<p>საქართველოს თასი. საპასუხო ნახევარფინალური მატჩი</p><p><br> "ჩიხურა" თასის ფინალში გავიდა და ვინაიდან იქ ჩემპიონ "დინამო თბილისს" შეხვდება, უკვე განაღდებული აქვს ევროსარბიელზე გამოსვლა - უმაღლესი ლიგის ახალწვეულისთვის ეს ერთობ მნიშვნელოვანი წარმატებაა.</p><p>ნერვული მატჩი გამოვიდა, სირიელმა არბიტრმა <strong>აბდულა ბასლეჰლომ</strong> ათჯერ ააფრიალა ყვითელი ბარათი.</p><p>პირველ ტაიმში არბიტრის ასისტენტისკენ, <strong>არჩილ კოკაიასკენ</strong> ტრიბუნიდან პლასტმასის სკამიც ისროლეს. თანამსაჯს გაუმართლა და არცთუ მსუბუქი საგანი ასცდა. სათადარიგოთა სკამებს შორისაც კი იყო გაწევ-გამოწევა...</p><p><img src="pictures/artimages/image16/be05b85830d14492b4113b8f7e9f5dbe.jpg" border="0" alt="Sportall.Ge" title="სიონი-ჩიხურა 1:0 - ფრთხილად, სკამი მოფრინავს!" width="180" style="border: 0px none; float: left; margin: 5px;" />ორი განსხვავებული ტაიმი ვიხილეთ. პირველი 45 წუთი "ჩიხურას" უპირატესობით წარიმართა. შესვენების შემდეგ კი "სიონმა" გამოიდო თავი.</p><p><strong>დავით ოდიკაძის</strong> შორეული, ხვეული დარტყმა ისე წავიდა, რომ ბურთმა ძელს ჩაუხახუნა. შემდეგ <strong>ნიკა კვასხვაძემ</strong> სცადა ბედი. <strong>მირზა მერლანმა</strong> ნახტომში თითები წაატანა ბურთს, რომელიც შემდეგ ძელმა აისხლიტა.</p><p>"სიონი" არც პირველ ტაიმში იყო გულხელდაკრეფილი, თუმცა ბოლნისელთა შეტევებს ძალა და სიმწვავე აკლდათ. ხშირი იყო აპელირება მსაჯებზე და კოკაიასაც მე-40 წუთზე ესროლეს სკამი იმ ტრიბუნიდან, სადაც "სიონის" ფანები იყვნენ.</p><p>"სიონს" ტრავმების გამო ხუთი ფეხბურთელი აკლდა: <strong>მინდია ბობღიაშვილი, სერგი ორბელაძე, გიორგი ჩივაძე, ირაკლი კლიმიაშვილი</strong> და <strong>ლადო ახალაია</strong>. ბოლნისელებს განაკუთრებით კლიმიაშვილისა და ახალაიას არყოფნა ეტყობოდათ. მათ რომ ეთამაშათ, "სიონს" გაცილებით უკეთესი შანსი ექნებოდა ფინალში გასასვლელად - ეს აშკარად იგრძნობოდა.</p><p>მეორე ტაიმი "სიონის" იერიშებით დაიწყო. "ჩიხურა" მხნედ ვერ გამოიყურებოდა, მეტოქის ნახევარზე გადასვლით თავს დიდად არ იწუხებდა, მეტწილად საკუთარი კარის უსაფრთხოებაზე ზრუნავდა.</p><p><strong>გიორგი ცხადაიამ</strong> გადმოვარდნილ ბურთს ისე დაჰკრა ფეხი, რომ მიზანს ააცილა. <strong>ზაალ ელიავას</strong> ჩაწოდებულ კუთხურს <strong>დავით სვანიძემ</strong> მიაყოლა არაზუსტი თავური - ბოლნისელები იშტაზე მოვიდნენ.</p><p>გამუდმებულმა შეტევებმა შედეგიც მოიტანა, "ჩიხურას" კარისკენ ჯარიმა დაინიშნა. ელიავას დარტყმის შემდეგ ბურთი ხელზე კვასხვაძეს მოხვდა და არბიტრმაც 11-მეტრიანი დანიშნა - <strong>კოკა მიკუჩაძემ</strong> ყველაფერი უზადოდ შეასრულა და 1:0.</p><p>მოედანზეც და ტრიბუნაზეც სიტუაცია დაიძაბა. "სიონის" ქომაგებს მუხტი მოემატათ. ბოლნისელი ფეხბურთელებიც მეტი შემართებით ათამაშდნენ, სტუმართა გუნდს კი თითქოს დაღლა დაეტყო.</p><p>"სიონმა" ორი საგოლე მომენტი გაფლანგა - ელიავამ ფლანგური ჯარიმა შორეულ ძელთან ჩააწოდა და <strong>დაჩი ფოფხაძემ</strong> თავით ახლოდან ააცილა. შემდეგ <strong>ვილი ისიანი</strong> გაიჭრა დასარტყმელ პოზიციაზე და <strong>გიორგი სომხიშვილმა</strong> სასწაული ბურთი მოიგერია - ძალიან ბევრს ნიშნავს, როცა გუნდში სომხიშვილის დარი მეკარე გყავს...</p><p>მსაჯების მიმართ უკმაყოფილება კი შეხვედრის დასრულების შემდეგაც გაგრძელდა. სამწუხაროა, რომ მსაჯობა ისევ ძალიან საჭირბოროტო თემად რჩება...</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/thasi/48711-chikhura-sioni-20-moakhloebuli-finali-video.html" target="_blank">ჩიხურა-სიონი 2:0 - მოახლოებული ფინალი [VIDEO]</a></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა