- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თორნიკე შენგელია: არ მგონია, ნაკრებში ზაზა ფაჩულიას სრულყოფილი შეცვლა შევძლოთ
<p>"ვაშინგტონთან" ბოლომდე არ ვიცოდი, ორმაგ დუბლს რომ შევასრულებდი" <br> ნბა-ს რეგულარული ჩემპიონატის ბოლოსწინა მატჩში "ბრუკლინ ნეთსის" 21 წლის ფორვარდმა <strong>თორნიკე შენგელიამ</strong> ორმაგი დუბლი მიითვალა. საქართველოს ეროვნული ნაკრების იმედმა ყველას დაანახა, რომ ის არჩევანი, რომელიც ნბა-ს ერთ-ერთმა საუკეთესო გუნდმა მიმდინარე სეზონის წინ შენგელიას გუნდში აყვანით გააკეთა, მართებული იყო.</p><p>მერე რა, რომ შენგელიას მიმდინარე სეზონში ნბა-ში თამაში ძალიან ცოტა ხნით მოუწია - მთავარი ისაა, რომ ქართველ ფორვარდს ისეთი სპეციალისტები ენდნენ და გუნდში აიყვანეს, რომლებიც საკალათბურთო საკითხებში იშვიათად ცდებიან.</p><p>შენგელიამ რეგულარულის ბოლოსწინა მატჩში, როცა მოედანზე ხანგრძლივად მოუწია ყოფნა, 11 ქულა და 11 მოხსნა მოაგროვა.</p><p>ეჭვი არაა, ქართველ ფორვარდს მომავალ სეზონში უფრო მეტხანს ათამაშებენ. მანამდე კი შენგელიას ნბა-ს პლეი ოფის მატჩები, შემდეგ კი ევროპის ჩემპიონატზე თამაში ელის.</p><p>სწორედ ზემოთნახსენებ თემებსა და ქართველი გულშემატკივრისთვის სხვა საინტერესო საკითხებზე ესაუბრება www.gbf.ge-ს თორნიკე შენგელია...</p><p><strong>- რეგულარული სეზონი დასრულდა. მოკლედ როგორ შეაფასებ მას?</strong></p><p>- ძალიან საინტერესო რეგულარული სეზონი იყო. მიუხედავად იმისა, რომ ბევრი არ მითამაშია, რაც ძალიან მინდოდა, იმას ვიტყვი, რომ დიდი გამოცდილება მივიღე.</p><p><strong> - თვლი თუ არა, რომ უმჯობესი იყო, შედარებით ნაკლებამბიციურ გუნდში მოხვედრილიყავი, სადაც სავარაუდოდ, მეტი სათამაშო დრო გექნებოდა?</p><p></strong>- ნაკლებად ამბიციურ და სუსტ გუნდებს დრაფტზე არაერთი არჩევანი ჰქონდათ "ფილადელფიამდე", ასევე "ბრუკლინამდე", მაგრამ ალბათ მათი მხრიდან არ იყო დაინტერესება. ბრუკლინელებმა კი "ფილადელფიისგან" არჩევნის უფლება იყიდეს და მე ამიყვანეს, რაც იმას ნიშნავს, რომ რაღაც გეგმა აქვთ ჩემთან დაკავშირებით და იმედი მაქვს, მას მალე განახორციელებენ.</p><p><strong>- რამდენად ძლიერია ნბა-ს განვითარების ლიგა და რეალურად შეგმატა თუ არა გამოცდილება იქ ჩატარებულმა 6-მა მატჩმა?</strong></p><p>- D ლიგა ძალიან ძლიერ ტურნირად ითვლება, იმიტომ, რომ იქ თამაშობენ ნბა-ს მოქმედი ან უკვე ნათამაშები კალათბურთელები. არაერთი ძლიერი კალათბურთელი ირიცხება განვითარების ლიგაში. ასევე, ნბა-ს ბევრ წამყვან კალათბურთელს უთამაშია D ლიგაში. მე იქ ჩატარებულმა მატჩებმა საკმაო გამოცდილება შემმატა.</p><p><strong> - ნბა-ს პირველივე მატჩში, რომელშიც საკმარისი სათამაშო დრო მოგეცა, ორმაგი დუბლი შეასრულე. როგორ შეაფასებ ამ ფაქტს, მომავალშიც შეძლებ ხოლმე შედეგიან თამაშს, თუკი შანსი მოგეცემა?</strong></p><p>- "ვაშინგტონთან" მატჩში ბოლომდე არ ვიცოდი, ორმაგ დუბლს რომ შევასრულებდი და როცა ოქმის ნახვის შემდეგ გავიგე, ძალიან გამეხარდა. ყოველთვის ვცდილობ, ჩემი შესაძლებლობების მაქსიმუმი გამოვავლინო და ღმერთის წყალობით, ამ მატჩში ორმაგი დუბლის შესრულება მოვახერხე. მომავალ მატჩებშიც იგივე შემართებით ვაპირებ თამაშს და ვნახოთ, რა გამომივა...</p><p><strong>- თვლი თუ არა სადღეისოდ საკუთარ შესაძლებლობებს საკმარისად, რომ ნბა-ს მატჩებში სოლიდურად ითამაშო?</strong></p><p>- ალბათ კი, თუმცა ძნელია ამის დარწმუნებით თქმა. შესაძლოა, მწვრთნელმა მეტი ნდობა გამოიჩინოს ჩემს მიმართ ამა თუ იმ მატჩში, მაგრამ ძირითადად, მე ნბა-ს ბევრი ძლიერი კალათბურთელისა და გუნდის წინააღმდეგ არ მითამაშია. სწორედ ამიტომ ვემზადები და ვვარჯიშობ, რომ კარგად ვითამაშო და დიდი კონკურენციის პირობებში ლიგაში ადგილი დავიმკვიდრო.</p><p><strong>- რა ცვლილებაა შარშან ამ დროინდელ და დღევანდელ თორნიკე შენგელიას შორის, როგორც სპორტული, ისე პიროვნული თვალსაზრისით?</p><p></strong>- გამოცდილება დამიგროვდა როგორც სპორტულ, ისე პირად ცხოვრებაში.</p><p><strong>- "ვაშინგტონის" შემდეგ "ბრუკლინმა" რეგულარული ჩემპიონატის ბოლო მატჩი "დეტროიტთან" ჩაატარა, რომელსაც სატურნირო თვალსაზრისით მნიშვნელობა არ ჰქონდა, თუმცა მწვრთნელმა, წინა შეხვედრისგან განსხვავებით, გუნდის ლიდერები ათამაშა, სათადარიგოები კი ნაკლებად დატვირთა. შენ კი განაცხადში არ იყავი; არადა, ველოდით, რომ კვლავ გათამაშებდა...</strong></p><p>- მეც ველოდი, რომ მათამაშებდა, მაგრამ, როგორც ჩანს, მწვრთნელს სხვა გეგმა ჰქონდა. ხანდახან მნიშვნელობა არ აქვს, როგორ ითამაშებ. მწვრთნელმა ის უნდა გააკეთოს, რაც დაგეგმილი აქვს, იმიტომ, რომ მას თავისი პროგრამა აქვს შესასრულებელი.</p><p><strong>- პლეი ოფში ბოლო წამს ასცდით ზაზა ფაჩულიას გუნდს და შეხვდით "ჩიკაგოს". როგორ შეაფასებ მეტოქეს და როგორ ფიქრობ, რისი პოტენციალი გააჩნია "ბრუკლინს" პლეი ოფში?</p><p></strong>- "ჩიკაგო" ძალიან ძლიერი გუნდია. ყველა სტილის და შესაძლებლობის მოთამაშეებით არის დაკომპლექტებული, თუმცა ჩვენც არანაკლებად ძლიერი კალათბურთელები გვყავს. ვნახოთ, წინ ძალიან საინტერესო სერია გველის და იმედი მაქვს, მომდევნო ეტაპზე ჩვენ გავალთ. მოედნის უპირატესობა საკმაოდ ბევრს ნიშნავს და ვეცდებით მის გამოყენებას.</p><p><strong>- რას ელი მომავალი სეზონიდან? კლუბის ხელმძღვანელობა ალბათ მეტ სათამაშო დროს დაგითმობს...</strong></p><p>- ჯერ ამის თაობაზე "ბრუკლინის" ხელმძღვანელობასთან არ მისაუბრია.</p><p><strong>- რას იტყვი "ბრუკლინის" სხვა ახალწვეულებზე?</strong></p><p>- მირზა ტელეტოვიჩი დანარჩენ ახალწვეულებზე, მათ შორის, ჩემზე უფრო გამოცდილია. ის უფრო დიდი ხანია, კალათბურთს პროფესიონალურ დონეზე თამაშობს. რაც შეეხებათ ტაიშონ ტეილორს და კრის ჯოზეფს, ისინი კოლეჯიდან მოდიან და ამერიკულ კალათბურთს ჩემზე კარგად იცნობენ. ვფიქრობ, დიდი კალათბურთის თამაშის პერსპექტივა ყველას გაგვაჩნია და "ბრუკლინი" იქნება თუ ნებისმიერი სხვა გუნდი, ჩვენს სათქმელს ვიტყვით.</p><p><strong>- ზაზა ფაჩულიას ტრავმა დიდი დანაკლისია. შენი აზრით, როგორ შეიცვლება ნაკრების ხუთეული ზაზას არყოფნის შემთხვევაში და რამდენად მოხერხდება მისი სრულყოფილი შეცვლა?</p><p></strong>- ზაზა ძალიან დიდი დანაკლისია საქართველოს ნაკრებისთვის. არ ვიცი, ხუთეული როგორ შეიცვლება, თუმცა არ მგონია, ამ ეტაპზე მოხერხდეს ფაჩულიას სრულყოფილი შეცვლა, იმდენად დიდი ძალა იყო ის ჩვენი გუნდისთვის.</p><p><strong>- რას იტყვი მომავალ მეტოქეებზე - ესპანეთი, სლოვენია, ხორვატია, პოლონეთი, ჩეხეთი. რამდენად რეალურია სამეულში მოხვედრა?</strong></p><p>- რა თქმა უნდა, ძალიან რეალურია სამეულში მოხვედრა. იმას არ ვამბობ, რომ ჯგუფიდან გასვლა იოლი იქნება, უბრალოდ, სათანადოდ უნდა შევაფასოთ თითოეული მეტოქე და ყველა შეხვედრაში მაქსიმუმი უნდა გავიღოთ. წინ ძალიან საინტერესო თამაშები გველის.</p><p><strong>- როგორ შეაფასებ ნაკრების მოსამზადებელ გეგმას?</strong></p><p>- წინა წელთან შედარებით, უფრო მეტი ამხანაგური მატჩია დაგეგმილი, რაც გუნდის შეკვრასა და შეთამაშებაში დაგვეხმარება. დაგეგმილი ყველაფერი კარგადაა, მთავარია, ნაყოფიერად ვიმუშაოთ და ევროპის ჩემპიონატს ოპტიმალურ ფორმაში შევხვდეთ.</p><p><strong>- რამდენიმე წელია, უცხოეთში თამაშობ, ამერიკაში კი პირველი სეზონია, გადახვედი. ნოსტალგია მანდ რამდენად გაწუხებს?</strong></p><p>- საქართველოდან რომ მივდივარ, სადაც არ უნდა ვიყო, ნოსტალგია ყველგან მაწუხებს. ძალიან ვაფასებ და მიყვარს ჩემი ქალაქი, ქვეყანა. მენატრება ოჯახის წევრები, მეგობრები.</p><p><strong>- ქართული კერძების დაგემოვნება თუ გიწევს?</strong></p><p>- კი, ქართულ კერძებს ხშირად ვაგემოვნებ, რაც დედაჩემის დამსახურებაა. რაც ამერიკაში ჩამოვიდა, არაფერი მაკლია. არა მარტო კერძების მომზადებაში, არამედ ყველა საქმეში ქეთი გვერდზე მიდგას, რასაც მასში დიდად ვაფასებ.</p><p><strong>- გავრცელდა ინფორმაცია, რომ საცოლე გყავს. რას იტყვი მასზე და უახლოეს მომავალში ხომ არ აპირებ დაქორწინებას?</strong></p><p>- დიახ, მყავს ჩემთვის უსაყვარლესი და უძვირფასესი ადამიანი. ამ ეტაპზე მარტო ამას გეტყვით. დრო მოვა და ყველა ყველაფერს ნახავს და შეიტყობს.</p><p><strong> P.S.</strong> 23 აპრილს, გამთენიისას, "ბრუკლინმა" "ჩიკაგოსთან" პლეი ოფის სერიის მეორე შეხვედრა 82:90 დათმო და საერთო ანგარიში გათანაბრდა - 1:1</p><p><strong>www.gbf.ge</strong></p><p><span style="color: #ff0000;"><strong></p><p>ასევე იხილეთ:</strong></span></p><p><a href="/sport/skhvadaskhva/saintereso-ambebi/48533-time-line-ise-unda-shetcamo-rom-tsveni-ar-daiqces-video.html" target="_blank">Time Line: ისე უნდა შეჭამო, რომ წვენი არ დაიქცეს [VIDEO]</a></p><p><a href="/kalatburti/qarthuli-kalathburthi/legionerebi/48429-qbruklinisq-qarthveli-napertskali-amerikuli-presa-thornike-shengeliaze.html" target="_blank">"ბრუკლინის" ქართველი ნაპერწკალი - ამერიკული პრესა თორნიკე შენგელიაზე</a></p><p><a href="/kalatburti/qarthuli-kalathburthi/legionerebi/48389-thornike-shengelias-pirveli-ormagi-dubli-nba-shi-video.html" target="_blank">თორნიკე შენგელიას პირველი ორმაგი დუბლი ნბა-ში [VIDEO]</a></p><p><a href="/kalatburti/qarthuli-kalathburthi/erovnuli-nakrebi/48311-eqskluzivi-zaza-fachulia-myesi-gatsyvetili-ar-aghmochnda.html" target="_blank">[ექსკლუზივი] ზაზა ფაჩულია: მყესი გაწყვეტილი არ აღმოჩნდა</a></p>
-
mm
ეს ბიჭი გაიბრწყინებს
[VIDEO] შენგელიას წარუმატებელი დებიუტი - "ბარსელონა" "ჰაპოელ თელ ავივთან" დიდი ანგარიშით დამარცხდა
კორსანტიას 15-ქულიანი დებიუტი ესპანეთში
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა