- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თავისუფლებმა ჩემპიონატის თარიღი შეცვალეს
<p>ნაკრების ძველ ლიდერებს მრისხანე კონკურენტები წამოეზარდნენ და ამ ჩემპიონატზე დიდი ბრძოლებია მოსალოდნელი</p><p><br> საქართველოს ჭიდაობის ფედერაციამ გონივრული გადაწყვეტილება მიიღო და თავისუფალ ჭიდაობაში საქართველოს ჩემპიონატი 25-26 ნოემბერს გადმოიტანა. მართალია, ესეც სამუშაო დღეებია და ქომაგისთვის ბოლომდე მოსახერხებელი არაა, მაგრამ თავდაპირველ თარიღს - 26-27 დეკემბერს ნამდვილად ჯობია. იმ დროს წინასაახალწლო სამზადისია და ჭიდაობისთვის არავის ეცლება.</p><p>ბერძენ-რომაელთა ანალოგიური პირველობა ისევ დათქმულ დროს - 22-23 დეკემბერს ჩატარდება, მაგრამ ეს კიდევ მისაღები თარიღია. ბერძენ-რომაელები იქამდე ერთ უცხოურ ტურნირშიც მოასწრებენ გამოსვლას - სწორედ ”თავისუფალთა” შინაური პირველობის პარალელურად მინსკში კარავაევის სახელობის საერთაშორისო ტურნირში გამოვლენ, ”თავისუფლები” კი წლეულს უცხოეთში ჭიდაობას არ გეგმავენ. მათ უკვე იჭიდავეს ხასავიურტში საკონტინენტთაშორისო თასზე და ერევანში სერჟ სარგსიანის სახელობის საერთაშორისო ტურნირზე, ნოემბერში კი განჯაში აპირებდნენ წასვლას, მაგრამ მასპინძლებს არ მიუწვევიათ და საქართველოს ჩემპიონატის გადმოტანამ ეს გეგმა ისედაც შეიწირა - ეს ორი შეჯიბრება ერთმანეთს ემთხვევა.</p><p>მოჭიდავეთა საქართველოს ჩემპიონატებს ორივე სახეობაში დიღომში მდებარე მოჭიდავეთა ყოფილი ბაზა, აწ უკვე შოთა ჩოჩიშვილის სახელობის ძიუდოს აკადემია უმასპინძლებს. წლეულს ევროპის პირველობა შედარებით ადრე იმართება. წინა წლებში კონტინენტის პირველობა ყოველთვის აპრილში ტარდებოდა ხოლმე, ამჯერად კი 29 მარტს იწყება გერმანულ დორტმუნდში და 4 აპრილს მთავრდება. ქვეყნის ჩემპიონატის ასე ადრე გამართვაც ამიტომ დადგა დღის წესრიგში, თორემ ადრე მუდამ იანვარში ტარდებოდა. საქართველოს პირველობა მთავარი შესარჩევი შეჯიბრებაა ევროპისთვის - აქ იკვეთება ის ძირითადი ბირთვი, რომელიც კონტინენტის ჩემპიონატისთვის უნდა მოემზადოს. მეტიც - აქამდე ”თავისუფალთა” ნაკრებში საქართველოს ჩემპიონობა ავტომატურად იძლეოდა საევროპო საგზურსაც. სავარაუდოდ, ამჯერად ასე არარ იქნება, რადგან მსგავსი მიდგომა სპორტის მმართველ წრეებში გაუმართლებლად მიიჩნიეს. მართალია, ზემდგომთ ნაკრების საქმიანობაში ჩარევის უფლება არ აქვთ, მაგრამ, ვეჭვობთ, იმავე მოსაზრებამდე ფედერაციის ხელმძღვანელობაც მივა - ამას მათი გამკაცრებული ტონი გვაფიქრებინებს. ეტყობა, ბევრი რამ მათაც გადააფასეს, თან, უწინარესად, წესრიგის და დისციპლინის განმტკიცება მოინდომეს. სავარაუდოდ, ეს ძველებურ მიდგომებსაც შეცვლის.</p><p>აქვე კიდევ ერთხელ შეგახსენებთ ”თავისუფალთა” ნაკრების თავკაც ზაზა თურმანიძის პოზიციას - ვისაც ევროპის ჩემპიონატზე მოხვედრა სურს, საქართველოს ჩემპიონატში აუცილებლად იჭიდავებს, წინააღდეგ შემთხვევაში კი მომავალი წლის პირველობამდე მოუწევს მოცდაო. ცხადია, თუ ვინმეს ტრავმა ექნება, ექიმის ცნობის საფუძველზე გაათავისუფლებენ, მაგრამ საეჭვოა, ზემოხსენებულ ზემდგომთა მკაცრი მოთხოვნების კვალად, ამჯერად ვინმეს მაქინაციების და ჩემპიონატიდან თავის არიდების საშუალება მისცენ. დაგვეთანხმებით, ასეთი სიმკაცრე საჭიროცაა, თორემ პროცესების თვითდინებაზე, უფრო სწორად - მოჭიდავეთა ნება-სურვილზე მიშვებამ რაც მოგვიტანა, კარგად დავინახეთ. სწორედ ამის შედეგია ეს ორწლიანი წარუმატებლობა, როცა ოქროს მედალს ვერც ევროპის პირველობებზე ვეღირსეთ და ვერც - მსოფლიოზე.</p><p>მოკლედ, წინასწარი მონაცემებით, ჩემპიონატი ძალზე ძლიერი უნდა გამოვიდეს და ყველა წამყვანმა ფალავანმა იჭიდაოს. არადა, სპორტსმენები კი გვყავს მსოფლიოს დონისა და მათი საქმეში ხილვა ადგილობრივი ქომაგისთვის მართლაც დიდი სიამოვნება იქნება, თორემ აქამდე ამის საშუალება არც ისე ხშირად ჰქონდათ. ასევე წინასწარი მონაცემებით, ყველაზე დაძაბული სანახაობა მაინც მძიმე წონაში გველოდება, სადაც ერთად უნდა იჭიდაონ ევროპის ექსჩემპიონმა დავით მოძმანაშვილმა; ჯერ ისევ ახალგაზრდული ნაკრების წევრმა, თუმცა უკვე უფროსებში მსოფლიოს ბრინჯაოს პრიზიორმა ლევან ბერიანიძემ; ახალგაზრდებში ევროპის ჩემპიონმა, მსოფლიოს ვერცხლისა და ბრინჯაოს პრიზიორმა გიორგი საკანდელიძემ; ახალგაზრდებში ევროპის ჩემპიონმა გიორგი ნიკურაძემ; აგრეთვე ქვედა წონიდან ამონაცვლებულებმა - ლევან სეთურიძემ და ლაზარე მარსაგიშვილმა. ნაკრებში შედარებით სტაჟიან, მაგრამ მაინც ახალი თაობის მოძმანაშვილს თუ არ ჩავთვლით, ამ წონაში სულ ახალგაზრდობა მოვიდა, ამბიციური, უფრო პერსპექტიული და უფრო ტიტულოვანიც, რაც სამომავლოდ შედეგების გაზრდის წინაპირობაა. ასეთი მძაფრი კონკურენციაც ძალიან კარგია.</p><p>რაკი სიტყვა ახალგაზრდებზე ჩამოვარდა, გეტყვით, რომ ჩემპიონატში ამ ასაკობრივი ნაკრების ყველა წევრი გამოვა. არადა, ახალგაზრდულმა ნაკრებმა წლეულს ძალზე წარმატებით იჭიდავა ევროპისა და მსოფლიოს პირველობებზე. თანაც - უმეტეს წონებში. თავად განსაჯეთ - 50-ში ლაშა ტალახაძე ევროპის ბრინჯაოსანი და მსოფლიოს ვიცე-ჩემპიონი გახდა (ის საქართველოს ჩემპიონატში 55-ში გამოვა), 55-ში ვლადიმერ ხინჩეგაშვილმა ევროპაზე ვერცხლი, მსოფლიოზე კი ოქრო მოიპოვა, 60-ში თენგიზ ჩოჩიშვილი ევროპაზე მეორე იყო, მსოფლიოზე - მესამე, 74-ში დავით ხუციშვილმა დუბლი გააკეთა - ორივე ტურნირზე ჩემპიონი გახდა, საკანდელიძემ კი ევროპაზე გაიმარჯვა და მსოფლიოზე ბრინჯაო მოიპოვა. ამ ნაკრებს ჩავარდნა მხოლოდ სამ - 66, 84 და 96 წონებში ჰქონდა, თუმცა ამათგანაც 84-ში დავით მარსაგიშვილის ნიჭსა და შესაძლებლობებს არავინ აკნინებს და არც ეჭვქვეშ აყენებს. მან ძალიან ძლიერად იჭიდავა ვახტანგ ბალავაძის სახელობის ”ოქროს დიდ პრიზზე”, სადაც მხოლოდ ფინალი დათმო ძლიერ უკრაინელთან, ევროპის ჩემპიონთან, ოლიმპიადისა და მსოფლიოს ბრინჯაოს პრიზიორ ტარას დანკოსთან. სამწუხაროდ, ამის შემდეგ მარსაგიშვილს ჩავარდნა დაეწყო. რატომ და რა მიზეზით, ცოტა ძნელი სათქმელია, მაგრამ ვიმედოვნებთ, უკვე დასძლია კრიზისი და საქართველოს ჩემპიონატზე თავისას იტყვის.</p><p>ერთი სიტყვით, ნაკრების ძველ ლიდერებს მრისხანე კონკურენტები წამოეზარდნენ და ამ ჩემპიონატზე დიდი ბრძოლებია მოსალოდნელი. თან ახალგაზრდულში თავგამოჩენილი ყველა ფალავანი იჭიდავებს. როცა ასეთი რეზერვი გეზრდება, სავსებით ბუნებრივად უნდა იფიქრო პროგრესზე, მაგრამ მთავარია, შეცდომები აღარ გავიმეოროთ, ახალგაზრდები მკაცრ რეჟიმში მოვაქციოთ და წარმატებებიც მოვა.</p><p>ბოლოს, ისევ ჩემპიონატის სამუშაო დღეებში გამართვას დავუბრუნდეთ. ჟურნალისტებს ხშირად გვაბრალებენ ჩასაფრებას, თუმცა ფაქტია - ქომაგის ინტერესიდან გამომდინარე ვამბობთ. ძიუდოისტებმაც ხუთშაბათ-პარასკევს დაგეგმეს თავიანთი პირველობა, ახლა ”თავისუფლებმაც” იმავე დღეებს დაამთხვიეს და ბერძენ-რომაელებიც ოთხშაბათ-ხუთშაბათს ატარებენ! ჟურნალისტებისთვის ეს კარგიცაა - შაბათი ძირითადად დასვენების დღეა, მაგრამ ქომაგი? დავიჯეროთ, კალენდარში თავისუფალი უქმეების მოძებნა ასე ძნელი იყო, ან, ნუთუ ყველა სპორტული დარბაზი ასე დაკავებულია უქმე დღეებში? ტურნირი ხომ უმთავრესად ქომაგისთვის ტარდება.</p><p><strong>ყოველდღიური სპორტული გაზეთი</p><p>"ლელო"</strong></p>
U23. მსოფლიოს ჩემპიონატზე სულეიმანიშვილმა ვერცხლის მედალი მოიპოვა
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს
ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ
ონანას არ დაუძახეს - ის აფრიკის თასზე კამერუნის ნაკრებში არ იქნება
ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს