<p>ევროპის თასების წლევანდელ გათამაშებაში ქართველ მორაგბეთა გუნდებმა წარმატებით იასპარეზეს <br> ევროპის თასების წლევანდელ გათამაშებაში ქართველ მორაგბეთა გუნდებმა წარმატებით იასპარეზეს.</p><p>ყველაზე პრესტიჟული, "ჰაინეკენის თასის" გათამაშების ფინალში ორმა "ქართულმა გუნდმა" ითამაშა.</p><p>"ტულონისა" და "კლერმონის" დაპირისპირება მინიმალური სხვაობით, 16:15 დასრულდა და "ჰაინეკენის თასი" ტულონელთა საკუთრება გახდა.</p><p><strong>დავით ქუბრიაშვილის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" "ჰაინეკენის თასის" გათამაშებაში წლეულს შესანიშნავად იასპარეზა.</p><p>კლუბის მულტიმილიონერმა პრეზიდენტმა მურად ბურჯელალმა სეზონის დაწყების წინ დაიქადნა, ყველა ტიტული უნდა მოვიგოთო.</p><p>ცხადია, საფრანგეთის ჩემპიონობას და "ჰაინეკენის თასის" გათამაშებას გულისხმობდა. დანაპირების ნახევარი შესრულებულია.</p><p>თამაში დუბლინის "ავივა სთედიუმზე" დაძაბულად დაიწყო. გუნდები ზედმეტ რისკს ერიდებოდნენ და დაცვაში გაასკეცებული ყურადღებით ირჯებოდნენ.</p><p>პირველი ტაიმი სწორედ ამიტომ დასრულდა უჩვეულო ანგარიშით - 3:3. <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონი" მცირე სათამაშო უპირატესობას კი ფლობდა, მაგრამ მისი ანგარიშში ასახვა ვერ მოახერხა.</p><p>ცხრა ნომერ მორგან პარას საჯარიმოს ტულონელთა ინგლისელმა მგეზავმა ჯონი ვილკინსონმა არეკნით უპასუხა.</p><p>შესვენების შემდეგ "ვულკანები" საგრძნობლად გააქტიურდნენ და საწყის რვა წუთში ორი ლელოს გატანა შეძლეს. თითო ლელო ნაპოლიონი ნალაგამ და ბრუკ ჯეიმზმა მიითვალეს. პარამ მხოლოდ ერთი გარდასახა, რაზეც ვილკინსონმა ამჯერად საჯარიმოთი გასცა პასუხი - 15:6.</p><p>ეს ანგარიში მე-60 წუთამდე შენარჩუნდა. ვილკინსონმა ისევ საჯარიმო გაიტანა და ანგარიშში სხვაობა ექვს ქულამდე შეამცირა. ხუთ წუთში კი "ტულონის" ფულბეკმა დელონ არმითიჯმა, როგორც მოგვიანებით გაირკვა, გამარჯვების მომტანი ლელო გაიტანა, ვილკინსონმა გარდასახა - 16:15.</p><p>მატჩის დასრულებამდე 15 წუთი იყო დარჩენილი. ეს აბსოლუტურად საკმარისი დროა საიმისოდ, რათა ერთქულიანი ჩამორჩენა აღმოფხვრა და თამაში გადაარჩინო, მაგრამ ტულონელთა სასახელოდ უნდა ითქვას, რომ თითქმის უშეცდომოდ ითამაშეს და "ჰაინეკენის თასი" დამსახურებულად ირგუნეს.</p><p>უცნაურია, მაგრამ მატჩის შემდეგ ჯონი ვილკინსონმა "ჰაინეკენის თასზე" გამარჯვება 2003 წელს მსოფლიოს თასის მოპოვებას ამჯობინა.</p><p>ეს გამარჯვება ჩემთვის უფრო მნიშვნელოვანი იყოო - თქვა მან. აღსანიშნავია, რომ ის 2013 წლის ევროპის საუკეთესო მორაგბედ დაასახელეს.</p><p>ამ ტიტულის ნომინანტებს შორის საქართველოს ნაკრების მესამეხაზელი <strong>მამუკა გორგოძეც</strong> იყო, თუმცა მისი "მონპელიე" გათამაშებას მეოთხედფინალიდან გამოეთიშა.</p><p>ფინალურ მატჩში <strong>დავით ზირაქაშვილი</strong> "კლერმონის" ძირითად შემადგენლობაში იყო და 73-ე წუთზე შეცვალეს, <strong>დავით ქუბრიაშვილი</strong> კი ტულონელთა რიგებში 76-ე წუთიდან გამოჩნდა; მიქაუტაძე, ჩილაჩავა და კოლელიშვილი განაცხადში არ იყვნენ.</p><p>"ემლინ ჩელენჯ კაპი" წლეულს ბინას ირლანდიაში დაიდებს. ფინალურ მატჩში ირლანდიურმა "ლენსტერმა" <strong>ზურაბ ჟვანიას</strong> "სტად ფრანსეს" იოლად მოუგო - 34:13. შერკინების ქართველ ბურჯს არ უთამაშია.</p><p><span style="color: #ff0000;"><strong></p><p>ჰაინეკენის თასი</strong></span></p><p><strong>ფინალი</p><p></strong>ტულონი-კლერმონი 16:15</p><p><span style="color: #ff0000;"><strong>ემლინ ჩელენჯ კაპი</p><p></strong></span><strong>ფინალი</p><p></strong>ლენსტერი-სტად ფრანსე 34:13</p><p>საფრანგეთის სარაგბო ჩემპიონატის ელიტურ, პირველ დივიზიონში თამაშის უფლება <strong>დავით ხინჩაგიშვილის</strong>, <strong>ირაკლი ნატრიაშვილისა</strong> და <strong>გოდერძი შველიძის</strong> "ბრივმა" მოიპოვა.</p><p>ჩვენებურთა ამ გუნდმა მეორე დივიზიონის გათამაშების ფინალში <strong>მამუკა მაგრაქველიძის</strong> "პო" დაამარცხა - 30:10.</p><p>ბრიველებმა მატჩის პირველ ნახევარში საგრძნობი სათამაშო უპირატესობა მოიპოვეს და შეხვედრის ბედიც, ფაქტობრივად, მაშინ გადაწყდა.</p><p>"ბრივმა" მეტოქეს ორი გარდასახული ლელო და ერთი საჯარიმო გაუტანა, რაზეც "პომ" მხოლოდ ერთი საჯარიმოთი უპასუხა - 17:3.</p><p>"შესვენების შემდეგ "პო" საგრძნობლად გააქტიურდა, მაგრამ 14-ქულიანი ჩამორჩენის აღმოფხვრა <strong>მაგრაქველიძის</strong> თანაგუნდელებისთვის შეუსრულებელი მისია აღმოჩნდა. შველიძე ძირითად შემადგენლობაში იყო და 54-ე წუთზე შეცვალეს, <strong>ნატრიაშვილი</strong> თამაშში 63-ე წუთიდან ჩაერთო, <strong>ხინჩაგიშვილი</strong> და <strong>მაგრაქველიძე</strong> განაცხადში არ იყვნენ.</p><p>შეგახსენებთ, რომ <strong>ხინჩაგიშვილი</strong> მომავალი სეზონიდან პარიზული "მეტრო რასინგის" ღირსებას დაიცავს. მის ადგილს კი შერკინების ბურჯი კარლენ ასეიშვილი დაიკავებს, რომელიც წლეულს "ორიაკში" თამაშობდა.</p><p><span style="color: #ff0000;"><strong>II დივიზიონი</p><p></strong></span><strong>ფინალი</p><p></strong>ბრივი-პო 30:10</p><p><strong>ყოველდღიური სპორტული გაზეთი "ლელო"</strong></p>
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო