- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ბორჯღალოსნები" მსოფლიოს თასს, სავარაუდოდ, ტონგასთან მატჩით დაიწყებენ
<p>საკმაოდ საინტერესო და ხელსაყრელი გრაფიკი ექნება საქართველოს ნაკრებს, თუ ის ევროპის შესარჩევ ჯგუფში პირველ ადგილს დაიკავებს <br> ინგლისში 2015 წელს გასამართი მსოფლიოს თასის ორგანიზატორებმა გადაწყვიტეს: მსოფლიოს რაგბის უდიდეს ფორუმს ინგლისის 10 ქალაქი, პლუს უელსის დედაქალაქი კარდიფი უმასპინძლებს.</p><p>მატჩები 13 სტადიონზე გაიმართება. შეჯიბრება ინგლისური რაგბის მექაში, "თვიქნემზე" 18 სექტემბერს გაიხსნება.</p><p>პირველ მატჩში მასპინძლები ოკეანეთის შესარჩევი ჯგუფის გამარჯვებულს, სავარაუდოდ, ფიჯის ნაკრებს დაუპირისპირდებიან.</p><p>აქვე გაიმართება ორი მეოთხედფინალური და ამდენივე ნახევარფინალური მატჩი. ორ მეოთხედფინალს უმასპინძლებს კარდიფის "მილენიუმიც".</p><p>მატჩი მესამე ადგილისთვის ლონდონის "ოლიმპიკ სთედიუმზე" შედგება. ფინალის ადგილი კი 31 ოქტომბერს "თვიქნემია".</p><p>საკმაოდ საინტერესო და ხელსაყრელი გრაფიკი ექნება საქართველოს ნაკრებს, თუ ის ევროპის შესარჩევ ჯგუფში პირველ ადგილს დაიკავებს.</p><p>"ბორჯღალოსნები" პირველი წრის შემდეგ ლიდერები არიან და ძნელი წარმოსადგენია, პირველობა ვერ შეინარჩუნონ. ჩვენი ნაკრების მოთამაშეები, მწვრთნელები და საქართველოს რაგბის კავშირი სხვა შედეგს არც განიხილავს.</p><p>მაშასადამე, თუ საქართველოს ნაკრებმა პირველი ადგილი შეინარჩუნა, ის C ჯგუფში მოხვდება. ამ შემთხვევაში პირველ მატჩს "ბორჯღალოსნები" 19 სექტემბერს ტონგას ნაკრებთან გლოსტერში, "კონგსჰოლმზე" გამართავენ, რომელიც 16 115 მაყურებელს იტევს.</p><p>მომდევნო შეხვედრა ჩვენს გუნდს ექვს დღეში, 25 სექტემბერს არგენტინის ნაკრებთან ისევ გლოსტერში ექნება. ერთი კვირის თავზე კი "ბორჯღალოსნები" ისტორიულ შეხვედრას გამართავენ მსოფლიოს საუკეთესო გუნდთან, მსოფლიოს თასის მფლობელ ახალი ზელანდიის ნაკრებთან.</p><p>"ოლ ბლექსთან" ჩვენი ბიჭების დაპირისპირების ადგილი კარდიფის "მილენიუმი" იქნება, რომელიც 74 154 მაყურებელს იტევს.</p><p>ჯგუფში ბოლო მეტოქე 7 ოქტომბერს აფრიკის შესარჩევი ზონის გამარჯვებული იქნება. ჯერჯერობით ჩვენი სავარაუდო მეტოქის დასახელება შეუძლებელია. ის შეიძლება იყოს ნამიბია, ზიმბაბვე ან სულაც მადაგასკარი.</p><p>ყოველ შემთხვევაში, მატჩი ექსეტერში "სენდი პარკზე" გაიმართება, რომელიც 12 300 მაყურებელს იტევს.</p><p>ორგანიზატორების მიზანი იყო, სარაგბო ზეიმს ინგლისის მთელი ტერიტორია მოეცვა. მეტიც, მათ ტურნირში უელსიც ჩართეს, რაც ამ ქვეყნის რაგბის კავშირს ფინანსურად ახეირებს.</p><p>"მსოფლიოს უკვე შეუძლია, 2015 წლის მსოფლიოს თასის გათამაშებისთვის მზადება დაიწყოს. ჩვენ უკვე გავაცხადეთ მასპინძელი სტადიონები და მატჩების განრიგი.</p><p>რაგბის ძალიან ბევრის შეთავაზება შეუძლია კაცობრიობისთვის. ამიტომ დარჩენილ ორწელიწად-ნახევარში ტურნირის საორგანიზაციო კომიტეტთან ერთად ყველაფერს გავაკეთებთ, რათა ეს შეჯიბრება ნამდვილ ინტერნაციონალურ ზეიმად ვაქციოთ.</p><p>დიდი მადლობა მინდა გადავუხადო იმ ქალაქებს, რომლებიც ამ შერჩევის პროცესის აქტიური მონაწილეები იყვნენ.</p><p>ფანტასტიკური იყო მხარდაჭერა და ინტერესი ქოვენთრის, ბრისტოლის, დერბის, საუთჰემპტონისა და სანდერლენდის. მართალია, ეს ქალაქები მსოფლიოს თასის მატჩების მასპინძლებად არ აგვირჩევია, მაგრამ ყველაფერს ვიღონებთ, რომ დიდმა ზეიმმა მათ მიღმა არ ჩაიაროს." - თქვა ინგლისის რაგბის კავშირის აღმასრულებელმა დირექტორმა დიბი ევანსმა.</p><p>ინგლისელების გარჯით კმაყოფილება რაგბის საერთაშორისო საბჭოს ფრანგმა თავმჯდომარე ბერნარ ლაპასემაც ვერ დამალა:</p><p>"ასე ნაადრევად მასპინძელი სტადიონებისა და განრიგის დადგენა იმედს მაძლევს, რომ მსოფლიოს თასის ეს გათამაშება მართლაც საუკეთესო იქნება აქამდე გამართულთა შორის. ჩვენ მჭიდრო თანამშრომლობა გვქონდა ყველა დაინტერესებულ მხარესთან და ყველანაირად ვეცადეთ, მატჩების ისეთი გრაფიკი შეგვედგინა, რომ გუნდები თანაბარ პირობებში ყოფილიყვნენ.</p><p>ყველა მათგანს უნდა მიეცეს ერთნაირი შანსი, თავისი შესაძლებლობები მაქსიმალურად წარმოაჩინოს. ეს ტურნირს, ცხადია, მეტ ელფერს შესძენს.</p><p>2015 წლის მსოფლიოს თასის გათამაშება - ეს არის შესაძლო ურთიერთობა მილიონობით ადამიანს შორის; ეს არის შანსი, შევაყვაროთ რაგბი სულ უფრო მეტ ადამიანს, რაც საშუალებას მოგვცემს, კიდევ უფრო განვავითაროთ ოვალური ბურთით თამაში არა მარტო ინგლისში, არამედ მთელ მსოფლიოში".</p><p><strong>მასპინძელი სტადიონები</p><p></strong>1. "ბრაიტონ კომუნიტი სთედიუმ", ბრაიტონი 30 750</p><p>2. "ეტიჰად სთედიუმი" 47 800</p><p>3. "ელან როუდი", ლიდსი 37 914</p><p>4. "კინგსჰოლმი", გლოსტერი 16 115</p><p>5. "კინგ პოუერ სთედიუმი", ლესტერი 32 312</p><p>6. "მილენიუმი", კარდიფი 74 154</p><p>7. "ოლიმპიკ სთედიუმი", ლონდონი 54 000</p><p>8. "სენდი პარკი", ექსეტერი 12 300</p><p>9. "სთედიუმ ემ კა", მილტონ კაინსი 30 717</p><p>10. "სენტ ჯეიმზ პარკი", ნიუკასლი 52 409</p><p>11. "თვიქნემი", ლონდონი 81 605</p><p>12. "ვილა პარკი", ბირმინგემი 42 785</p><p>13. "უემბლი", ლონდონი 90 256</p><p>"კინგსჰოლმი", გლოსტერი - 16 115</p><p>გლოსტერს უმდიდრესი სარაგბო ისტორია აქვს. ამ ქალაქის სტადიონზე, რომელსაც მაშინაც "კინგსჰოლმი" ერქვა, 1900 წელს უელსის ნაკრებმა პირველად დაამარცხა ინგლისის ეროვნული გუნდი - 13:3. თუმცა მორიგი საერთაშორისო შეხვედრის მასპინძლობის პატივი ამ სტადიონს 91 წლის შემდეგ ერგო, როცა 1991 წლის მსოფლიოს თასის მატჩში ახალი ზელანდიის ნაკრებმა აშშ-ის ეროვნულ გუნდს 46:6 მოუგო.</p><p>"კინგსჰოლმი" ინგლისში ყველაზე ხმაურიან სტადიონად მიიჩნევა, რადგან ამ ქვეყნის ჩემპიონატში მოთამაშე "გლოსტერის" ფანები თავგამოდებული ქომაგები არიან. სტადიონი 1891 წელს აშენდა.</p><p><strong>"მილენიუმი", კარდიფი - 74 154</p><p></strong>უელსის ეროვნული სტადიონი "მილენიუმი" შესაძლოა, "კინგსჰოლმივით" უძველესი წარსულით ვერ დაიკვეხნის, მაგრამ უკვე შეძლო რაგბის ისტორიაში შესვლა. უელსის ნაკრებმა სწორედ "მილენიუმზე" გაინაღდა 2005 და 2012 წლებში ექვსი ერის გათამაშების "დიდი სლემი".</p><p>"მილენიუმი" კარდიფის რკინიგზის სადგურიდან ორ ნაბიჯში მდებარეობს და მეორეა მსოფლიოში უდიდეს სტადიონებს შორის, რომელსაც სახურავი მთლიანად ეხსნება. ეს სტადიონი "არმს პარკის" ნაცვლად ააგეს. მასზე, საჭიროების შემთხვევაში, უელსის ფეხბურთელთა ნაკრებიც თამაშობს.</p><p><strong>"სენდი პარკი", ექსეტერი - 12 300</p><p></strong>ექსეტერი, სადაც პატარა სტადიონი "სენდი პარკი" მდებარეობს, უძველესი, რომაელების მიერ დაარსებული ქალაქია. ის ტერიტორიულად კარდიფთან უფრო ახლოსაა, ვიდრე ლონდონთან. არსებობს მონაცემები, რომლის მიხედვითაც, პირველი მატჩი ადგილობრივმა გუნდმა, <strong>"ექსეტერ</strong> <strong>ჩიფსმა" </strong>1873 წელს გამართა.</p><p><strong></p><p></strong>"სენდი პარკი" 2006 წელს "ქაუნთი გრაუნდის" ნაცვლად ააშენეს. ინგლისის ჩემპიონატის ყველაზე მაღალ დივიზიონში, "ავივა პრემიერშიპში", "ექსეტერი" სამი წელიწადია თამაშობს, რის გამოც ეს ქალაქი სარაგბო სტატუსს ნელ-ნელა იბრუნებს.</p><p><strong>ყოველდღიური სპორტული გაზეთი "ლელო"</strong></p>
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"ვხედავ ფეხბურთელების ხელფასს და მსოფლიო ჩემპიონატზე მეც ვითამაშებ" - დონალდ ტრამპი
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
[VIDEO] თვალცრემლიანი დონარუმა გულშემატკივრებს დაემშვიდობა - რატომ აიძულებენ წასვლას?
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა