<p><p />არსენ ვენგერს თავს ბერტ ვან მარვიიკი და დიკ ადვოკაატი დაესხნენ <br> არსენ ვენგერს ჰოლენდიელი მწვრთნელები ბერტ ვან მარვიიკი და დიკ ადვოკაატი დაესხნენ თავს. ვან მარვიიკმა ფრანგ კოლეგას შეუბღვირა, ნაკრებში ვის გამოვიძახებ და ვის არა, ჩემი საქმეა, შენ ჩემს სასელექციო საქმიანობაში ნუ ერევიო. მოგეხსენებათ, ვან მარვიიკი ჰოლანდიის ნაკრების თავკაცია, ადვოკაატი კი რუსეთის ეროვნულ გუნდს ხელმძღვანელობს. ადვიკაატმა "არსენალის" ბოსს მუდამ მობუზღუნე უწოდა.</p><p>კონფლიქტის არსი, ვფიქრობთ, ყველასათვის ნათელია. საქმე გვაქვს კლუბისა და ნაკრების დაპირისპირების ტიპურ შემთხვევასთან. ვან მარვიიკმა, რომლის "ორანიესაც" 17 ნოემბერს თურქეთის გუნდთან აქვს სათამაშო, 24 კაციან სიაში "არსენალის" ფორვარდი რობინ ვან პერსიც ჩაწერა, რამაც ვენგერი გააბრაზა. ვან პერსი ხომ ორ თვეზე მეტი ხანს ტრავმას მკურნალობდა. მას აგვისტოს მერე ფეხბურთი არ უთამაშია და მეტიც, გუნდთან ერთად ვარჯიშს მხოლოდ ამ დღეებში განაახლებს, ასეთ დროს კი ფეხბურთელის ნაკრებში გამოძახება ფრანგს გაუმართლებელ და მისი ჯანმრთელობისთვის სახიფათო საქმედ ეჩვენა.</p><p>გუშინ ჩვენ "არსენალის" თავკაცის კომენტარები გაგაცანით, დღეს კი შეგვიძლია მოგახსენოთ რა უპასუხეს ჰოლანდიელებმა:</p><p>"ვენგერის ნალაპარაკები აბსოლუტურად არაფერს ნიშნავს. მე პირადად რობინს ველაპარაკე და ვიცი, რომ მისი საქმეები ძალიან კარგად მიდის. ის უკვე გუნდთან ერთად იწყებს ვარჯიშს, ასე რომ მე ერთი წუთით არ მეპარება ეჭვი ჩემი ნაბიჯის სისწორეში. ვან პერსის გამოძახება თავისუფლად შეიძლება".</p><p>როდესაც ჰკითხეს ვენგერთან დალაპარაკებას თუ აპირებს, ვან მარვიიკმა უპასუხა: "ანუ თქვენ გაინტერესებთ ჰოლანდიის ნაკრებისა და "არსენალის" ექიმები თუ დაუკავშირდნენ ერთმანეთს? არ ვიცი და არც მაინტერესებს. მთავარია, რომ მე პირადად რობინს ველაპარაკე, ვიცი მისი პოზიცია, ის ნაკრებში გამოძახებულია და ახლა მისგანვე ველოდები შემდეგ კომენტარებს".</p><p>როგორც მოგახსენეთ, ვენგერის წინააღმდეგ რუსეთის ნაკრების თავკაცმა დიკ ადვოკაატმაც გაილაშქრა. საქმე კვლავ კლუბისა და ნაკრების კონფლიქტს ეხება. ამ შემთხვევაში დავის ობიექტი ანდრეი არშავინი გახლავთ, რომელმაც ჩემპიონთა ლიგის შეხვედრა დონეცკის "შახტარსა" და "არსენალს" შორის ავადმყოფობის გამო გამოსტოვა, ადვოკაატს კი ბელგიასთან სათამაშოდ ეროვნულ გუნდში ჰყავს გამოძახებული. როდესაც მას ჰკითხეს ვენგერის რეაქცია ხომ არ აღელვებდა, ჰოლანდიელმა სპეციალისტმა უპასუხა:</p><p>"ვენგერი სულ რაღაცის გამო ბუზღუნებს. მას უნდა ინგლისის ჩემპიონი გახდეს, რაც გასაგებია, მაგრამ, მე მინდა ჩემი გუნდი ევრო 2012-ის ფინალურ ეტაპზე გავიდეს. ვფიქრობ, ჩვენ მოვალენი ვართ ერთმანეთის ინტერესებს პატივი ვცეთ".</p><p><strong>ყოველდღიური სპორტული გაზეთი</p><p>"ლელო"</strong></p></p>
"ნოტინგემში" სექტემბერში დანიშნული პოსტეკოღლუ შესაძლოა, დაითხოვონ
ჩაკვეტაძის "უოტფორდს" ახალი მწვრთნელი ჰყავს
კონტრაქტი იგივე რჩება, ხელფასი მნიშვნელოვნად გაიზრდება - რაიამ საწადელს მიაღწია
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
კანტე ევროპაში ბრუნდება? - ფრანგს სერიოზული მსურველი ჰყავს