- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ახალგაზრდა ქართველმა ძიუდოისტებმა სალონიკში 13 მედალი მოიპოვეს
<p>საქართველოს ახალგაზრდა ძიუდოისტთა ნაკრებმა 5-5 ოქრო-ვერცხლი და 3 ბრინჯაო მოიპოვა <br> საქართველოს ახალგაზრდა ძიუდოისტთა ნაკრები წარმატებით გამოვიდა სალონიკში, ილიადისის თასად წოდებულ თანატოლთა ევროპის თასზე. 13 მედალი, მათ შორის - 5-5 ოქრო-ვერცხლი და 3 ბრინჯაო - ასეთია მათი მონაგარი.</p><p>ხუმრობა საქმე როდია - 8 წონიდან 7-ის ფინალში გვყავდა მონაწილე, ხოლო 3-ში - 90, 100 და +100-ში სულაც ქართული ფინალი გაიმართა.</p><p>არსებითად, ქართველებმა იჭიდავეს მეოთხეშიც - 73-ში, თუმცა იქ გაჩემპიონებული რომან მასტოპულოსი საბერძნეთის სახელით გამოდის.</p><p>არადა, ის საქართველოს ჭაბუკთა ნაკრების მწვრთნელი გიორგი რევაზიშვილის შვილია. ისიც საამაყოა, რომ 8 წონიდან 7-ში მოვიპოვეთ მედალი, თუმცა იმ ერთ კატეგორიაში - 81-შიც ვიჭიდავეთ დამამშვიდებლის ფინალში.</p><p>ჩვენებურთაგან ჩემპიონები ვაჟა მარგველაშვილი (60), ანდრო ბერუაშვილი (66), ლაშა ტაველური (90), გურამ თუშიშვილი (100) და ლევან მატიაშვილი (+100) გახდნენ.</p><p>გიორგი საჩალელი (55), ლევან გუგავა (73), ბექა ღვინიაშვილი (90), გიორგი ქავთარაძე (100) და გიორგი ზაქარიაძე (+100) ვერცხლის მედლებს დასჯერდნენ, მინდია ღოლიჯაშვილი (55), ფრიდონ გიგანი (73) და როსტომ ხახალეიშვილი (+100) კი მესამე პრიზიორები გახდნენ.</p><p>ამასთან, კიდევ ორმა ფალავანმა ბრინჯაოსთვის გადამწყვეტი ბრძოლა დათმო. ცხადია, ჩვენებმა გუნდური პირველობაც მოიგეს, იმის მიუხედავად, რომ გოგოებში მონაწილე არ გვყავდა.</p><p>იქნებ ვინმემ იფიქროს, თითქოს სუსტი ტურნირი იყო და ამიტომ მოვიპოვეთ ასეთი მასშტაბური წარმატება.</p><p>სამართლიანობისთვის უნდა ითქვას, რომ სალონიკში მხოლოდ ევროპული გუნდები გამოდიოდნენ, აზიელები და სხვები არ ყოფილან, თუმცა 25 ნაკრები მონაწილეობდა, ყველა წამყვანი ევროპული ქვეყნის 200-მდე ძიუდოისტი (მხოლოდ ბიჭებში, თორემ გოგოების ჩათვლით - 250-ზე მეტი).</p><p>ამიტომ ტურნირს სუსტსაც ვერ დავარქმევთ და თუნდაც ევროპაში პირველობა განა რითია ცუდი?</p><p>ამასთან, ამ შეჯიბრებამ კიდევ ერთხელ დაადასტურა, რომ გუნდის თავკაცი <strong>გიორგი გუგავა</strong> სწორად მუშაობს - შეგირდებისა არ იყოს, ახალგაზრდა მწვრთნელიც ნაკრებში მოსვლის დღიდან აგერ, უკვე მერამდენე წელიწადია, კარგ შედეგს აჩვენებს.</p><p>რაკი შეჯიბრების პირველ დღეს - შაბათს ოთხივე წონაში ფინალისტი გვყავდა, იყო შიში, რომ კვირას მსაჯთა ზეწოლა გაძლიერდებოდა, მაგრამ პირიქით მოხდა - სამივე ქართული ფინალი სწორედ ამ დღეზე მოდის.</p><p>ამიტომ, როგორც უფრო წარმატებულზე, საუბარიც კვირის მოვლენებით დავიწყოთ. მით უფრო, ჩვენთვის გამორჩეული ორი ფაქტიც მაშინ მოხდა - ბექა ღვინიაშვილი ტაველურთან დამარცხდა, ხოლო თუშიშვილი ძლევამოსილად დაბრუნდა.</p><p>ამ ბიჭს 100 კილოგრამში დღეს არსებული ჩავარდნის დაძლევის იმედს უკავშირებენ და მწვრთნელთა განსაკუთრებული ყურადღების ქვეშაა, მაგრამ ბოლო თვეები ტრავმის გამო გაუცდა. საბედნიეროდ, სალონიკში კვლავ ძლიერი სახით წარსდგა.</p><p><img src="pictures/artimages/image17/a667c605bd2296d9a505fa4bc70ce29b.jpg" border="0" alt="Sportall.Ge" title="ახალგაზრდა ქართველმა ძიუდოისტებმა სალონიკში 13 მედალი მოიპოვეს" /></p><p><span style="color: #ff0000;"><strong>90 კგ</p><p></strong></span><strong>ბექა ღვინიაშვილმა</strong> ჭაბუკთა ნაკრებში ისეთი შედეგი აჩვენა, მხოლოდ ტალანტებს რომ ძალუძთ. დასათვლელი მას ახალგაზრდებშიც მოეპოვება, მაგრამ ჯერჯერობით აქ მაინც უჭირს.</p><p>ზუსტად ვერ გეტყვით, როგორ განვითარდა მოვლენები ტაველურთან პაქრობაში, მაგრამ ვერცხლი არ ჩაეთვლება აქტივში. ცხადია, იმ შემთხვევის გარდა, ტრავმა თუ არ ჰქონდა.</p><p>ღვინიაშვილი ფინალამდე ისე მივიდა, მას რომ სჩვევია - ძლიერად, დამაჯერებლად, წმინდა მოგებებით - ბერძენ თეოფილაკტოს ანგელიდისს სამივე ხარისხის გდება გაუკეთა, უნგრელი გერგო ფოგასი პირდაპირ იპონზე დააგდო, თურქ ნურეტინ იელბოის იპონამდე ვაზარიც აართვა, ნახევარფინალში გერმანელი დარიო კურბივაიტ-გარსია კი პირდაპირ ბეჭებზე დადო.</p><p>ტაველური პირველ წრეში ისვენებდა, მეორეში კი საკმაოდ გაუჭირდა აზერბაიჯანელ ფირუდინ დადაშოვთან - მხოლოდ იუკოთი მოუგო, თუმცა გაფრთხილებებშიც ჯობდა.</p><p>სამაგიეროდ, თურქი ოგუჟან ეფემგლი პირწმინდად დაჩაგრა - იუკო, ვაზარი და იპონი, ხოლო ნახევარფინალში გერმანელ დავიდ ტეკიჩს ვაზარით აჯობა.</p><p>მან ფინალში ღვინიაშვილი წმინდად დაამარცხა, რაც შეიძლება, შემთხვევითობის ბრალიც იყოს. მით უფრო, ილეთამდე ღვინიაშვილმა ტაველური გააფრთხილებინა.</p><p>ცხადია, არანაირად არ ვართ წინააღმდეგნი ტაველურის მოგებისა. უბრალოდ, ღვინიაშვილის მარცხი გვიკვირს, თუმცა მოვლენათა ასეთი განვითარება კარგიც კია ნაკრებისთვის - კონკურენცია იზრდება.</p><p>დასასრულს, შევნიშნავთ, რომ ამ წონის მედალოსნები მსოფლიოს ორგზის და ოლიმპიურმა ჩემპიონმა ილიას ილიადისმა (ჯარჯი ზვიადაური) დააჯილდოვა.</p><p><img src="pictures/artimages/image17/ea65fdde37006201f50494dbcf505d05.jpg" border="0" alt="Sportall.Ge" title="ახალგაზრდა ქართველმა ძიუდოისტებმა სალონიკში 13 მედალი მოიპოვეს" /></p><p><span style="color: #ff0000;"><strong>100 კგ</strong></span></p><p><strong>თუშიშვილი</strong> ფინალამდე იპონებით მივიდა - თურქი ვურალ ტასი, აზერბაიჯანელი ჯალილ შუკუროვი და გერმანელი ამირ დოკაევი ბეჭებით გააკრა ტატამს, ფინალში კი <strong>ქავთარაძე</strong> შედარებით დაინდო და მხოლოდ ვაზარით აჯობა.</p><p>ფინალამდე ქავთარაძემაც არანაკლებ დამაჯერებლად იასპარეზა - ხორვატი მატეი გრუბიცა და გერმანელი ლეონ შტრუბერი დააიპონა. ამით ნახევარფინალში გავიდა, სადაც თანაგუნდელ შმაგი ონიანს დაუპირისპირდა.</p><p>მანამდე ონიანმაც ორი პაექრობა მოიგო, ოღონდ ორივე ვაზარით - ებრაელ ეგორ ბიტულაევთან და თურქ ენსარ კოლცუსთან. თანამემამულეთა ნახევარფინალური პაექრობა ქავთარაძის გამარჯვებით დასრულდა - ასევე ვაზარით მოიგო, ონიანმა კი ბრინჯაოს მედლისთვის ბრძოლა ხორვატ იურიცა კატიჩთან დათმო.</p><p><span style="color: #ff0000;"><strong>+100 კგ</p><p></strong></span>ამ წონაში კვარცხლბეკზე ერთბაშად სამი ქართველი დადგა, რაც საამაყო ფაქტია, <strong>მატიაშვილი</strong> კი კონკურენტებზე ბევრად ძლიერი გამოდგა.</p><p>არცაა გასაკვირი - მას ხომ უფროსთა შორის საკმაო გამოცდილება დაუგროვდა, რაც სერიოზული ფორაა თანატოლებთან შეხვედრაში.</p><p>სხვა თუ არაფერი, საქართველოს ჩემპიონია, რაც კარგი სავიზიტო ბარათია. სალონიკში მან ყველა პაექრობა იპონით მოიგო - თურქ სემი ადიამანთან, გერმანელ იაია მოჰამედთან, ბულგარელ ივან სტოიკოვთან და ფინალიც ზაქარიაძესთან.</p><p>100 კილოსი არ იყოს, აქაც ქართული ნახევარფინალი გაიმართა, რომელშიც <strong>ზაქარიაძემ</strong> შეხვედრის შუაწელში წმინდა გდებით მოიგო.</p><p>იქამდე ორივე ჩვენებური ორი იპონით მივიდა, ხახალეიშვილმა კი ბრინჯაოსთვის პაექრობაში ზემოხსენებული მოჰამედი დააიპონა.</p><p><span style="color: #ff0000;"><strong>დანარჩენი წონები</p><p></strong></span>მატიაშვილისა არ იყოს, <strong>მარგველაშვილის</strong> გამარჯვებაც კანონზომიერია - ის ახალგაზრდებში ევროპის შარშანდელი ვიცე-ჩემპიონია და წონაში ლიდერად ჩამოყალიბდა, თუმცა სალონიკში ბოლო ორ შეხვედრაში გაფრთხილებებით იმარჯვა.</p><p>მან წმინდად მხოლოდ რუმინელ ალექსანდრუ იაკობს და აზერბაიჯანელ ტელმან ვალიევს ვაზარით აჯობა, კვიპროსელ იროდოტოს კელპისს და ფინალში თურქ შაჰინ აჰმეტ კაბას კი გაფრთხილებებით მოუგო.</p><p>მარგველაშვილისგან განსხვავებით, <strong>ბერუაშვილი</strong> ნაკრების ახალი წევრია და ორმაგად სასიამოვნოა მისი ძლიერი გამოსვლა.</p><p>მით უფრო, ამ წონაში უმედლოდ დარჩა უფროსთა ნაკრების წევრი და ქვეყნის ჩემპიონი, თბილისის ევროპის თასის პრიზიორი ტრისტან ფეიქრიშვილი. იმედია, ბერუაშვილი მომავალშიც ასე გააგრძელებს.</p><p>55 კილოგრამში საჩალელთან ერთად <strong>ღოლიჯაშვილმაც</strong> კარგად იჭიდავა, რომელმაც ძირითადში პირველივე პაექრობა წააგო, მაგრამ სანუგეშოში ივარგა.</p><p>ამ წონაში უმედლოდ დარჩა ახალგაზრდებში ევროპის შარშანდელი ვიცე-ჩემპიონი <strong>ლერი ჭელიძე</strong>.</p><p>ანუ ტურნირი ნამდვილად არ იყო სუსტი. 73-ში ნახევარფინალში ორი კაცი გვყავდა - 20-წლამდელებში ევროპის შარშანდელი ვერცხლისმედალოსანი <strong>ფრიდონ გიგანი</strong> და ბრინჯაოსპრიზიორი <strong>ლევან გუგავა</strong>.</p><p>ამათგან ფინალში გუგავა გავიდა და მერე მასტოპულოსთან დამარცხდა, გიგანი კი ბრინჯაოს დაეუფლა.</p><p>ერთადერთი წონითი კატეგორია, სადაც ჩავარდნა გვქონდა, 81 კილოგრამია, თუმცა იქ საკადრო პრობლემები არახალია.</p><p>აქ ამჯერად ყველაზე უკეთ თეიმურაზ ხაჩიძე გამოვიდა, რომელმაც ნახევარფინალში გააღწია, მაგრამ მერე ზედიზედ ორი ბრძოლა დათმო და საბოლოოდ მეხუთეზე გავიდა.</p><p><strong>ყოველდღიური სპორტული გაზეთი "ლელო"</strong></p>
-
Vbabsbs
თAვადზე მიკერდზოებული Vირტხ ხარ
-
????
და აქ თუ უგებენ ქავთარაძეს და თუშიშვილს იქ არ წაიყვანეს ისინი?
-
კახი
გეყოთ თავის მოტყუება
-
diletanti
ყველა ქვეყანას მე-9 მე-10 ნომრებიი ყავდა ჩაყვანილი და მაგიტო მოხდა მასე,ჯერ მაგ ქავტარაძეს და თუშიშიშვილს აქ უგებენ თავის ტოლები რასაც საქართველოზე ნახავ,გუგავა რა ხვითოცაა ევროპაზე და მსოფლიოზე გამოჩნდება,ასე რომ ნაადრევად ნუ დადგით ნაძვისხე!
-
..........
დილეტანტობას აქვს ადგილი
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა