<p><span style="line-height: 1.3em;" />ჩოგბურთი. მადრიდის მასტერსი <br> </span>მადრიდის მასტერსის ფინალში, მოლოდინისამებრ, "გრუნტის მეფე" <strong>რაფაელ ნადალი </strong>გავიდა, მეტოქედ კი მას შვეიცარიელი <strong>სტანისლას ვავრინკა</strong> ერგო, რომელიც კარიერაში მეორედ თამაშობდა ასეთი დონის ტურნირის ფინალში (პირველად - 2008 წელს რომში).</p><p>გადამწყვეტ მატჩში ფავორიტი, რა თქმა უნდა, რაფა ნადალი იყო, მაგრამ არ უნდა დაგვევიწყებინა ისიც, რომ ვავრინკამ მთელი კვირის განმავლობაში შესანიშნავი ჩოგბურთი ითამაშა და ძლიერი მოწინააღმდეგეები გამოთიშა ბრძოლას: <strong>ბერდიხი, ცონგა</strong> და <strong>ჯოკოვიჩის </strong>მძლეველი <strong>დიმიტროვი</strong>, მაგრამ ფინალურ მატჩში შვეიცარიელმა დაკარგა ის საუკეთესო, რაც ბოლო ერთი კვირის განმავლობაში აჩვენა.</p><p>პირველივე გეიმში ნადალმა დაანახვა მეტოქეს, რომ მისგან არანაირი დათმობა არ იქნებოდა. ვავრინკა მეტოქის მხრიდან უძლიერესი ზეწოლის ქვეშ მოექცა, "ნაკლებზე" ხუთჯერ გადაარჩინა თავისი გეიმი, მაგრამ მეექვსე ცდაზე რაფამ მაინც შეასრულა ბრეიკი.</p><p>ნადალი თავის გეიმებს ძალიან იოლად იღებდა და მთელმა ფინალმა ისე ჩაიარა, რომ შვეიცარიელს არც ერთი ბრეიკ-პოინტი არ ჰქონია. ამასობაში ესპანელმა კიდევ ერთი ბრეიკი გააკეთა და ეს დიდი უპირატესობა სეტის ბოლომდე შეინარჩუნა.</p><p>ვავრინკამ იოლად დანებება არ მოისურვა და მეორე სეტში გააუმჯობესა თამაში. მან საკუთარ მოწოდებაზე პირველი სამი გეიმი ძალიან დამაჯერებლად აიღო, თუმცა მიღებაზე შანსი ისევ არ ჰქონდა. რაფაელმა პირველი ბრეიკ-პოინტი მეშვიდე გეიმში მიიღო და აქ მას მეტოქე დაეხმარა, რომელმაც მნიშვნელოვან მომენტში ორმაგი შეცდომა დაუშვა.</p><p>ნადალს აღარ გასჭირვებია მატჩის (საათი და 11 წუთი გაგრძელდა) გამარჯვებამდე მიყვანა და ვავრინკასთან ურთიერთშეხვედრათა ანგარიში 9:0 გახადა. რაფამ კარიერაში 55-ე ტიტული მოიგო და გარდა ამისა, 23-ედ გახდა მასტერსის სერიის ტურნირის გამარჯვებული.</p><p>დიდ ჩოგბურთში დაბრუნების შემდეგ ესპანელმა შვიდი ტურნირი ითამაშა და შვიდივეში ფინალამდე მიაღწია და აქედან მხოლოდ ორჯერ წააგო - ვინია დელ მარიში (<strong>ორასაიო სებალიოსთან</strong>) და მონტე კარლოში (<strong>ნოვაკ ჯოკოვიჩთან</strong>). ახლა საინტერესოა, როგორ ითამაშებს ნადალი ორკვირიან როლან გაროსზე, სადაც ხუთსეტიანი მატჩები ტარდება. თუმცა მანამდე ესპანელს რომის მასტერსი ელის.</p><p><strong>1/2-ფინალი</p><p></strong>რაფაელ ნადალი (ესპ, 5)-პაბლო ანდუხარი (ესპ) 6:0, 6:4; სტანისლას ვავრინკა (შვეიც, 15)-ტომაშ ბერდიხი (ჩეხ, 6) 6:3, 4:6, 6:4.</p><p><strong>ფინალი</p><p></strong>რაფაელ ნადალი (ესპ, 5)-სტანისლას ვავრინკა (შვეიც, 15) 6:2, 6:4.</p><p><strong>ნადალის ტიტულები (55)</p><p></strong>2013 - მადრიდი, ბარსელონა, ინდიან უელსი, აკაპულკო, სან პაულუ;</p><p>2012 - როლან გაროსი, რომი, ბარსელონა, მონტე კარლო;</p><p>2011 - როლან გაროსი, ბარსელონა, მონტე კარლო;</p><p>2010 - ტოკიო, აშშ-ის ღია, უიმბლდონი, როლან გაროსი, მადრიდი, რომი, მონტე კარლო;</p><p>2009 - რომი, ბარსელონა, მონტე კარლო, ინდიან უელსი, ავსტრალიის ღია;</p><p>2008 - ოლიმპიადა, ტორონტო, უიმბლდონი, ლონდონი, როლან გაროსი, ჰამბურგი, ბარსელონა, მონტე კარლო;</p><p>2007 - როლან გაროსი; შტუტგარტი, რომი, ბარსელონა, მონტე კარლო, ინდიან უელსი;</p><p>2006 - როლან გაროსი, რომი, ბარსელონა, მონტე კარლო, დუბაი;</p><p>2005 - მადრიდი, პეკინი, მონრეალი, შტუტგარტი, ბაშტადი, როლან გაროსი, რომი, ბარსელონა, მონტე კარლო, აკაპულკო, კოშტა დუ საუპე;</p><p>2004 - სოპოტი.</p><p><strong>მასტერსის გამარჯვებულები</p><p></strong>1. რაფაელ ნადალი – 23</p><p>2. როჯერ ფედერერი – 21</p><p>3. ანდრე აგასი – 17</p><p>4. ნოვაკ ჯოკოვიჩი – 13</p><p>5. პიტ სამპრასი – 11.</p><p>6. ენდი მარეი – 9</p><p>7. ტომას მუსტერი – 8</p><p>8. მაიკლ ჩანგი – 7</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/chogburthi/49400-serena-uiliamsis-06-da-rafa-nadalis-problemebi.html" target="_blank">სერენა უილიამსის 0:6 და რაფა ნადალის პრობლემები</a></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა