- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რევაზ გიგაური: ნაკრებში დაბრუნება მინდა
<p>ქართველი მორაგბე საკლუბო კარიერასა და მომავლის გეგმებზე საუბრობს <br> საქართველოს ნაკრებში უკანა ხაზის თამაში ბოლო წლებში ჩვენი გუნდის აქილევსის ქუსლად ითვლებოდა, რასაც ვერ ვიტყვით შერკინებაზე. ქართველ მორკინალებზე მოთხოვნა ფრანგულ ელიტაში ახლაც დიდია.</p><p>უკანახაზელები კი, რამდენიმე იშვიათი გამონაკლისის გარდა, უმთავრესად ფედერალ 1 დივიზიონის კლუბებში თამაშობდნენ.</p><p>შუამარბი რევაზ გიგაური ეროვნულ ნაკრებში 2006 წლიდან თამაშობდა და მსოფლიოს თასის ორ გათამაშებაში იასპარეზა.</p><p>იქიდან მოყოლებული, დღემდე ფრანგულ კლუბებში თამაშობს, თუმცა საუკეთესო სეზონი აქამდე მხოლოდ წლეულს ჰქონდა, როცა "მონლუსონთან" ერთად პლეი ოფში გასვლამდე ცოტა დააკლდა.</p><p><span style="color: #ff0000;"><strong>დოსიე</strong></span></p><p><strong>რევაზ გიგაური</strong></p><p>დაიბადა: 09.05.1984</p><p>თამაშობდა: "მგლები" - 1998</p><p>ასკ - 1999-2001</p><p>"ლოკომოტივი" - 2002-2005</p><p>"მონლუსონი" - 2006-2008</p><p>"მასი" - 2008-2009</p><p>"ფიჟაკი" - 2009-2010</p><p>"ბულონი" - 2010-2011</p><p>2012 წლიდან ისევ "მონლუსონი"</p><p>ეროვნულ ნაკრებში: 36 კეპი, ორი ლელო (10 ქულა).</p><p>მსოფლიოს თასის 2007 და 2011 წლების გათამაშების მონაწილე.</p><p>საკლუბო კარიერასა და მომავლის გეგმებზე სასაუბროდ რევაზ გიგაურს საფრანგეთში დავუკავშირდით.</p><p>- წლევანდელი სეზონით კმაყოფილი ვარ. მართლაც კარგად ვასპარეზობდით. დასანანია, რომ პლეი ოფში გასვლა შეგვეძლო და საამისოდ ერთი მოგება დაგვაკლდა. საბოლოოდ, მართალია, მე-5 ადგილზე გავედით, მაგრამ ჩვენი დონის გუნდისთვის წლეულს ნორმალურ შედეგად შეიძლება მივიჩნიოთ.</p><p><strong>- რა დონის კლუბია "მონლუსონი? რამდენად კარგად გამართული ინფრასტრუქტურა აქვს?</strong></p><p>- ფედერალ 1 დივიზიონის კვალობაზე საკმაოდ კარგად გამართული ინფრასტრუქტურა აქვს. ახალი სტადიონი ააშენეს, რომელზეც პირველად წლეულს ვითამაშეთ.</p><p>საწვრთნელი ბაზაც ნორმალურია. ერთი სიტყვით, ყველა პირობა აქვს საიმისოდ, რომ რანგით უფრო მაღალ დივიზიონში ვითამაშოთ.</p><p>კლუბის ხელმძღვანელობა სამომავლოდ გეგმავს, რომ პლეი ოფში მოვხვდეთ და უახლოესი ორი წლის განმავლობაში ელიტურ, მეორე დივიზიონში გადავიდეთ. გუნდში უკვე მოიწვიეს "კლერმონის" ცხრა ნომერი კევინ სენიო და სამოელი შუამარბი გევინ ვილიმასი, რომელიც ამ სეზონში "სტად ფრანსეში" თამაშობდა.</p><p>ეს იმის დასტურია, რომ მომდევნო სეზონში ბევრად ძლიერი გუნდის გაკეთება უნდათ და ვეცდებით ელიტაში ავიდეთ.</p><p><strong>- თქვენ გარდა "მონლუსონში" კიდევ ერთი ქართველი, შერკინების პირველხაზელი ელიზბარ ყუფარაძეც თამაშობს. გუნდის ხელმძღვანელები ქართველი მორაგბეების გარჯით კმაყოფილნი არიან?</p><p></strong>- დიახ, "დაჩიც" "მონლუსონში" თამაშობს, მწვრთნელები ჩვენით კმაყოფილნი არიან და გვენდობიან. უნდათ მომავალ სეზონშიც აქ ვითამაშოთ. ვნახოთ რა იქნება, ჯერჯერობით ხელშეკრულებაზე ხელი არ მოგვიწერია.</p><p><strong>- სხვა გუნდიც გეპატიჟებათ?</p><p></strong>- ჯერჯერობით კონკრეტული არაფერია, თუმცა გამორიცხული არ არის, სხვა გუნდშიც გადავიდეთ.</p><p><strong>- "მონლუსონში" უცხოელები ბევრნი ხართ. ლეგიონერებზე შეზღუდვები არ მოქმედებს?</p><p></strong>- დიახ, უცხოელები მართლაც ბევრნი ვართ, სამხრეთაფრიკელები, არგენტინელები, ბელგიელები და ჩვენ. შეზღუდვები მოქმედებს, მაგრამ პრობლემას არ გვიქმნის. ქალაქში ბევრი ქომაგი გვყავს, რაგბი აქ ძალიან უყვართ და ყველა გასვლით თამაშზე თან დაგვყვებიან.</p><p><strong>- მოდით საქართველოს ნაკრებზეც ვთქვათ. ბოლოს ჩვენს ეროვნულ გუნდში 2012 წელს ითამაშეთ სტუმრად ესპანეთის ნაკრებთან. იმ მატჩში "ბორჯღალოსნები" დამარცხდნენ. რა იყო ამის მიზეზი?</strong></p><p>- ერთა თასზე იმ წელიწადს ეგ პირველი მატჩი იყო. გადახალისებული შემადგენლობა გვყავდა, ბევრმა ახალგაზრდა მორაგბემ ითამაშა.</p><p>არ ვიყავით სათანადოდ შეთამაშებულნი. ამასთან ერთად, ესპანელებმაც კარგად ითამაშეს, ძლიერი ნაკრები ჰყავდათ. ვფიქრობ, ყოველივე ამან ერთობლიობაში განაპირობა ჩვენი მარცხი.</p><p><strong>- იმ მატჩის შემდეგ წელიწადზე მეტია, ნაკრებში არ გეძახიან. როგორ ფიქრობთ, რატომ?</strong></p><p>- ეს, ალბათ, მწვრთნელს უნდა ჰკითხოთ. ჩემთვის გამოუძახებლობის მიზეზი არავის უთქვამს.</p><p><strong>- 2011 წელს ახალ ზელანდიაში ფულბეკად ითამაშეთ. მიმაჩნია, რომ მაშინ ეს გადაწყვეტილება სწორი არ იყო. ახლაც ესპანეთთან იმავე პოზიციაზე იდექით. არადა თქვენ ხომ ფულბეკი არ ხართ?</strong></p><p>- დიახ, ფულბეკი არ ვარ. ამას ვამბობ კიდეც, ჩემი სათამაშო ამპლუა შუამარბი და გარემარბია. უბრალოდ, ისე მოხდა, რომ მსოფლიოს თასზე ფულბეკის პოზიციაზე უნდა მეთამაშა და ვითამაშე კიდეც.</p><p><strong>- ესპანეთთან ის მატჩი მილტონ ჰეიგისთვის, საქართველოს ნაკრების მთავარი მწვრთნელის რანგში, პირველი იყო. როგორ ფიქრობთ, რა შეიცვალა ჩვენი გუნდის თამაშში მას შემდეგ?</strong></p><p>- ძალიან ძნელია შეადარო ესპანეთთან მატჩში იმ შემადგენლობით თამაში, მაგალითად ფიჯისთან და იაპონიასთან გასული გუნდის თამაშს.</p><p>უკვე ვთქვი, რომ ესპანელებთან ძალიან ბევრი ახალი მოთამაშე გვყავდა, ამიტომ თამაშის ხარისხის შედარებას ვერ გავაკეთებ.</p><p><strong>- ზოგადად თუ შეიცვალა რამე? ვთქვათ, სათამაშო სტილი...</strong></p><p>- გაშლილი თამაშის მცდელობა ჰეიგის წინამორბედ მწვრთნელებსაც ჰქონდათ. მთელი ჩვენი ძალისხმევა ამისკენ იყო მიმართული. ასე რომ, ჩვენი გუნდის ახლანდელი თამაშის მანერა სიახლე არ არის. უბრალოდ, მისი უფრო დახვეწაა საჭირო.</p><p><strong>- დარწმუნებული ვარ, ნაკრებში დაბრუნება გინდათ. რა უნდა მოხდეს, რომ მწვრთნელმა ისევ გამოგიძახოს? </strong></p><p>- რასაკვირველია ნაკრებში დაბრუნება მინდა. ეროვნულ გუნდში თამაში ყველა მორაგბეეს ოცნებაა.</p><p>რა უნდა მოხდეს? ალბათ, ის, რომ მომეცეს საშუალება ჩემს პოზიციაზე ვითამაშო და მაქსიმალურად გამოვავლინო რაც შემიძლია.</p><p><em></p><p>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა