- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლიცენზირება დაიწყო – მდგომარეობა კატასტროფულია
<p>ქართული კლუბები მცირე ბიუჯეტს იმიტომ აფიქსირებენ, რომ ნაკლები გადასახადი გადაიხადონ <br> ცნობილი "მალიორკა" ევროპის ლიგის წლევანდელ გათამაშებაზე არ დაუშვეს – ესპანურმა კლუბმა უეფას ლიცენზირების მოთხოვნები ვერ დააკმაყოფილა. 2010 წლის მაისში დამტკიცებული ახალი დებულება კლუბში ფინანსური "ფეარ-პლეის" პრინციპის გამკაცრებას ითვალისწინებს. ერთ-ერთი უმთავარესი მოთხოვნა არაწამგებიანობა ანუ თვითგამოსყიდვის პრინციპია - კლუბი საფეხბურთო საქმიანობიდან მიღებულ შემოსავალზე მეტს არ უნდა ხარჯავდეს. "მალიორკა" კი უეფას პირველი მსხვერპლი აღმოჩნდა. უეფას კომისიამ დაადგინა, რომ ესპანეთის ფეხბურთის ფედერაციამ კლუბზე ლიცენზია უსაფუძვლოდ გასცა და პასუხიც მას მოსთხოვა.</p><p>"მალიორკასთან" დაკავშირებული ინფორმაცია საქართველოს ფეხბურთის ფედერაციის ოფიციალურ ვებგვერდზე გაჩნდა. ვფიქრობთ, ეს ქართული კლუბებისთვის ერთგვარი მესიჯია, რომ კლუბების გამო, სფფ-ს უეფასგან საყვედურის მიღება არ სურს და ლიცენზირებას მკაცრი კრიტერიუმით აპირებს.</p><p>საქართველოში კლუბების ფინანსური საქმიანობის გაუმჭირვალობა მრავალი მიზეზით აიხსნება. მწირი ბიუჯეტი ხელფას-პრემიებს ძლივს წვდება. კლუბები მცირე ბიუჯეტს იმიტომ აფიქსირებენ, რომ ნაკლები გადასახადი გადაიხადონ.</p><p>ლიცენზირების სხვა პირობებიც არ სრულდება, თვალის დახუჭვამ კი ქართულ კლუბებს დათვური სამსახური გაუწია – ლიცენზირების ევროპულ სტანდარტს სრულად ვერც ერთი კლუბი ვერ აკმაყოფილებს.</p><p>ლიცენზირების კომიტეტის გადაწყვეტილებით, 2010/11 წლების სეზონში უეფას საკლუბო ტურნირებსა და ეროვნული ჩემპიონატის უმაღლეს ლიგაში მონაწილეობის ლიცენზია ათიდან ოთხმა კლუბმა მიიღო: "ვიტ ჯორჯიამ", "დინამომ", "ოლიმპმა" და "ზესტაფონმა".</p><p>მხოლოდ უმაღლესში გამოსვლის ლიცენზია მიანიჭეს ბოლნისის "სიონს", ზუგდიდი, "ბაიას", ცხინვალის "სპარტაკს", ფოთის "კოლხეთს" და ქუთაისის "ტორპედოს", "სამტრედიას" კი უარი ეთქვა. აღსანიშნავია, რომ უმაღლესის ლიცენზიას პირველ ლიგაში გავარდნილი თბილისის "ლოკომოტივი" და "გაგრა", აგრეთვე მარტვილის "მერანი" ფლობენ. ანუ, ზემოთ დასახელებული ოთხეულის გარდა, ევროსაგზური სხვა რომელიმე კლუბმა რომ მოიპოვოს, უეფა გათამაშებაში მაინც არ დაუშვებს.</p><p>სამწუხაროდ, წლევანდელ სეზონში უეფას მატჩების მასპინძლობის უფლების მქონე სტადიონების ჩამოანათვალს, საქართველოში ახალი არენა არ შემატებია. მათი რაოდენობაც მეტისმეტად მცირეა – სულ რაღაც ოთხ სტადიონზე შეიძლება ევროპელებს ვუმასპინძლოთ, თუმცა, ხუთვარსკვლავიანი არც ერთი არაა: მათგან სამი მე-2 კატეგორიისა, ერთიც მე-3 კატეგორიის. თუმცა, ვფიქრობთ, წლევანდელ ციკლში საკლუბო და სტადიონის ლიცენზიას "ტორპედოც" მიიღებს.</p><p>ეროვნული ჩემპიონატისთვის დაშვებულია 10 სტადიონი, უმაღლესი ლიგის მატჩების ჩასატარებლად საჭირო მინიმალურ მოთხოვნებს მხოლოდ ხუთი აკმაყოფილებს - ბორის პაიჭაძის სახელობის ეროვნული, რუსთავის "ფოლადი", ზესტაფონის ცენტრალური სტადიონი, "მიხეილ მესხი" და ქუთაისის "ტორპედოს" არენა. დანარჩენის მიმართ სერიოზული პრეტენზიებია.</p><p>ასე რომ, ქართულ ფეხბურთში ცალსახად კატასტროფული მდგომარეობაა. არასახარბიელო სპორტული შედეგები ადასტურებს, რომ საკლუბო ლიცენზირების საკითხები განსაკუთრებით მნიშვნელოვანია, რადგან შეუსრულებელი პუნქტები კლუბებს გამართულ მუშაობაში ხელს უშლის. გასულ სეზონში პროგრამით დაგეგმილი ყველა ღონისძიება სრულად ვერ განხორციელდა და წლეულს უნდა დასრულდეს.</p><p>ლიცენზირების მორიგი ეტაპი 26 ოქტომბერს დაიწყო. "ლოკომოტივის" სტადიონზე ფედერაციის საკლუბო ლიცენზირების განყოფილების ხელმძღვანელი ბაქარ ჟორდანია უმაღლესი და პირველ ლიგების წარმომადგენლებს შეხვდა.</p><p>ბაქარ ჟორდანია: - წელს განსაკუთრებული ყურადღება კლუბების ფინანსური საქმიანობას და ლიცენზირების მოთხოვნების რეალურად შესრულებას მიექცევა. ფერდაციაში წარმოდგენილი დოკუმენტაცია ფორმალობად არ უნდა დარჩეს. 26 ოქტომბრის შეხვედრაზე კლუბებს უეფას გამკაცრებული მოთხოვნები გავაცანით. სიახლეა ისიც, რომ მალე კლუბის შტატებს უნდა დაემატოს ტრანსფერებზე პასუხისმგებელი და გულშემატკივრებთან მეკავშირე პირი. ეს პუნქტი ძალაში 2011 წლიდან შედის, მაგრამ თადარიგი დღეიდან უნდა დავიჭიროთ.</p><p>ყველაზე მნიშვნელოვანი ფინანსური გამჭირვალეობის პუნქტია. თავდაპირველად ეს მხოლოდ ევროტურნირებზე გასულ კლუბებს შეეხება. კლუბებმა ხელფასები და ყველა სხვა ფინანსური ვალდებულება დროულად უნდა გაისტუმრონ. ბევრი კლუბი მოთხოვნებს ლიცენზირების მოახლოებისას ასრულებდა. ჩვენი კომისიის კომპეტენციაში არ შედიოდა იმის დადგენა, კლუბში მთელი წლის განმავლობაში რა ხდებოდა. არადა, ვალდებულებებს ბევრგან დროულად არ ასრულებდნენ. მსგავსი პრეცედენტის გამოსარიცხად, უეფა ფინანსურ მონიტორინგს წელიწადში ორჯერ ითხოვს. ეს იმიტომ, რომ კლუბი საფეხბურთო საქმიანობით მიღებული შემოსავლით უნდა არსებობდეს და მხოლოდ დამფინანსებლის იმედად არ იყოს.</p><p><strong>- მაგრამ, ორიოდე კლუბის გარდა, ფეხბურთიდან შემოსავალი არავის გააჩნია და უნდა დავშალოთ?!</p><p></strong>- ეს საქართველოსთვის ერთ-ერთი ყველაზე მტკივნეული პუნქტია, კლუბები წამგებიანია და დამფინანსებლის გარეშე, ბევრი გუნდი ჩაკვდება. ამიტომ, პროცესი სამ წელიწადზე გაიჭიმება. საქართველო ერთ-ერთი იშვიათი გამონაკლისია მსოფლიოში, სადაც ბიუჯეტის 80 პროცენტი ფეხბურთელთა ხელფას-პრემიას ხმარდება, როდესაც ევროპაში იგივე მაჩვენებელი 40-50 პროცენტს თუ აღწევს. ეს კი იმას ნიშნავს, რომ ჩვენთან არასასურველი ვითარებაა.</p><p><strong>- ლიცენზირების პასუხი როდის გახდება ცნობილი?</p><p></strong>- მუშაობა დაწყებულია და კლუბებმა იციან, რა მოთხოვნები უნდა დააკმაყოფილონ. საბოლოო დასკვნები 31 მაისს გვეცოდინება.</p><p>... მარტივად რომ ვთქვათ, კლუბებმა უნდა დასახელონ ბიუჯეტი, გაცემული ხარჯები (ხელფასების, პრემიების, საკონტრაქტო თანხების, სტადიონის არენდისა და შეკრებაზე დახარჯული სახსრების ოდენობა და ა.შ). კლუბებს აღარ ექნებათ სახელმწიფო სტრუქტურებიდან თანხის მიღების უფლება, რადგან ეს შემოსავალი კი არა, დახმარებაა. არადა, დახმარების გარეშე, როგორ იარსებებენ ჩვენი კლუბები? ვითარება სპონსორის შემწეობითაც არ შეიცვლება, რადგან ჯერ ქართული ფეხბურთი მომგებიანი არაა - კერძო მეპატრონე თანხას ჩადებს, მოგება კი არ ექნება.</p><p>ვფიქრობთ, ეს ისეთ მნიშვნელოვან საზრუნავია, რომელის გამოც საფეხბურთო საზოგადოების შეკრება და რიგგარეშე ყრილობის გამართვა ღირს – სხვაგვარად უეფას ტურნირებში მონაწილეობის უფლებას ახლა თუ არა, სამი წლის შემდეგ მაინც დავკარგავთ. სამი წლის შემდგომ ფეხბურთს კი საფუძველი ხვალვე უნდა ჩავუყაროთ.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"ნაპოლი" ჰოილუნდს 44 მილიონ ევროდ გამოისყიდის