- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფეიქრიშვილის პირველი ელიტური ლელო
<p>ქართველების "მონპელიემ" სტუმრად "ბაიონის" დამარცხება შეძლო, მაგრამ ლიდერობა მაინც დაკარგა</p><p><br> საფრანგეთის სარაგბო ჩემპიონატის ელიტურ, პირველ დივიზიონში ყველაზე ქართულმა ფრანგულმა კლუბმა "მონპელიემ", რომელმაც სტუმრად "ბაიონის" დამარცხება შეძლო, ლიდერობა მაინც დაკარგა. ამის მიზეზი მონპელიელთა კონკურენტის, "ტულუზის" დიდი ანგარიშით გამარჯვებაა შინ დავით ქუბრიაშვილის "ტულონთან" - 44:5, რისთვისაც ტულუზელებს ერთი საპრემიო ქულაც ერგოთ და სატურნირო ცხრილში "მონპელიეს" სწორედ ამ ერთი ქულით უსწრებენ.</p><p>მამუკა გორგოძის, გიორგი ჟღენტის, გიორგი ჩხაიძის, გოდერძი შველიძისა და მიხეილ ნარიაშვილის "მონეპელიემ" ბასკურ "ბაიონს" 29:18 მოუგო. თამაში საკმაოდ მძიმე გამოდგა. "მონპელიეს" მწვრთნელებმა ფაბიენ გალტიემ და ერიკ ბეშუმ ბრძოლაში საუკეთსო მოთამაშები ჩართეს, მაგრამ პირველი ტაიმი ფრედ -12:12 დასრულდა.</p><p>გადამწყვეტ უპირატესობას ჩვენებურთა გუნდმა შესვენების შემდეგ მალევე მიაღწია. სტუმრებმა მეორე ტაიმის დასაწყისსა და დასასრულს თითო ლელო გაიტანეს, რაზეც მასპინძლებმა მხოლოდ ერთი საჯარიმოთი უპასუხეს.</p><p>გორგოძემ სრულად ითამაშა, ჟღენტი სათადარიგოთა შორის იყო, მაგრამ მოედანზე არ გამოჩენილა, შველიძე, ჩხაიძე და ნარიაშვილი განაცხადში არ იყვნენ.</p><p>საფრანგეთის ჩემპიონმა, დავით ზირაქაშვილის "კლერმონმა" შინ უმნიშვნელოვანესი გამარჯვება მოიპოვა პარიზულ "სტად ფრანსესთან" - 27:3. "ვულკანებმა", როგორც ჩანს, ფორმის აღდგენა დაიწყეს და კრიზისიდან ახლახან გამოსულ მეტოქეს წარმატების შანსი არ დაუტოვეს.</p><p>პარიზელთა გუნდში განსკუთრებულ ყურადღებას ცხრა ნომრის ჟულიენ დიუპიუის თამაში იწვევდა. კლერმონელმა ვუნდერკინდმა მორგან პარამ მას დაუმტკიცა, რომ ეროვნულ ნაკრებში ადგილი ღირსეულს ერგო. პარამ მეტოქეს თითო ლელო, გარდასახვა და საჯარიმო გაუტანა (10 ქულა). დიუპიუის, ისევე, როგორც მის ყველა თანაგუნდელს, თავი არაფრით გამოუჩენია.</p><p>"კლერმონს" ამ გამარჯვების შემდე 30 ქულა დაუგროვდა და სატურნირო ცხრილში მე-5 ადგილზეა. ზირაქაშვილი სათადარიგოთა შორის იყო და თამაშში 45-ე წუთიდან ჩაერთო.</p><p>"კლერმონს" ერთი ქულით ჩამორჩება და მე-6 ადგილზეა აქვსენტი გიორგაძისა და ანტონ ფეიქრიშვილის "კასტრი", რომელმაც XI ტურში შინ დაამარცხა აუტსაიდერი "ბურგუენი" - 41:24. ფეიქრიშვილი მოედანზე 53-ე წუთზე გამოჩნდა და 10 წუთში ელიტაში თავისი პირველი ლელო გაიტანა. გიორგაძე განაცხადში არ იყო.</p><p>სატურნირო ცხრილის ფსკერს თავი დააღწია ბექა შეყლაშვილის "აჟენმა". ჩვენებურის გუნდმა შინ უშუალო კონკურენტ "ლა როშელს" მოუგო - 29:14. მატჩის ბედი აჟენელებმა პირველივე ტაიმში გადაწყვიტეს, თუმცა სადავეები ხელიდან არც შესვენების შემდეგ გაუშვიათ. შეყლაშვილი ძირითად შემადგენლობაში იყო და 62-ე წუთზე შეცვალეს.</p><p>დავით ხინჩაგიშვილისა და ვასილ კაკოვინის "ბრივმა" შინ წააგო ბასკურ "ბიარიცთან" - 21:27. არადა, პირველ ტაიმში უპირატესობას ჩვენებურთა გუნდი ფლობდა, რაც ანგარიშშიც აისახა - 16:9. თუმცა მეორე ნახევარში დიმიტრი იაშვილი და კომპანია მთელი სიმძლავრით ამოქმედდა და მასპინძლებს გამარჯვება გამოსტაცა.</p><p>ტურის ცენტრალური მატჩი დავით ქუბრიაშვილის "ტულონის" გასვლითი შეხვედრა იყო "ტულუზთან". თუმცა თამაშმა მოლოდინი ვერ გაამართლა. ეს გასაკვირი არაა, რადგან ტულონელები საგრძნობლად შესუსტებული შემადგენლობით თამაშობდნენ.</p><p>მხარი დაიშავა და ინგლისში გაემგზავრა გუნდის მთავარი მექულე, მგეზავი ჯონი ვილკინსონი. მთავარმა მწვრთნელმა ფილიპ სენტ-ანდრემ დასვენების საშუალება მისცა სებასტიან ბრუნოს, ჯორჯ სმითს, ლორან ემანუელსა და ჯო ფან ნიკერკს. სათადარიგოთა შორის იყო ქუბრიაშვილიც.</p><p>"ტულუზმა" შეირგო "ხონჩით მირთმეული ძღვენი", ჩვნებურის გუნდს ხუთი ლელო გაუტანა და 44:5 მოუგო. ქუბრიაშვილი თამაშში 48-ე წუთიდან ჩაერთო.</p><p><strong>საფრანგეთი. I დივიზიონი, XI ტური</p><p></strong>მეტრო რასინგი-პერპინიანი 18:18, კლერმონი-სტად ფრანსე 27:3, ბრივი-ბიარიცი 21:27, ბაიონი-მონპელიე 18:29, აჟენი-ლა როშელი 29:14, კასტრი-ბურგუენი 41:24, ტულუზი-ტულონი 44:5.</p><p>სატურნირო მდგომარეობა</p><p>1. ტულუზი - 37 ქულა, 2. მონპელიე - 36, 3. მეტრო რასინგი - 34, 4. ბიარიცი - 31, 5. კლერმონი - 30, 6. კასტრი - 29, 7. ტულონი - 28, 8. პერპინიანი - 28, 9. სტად ფრანსე - 27, 10. ბაიონი - 24, 11. ბრივი - 19, 12. ლა როშელი - 15, 13. აჟენი - 11, 14. ბურგუენი - 10.</p><p>XII ტური</p><p>პერპინიანი-ტულონი, აჟენი-მეტრო რასინგი, ბიარიცი-კასტრი, სტად ფრანსე-ბაიონი, ლა როშელი-კლერმონი, მონპელიე-ბრივი, ბურგუენი-ტულუზი</p><p>მეორე დივიზიონში მე-9 ტურის შემდეგ ლიდერობა ხელთ იგდო გურამ კავთიძის "ლიონმა". ჩვენებურის გუნდმა შინ მძიმე ბრძოლა მოუგო ერთ-ერთ აუტსაიდერ "კოლომიეს" - 25:18. კავთიძე თამაშში 58-ე წუთიდან ჩაერთო.</p><p>ლიდერთა შორის გაერია მამუკა მაგრაქველიძისა და ირაკლი მირცხულავას "ტარბი", რომელმაც შინ მოუგო "ექსს" - 20:9. მაგრაქველიძე ძირითად შემადგენლობაში იყო და 65-ე წუთზე შეცვალეს. მირცხულავა განაცხადში არ იყო.</p><p>გიორგი მენაბდიშვილის "გრენობლი" სტუმრად დამარცხდა "ნარბონთან" - 19:25. მენაბდიშვილს არ უთამაშია.</p><p><strong>II დივიზიონი, IX ტური </strong></p><p>კარკასონი-მონ დე მარსანი 16:12, პო-ბორდო 25:15, დაქსი-სენტ ეტიენი 37:11, ალბი-ოიონაქსი 21:10, ნარბონი-გრენობლი 25:19, ლიონი-კოლომიე 25:18, ორიაკი-ოში 15:6, ტარბი-ექსი 20:9</p><p>სატურნირო მდგომარეობა</p><p>1. ლიონი - 31 ქულა 2. ალბი - 31, 3. ორიაკი - 30, 4. ტარბი - 25, 5. პო - 25, 6. ბორდო - 25, 7. გრენობლი - 23, 8. კარკასონი - 23, 9. ოიონაქსი - 21, 10. ნარბონი - 18, 11. მონ დე მარსანი - 18, 12. დაქსი - 16, 13. ოში - 15, 14. კოლომიე - 15, 15. ექსი - 13, 16. სენტ ეტიენი - 8</p><p>X ტური</p><p>მონ დე მარსანი-ექსი, პო-კარკასონი, ბორდო-დაქსი, ოიონაქსი-ტარბი, სენტ ეტიენი-ორიაკი, კოლომიე-ალბი, ნარბონი-ლიონი, ოში-გრენობლი</p><p>რუმინეთის თასის გათამაშებას მეოთხედფინალიდან გამოეთიშა ბიძინა სამხარაძის, კახაბერ უჩავას, ირაკლი ნატრიაშვილის, ოთარ ტურაშვილისა და ლაშა თავართქილაძის "ფარული". ჩვენებურთა გუნდმა მოულოდნელად "ბუქარესტთან" წააგო 17:24.</p>
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის