- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი ნემსაძის და ირაკლი ნატრიაშვილის წყვილი ლელო საფრანგეთში
<p>პლეი ოფის საგზური სამ "ქართულ გუნდს" - "ტულონს", "კლერმონს" და "ტულუზს" უკვე მოპოვებული აქვს; ორიც - "კასტრი" და "მონპელიე" ბრძოლას განაგრძობს <br> საფრანგეთის სარაგბო ჩემპიონატის ელიტური, პირველი დივიზიონის გათამაშების დასრულებამდე ორი ტურიღა დარჩა.</p><p>24-ე ტურის შეხვედრებს სატურნირო ცხრილში ცვლილებები არ შეუტანია. პლეი ოფის საგზური სამ "ქართულ გუნდს" - "ტულონს", "კლერმონს" და "ტულუზს" უკვე მოპოვებული აქვს; ორიც - "კასტრი" და "მონპელიე" ბრძოლას განაგრძობს.</p><p>24-ე ტურის ცენტრალური შეხვედრა მარსელში, "ველოდრომზე" გაიმართა, სადაც გათამაშების ლიდერმა - <strong>დავით ქუბრიაშვილის, კონსტანტინე მიქაუტაძისა</strong> და <strong>ლევან ჩილაჩავას</strong> "ტულონმა" მეორეადგილოსანს - <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონს" უმასპინძლა.</p><p>სპეციალისტთა უმრავლესობა ამ მატჩს ფინალის რეპეტიციად მიიჩნევდა, თუმცა ასეთად ვერაფრით ჩავთვლით, რადგან სხვადასხვა მიზეზის გამო "კლერმონი" სათამაშოდ სათადარიგო გუნდით გავიდა.</p><p>მიუხედავად ამისა, "ვულკანებმა" ლიდერს ტოლი არაფერში დაუდეს, პირიქით, თამაშის მსვლელობისას უგებდნენ კიდეც.</p><p>უჩვეულოდ ცუდად ურტყამდა საჯარიმოებს ტულონელთა ინგლისელი მგეზავი <strong>ჯონი ვილკინსონი</strong>. ამიტომაც 76-ე წუთზე, როცა სტუმრები 26:23-ს იგებდნენ, საჯარიმოს დარტყმა ავსტრალიელ შუამარბ <strong>მეთ გიტოს</strong> ანდეს. მან საკმაოდ ხელსაყელი პოზიციიდან ძელს გაარტყა, თუმცა იქიდან ასხლეტილმა ბურთმა მაინც ძელებს შორს გაიარა და მასპინძლები მარცხისგან იხსნა - 26:26.</p><p>შედეგად, "ტულონმა" ლიდერობა შეინარჩუნა. ჩილაჩავა მასპინძელთა გუნდის თადარიგში იყო, თუმცა არ უთამაშია; ვიქტორ კოლელიშვილი ტრავმირებული <strong>ალექსანდრ ლაპანდრის</strong> ნაცვლად მოედანზე მე-13 წუთზე შევიდა და შესანიშნავად გაისარჯა; ზირაქაშვილი ტრავმირებულია, ქუბრიაშვილი და მიქაუტაძე განაცხადში არ იყვნენ.</p><p><strong>მამუკა გორგოძის, მიხეილ ნარიაშვილისა</strong> და <strong>გიორგი ჟღენტის</strong> "მონპელიემ" შინ უმნიშვნელოვანესი გამარჯვება მოიპოვა ქვეყნის ჩემპიონთან, <strong>ჯაბა ბრეგვაძისა</strong> და <strong>ვასილ კაკოვინის</strong> "ტულუზთან" მატჩში - 10:8.</p><p>ანგარიშიდანაც კარგად ჩანს, რამდენად უშეღავათო ბრძოლა გაჩაღდა მოედანზე. მარცხის ფასი მასპინძლებისთვის ძალიან ძვირი იყო და ამიტომ მონპელიელები უაღრესად ყურადღებით ირჯებოდნენ. სწორედ ამის შედეგია, რომ პირველი ტაიმი რაგბისთვის უჩვეულო ანგარიშით - 3:0 დასრულდა მასპინძლების სასარგებლოდ.</p><p>შესვენების შემდეგ, რვა წუთში "მონპელიე" უკვე შვიდ ქულას იგებდა - 10:3. ეს ანგარიში მატჩის დასრულებამდე ერთი წუთით შენარჩუნებული იყო.</p><p>ტულუზელებმა თამაშის მიწურულს მარცხისგან თავის დაღწევა სცადეს, ლელოს გატანა მოახერხეს, მაგრამ ვერ გარდასახეს და ორი ქულით წააგეს.</p><p>"მონპელიე" ამ გამარჯვების შემდეგ 67 ქულით მე-6 ადგილზეა და უახლოეს მდევარ "პერპინიანს" ექვსი ქულით უსწრებს. პლეი ოფში ადგილის გასანაღდებლად ჩვენებურთა ამ გუნდს დარჩენილ ორ ტურში ერთი მოგებაც ყოფნის.</p><p>გორგოძემ თავიდან ბოლომდე ითამაშა, ნარიაშვილი 56-ე წუთზე შეცვალეს, კაკოვინი ტულუზელთა რიგებში ათი წუთით ადრე გამოჩნდა, შეცვლაზე შევიდნენ ჟღენტი და ბრეგვაძეც, შესაბამისად, 63-ე და 69-ე წუთებზე.</p><p>"მონპელიეს" ერთი ქულით უსწრებს და მე-4 ადგილზეა <strong>ანტონ ფეიქრიშვილის</strong> "კასტრი", რომელიც შინ ფრეს დასჯერდა ერთ-ერთ აუტსაიდერ "ბორდოსთან" - 23:23.</p><p>მონპელიელთა მსგავსად, "კასტრსაც" პლეი ოფში გასასვლელად ერთი გამარჯვება ჰყოფნის, რასაც, სავარაუდოდ, იოლად მიაღწევს მომდევნო ტურში, როცა შინ დივიზიონიდან უკვე გავარდნილ "მონ დე მარსანს" დაუპირისპირდება.</p><p>ფეიქრიშვილი სათადარიგოთა შორის იყო და თამაშში მე-60 წუთიდან ჩაერთო.</p><p><strong>ზურაბ ჟვანიას</strong> "სტად ფრანსემ", რომელიც უმოტივაციოდაა დარჩენილი, სტუმრად დაამარცხა "აჟენი" - 28:20.</p><p>ჟვანია თადარიგში იყო და მოედანზე 52-ე წუთიდან გამოჩნდა.</p><p><strong>თამაზ მჭედლიძის</strong> "მონ დე მარსანმა", რომელმაც სატურნირო ცხრილში ბოლო ადგილი ჯერ კიდევ სამი ტურის წინათ დაიბევა, შინ წააგო "მეტრო რასინგთან" - 9:34.</p><p>მჭედლიძე განაცხადში არ იყო.</p><p><span style="color: #ff0000;"><strong>I დივიზიონი. XXIV ტური</strong></span></p><p>კასტრი-ბორდო 23:23, მონპელიე-ტულუზი 10:8, ბაიონი-გრენობლი 31:24, აჟენი-სტად ფრანსე 20:28, მონ დე მარსანი-მეტრო რასინგი 9:34, პერპინიანი-ბიარიცი 33:28, ტულონი-კლერმონი 26:26.</p><p><span style="text-decoration: underline;">სატურნირო მდგომარეობა:</span> 1. ტულონი - 84 ქულა, 2. კლერმონი - 82, 3. ტულუზი - 74, 4. კასტრი - 68, 5. მეტრო რასინგი - 68, 6. მონპელიე - 67, 7. პერპინიანი - 61, 8. ბიარიცი - 52, 9. გრენობლი - 50, 10. სტად ფრანსე - 50, 11. ბაიონი - 49, 12. ბორდო - 43, 13. აჟენი - 27, 14. მონ დე მარსანი - 15.</p><p><span style="color: #ff0000;"><strong>* * *</strong></span></p><p>მეორე დივიზიონში 27-ე ტურის ყველა მატჩში მასპინძლებმა მოიგეს. შეგახსენებთ, რომ აქ პირველი დივიზიონის საგზური უკვე მოიპოვა "ოიონაქსმა", რომელსაც პირველ ადგილს ვერავინ ეცილება და, შესაბამისად, ელიტაში თამაშის უფლება ავტომატურად მიიღო.</p><p>დარჩენილი ერთი საგზურისთვის კი პლეი ოფი გაიმართება, სადაც მეორე-მეხუთე ადგილზე გასული გუნდები იასპარეზებენ.</p><p>საპლეიოფო ოთხი ადგილისთვის ქართველ მორაგბეთა ხუთი გუნდი იბრძვის. ესენია: "ბრივი", "პო", "ორიაკი", "ლიონი" და "ტარბი".</p><p>ჩვენებურთა გუნდებიდან საუკეთესო მაჩვენებელი <strong>დავით ხინჩაგიშვილის, ირაკლი ნატრიაშვილისა</strong> და <strong>გოდერძი შველიძის</strong> "ბრივს" აქვს, რომელმაც შინ დაამარცხა ლიდერი "ოიონაქსი" - 30:29.</p><p>მასპინძლები 76-ე წუთამდე 29:23-ს აგებდნენ. ლელო, რომელმაც მათ გამარჯვება მოუტანა, ირაკლი ნატრიაშვილმა გაიტანა. ის სათადარიგოთა შორის იყო და თამაშში 53-ე წუთიდან ჩაერთო. ერთი წუთით ადრე კი შველიძე შეცვალეს; ხინჩაგიშვილი განაცხადში არ იყო.</p><p>"ბრივს" 82 ქულა აქვს და მესამე ადგილზეა. მას ორი ქულით ჩამორჩება და მეოთხეა <strong>მამუკა მაგრაქველიძის</strong> "პო", რომელმაც შინ დაამარცხა მეორეადგილოსანი "ლა როშელი" - 40:25. მაგრაქველიძე განაცხადში არ იყო.</p><p>"პოს" 73 ქულით კვალში უდგას <strong>ლევან დათუნაშვილის, კარლენ ასეიშვილისა</strong> და <strong>გიორგი ნაცარაშვილის</strong> "ორიაკი", რომელმაც შინ სძლია "კარკასონს" - 32:17.</p><p>სტუმრებმა ორიაკელებს წინააღმდეგობა მხოლოდ პირველ ტაიმში გაუწიეს, რომელიც ფრედ დასრულდა - 9:9. შესვენების შემდეგ მასპინძლებმა თამაშის ტემპს უმატეს და მეტოქეს ორი ლელო გაუტანეს.</p><p>ასეიშვილი 55-ე წუთზე შეცვალეს, დათუნაშვილმა მოედანზე 19 წუთით მეტი დაჰყო, ნაცარაშვილი განაცხადში არ იყო.</p><p>71-71 ქულა აქვთ და მეექვსე-მეშვიდე ადგილებს იყოფენ "ლიონი" და "ტარბი". <strong>გურამ კავთიძის</strong> "ლიონმა" შინ დაამარცხა აუტსაიდერი, <strong>შალვა სუთიაშვილისა</strong> და <strong>დავით აშვეთიას</strong> "მასი" - 32:25.</p><p>პარიზელებმა მასპინძლებს ნამდვილი ბრძოლა პირველ ნახევარში გაუმართეს, თუმცა მინიმალური სხვაობით მაინც წააგეს - 12:13. მეორე ტაიმში "ლიონმა" სამი ლელოს გატანა მოახერხა, რასაც "მასი" საჯარიმოებით პასუხობდა.</p><p>სუთიაშვილმა სრულად ითამაშა, კავთიძე მოედანზე 48-ე წუთზე გამოჩნდა და არბიტრმა ორ წუთში გაასინბინა. მასთან ერთად ათი წუთით გააძევეს აშვეთიაც, რომელიც ძირითად შემადგენლობაში იყო და მე-60 წუთზე შეცვალეს.</p><p><strong>გიორგი ჩხაიძის, ირაკლი მირცხულავას, გიორგი ნემსაძისა</strong> და <strong>დავით დადუნაშვილის</strong> "ტარბმა" საკუთარ მოედანზე მოუგო ერთ-ერთ აუტსაიდერს, <strong>ტარიელ რატიანიძის</strong> "დაქსს" - 44:12.</p><p>ნემსაძემ, რომელიც თამაშში 35-ე წუთიდან ჩაერთო, 79-ე წუთზე ლელო გაიტანა; ჩხაიძემ სრულად ითამაშა, დადუნაშვილი 58-ე წუთზე შეცვალეს, მირცხულავამ მოედანზე სამი წუთით მეტი დაჰყო. ძირითად შემადგენლობაში იყო რატიანიძეც, რომელიც 75-ე წუთზე გაასინბინეს.</p><p><strong>ალექსანდრე თოდუას, ვახტან მაისურაძის, ვახტანგ ახობაძის, გიორგი თეთრაშვილისა</strong> და <strong>კახაბერ კობერიძის</strong> "ალბი", რომელიც უმოტივაციოდაა დარჩენილი, სტუმრად დამარცხდა "ექსთან" - 12:27.</p><p>მაისურაძემ თავიდან ბოლომდე ითამაშა, ახობაძე და თეთრაშვილი ერთდროულად, 41-ე წუთზე შეცვალეს, თოდუა მოედანზე 62-ე წუთიდან გამოჩნდა, კობერიძე განაცხადში არ იყო.</p><p>დივიზიონში დარჩენისთვის იბრძვის <strong>ბექა შეყლაშვილის</strong> "ბეზიე". ლანგედოკელებმა 27-ე ტურში შინ დაამარცხეს "კოლომიე" 23:9 და ოდნავ გაიუმჯობესეს სატურნირო მდგომარეობა. შეყლაშვილი 51-ე წუთზე შეცვალეს.</p><p><span style="color: #ff0000;"><strong>II დივიზიონი. XXVII ტური</strong></span></p><p>ორიაკი-კარკასონი 32:17, ტარბი-დაქსი 44:12, ბეზიე-კოლომიე 23:9, ლიონი-მასი 32:25, ექსი-ალბი 27:12, ნარბონი-ოში 31:15, ბრივი-ოიონაქსი 30:29, პო-ლა როშელი 40:25.</p><p><span style="text-decoration: underline;">სატურნირო მდგომარეობა:</span> 1. ოიონაქსი - 102 ქულა, 2. ლა როშელი - 82, 3. ბრივი - 82, 4. პო - 80, 5. ორიაკი - 73, 6. ლიონი - 71, 7. ტარბი - 71, 8. ნარბონი - 66. 9. კარკასონი - 64, 10. კოლომიე - 57, 11. ალბი - 54, 12. ოში - 45, 13. ბეზიე - 45, 14. ექსი - 42, 15. დაქსი - 41, 16. მასი - 32.</p><p><span style="color: #ff0000;"><strong>* * *</strong></span></p><p>კელტთა ლიგის გათამაშების მე-20 ტურში ისევ დამარცხდა <strong>დიმიტრი ბასილაიას</strong> "ედინბურგი". საქართველოს ნაკრების მესამეხაზელის გუნდმა შინ წააგო ირლანდიურ "ქონოთთან" - 24:32 და ახლა 32 ქულით მისთვის უჩვეულო, მე-10 ადგილზეა.</p><p>ბასილაია განაცხადში არ იყო.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა