტრში ოდნავ სხვა კუთხით - მან პირველმა დაუბრუნა საერთაშორისო ოლიმპიურ კომიტეტს ოლიმპიური ოქრო თამაშების პროგრამიდან ჭიდაობის შესაძლო ამოღების შესახებ პროტესტის ნიშნად.</p><p>მას მიმბაძველებიც გამოუჩნდნენ და მოწინააღმდეგეებიც, თუმცა გადადგმულ ნაბიჯს არ ნანობს.</p><p>ვალენტინ იორდანოვი - ბეჭდაუდებელი ბულგარელი ფალავანი თავისუფალ ჭიდაობაში, რომელმაც ეპოქა შექმნა სპორტის ამ სახეობაში, ევროპის ჩემპიონატის დღეებში გვესტუმრა თბილისში და მასთან საუბრის შანსი ხელიდან არ გავუშვით. საუბარზე თვითონაც უპრობლემოდ დაგვთანხმდა.</p><p><strong>- ხომ არ ნანობთ გადადგმულ ნაბიჯს და დაბრუნებულ ოქროს მედალს?</p><p></strong>- არა, არ ვნანობ, რომ ასეთი სახით გამოვხატე პროტესტი. ამ ნაბიჯის გადადგმისას ვთქვი, რომ ოლიმპიადის პროგრამიდან ჭიდაობის ამოღება არ მიმაჩნია სწორად, რადგან სპორტის ეს სახეობა ძველი თამაშების პროგრამაშიც კი შედიოდა.</p><p>ჭიდაობა გავრცელებულია 198 ქვეყანაში და ყველა ერთი დიდი ოჯახივით ვართ. ჭიდაობა აერთიანებს ქვეყნებს, ზოგჯერ - ერთმანეთთან დაპირისპირებულებსაც კი, მაგალითად, რუსეთსა და ამერიკას, იაპონიას. ეს სახალხო სპორტია, რომელიც იცის ყველა ბავშვმა.</p><p>ჩვენ ერთი სპორტული ფორმა გვაერთიანებს და ამ მედლის დაბრუნებით გამოვთქვი პროტესტი, რომ ეს არ იყო სწორი ნაბიჯი.</p><p><strong>- თუმცა თქვენი გადაწყვეტილება საჭიდაო სამყაროში ბევრმა გაუმართლებლად მიიჩნია...</strong></p><p>- როგორც ადამიანები არ არიან ერთნაირები და არსებობენ კარგებიც და ცუდებიც, ასეა ამ შემთხვევაშიც - ყველას თავისი აზრი აქვს.</p><p>ჭიდაობა ბულგარეთისთვისაც ისეთივე ნაციონალური სპორტია, როგორც - საქართველოსთვის. ჩვენც ძალიან ბევრი ოლიმპიური მედალი გვაქვს აქ მოპოვებული.</p><p>ამასთან, ბულგარეთის პირველი ოლიმპიური ჩემპიონი მოჭიდავეა, მსოფლიოს პირველი ჩემპიონიც ასევე მოჭიდავეა და მე, როგორც ფედერაციის პრეზიდენტი, მოვალე ვიყავი, ჩემი პოზიცია დამეფიქსირებინა. საკუთარი აზრი ასე გამოვხატე და ვინ დამეთანხმება ან პირიქით, ეს მისი უფლებაა.</p><p><strong>- საერთაშორისო ფედერაციის დროებითმა პრეზიდენტმა ნენად ლალოვიჩმა ოფიციალურად მოუწოდა მოჭიდავეებს, არ დაებრუნებინათ ოქროს მედლები. პირადად თუ გესაუბრათ ან ის, ან თქვენი თანამემამულე, ევროპული ფედერაციის პრეზიდენტი ცენო ცენევი?</p><p></strong>- კი მესაუბრნენ, მაგრამ ამ გადაწყვეტილებას საკუთარი გულის, გონების კარნახით ვიღებდი და არ ვფიქრობდი იმაზე, რას იტყოდნენ ზემდგომები.</p><p>ლალოვიჩს მოგვიანებითაც შევხვდი და მომიწოდა, იქნებ შემეცვალა გადაწყვეტილება და უკან ამეღო მედალი, მაგრამ ამაზე ლაპარაკიც არ ღირს. ჭიდაობა მთელ მსოფლიოშია გავრცელებული, რამდენიმე ათეული მილიონი ბავშვი ვარჯიშობს და სოკ-ის გადაწყვეტილება ნიშნავს, მათ ეს ოცნება ჩავუკლათ.</p><p><strong>- გაქვთ იმედი, რომ დატოვებენ ოლიმპიადის პროგრამაში?</p><p></strong>- ძალიან ბევრი პოლიტიკოსი გვიჭერს მხარს - სხვადასხვა ქვეყნის პრეზიდენტები, მათ შორის, ყველაზე გავლენიანებისაც - ამერიკის და რუსეთის, ასევე, ამერიკელი სენატორები და სხვები. დიდი იმედი მაქვს, რომ დატოვებენ.</p><p><strong>- ი</strong><strong>მ ოქროს მედლის ასლი დაიტოვეთ სამახსოვროდ?</p><p></strong>- ასლი არა, მაგრამ ფოტოები ხომ მაქვს.</p><p><strong>- ცოტა უცნაურია, რომ მოჭიდავეებმა პროტესტი სოკ-ს გამოუცხადეთ და არა თქვენსავე საერთაშორისო ფედერაციას, რომლის მიზეზითაც შევიდა ჭიდაობა ამ ჩიხში...</p><p></strong>- დღეს მთავარია, ჭიდაობა დარჩეს ოლიმპიური თამაშების პროგრამაში და არა ის, ვის დავუფიქსირებთ პროტესტს.</p><p><strong>- თქვენი აზრით, რა სახის რეფორმები უნდა გატარდეს ჭიდაობაში, რომ კვლავ გახდეს სანახაობრივი და ისევ დაიბრუნოს მაყურებელი?</p><p></strong>- აუცილებლად უნდა შეიცვალოს წესები. ასევე, გამოსასწორებელია მსაჯობა - სამართლიანი გადაწყვეტილებები უნდა მიიღონ.</p><p>პირდაპირ ვერ ვიტყვი, რომ ამ სახეობაში კორუფცია არის (თუმცა ამაზე სოკ-იც საუბრობს), მაგრამ სამართლიანი ბრძოლა, სამართლიანი მსაჯობა უნდა იყოს.</p><p><strong>- თქვენს კარიერაზეც მინდა გკითხოთ, როცა ათწლეულზე მეტი იდექით მწვერვალზე. რის ხარჯზე მოახერხეთ ეს - ნიჭის თუ შრომის?</p><p></strong>- კარგი ტექნიკა და გამარჯვების სურვილით ანთებული გული, მებრძოლი ხასიათი მქონდა. ეს დამეხმარა ამ წარმატებების მოპოვებაში. როცა გულით გინდა, აუცილებლად გაიმარჯვებ.</p><p><strong>- მოპოვებული მედლებიდან გექნებათ რომელიმე განსაკუთრებით გამორჩეული...</p><p></strong>- ოლიმპიური თამაშები ყველაზე მთავარია, მაგრამ ასევე მიყვარს 1983 წელს კიევში პირველად მოპოვებული მსოფლიოს ჩემპიონის ტიტული. მაშინ 22 წლისა მსოფლიოს საუკეთესო მოჭიდავედ დამასახელეს.</p><p><strong>- ქართველი ფალავნებიდან მეგობრობთ ვინმესთან?</p><p></strong>- მიხარია საქართველოში ჩამოსვლა. თბილისში ადრეც ვარ ნამყოფი და ამ დარბაზშიც მიჭიდავია რამდენჯერმე. ეს იმ დროს, როცა თქვენი ტურნირი ერთ-ერთი უძლიერესი იყო მსოფლიოში. კარგად ვიცი კავკასიური ჭიდაობა, კავკასიური რესპუბლიკები - აქ ჭიდაობა მეორე რელიგიაა.</p><p>ქართველებიდან ბევრთან მქონია ურთიერთობა და ვმეგობრობ კიდეც, მაგალითად, ლერი ხაბელოვთან, დავით გობეჯიშვილთან, რადგან ერთ პერიოდში ვჭიდაობდით...</p><p><strong>- დასასრულ, ევროპის ჩემპიონატის ორგანიზებაზე გკითხავთ. რამდენად მოგეწონათ ტურნირი?</p><p></strong>- ძალიან მაღალი დონეა, შეჯიბრება კარგადაა ორგანიზებული. თქვენმა ფედერაციამ მაქსიმუმი გააკეთა ჩემპიონატის მაღალ დონეზე ჩასატარებლად და ყველაფერი ძალიან კარგია.</p><p><strong>ყოველდღიური სპორტული გაზეთი "ლელო"</strong></p>
2024 წლის 11 სექტემბერს ქარელის მუნიციპალიტეტის სოფელ ძლევიჯვარში გაიმართა შოთა ხაბარელის და ნიკოლოზ შერაზადიშვილის სახელობის ტურნირი ქართულ ჭიდაობაში.
ასე აღნიშნა ლაშა ბექაურმა ტატო გრიგალაშვილის მსოფლიო ჩემპიონობა [VIDEO]
"ტოჩი" მეტოქეს სახეზე შეეხო და დოჰიოდან გაიყვანა [VIDEO]
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა