<p>2-7 ივლისს მაკედონიის დედაქალაქი სკოპიე ევროპის ჩემპიონატს უმასპინძლებს ახალგაზრდა მოჭიდავეთა შორის <br> 2-7 ივლისს მაკედონიის დედაქალაქი სკოპიე ევროპის ჩემპიონატს უმასპინძლებს ახალგაზრდა მოჭიდავეთა შორის. ამ პრესტიჟული ტურნირისთვის ჩვენი გუნდები ბორჯომში გადიან დასკვნით შეკრებას, მანამდე კი ბაკურიანში ივარჯიშეს.</p><p>პარალელურად, ძალები საერთაშორისო შეჯიბრებებშიც მოსინჯეს, სადაც მწვრთნელებს კიდევ ერთხელ მიეცათ შანსი, საქმეში ენახათ ყველა კონკურენტი, თუმცა ამან არსებითი სურათი არ შეცვალა და ორივე თავკაცი მთლიანად საქართველოს ჩემპიონებს დაეყრდნო.</p><p>ტურნირში თავდაპირველად ბერძენ-რომაელები ჩაებმებიან და სკოპიეშიც პირველად ისინი გაფრინდებიან - 30 ივნისს, გამთენიისას. ნაკრების მთავარ მწვრთნელ <strong>ზაზა სილაგაძეს</strong> იქ <strong>ირაკლი შავაძე</strong> (50), <strong>ედნარ შავაძე</strong> (55), <strong>ხვიჩა ჭითავა</strong> (60), <strong>ფირუზ წულუკიძე</strong> (66), <strong>ლაშა გობაძე</strong> (74), <strong>რობერტ ქობლიაშვილი</strong> (84),<strong> კუკური კირცხალია</strong> (96) და <strong>იაკობ ქაჯაია</strong> (120) მიჰყავს.</p><p>როგორც გითხარით, ამ შვიდეულმა გაიმარჯვა საქართველოს ახალგაზრდულ ჩემპიონატში, თუმცა მოგვიანებით ედნარ შავაძემ და ქობლიაშვილმა უფროსებშიც იჩემპიონეს.</p><p>"თავისუფალთა" ნაკრების თავკაცმა <strong>გიორგი გოგშელიძემ</strong> გუნდში <strong>ნიკა ტატუაშვილი</strong> (50), <strong>ბექა ბუჯიაშვილი</strong> (55), <strong>შოთა ფარტენაძე </strong>(60), <strong>დავით ბუზიაშვილი</strong> (66), <strong>ლაშა გიგაშვილი</strong> (74), <strong>ლევან გოგრიჭიანი</strong> (84), <strong>როლანდ ანდრიაძე</strong> (96) და <strong>გენო პეტრიაშვილი</strong> (120) შეიყვანა.</p><p>ნუ გვიწყენენ სხვები - საბედნიეროდ, პერსპექტიული და თავიანთ ასაკში წარმატებული მოჭიდავეები აქაც ბლომად არიან, მაგრამ ამ გუნდში გენო პეტრიაშვილი, უდავოდ, გამორჩეულია - ახალგაზრდა ტალანტი შინ თუ გარეთ, ახალგაზრდებში თუ უფროსებში ყოველთვის იგებს.</p><p>ევროპის შარშანდელ ახალგაზრდულ პირველობაზე ბერძენ-რომაელებმა სამი მედალი მოიპოვეს - 1 ვერცხლი და 2 ბრინჯაო. მაშინ კონტინენტის ვიცე-ჩემპიონი <strong>ლევან არაბული</strong> (120) გახდა, რომელმაც უკვე დაასრულა გამოსვლა ამ ნაკრებში; მესამეზე კი ქობლიაშვილი და ქაჯაია გავიდნენ, რომელიც იმხანად 96-ში ასპარეზობდა.</p><p>"თავისუფლებს" ბევრად მწირი მონაგარი ჰქონდათ - აწ უკვე უფროსებში გადაბარგებულ <strong>ჯუმბერ ყველაშვილის</strong> (74) ბრინჯაოსღა დასჯერდნენ.</p><p>სკოპიეში პირველი საჭიდაო დღე 2 ივლისია, როცა ბერძენ-რომაელთაგან 50, 60, 74 და 96-ის ფალავნები იჭიდავებენ, დანარჩენი ოთხეული კი 3-ში იასპარეზებს. 4-5 ივლისს გოგოები იასპარეზებენ, მაგრამ იქ მონაწილე არ გვეყოლება, 6-7-ში კი ლეიბზე "თავისუფლები" გავლენ ზუსტად იმავე თანმიმდევრობით, როგორითაც - ბერძენ-რომაელები.</p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა