<p>საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე სამი ტურიღა დარჩა <br> <span style="font-size: x-small;"><span style="color: #888888;"><strong><em>ფოტოზე: ლევან ჩილაჩავა (მარცხნივ)</em></strong></span></span></p><p>საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე სამი ტურიღა დარჩა.</p><p>უკვე ცნობილია პლეი ოფის სამი საგზურის მფლობელის ვინაობა. სამივე ქართველ მორაგბეთა გუნდია - "ტულონი", "კლერმონი" და "ტულუზი". დარჩენილი სამი საგზურისთვის ბრძოლას კი რეალურად ოთხი გუნდი განაგრძობს. მათ შორის ორი "ქართულია" - "კასტრი" და "მონპელიე".</p><p>გათამაშების ლიდერმა - <strong>დავით ქუბრიაშვილის, ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" სტუმრად ითამაშა <strong>ზურაბ ჟვანიას</strong> "სტად ფრანსესთან" და დამაჯერებლად სძლია - 43:11.</p><p>სტუმრებმა მატჩის ბედი, ფაქტობრივად, პირველ ტაიმში გადაწყვიტეს, რომელიც 16 ქულის სხვაობით 19:3 მოიგეს. პარიზელებმა მეტოქეს ვერაფერი დაუპირისპირეს და "ტულონმა" დაამტკიცა, რომ 82 ქულით სატურნირო ცხრილის სათავეში სამართლიანად იმყოფება.</p><p>ჩილაჩავა სათადარიგოთა შორის იყო და თამაშში 67-ე წუთიდან ჩაერთო, ქუბრიაშვილს და მიქაუტაძეს არ უთამაშიათ.</p><p>საქართველოს ნაკრების მეორეხაზელმა კონსტანტინე მიქაუტაძემ თამაშის წინა დღეს "ტულონთან" კონტრაქტი გაახანგრძლივა - ჩვენებური ამ გუნდში კიდევ სამ სეზონს ითამაშებს.</p><p>"ტულონს" ორი ქულით ჩამორჩება უახლოესი მდევარი, <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონი", რომელმაც შინ დიდი ანგარიშით მოუგო ერთ-ერთ აუტსაიდერ "აჟენს" - 66:21.</p><p>"ვულკანებმა" მეტოქეს ათი ლელო გაუტანეს. ზირაქაშვილი ძირითად შემადგენლობაში იყო და 47-ე წუთზე შეცვალეს.</p><p>კლერმონელებს მომავალ უქმეებზე კიდევ ერთ ფრონტზე - "ჰაინეკენის თასის" მეოთხედფინალში მოუწევთ ბრძოლა. მეტოქე ასევე "ქართული გუნდი" - <strong>მამუკა გორგოძის, მიხეილ ნარიაშვილისა</strong> და <strong>გიორგი ჟღენტის</strong> "მონპელიე" იქნება, რომელიც საფრანგეთის ჩემპიონატის პლეი ოფში მოხვედრისთვის იბრძვის.</p><p>მონპელიელებმა სტუმრად შეძლეს აუტსაიდერის - <strong>თამაზ მჭედლიძის</strong> "მონ დე მარსანის" დამარცხება - 30:17. ისინი დასაწყისშივე დაეუფლნენ სათამაშო უპირატესობას და მე-17 წუთისთვის 20:0-ს იგებდნენ.</p><p>გორგოძე ძირითად შემადგენლობაში იყო. მას არბიტრმა 35-ე წუთზე ყვითელი ბარათი უჩვენა, მოგვიანებით კი 61-ე წუთზე შეცვალეს.</p><p>ტრავმის მოშუშების შემდეგ გუნდს დაუბრუნდა შერკინების ბურჯი <strong>გიორგი ჟღენტი</strong>, რომელიც მოედანზე 67-ე წუთიდან გამოჩნდა. იმავდროულად, თამაშში ჩაერთო "მონ დე მარსანის" გარემარბი <strong>თამაზ მჭედლიძე</strong>. ნარიაშვილი განაცხადში არ იყო.</p><p>"მონპელიე" 63 ქულით მე-6 ადგილზეა. მას სამი ქულით უსწრებს და სატურნირო ცხრილში მე-4 საფეხურზეა <strong>ანტონ ფეიქრიშვილის</strong> "კასტრი", რომელმაც სტუმრად უმძიმეს ბრძოლაში შეძლო მონპელიელთა უშუალო კონკურენტის, "პერპინიანის" დამარცხება - 21:20.</p><p>კასტრელები თამაშის დასაწყისშივე დაეუფლნენ ინიციატივას და უმნიშვნელოვანესი გამარჯვება მოიპოვეს.</p><p>ფეიქრიშვილი განაცხადში არ იყო. "კასტრს" შვიდი ქულით უსწრებს და მესამე ადგილზეა <strong>ვასილ კაკოვინისა</strong> და <strong>ჯაბა ბრეგვაძის </strong>"ტულუზი", რომელმაც სტუმრად ასევე დაძაბულ ბრძოლაში მოიგო "მეტრო რასინგთან" - 27:26.</p><p>არადა, პირველ ტაიმში მასპინძლებმა ტულუზელებზე უკეთ ითამაშეს და 11 ქულის სხვაობით - 17:6 მოიგეს. "ტულუზმა" შესვენების შემდეგ მდგომარეობა რადიკალურად შეცვალა, თუმცა პირველად დაწინაურება და მატჩის მოგებაც თამაშის დასრულებამდე ერთი წუთით ადრე შეძლო.</p><p>კაკოვინი ძირითად შემადგენლობაში იყო და 41-ე წუთზე შეცვალეს, ბრეგვაძე მოედანზე 72-ე წუთიდან გამოჩნდა.</p><p><span style="color: #ff0000;"><strong>I დივიზიონი</strong></span></p><p>XXIII ტური</p><p>ბიარიცი-გრენობლი 33:16, სტად ფრანსე-ტულონი 11:43, პერპინიანი-კასტრი 20:21, კლერმონი-აჟენი 66:21, ბორდო-ბაიონი 39:13, მონ დე მარსანი-მონპელიე 17:30, მეტრო რასინგი-ტულუზი 26:27.</p><p><span style="text-decoration: underline;">სატურნირო მდგომარეობა:</span> 1. ტულონი - 82 ქულა, 2. კლერმონი - 80, 3. ტულუზი - 73, 4. კასტრი - 66, 5. მეტრო რასინგი - 63, 6. მონპელიე - 63, 7. პერპინიანი - 57, 8. ბიარიცი - 51, 9. გრენობლი - 49, 10. სტად ფრანსე - 46, 11. ბაიონი - 45, 12. ბორდო - 41, 13. აჟენი - 27, 14. მონ დე მარსანი - 15.</p><p><span style="color: #ff0000;"><strong>* * *</strong></span></p><p>"კელტთა ლიგაში" საქართველოს ნაკრების მესამეხაზელის, <strong>დიმიტრი ბასილაიას</strong> "ედინბურგმა", რომელიც 32 ქულით მეათე ადგილზეა, სტუმრად დიდი გაჭირვებით მოუგო უიმედო აუტსაიდერს, იტალიურ "ზებრეს" - 9:7. ბასილაია განაცხადში არ იყო.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ნიკა ამაშუკელი საუკეთესო მსაჯთა ათეულში დაასახელეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო