- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ძიუდოს ახალი საერთაშორისო რეიტინგი გამოქვეყნდა
<p>გამოქვეყნდა ძიუდოს ახალი საერთაშორისო რეიტინგი, სადაც ჩვენი ფალავნები კვლავაც ინარჩუნებენ მოწინავე პოზიციებს <br> გამოქვეყნდა ძიუდოს ახალი საერთაშორისო რეიტინგი, სადაც ჩვენი ფალავნები კვლავაც ინარჩუნებენ მოწინავე პოზიციებს.</p><p>მოგეხსენებათ, ამ უქმეებზე ბაქოში "დიდი მუზარადის" სერიის რიგით მეორე ტურნირი ტარდება, რაც მთლიანად განსაზღვრავს 25-26 მაისს ტიუმენში გასამართი მასტერსის შემადგენლობას.</p><p>შეგახსენებთ, რომ იქ საერთაშორისო რეიტინგის 16 საუკეთესო სპორტსმენი მონაწილეობს. რეიტინგი ცოტა სხვა პრინციპით ითვლება - 5 საუკეთესო შედეგს ემატება კიდევ ერთი, კონტინენტური პირველობის ან მასტერსის.</p><p>იმათგან საუკეთესო ექვსეულში შევა, ეგრეთ წოდებულ ექსტრა-შედეგში, ხოლო უფრო მცირე - იმ 5 საუკეთესოში (ცხადია, იქაც თუ მოხვდება).</p><p>ეს იქიდან გამომდინარე, რომ მასტერსზე ყველა ვერ გამოდის, თუმცა მას და კონტინენტურ პირველობას შორის გვარიანი სხვაობაა - პირველის გამარჯვებული 700 ქულას იღებს, მეორისა - 400-ს.</p><p>ევროპის პირველობაზე გამარჯვების შემდეგ <strong>ამირან პაპინაშვილი</strong> (60) სათავეში მოექცა რეიტინგს - 1 296 ქულა დააგროვა და 8 ქულით ჩამოიტოვა იაპონელი ნაოჰისა ტაკატო.</p><p>მესამეზე რუსთა ოლიმპიური ჩემპიონი არსენ გალსტიანია 1 058-ით; ბრაზილიელი ოლიმპიური პრიზიორი ფელიპე კიტადაი, ვინც ახლა პან-ამერიკაც მოიგო, 1040-ით - მეოთხეა, ხოლო ახლახან აზიის პირველობაზე გამარჯვებული იაპონელი ჰიროფუმი იამამოტო 980-ით - მეხუთე.</p><p>ჩვენგან ტოპ-16-ში ევროპის ვიცე-ჩემპიონი <strong>ბეთქილ შუკვანიც</strong> შედის - 734 ქულა და VIII ადგილი.</p><p>სავარაუდოდ, ვერც მას წაართმევს ვინმე ადგილს მასტერსზე, თავად თუ ისურვა ჩვენი სახელით გამოსვლა.</p><p>პაპინაშვილის იმ ზონიდან გამოგდება ბაქოს, "დიდ მუზარადს" არანაირად არ ძალუძს, იმის მიუხედავად, რომ თვითონ იქ არ იჭიდავებს.</p><p>66 კილოგრამში ევროპის ჩემპიონობამ <strong>ლაშა შავდათუაშვილს</strong> რეიტინგის სათავეში პირველი ადგილი დაუბრუნა, რადგან 1436 ქულა დაუგროვდა. ფრანგმა დავიდ ლაროსემ კი ევროპული ბრინჯაოთი მხოლოდ 1244 მოაგროვა.</p><p>მესამეზე აზიის პირველობაზე გამარჯვებულმა მონღოლმა ტუმურკულეგ დავაადორჯმა აინაცვლა - 1130.</p><p>ხუთეულში იაპონელი მსოფლიოს ჩემპიონი მასაში ებინუმა (990) და სამხრეთკორეელი ჯუნ-ჰო ჩოც (980) შედიან.</p><p>სამწუხაროდ, ამ წონაში ჩვენგან სხვას თეორიული შანსიც არ აქვს მასტერსზე მოხვედრისა - მათგან საუკეთესო შალვა ქარდავა მხოლოდ 45-ეა.</p><p>საერთოდ, ბაქოში მოჭიდავეთაგან მასტერსზე მოსახვედრად მხოლოდ <strong>ზებედა რეხვიაშვილი</strong> (73) და <strong>ლევან წიკლაური</strong> (81) თუ იბრძოლებენ.</p><p>ევროპის ბრინჯაოსმედალოსანი <strong>რეხვიაშვილი</strong> და ევროპის ვიცე-ჩემპიონი <strong>ნუგზარ ტატალაშვილი</strong> დღესდღეობით კეტავენ მასტერსის ზონას - ტატალაშვილი 588 ქულით მე-15-ეა, რეხვიაშვილი კი 562-ით - მე-16.</p><p>ვნახოთ, როგორ განვითარდება მოვლენები ბაქოში, მაგრამ დიდი შანსია, ტატალაშვილმა დაკარგოს ეს ადგილი; რეხვიაშვილმა კი აუცილებლად უნდა შეიმატოს ქულები, თორემ ტიუმენში წასვლის შანსი მასაც გაუფრინდება ხელიდან.</p><p>იმედია, ის შეინარჩუნებს ბუდაპეშტში, ევროპის პირველობაზე ნაჩვენებ შემართებას და მედალს ამჯერადაც მოიპოვებს.</p><p>81 კილოგრამი ის წონითი კატეგორიაა, სადაც, იდეაში, ჯერ კიდევ გვრჩება მასტერსზე ორი მონაწილის გაყვანის შანსი.</p><p>ევროპის ჩემპიონ <strong>ავთანდილ ჭრიკიშვილს</strong> (81) ეს განაღდებული აქვს - 1340 ქულით მყარადაა გამაგრებული მესამე ადგილზე და მას 16-ეულიდან ძვრას ვერავინ უზამს; აი, <strong>ლევან წიკლაურს</strong> კი მხოლოდ ბაქოში წარმატებით გამოსვლა თუ უშველის - სადღეისოდ 462 ქულით 22-ეა.</p><p>კონკურენტებიც სერიოზულები ჰყავს, მათ შორის, ევროპის ვიცე-ჩემპიონი ხორვატი ტომისლავ მარიჯანოვიჩი და ბელგიელი ევროპის პრიზიორი იოახიმ ბოტიო, რომლებთანაც წინა კვირას ბუდაპეშტში დამარცხდა; ოღონდ არ ვიცი, ჩავლენ თუ არა ისინი აზერბაიჯანში.</p><p>ამათ გარდა, 16-ეულში მოსახვედრად თუ პოზიციების გასამყარებლად ისეთი ფალავნები იბრძვიან, როგორებიც ბრაზილიელი ლეანდრო გილეირო, ფრანგი ალაინ შმიტი, რუსი სირაზუდინ მაგომედოვი, მასპინძელი ტურალ შაფგულიევი, იაპონელი ტაკაჰირო ნაკაია და სხვები არიან.</p><p>ოღონდ შაფგულიევს ევროპის წინ ტრავმა აწუხებდა და იქნებ ვერც იჭიდავოს, თუმცა პეტერ ზაიზენბახერმა ტრავმების გამო დასვენების უფლება ოფიციალურად ორს მისცა - ილგარ მუშკიევს (60) და ელნურ მამედლის (81).</p><p>ჩვენი გუნდიდან <strong>ვალერი ლიპარტელიანი</strong> (90) რეიტინგის სათავეში მყოფი მესამე ქართველია. მის ანგარიშზე 1782 ქულაა და საგრძნობლად უსწრებს 1554-იან კუბელ ეშლი გონსალესს.</p><p>გაბერძნებული ილიას ილიადისის მაჩვენებელი 1142 ქულაა, რუსი კირილ დენისოვის მონაგარი 1006-ია, იაპონელი მასაში ნიშიამასი - 870.</p><p>ამ წონაში სხვა ქართველებიდან მასტერსზე მოხვედრის შანსს მხოლოდ <strong>ზვიად გოგოჭური</strong> ინარჩუნებს, რომელიც 372 ქულით მე-20-ეა. ის ბაქოშიც იჭიდავებს და იმედია, ქულათა მარაგს სათანადოდაც გაიმდიდრებს.</p><p>სავარაუდოდ, 100-ში მასტერსზე წლეულს მონაწილე არ გვეყოლება. აქ <strong>ირაკლი ცირეკიძე</strong> და <strong>ლომერ ჟორჟოლიანი</strong> 22-23-ე ადგილებზე არიან, მაგრამ პირველმა უკვე დაანება ჭიდაობას თავი, მეორე ბაქოში არ გამოდის და ერთადერთ შანსად ის რჩება, წინ მდგომთაგან ამდენმა იუაროს მასტერსზე გამოსვლა.</p><p>ჯერ ესეც ძნელი წარმოსადგენია და თან ადრე ეს ადგილმონაცვლეობაც შეზღუდული იყო - მე-18-ეს დაბლა აღარ აძლევდნენ ჭიდაობის ნებას, წლეულს კი ჯერ გაურკვეველია, ეს წესი ისევ მოქმედებს თუ შეიცვალა.</p><p>+100-ში ვერც <strong>ადამ ოქრუაშვილს</strong> შეეცილება ვინმე მასტერსის საგზურს - 1112 ქულით მეოთხეა.</p><p>ცხადია, აქ პირველ ადგილზე ევროპის ჩემპიონი ფრანგი ტედი რინერია - 2000 (ყველაზე მაღალი მაჩვენებელი შვიდივე წონაში!), მეორეზე პან-ამერიკის ბრაზილიელი გამარჯვებული რაფაელ სილვაა 1410-ით, მესამეზე - კორეელი სუნ-მინ კიმი 1190-ით, ხუთეულს კი აფრიკის ტუნისელი ჩემპიონი ფაიცელ ჯაბალანი აგვირგვინებს 916 ქულით.</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</p><p></span></strong><a href="/sport/tcidaoba/dziudo/49073-ivanishvilis-dapireba-superthanamedrove-baza-dziudoistebs-ramdenime.html" target="_blank">ივანიშვილის დაპირება: სუპერთანამედროვე ბაზა ძიუდოისტებს... რამდენიმე!</a></p><p><a href="/sport/tcidaoba/dziudo/49070-qarthveli-dziudoistebi-baqos-turnirze-gamovlen.html" target="_blank">ქართველი ძიუდოისტები ბაქოს ტურნირზე გამოვლენ</a><a href="/sport/tcidaoba/dziudo/49061-samedicino-gamokvlevis-daskvna-lasha-shavdathuashvils-dasveneba-stcirdeba.html" target="_blank"></p><p>სამედიცინო გამოკვლევის დასკვნა: ლაშა შავდათუაშვილს დასვენება სჭირდება!</a></p>
[VIDEO] ნადირაძე ზაგრების გრან-პრიზე ბრინჯაოს მედლისთვის ბრძოლაში ჰანსოკუ-მაკეთი დამარცხდა
U23. ქართველმა ძიუდოისტებმა ევროპის ჩემპიონატი ზედიზე მეორედ მოიგეს
გიორგი ჯაბნიაშვილმა ევროპის ახალგაზრდულ ჩემპიონატზე ოქროს მედალი მოიპოვა!
საქართველოს ნაკრები პირველი ტაიმის შემდეგ ესპანეთთან ნადგურდება
ესპანეთთან მატჩში საქართველოს ნაკრების შემადგენლობა ცნობილია
"დინამო თბილისი" საქართველოს 15 და 17-წლამდე ლიგების გამარჯვებულია
დანაკლისი მატჩამდე რამდენიმე საათით ადრე - ესპანეთს საქართველოსთან ჰიუსენი ვერ დაეხმარება
კონტრაქტს გაუგრძელებენ - "გალათასარაის" იკარდის შენარჩუნება უნდა
მენიო შესაძლოა, იტალიაში დარჩეს, მაგრამ სხვა გუნდში აღმოჩნდეს
"ნაპოლის" გაძლიერება სურს - ზამთრისთვის "პარტენოპეის" რამდენიმე ვარიანტი აქვს
ჯერარდმა შესაძლოა, ინგლისური კლუბი ჩაიბაროს
ხორვატია ზედიზედ მეოთხედ გავიდა მსოფლიოს ჩემპიონატზე
თორნიკე შენგელიამ თავის ყოფილ გუნდს 10 ქულა ჩაუგდო - "ბარსელონამ" გაიმარჯვა
ვან დერ ვაარტი: რონალდო ერთადერთია, რომლის სასქესო ორგანო "რეალში" არ მინახავს
[VIDEO] ნადირაძე ზაგრების გრან-პრიზე ბრინჯაოს მედლისთვის ბრძოლაში ჰანსოკუ-მაკეთი დამარცხდა
[VIDEO] U21. შეცდომები სტანდარტულებისას და გამოუყენებელი პენალტი - საქართველოს ნაკრები საბერძნეთთან დამარცხდა
ზახარიანმა შეიძლება პსჟ-ში კვარაცხელიასთან ერთად შეუტიოს?
დე ლა ფუენტე: გვსურს, წაუგებელი რეკორდი გავაუმჯობესოთ, მაგრამ ამაზე კონცენტრირებული არ ვართ
"ბორჯღალოსნები" | 5 ცვლილება და 6 მორკინალი მარქაფაში
U21. საბერძნეთთან საქართველოს ნაკრების შემადგენლობა ცნობილია
იური ტაბატაძე: ბიჭებმა ვისაუბრეთ და გულშემატკივრებს უნდა დავუფასოთ
სანიოლი: ჩავარდნა ევროპის ჩემპიონატის შემდეგ დაიწყო - გუნდსა და გულშემატკივარს შორის ურთიერთობა ქორწინებას ჰგავს
საქართველო VS ესპანეთი - ნუთუ, ერთხელ მაინც არ შეგვიძლია?!