<p><span style="line-height: 1.3em;" />"ზალცბურგის" ფეხბურთელს შვილი შეეძინა. ამის გამო მან თამაშზე 45 წუთით დააგვიანა, მაგრამ ჰეთ თრიკის გატანა მაინც მოასწრო <br> </span>კვირის დღევანდელ მიმოხილვაში ვისაუბრებთ <strong>იბრას</strong> მორიგ მიღწევაზე, "ვალენსიას" საოცარ ექვსწუთეულზე, "იუნაიტედის" მორიგ ტიტულზე და "ზალცბურგის" ესპანელი ფორვარდის მართლაც დასამახსოვრებელ დღეზე...</p><p><strong><span style="color: #ff0000;">45</span></strong> - წუთი იყო გასული მატჩის დაწყებიდან, როდესაც "ზალცბურგის" ფორვარდი <strong>ხონათან სორიანო </strong>სტადიონზე მივიდა. მისი გუნდი "ვოლფსბერგერს" ხვდებოდა, ანგარიში 2:2 იყო, სორიანოს კი დაგვიანების საპატიო მიზეზი ჰქონდა: მას იმ დღეს გოგონა შეეძინა. ყველაფრის მიუხედავად, სორიანო მეორე ტაიმში მოედანზე გავიდა და საკუთარი გუნდი უკვე 4 წუთში დააწინაურა. საბოლოოდ, "ბარსელონას" ყოფილმა ფეხბურთელმა ჰეთ თრიქი შეასრულა, "ზალცბურგმა" კი 6:2 მოიგო.</p><p>ეს ჰეთ თრიქი სორიანოსთვის ამ სეზონში პირველი იყო. ბოლო 4 შეხვედრაში ესპანელმა უკვე 8 გოლი გაიტანა, სულ კი მის ანგარიშზე 25 ბურთია და ამ მაჩვენებლით ავსტრიის ბუნდესლიგის ბომბარდირებში მეორე ადგილზეა - მასზე მეტი მხოლოდ "აუსტრიას" და ავსტრიის ნაკრების ფორვარდ ფილიპ ჰოზინერს აქვს გატანილი - 27.</p><p><strong><span style="color: #ff0000;">37</span></strong> - მილიონ ევროს გადაუხდის "ბაიერნი" დორტმუნდის "ბორუსიას" და მარიო გიოტცე ყველაზე ძვირად ღირებული გერმანელი ფეხბურთელი გახდება. 20 წლის ფეხბურთელი გააუმჯობესებს მომავალი თანაგუნდელის, <strong>მარიო გომესის</strong> რეკორდს - 2009 წელს "ბაიერნმა" "შტუტგარტს" გომესში 30 მილიონი ევრო გადაუხადა.</p><p>"ბაიერნმა" მხოლოდ სატრანსფერო ბაზარზე არ იყოჩაღა. მიუნხენელებმა ჩემპიონთა ლიგის 1/2-ფინალში "ბარსელონას" 4:0 მოუგეს და ფინალის საგზური თითქმის გაინაღდეს. ევროტურნირებზე "ბარსელონას" ამაზე დიდი ანგარიშით არასდროს წაუგია. ბოლოს 4-ბურთიანი სხვაობით კატალონიურმა კლუბმა 2007 წელს "ხეტაფესთან", ესპანეთის თასის 1/2-ფინალში წააგო (0:4).</p><p>ევროტურნირების ისტორიაში სულ სამჯერ მოხდა ისე, რომ პირველი მატჩის ოთხი ან მეტბურთიანი სხვაობით წამგებმა გუნდმა საბოლოოდ მომდევნო ეტაპზე გააღწია. ეს გუნდები არიან: ლეიშოესი (1961/62), ბელგრადის "პარტიზანი" (1984/85) და მადრიდის "რეალი" (1985/86). ჩემპიონთა ლიგაში ასეთი რამ ჯერ არავის გაუკეთებია.</p><p><strong><span style="color: #ff0000;">27</span></strong> - გოლი გაიტანა ლიგა 1-ის მიმდინარე სეზონში ზლატან იბრაჰიმოვიჩმა და გახდა პირველი ფეხბურთელი, ვინც ბოლო 21 წლის განმავლობაში ასეთ ზღვარს მიაღწია. უკანასკნელად სეზონში 27 გოლის გატანა <strong>ჟან-პიერ პაპენმა</strong> მოახერხა (1991/92). პაპენი საფრანგეთის ჩემპიონატის საუკეთესო ბომბარდირი ზედიზედ ხუთჯერ გახდა, 1989/90 წლების სეზონში კი ბომბარდირის ტიტული 30 გოლით მოიპოვა.</p><p>შეტევის გარდა, პარიზელები დაცვაშიც ბრწყინავენ. "პარი სენ-ჟერმენმა" ამ სეზონში კარის მშრალად შენახვა 21 შეხვედრაში მოახერხა, რაც ევროპის წამყვანი ხუთი ჩემპიონატის მასშტაბით, საუკეთესო შედეგია.</p><p><strong><span style="color: #ff0000;">20 </span></strong>- ტიტული - "მანჩესტერ იუნაიტედი" ისევ ჩემპიონია!<strong> რაიან გიგზი </strong>ინგლისის ჩემპიონი მეცამეტედ გახდა და ტიტულების რაოდენობით ლონდონის "არსენალს" გაუთანაბრდა, რომელიც 127-წლიან ისტორიაში ასევე 13-ჯერ გაჩემპიონდა.</p><p>რობინ ვან პერსი, ვინც ორშაბათს ჰეთ თრიქი შეასრულა, 12-წლიან საკლუბო კარიერაში ("ფეიენოორდი", "არსენალი", "მანჩესტერ იუნაიტედი") ქვეყნის ჩემპიონი პირველად გახდა. "ასტონ ვილასთან" გატანილი 3 ბურთის შემდეგ ჰოლანდიელს პრემიერლიგაში 120 გოლი დაუგროვდა.<strong> ვან პერსის </strong>ინგლისში გადასვლის შემდეგ (2004/05 წლების სეზონი) მასზე მეტი გოლი მხოლოდ უეინ რუნიმ გაიტანა, ვის ანგარიშზეც 141 გოლია.</p><p>ორშაბათს იუბილე ამ უკანასკნელსაც ჰქონდა.<strong> რუნიმ</strong> "იუნაიტედის" მაისურით მე-400 მატჩი ჩაატარა (ყველა ტურნირზე) და მას 200-გოლიან ნიშნულამდე სულ სამი გოლი აშორებს.</p><p><strong><span style="color: #ff0000;">4</span></strong> - გოლი პირველი ტაიმის 6-წუთიან მონაკვეთში - "ვალენსიამ" "მალაგა" ამ "აფეთქების" გამო დაამარცხა (5:1) და სატურნირო ცხრილში გადაასწრო. უკანასკნელი გუნდი, ევროპის წამყვანი ხუთი ჩემპიონატიდან, ვინც დროის ასეთ მცირე მონაკვეთში 4 გოლი გაიტანა, დორტმუნდის "ბორუსია" იყო, რომელმაც 2002 წელს "ფრაიბურგი" იმავე ანგარიშით გაანადგურა. კონკრეტულად ლა ლიგაში ასეთი რამ ბოლოს 1957 წელს მოხდა, როდესაც მადრიდის "ატლეტიკომ" "ლას პალმასს" "გადაუარა" და 9:0 მოუგო.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/skhvadaskhva/48459-kvira-cifrebshi-gagrdzelebuli-da-shetsyvetili-seriebi.html" target="_blank">კვირა ციფრებში: გაგრძელებული და შეწყვეტილი სერიები</a></p>
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
ოფიციალურად: შვედეთის ნაკრები გრემ პოტერს ჩააბარეს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
გვარდიოლამ გაამხილა, როდის იფიქრებს მწვრთნელის კარიერის დასრულებაზე