<p><span style="line-height: 1.3em;" />"პინგვინებმა" შინ მეორე მატჩიც მოუგეს "სენატორებს" <br> </span>აღმოსავლეთის პირველი გუნდი ჯერჯერობით ინარჩუნებს საკუთარი მოედნის უპირატესობას "ოტავასთან" სერიაში. "პინგვინებმა" შინ მეორე მატჩიც მოუგეს "სენატორებს", ამჯერად ბრწყინვალე<strong> სიდნი კროსბის </strong>ფანტასტიკური თამაშის წყალობით.</p><p>კანადური ჰოკეის მთავარმა ვარსკვლავმა ამ მატჩში ჰეთ-თრიკი შეასრულა. გარდა ამისა, მან 100 ქულამდე აიყვანა პლეი ოფში თავისი მონაგარი. ის მეხუთე მოთამაშეა ლიგის ისტორიაში, ვისაც ამ ზღვარის მისაღწევად 75 მატჩის ჩატარება დასჭირდა. კროსბიზე უფრო სწრაფად პლეი ოფში 100 ქულა დააგროვეს: <strong>უეინ გრეტცკიმ</strong> (46 მატჩი), <strong>მარიო ლემიემ</strong> (50), <strong>იარი კურიმ</strong> (67) და <strong>მაიკ ბოსიმ</strong> (74).</p><p>"პიტსბურგი" სრულ უპირატესობას ფლობდა ამ მატჩში, რაც დარტყმების რაოდენობაშიც გამოიხატა - 42:22 მასპინძლების სასარგებლოდ. ახლა სერია ოტავაში გადაინაცვლებს და "სენატორები" ეცდებიან მდგომარეობის გამოსწორებას, თუმცა ისიც უნდა აღვნიშნოთ, რომ "ოტავას" 0:2-ის შემდეგ სერია არ მოუგია.</p><p>* * *</p><p>უფრო რთულად აქვს საქმე დასავლეთის პირველ გუნდს "ჩიკაგოს", რომელსაც, როგორც ჩანს, რთული სერია ელის "დეტროიტის" წინააღმდეგ. ამ უკანასკნელმა უკვე გამოთიშა ბრძოლას დასავლეთის მეორე გუნდი "ანაჰაიმი", ახლა კი საკუთარი მოედნის უპირატესობა მოიპოვა.</p><p>სტუმრებმა, პირველ რიგში, დაცვაში კარგი თამაშით მიაღწიეს წარმატებას, მხოლოდ 20-ჯერ დაარტყმევინეს მეტოქეს კარში, საკუთარი შანსები კი კარგად გამოიყენეს და 4:1 მოიგეს.</p><p>* * *</p><p>"ლოს ანჯელესისა" და "სან ხოსეს" სერიაში ჯერჯერობით მხოლოდ მასპინძლები იმარჯვებენ. "კინგზმა" საკუთარ არენაზე ორი მატჩი მოიგო, ახლა კი "სან ხოსემ" შინ შეძლო სერიაში ანგარიშის შემცირება.</p><p>კალიფორნიელები 19 მაისის შეხვედრას ექვსმატჩიანი მოგებათა სერიით შეხვდნენ და ამჯერადაც შეეძლოთ წარმატების მიღწევა, მაგრამ ოვერტაიმში არ გაუმართლათ - დამატებითი დროის მეორე წუთზე <strong>ლოგან კუტურმა</strong> გამოიყენა რიცხობრივი უპირატესობა. ეს სავსებით ლოგიკური იყო, რადგან ოვერტაიმის სტარტზე "ზვიგენებს" ორი კაცით მეტი ჰყავდა მოედანზე და "კინგზის" მეკარე <strong>ჯონათან კუიკმა</strong> ვეღარ გაძლო; არადა, მანამდე 38 დარტყმა მოიგერია.</p><p>სხვათა შორის, გამარჯვების გოლის ავტორმა კუტურმა ნახევარი მატჩი გამოტოვა ტრავმის გამო, მაგრამ მეორე პერიოდის ბოლოს დაბრუნდა მოედანზე და საბოლოოდ, სერიას ინტრიგა დაუბრუნა.</p><p><strong><em>პიტსბურგი-ოტავა 4:3</p><p></em></strong>2:1, 2:1, 0:1</p><p>გოლები: 1:0 კროსბი-4 (პ. მარტინი-6, ნისკანენი-2), 1:1 ტარისი-4 (ალფრედსონი-5, გონჩარი-5), 2:1 კროსბი-5 (კუნიტცი-5, ლეტანგი-6), 3:1 კროსბი-6 (ლეტანგი-7, მალკინი-11), 3:2 გრინინგი-2 (ზ. სმიტი-1, კ. ნილი-3), 4:2 მოროუ-1 (ჯ. ნილი-2, პ. მარტინი-7), 4:3 პაგო-4 (ლატენდრესი-1, კონდრა-5).</p><p>სერია: 2-0</p><p><strong><em>ჩიკაგო-დეტროიტი 1:4</p><p></em></strong>1:0, 0:2, 0:2</p><p>გოლები: 1:0 პ. კეინი-1 (ჰანზუში-3, შარპი-4), 1:1 ბრუნერი-4 (კინდლი-3, ჟ. ანდერსონი-3), 1:2 ბ. სმიტი-2 (ზეტერბერგი-6, ქლირი-4), 1:3 ფრანცენი-4 (ჯ. ერიქსონი-3, კრონვალი-2), 1:4 ფილპულა-2 (ზეტერბერგი-7).</p><p>სერია: 1-1</p><p><strong><em>სან ხოსე-ლოს ანჯელესი 2:1 (ო)</p><p></em></strong>1:1, 0:0, 0:0, 1:0</p><p>გოლები: 1:0 დ. ბოილი-2 (მარლო-2, პაველსკი-5), 1:1 ტოფოლი-1, 2:1 კუტური-4 (მარლო-3, ჯ. ტორნტონი-7).</p><p>სერია: 1-2</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/zamthris-sakheobebi/yinulis-hokei/49689-nhl-plei-ofi-patara-sastsauli-kaliforniashi.html" target="_blank">NHL. პლეი ოფი: პატარა სასწაული კალიფორნიაში</a></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა