- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი. XXVII ტურის მიმოხილვა და სიმბოლური ნაკრები
<p>ძნელია ექსჩემპიონობა - ზედიზედ ორი ტრიუმფის შემდეგ "ზესტაფონს" ტიტულის შენარჩუნების თეორიული შანსიც აღარ დარჩა! <br> კვირას ჩატარებული მატჩებით გადამწყვეტი ეტაპის პირველი წრე დამთავრდა; ანუ რაღა დარჩა - ხუთი ტურიც და ჩემპიონატი დასრულდება!</p><p>კალენდრის თანახმად, ბოლო ტური 18 მაისს არის დანიშნული, თუმცა ზოგი რამ უკვე ახლავე, სეზონის დამთავრებამდე 1 თვით ადრე გაირკვა. რაც მთავარია, უკვე ცნობილია, რომ ახალი ჩემპიონი გვეყოლება: ზედიზედ ორი ტრიუმფის შემდეგ "ზესტაფონს" ტიტულის შენარჩუნების თეორიული შანსიც აღარ დარჩა!</p><p>ეგ კი არა, თითქმის 99 პროცენტით გადაწყვეტილია, რომ ჩვენი აწ უკვე ექს-ჩემპიონი, საერთოდ, ევროტურნირებს მიღმა რჩება!</p><p>მოვლენების ასეთ განვითარებას ჩემპიონატში "ზესტაფონის" არასტაბილურმა ასპარეზობამაც ხელი შეუწყო და თასის მეოთხედფინალის ერთი-ორმა მოულოდნელმა შედეგმა. უფრო კონკრეტულად კი, "დილასა" და "ტორპედოს" გამოვარდნამ - ამჟამად ისეთი სიტუაციაა, რომ "ზესტაფონს" სეზონის ბოლომდე დარჩენილი ხუთივე მატჩის მოგება არ ჰყოფნის ევროტურნირების საგზურის მომტანი მესამე ადგილის დასაკავებლად.</p><p>არადა, ისიც უნდა ვაღიაროთ, რომ გულდასაწყვეტი ფაქტია: ბოლო წლების ერთ-ერთი წარმატებული ქართული კლუბი მუდმივად მონაწილეობდა ევროტურნირებზე და იშვიათი გამონაკლისის გარდა, საერთაშორისო სარბიელზე "ზესტაფონს" თავი არც შეურცხვენია.</p><p>თუმცა, იმედი დავიტოვოთ, რომ კლუბის პრეზიდენტი <strong>ილია კოკა</strong><strong>ია</strong> და გუნდის ახალი მწვრთნელები (<strong>კახა კაჭარავა, კახა გოგიჩაიშვილი</strong>) ამ წარუმატებელი სეზონისგან სწორ დასკვნებს გამოიტანენ და უკვე მომავალ სეზონშივე ვიხილავთ ძველებურად ამბიციურ და საჩემპიონოდ მომართულ "ზესტაფონს".</p><p><span style="color: #ff0000;"><strong>ადრე სხვა ეშხი ჰქონდა...</strong></span></p><p>არცთუ შორეულ წარსულს ვიხსენებთ, როცა აპრილ-მაისში ჩატარებულ "ზესტაფონი"-"დინამოს" შეხვედრებში საქართველოს ჩემპიონის ბედი ირკვეოდა. ახლა კი, XXVII ტურის მატჩის წინ მართლაც უცნაური სიტუაცია იყო: "ზესტაფონს", სატურნირო თვალსაზრისით, ფაქტობრივად, არანაირი მოტივაცია არ ჰქონდა, მაშინ, როცა "დინამო" საჩემპიონო რბოლაშია ჩართული და ჩვენი ყველაზე ტიტულიანი გუნდისთვის ამ გადამწყვეტ ეტაპზე თითოეულ ქულას უდიდესი მნიშვნელობა აქვს.</p><p>რა თქმა უნდა, "ზესტაფონი"-"დინამოს" არაერთი საინტერესო და უშეღავათო პაექრობა გვინახავს; ერთი შეხედვით, დაძაბულობა არც 14 აპრილის შეხვედრას აკლდა, მაგრამ ის ძველებური ინტრიგა, თითქოსდა, დაკარგულივით იყო; თუმცა მონდომებას ვერც ერთ გუნდს დავუკარგავდით: მასპინძლებს მეორე ეტაპზე ჯერ თამაში არ მოუგიათ და პირველ ტაიმში რამდენიმეჯერ მწვავედაც შეუტიეს ფავორიტ მეტოქეს; სტუმრები კი წინა მატჩისაგან (თასზე - "გურიასთან") განსხვავებით, აშკარად მობილიზებულნი გამოიყურებოდნენ.</p><p>პირველ ტაიმში ანგარიშის გახსნა ორივე გუნდს შეეძლო, თუმცა 18 წლის <strong>ავთანდილ ენდელაძესა</strong> ("ზესტაფონი") და 24 წლის <strong>კარლეს კოტოს</strong> ("დინამო") დარტყმებს მცირეოდენი სიზუსტე აკლდა.</p><p>მატჩის ერთადერთი გოლი კი მეორე ტაიმში გავიდა: "დინამოს" ერთ-ერთმა ყველაზე სტაჟიანმა ფეხბურთელმა <strong>ლევან ხმალაძემ</strong> შორეული დარტყმით თავის გუნდს უმნიშვნელოვანესი 3 ქულა მოუტანა.</p><p>სხვათა შორის, საყრდენი ნახევარმცველის კვალობაზე ხმალაძე ერთობ შედეგიანად თამაშობს: 28 წლის ფეხბურთელმა ამ სეზონში უკვე 8 გოლი გაიტანა.</p><p>ბევრის აზრით, ამ ეპიზოდში უკეთ მართებდა თამაში "ზესტაფონისა" და საქართველოს ნაკრების მეკარეს <strong>როინ კვასხვაძეს</strong>; თუმცა 23 წლის კვასხვაძეს ურთულესი ბურთების მოგერიება რომ ეხერხება, ამ შეხვედრაშიც დამტკიცდა, როცა იმავე ხმალაძის ახლო მანძილიდან თავით დარტყმული ბურთი უკუაგდო...</p><p><span style="color: #ff0000;"><strong>სხვადასხვა ლეგიონერი</strong></span></p><p>ტურის ეს ცენტრალური მატჩი იმითაც იყო საინტერესო, რომ მოედანზე 9 ლეგიონერი ვიხილეთ: <strong>ლოსანო, იელიჩი, ბოტი გოა, რეკრუკი </strong>(ყველა - "ზესტაფონი"), <strong>გლიშიჩი, კოტო, გრაიციარი, ჩისკო, ალვარო</strong> (ყველა - "დინამო"). ამასთან, ნუ დაგვავიწყდება, რომ ორივე გუნდში სხვა ლეგიონერებიც ირიცხებიან - <strong>პეტკოვი</strong> ("ზესტაფონი"), <strong>უსტარიცი, მენდი</strong> ("დინამო") და იმის ალბათობაც არსებობდა, რომ მოედანზე ერთდროულად 12 უცხოელი ფეხბურთელი ყოფილიყო.</p><p>თუმცა, ვერც იმას გავექცევით, რომ ძალიან ხშირ შემთხვევაში, ხარისხი და რაოდენობა ერთმანეთს არ ემთხვევა: სამწუხაროდ, ამ 12 ლეგიონერიდან, ალბათ, ნახევარზე მეტი (!) ქართველ ფეხბურთელებს ბევრად ვერ აღემატება. თუმცა, სასიამოვნო გამონაკლისებიც არის და ამ შემთხვევაში, რაღა თქმა უნდა, ჩისკოს ვგულისხმობთ: 32 წლის ესპანელს მართალია, გოლი არ გაუტანია, მაგრამ მაღალი კლასი კიდევ ერთხელ დაამტკიცა.</p><p>...ლეგიონერებზე ვსაუბრობთ და არც ის დაგვავიწყდეს, რომ შეხვედრის არბიტრიც... უცხოელი გახლდათ! სირიელი <strong>აბდულა ბასლეჰლო</strong> ჯერ საქართველოს ჩემპიონატის პირველ ლიგაში გამოჩნდა, ახლა კი უკვე უმაღლეს ლიგას "გაუშინაურდა" და, ვფიქრობთ, ტურის ამ ცენტრალურ მატჩში ურიგოდ არ უმსაჯია.</p><p><span style="color: #ff0000;"><strong>გამხნევება და თანადგომა</strong></span></p><p>"ზესტაფონი"-"დინამოს" მატჩის წინ ორივე გუნდის ფეხბურთელებმა სპეციალური ბანერით მხარდაჭერა გამოუცხადეს ქუთაისის "ტორპედოს" მცველს <strong>გიორგი ონიანს</strong>, რომელმაც წინა კვირაში თასის საპასუხო მეოთხედფინალურ შეხვედრაში უმძიმესი ტრავმა მიიღო.</p><p>29 წლის ონიანი კვლავაც საავადმყოფოში რჩება, თუმცა, ექიმების აზრით, ძალიან დიდია იმის ალბათობა, რომ ჩვენი ჩემპიონატის ერთ-ერთი გამორჩეული მცველი რამდენიმე თვეში თავის საქმიანობას დაუბრუნდეს.</p><p>ონიანს უმაღლეს ლიგაში დებიუტი "თბილისის "ლოკომოტივში" ჰქონდა და ამ გუნდის შემადგენლობაში საქართველოს თასიც მოიპოვა. გარკვეული პერიოდი გერმანულ "კარლ ცაისში", ბათუმის "დინამოსა" და რუსთავის "ოლიმპში" თამაშობდა; მერე იყო სამწლიანი კარიერა "ზესტაფონში", რომლის შემადგენლობაშიც ორჯერ გახდა საქართველოს ჩემპიონი.</p><p>გიორგი ონიანი არაერთხელ მოხვედრილა ტურის, თვისა თუ სეზონის სიმბოლურ ნაკრებში; "ლელოს" ვერსიით, სეზონის საუკეთესო მცველადაც დავასახელეთ.</p><p>ეს სეზონი ონიანმა გორის "დილაში" დაიწყო, "ტორპედოში" პირველი ეტაპის დასრულების შემდეგ გადავიდა და, როგორც მოსალოდნელი იყო, მაშინვე დაცვის ბურჯი გახდა.</p><p>ჩვენც ვუერთდებით ქართული საფეხბურთო საზოგადოების მხარდაჭერას და რაც შეიძლება მალე გამოჯანმრთელებას ვუსურვებთ გიორგი ონიანს.</p><p><span style="color: #ff0000;"><strong>მეტალურგი და FAYR PLAY</strong></span></p><p>წინა ტურში, თავისთვის არაფრისმომცემ (გნებავთ, უმოტივაციო დაარქვით) შეხვედრაში რუსთავის "მეტალურგმა" თავიდან ბოლომდე დაიცვა "სამართლიანი თამაშის" პრინციპები და სატურნირო თვალსაზრისით მართლაც არანორმალურად მოტივირებულ "სიონს" არაფერი დაუთმო.</p><p>შეგახსენებთ, რომ ის მატჩი ფრედ დამთავრდა. არადა, "მეტალურგს" არც უმაღლესი ლიგიდან გავარდნა ემუქრებოდა და რაც მთავარია, ოთხ დღეში საპასუხო სათასო მეოთხედფინალური მატჩი ელოდა ცხინვალის "სპარტაკთან".</p><p>რუსთაველებს FAYR PLAY-ს წესების დაცვა დაუფასდათ: თასზეც იყოჩაღეს და ნახევარფინალში გააღწიეს; თუმცა, გუნდი კვლავაც აგრძელებს საკუთარი ღირსების დაცვას და ამის მაგალითად უკანასკნელი ტურიც გამოდგება: ახალგაზრდა სპეციალისტის, <strong>გიორგი ყიფიანის</strong> გუნდი სტუმრად თამაშობდა ბათუმის "დინამოსთან" და იმის მიუხედავად, რომ მასპინძლები აქაც მეტისმეტად მოტივირებულნი გახლდნენ, მაინც ბოლომდე დაიცვეს "სამართლიანი თამაშის" პრინციპები და ამ შემთხვევაშიც თავისთვის არაფრისმომცემ მატჩში გაიმარჯვეს!</p><p>იმედი დავიტოვოთ, რომ "მეტალურგის" მაგალითი ჩვენი სხვა დანარჩენი გუნდებისათვისაც "გადამდები" იქნება...</p><p><span style="color: #ff0000;"><strong>კოკა ჰეთ-თრიქით ბრუნდება</strong></span></p><p>აბა, ისე როგორ იქნებოდა, ტურში კონკრეტულ ფეხბურთელს თავი არ გამოეჩინა; გორის "დილას" 28 წლის ცენტრფორვარდმა <strong>ირაკლი მოდებაძემ</strong> "ჩიხურასთან" მატჩში "დუბლი" შეასრულა და 9 გოლით თავისი გუნდის საუკეთესო ბომბარდირია.</p><p>სხვათა შორის, მეორე ეტაპზე მოდებაძემ უკვე მეორედ შეძლო "დუბლის" შესრულება, რაც ჯერჯერობით საუკეთესო მაჩვენებელია.</p><p>მოდებაძის გარდა, მეორე ეტაპზე "დუბლი" ოთხმა ფეხბურთელმა შეასრულა: ჩისკომ ("დინამო", თბილისი), <strong>ბაჩანა არაბულმა</strong> ("დილა"), <strong>გიორგი ბერიაშვილმა</strong> ("ტორპედო") და <strong>საბა ლომიამ</strong> ("მერანი"). აი, ჰეთ-თრიქს კი დიდი ხანი ველოდით: მეორე ეტაპის დაწყებიდან კი არა, 15 დეკემბრის შემდეგ ერთ მატჩში სამი გოლი არავის გაუტანია!</p><p>და აი, თითქმის ოთხთვიანი პაუზის "პირველი მერცხალიც" გამოჩნდა: 3-წლიანი განშორების მერე "სიონში" დაბრუნებულმა 32 წლის <strong>კოკა მიკუჩაძემ</strong> თავისი გუნდისთვის უმნიშვნელოვანეს მატჩში ("მერანთან") ჰეთ-თრიქი შეასრულა!</p><p>სხვათა შორის, ბოლოს ჰეთ-თრიქი საქართველოს ჩემპიონატში მიკუჩაძემ... 7 წლის წინათ შეასრულა: "სიონის" საჩემპიონო სეზონის ბოლო ტურში, ქუთაისის "ტორპედოსთან" შეხვედრაში.</p><p>საერთოდაც, 2005-06 წლების სეზონი მიკუჩაძისათვის განსაკუთრებულად წარმატებული იყო: ბოლნისელთა შემადგენლობაში საქართველოს ჩემპიონი გახდა (თანაც, თითქმის ყველა პრინციპულ მატჩში გაჰქონდა გოლები), საუკეთესო ბომბარდირთა დავაში კი მხოლოდ ჯაბა დვალს (თბილისის "დინამო") ჩამორჩა...</p><p><img src="pictures/artimages/image17/e1f3635c350bd3d83a7fafc704a90f75.jpg" border="0" alt="Sportall.Ge" title="საქართველოს ჩემპიონატი. XXVII ტურის მიმოხილვა და სიმბოლური ნაკრები" /></p><p><span style="color: #ff0000;"></p><p><strong>საქართველოს ჩემპიონატი. უმაღლესი ლიგა. XXVII ტური</strong></span></p><p><a href="/fexburti/qarthuli-fekhburthi/chempionati/48336-zestafoni-dinamo-thb-01-qdinamomq-revanshi-aigho-video.html" target="_blank">ზესტაფონი-დინამო თბ 0:1 - "დინამომ" რევანში აიღო [VIDEO]</a></p><p><a href="/fexburti/qarthuli-fekhburthi/chempionati/48338-chikhura-dila-12-ukheshoba-moedanze-incidentis-safrthkhe-tribunebze-video.html" target="_blank">ჩიხურა-დილა 1:2 - უხეშობა მოედანზე, ინციდენტის საფრთხე ტრიბუნებზე [VIDEO]</a></p><p><a href="/fexburti/qarthuli-fekhburthi/chempionati/48340-torpedo-zugdidi-20-dagegmili-sami-qula-video.html" target="_blank">ტორპედო-ზუგდიდი 2:0 - დაგეგმილი სამი ქულა [VIDEO]</a></p><p><a href="/fexburti/qarthuli-fekhburthi/chempionati/48342-dinamo-bth-metalurgi-01-roca-rusthavi-ankaraa.html" target="_blank">დინამო ბთ-მეტალურგი 0:1 - როცა რუსთავი ანკარაა</a></p><p><a href="/fexburti/qarthuli-fekhburthi/chempionati/48339-sioni-merani-31-heth-thriki-da-sami-penalti.html" target="_blank">სიონი-მერანი 3:1 - ჰეთ თრიკი და სამი პენალტი</a></p><p><a href="/fexburti/qarthuli-fekhburthi/chempionati/48343-vit-jorjia-kolkhethi-00-dakarguli-shansebis-matchi.html" target="_blank">ვიტ ჯორჯია-კოლხეთი 0:0 - დაკარგული შანსების მატჩი</a></p><p><img src="pictures/artimages/image16/4df0ce176f0d68e8b65ada164e0415c4.jpg" border="0" alt="Sportall.Ge" title="საქართველოს ჩემპიონატი. XXVII ტურის მიმოხილვა და სიმბოლური ნაკრები" /></p><p><img src="pictures/artimages/image16/ec541f76d24d1195b51a223d83151253.jpg" border="0" alt="Sportall.Ge" title="საქართველოს ჩემპიონატი. XXVII ტურის მიმოხილვა და სიმბოლური ნაკრები" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა