<p><span style="line-height: 1.3em;" />ESPN-ის ანალიტიკოსებმა ერთხმად დაასახელეს 2012-13 წლების სეზონის საუკეთესო მოთამაშედ (MVP) "მაიამი ჰიტის" ლიდერი ლებრონ ჯეიმსი <br> </span>ESPN-ის ანალიტიკოსებმა ერთხმად დაასახელეს 2012-13 წლების სეზონის საუკეთესო მოთამაშედ (MVP) "მაიამი ჰიტის" ლიდერი <strong>ლებრონ ჯეიმსი</strong>. მას თავისი ხმა მისცა 30-დან 30-მა მიმომხილველმა.</p><p>სხვა ნომინაციებში ხმები ასე გადანაწილდა:</p><p>წლის დებიუტანტი: <strong>დემიენ ლილარდი</strong> (27/30), <strong>ენტონი დევისი</strong> (3/30);</p><p>წლის ყველაზე პროგრესირებადი მოთამაშე: <strong>პოლ ჯორჯი</strong> (13/30), <strong>ლარი სანდერსი</strong> (5/30), <strong>გრეივის ვასკესი</strong> (3/30), <strong>ბრუკ ლოპესი</strong> (2/30), <strong>ანდრე ბლეტჩი</strong> (1/30);</p><p>წლის მწვრთნელი: <strong>ჯორჯ კარლი</strong> (17/30), <strong>ერიკ სპოელსტრა</strong> (7/30), <strong>გრეგ პოპოვიჩი</strong> (2/30), <strong>მაიკ ვუდსონი</strong> (2/30), <strong>ლიონელ ჰოლინზი</strong> (1/30), <strong>ტომ ტიბოდო</strong> (1/30);</p><p>საუკეთესო დამცველი: <strong>მარკ გასოლი</strong> (11/30), <strong>ტონი ალენი</strong> (8/30), <strong>ჟოაკიმ ნოა </strong>(6/30), <strong>ლებრონ ჯეიმსი</strong> (2/30), <strong>ტაისონ ჩენდლერი</strong> (1/30), <strong>ტიმ დანკანი</strong> (1/30), <strong>ლარი სანდერსი</strong> (1/30);</p><p>მეექვსე მოთამაშე: <strong>ჯეი არ სმიტი</strong> (23/30), <strong>კევინ მარტინი</strong> (4/30), <strong>ჯამალ კროუფორდი</strong> (3/30).</p><p><strong><span style="color: #ff0000;">ორი გუნდი უმწვრთნელოდ</p><p></span></strong>რეგულარული ჩემპიონატის დასრულების შემდეგ ორი კლუბი დარჩა მწვრთნელის გარეშე. ოფიციალურად დატოვა "ფილადელფიას" დამრიგებლის პოსტი <strong>დაგ კოლინზმა</strong>. ეს გადაწყვეტილება ჯერ კიდევ დეკემბერში იქნა მიღებული და კოლინზმა მაშინ განაცხადა, რომ ეს ნაბიჯი არ უკავშირდება 2012-13 წლების სეზონში გუნდის გამოსვლას. უბრალოდ, მწვრთნელს ოჯახთან მეტი დროის გატარება მოუნდა. კოლინზი არ აპირებს სამწვრთნელო კარიერის განახლებას.</p><p>61 წლის სპეციალისტმა "სიქსერზი" 2010 წელს ჩაიბარა და ორჯერ გაიყვანა გუნდი პლეი ოფში, თუმცა წელს "ფილადელფია" მხოლოდ მეცხრე ადგილზე გავიდა. სულ, სამი სეზონის განმავლობაში, კოლინზმა 110 მატჩი მოიგო და 120-ში დამარცხდა.</p><p>* * *</p><p>"კლივლენდის" ხელმძღვანელობამ მთავარი მწვრთნელის პოსტიდან დაითხოვა <strong>ბაირონ სკოტი</strong>. 52 წლის სპეციალისტმა "კავალიერზთან" ერთად სამი სეზონი გაატარა. მისი ხელმძღვანელობით გუნდმა მოიგო 64 მატჩი და წააგო 166. მოგებათა ასეთი დაბალი პროცენტი (28) "კლივლენდის" ისტორიაში არც ერთ მწვრთნელს არ ჰქონია.</p><p><strong><span style="color: #ff0000;">ფილ ჯექსონი ბრუნდება?</p><p></span></strong>NBA-ს ისტორიაში ყველაზე წარმატებულმა მწვრთნელმა <strong>ფილ ჯექსონმა</strong> მომავალ სეზონში ლიგაში დაბრუნების სურვილი გამოთქვა, - იუწყება ESPN. შეგახსენებთ, რომ ჯექსონმა 2011 წელს დატოვა "ლეიკერსი".</p><p>67 წლის სპეციალისტთან დაახლოებულმა წყარომ განაცხადა, რომ ჯექსონის სურვილი სულაც არ ნიშნავს იმას, რომ ის ლიგის რომელიმე გუნდს ჩაუდგება სათავეში. მაგალითად, ფილს მოსწონს "მაიამიში" <strong>პეტ რაილის </strong>როლი, ან ის სამუშაო, რასაც "ინდიანაში" ეწეოდა <strong>ლარი ბერდი</strong>.</p><p><strong><span style="color: #ff0000;">რაშიდი საბოლოოდ წავიდა</p><p></span></strong>"ნიუ იორკ ნიქსის" ფორვარდმა <strong>რაშიდ უოლასმა</strong> სათამაშო კარიერის დასრულების შესახებ გამოაცხადა.</p><p>ვეტერანი მეორედ მიდის დიდი სპორტიდან. 2010 წელს მან შეწყვიტა ლიგაში გამოსვლა, მაგრამ 2012 წლის ოქტომბერში დაბრუნდა და "ნიუ იორკთან" გააფორმა კონტრაქტი. ფორვარდმა "ნიქსის" რიგებში 20 მატჩი ჩაატარა, მაგრამ დეკემბერში მარცხენა ტერფის მოტეხილობა მიიღო და თებერვალში ოპერაცია გადაიტანა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/kalatburti/uckhouri-kalathburthi/nba/48523-nba-regularuli-chempionati-qleikerssq-kidev-vnakhavth.html" target="_blank">NBA. რეგულარული ჩემპიონატი: "ლეიკერსს" კიდევ ვნახავთ</a></p>
[VIDEO] გენიალური სტეფ კარის შოუ ნიკოლა იოკიჩის "დენვერ ნაგეთსთან"
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს